المساعد الشخصي الرقمي

مشاهدة النسخة كاملة : قهوة بالمارس


البــنــدري
12-10-2002, 22:03
المقادير (لكل كوب )

1 ملعقه صغيرة نسكافيه..
2 ملعقه صغيره كوفي ميت...
مارس
رشة قرفه..
ماء مغلي مقدار كوب(لكل شخص)

الطريقه

1- تقطع المارس الى 2 قطع..توضع قطعه مقسمه جزئين في الكوب(يعني تصير قطعتين بالكوب)
2- توضع النسكافه والكوفي ميت والقرفه وقطعه واحده من المارس(وحده من القطعتين ) في اناء وتصب فوقها الماء المغلي.. وتحرك على النار الى ان يذوب المارس..
3- ثم يصب في الأكواب فوق المارس..


قهوة رهييييبة ...;)


تحياتي
عبدالله المهيني
12-10-2002, 22:53
مارس مارس اللي نعرفه ماغيره

معقولة الكلام هذا

والله اول مره اسمع قهوة بالمارس

دنيا العجائب
فيصل اللويش
12-10-2002, 23:10
الغاليه

البندري


وربي لو يشوفك ابوي تقولين قهوه بالمارس


الا يذبحك:D :D


عقب أشقر الفنجال والبن والهيل 000 جانا الكبتشينو وقهوه بكاكاو:D :D

لوهو سمعها والدي ويلنا ويــــــل 000 خلا المضايف كومةٍ ونتمركاو:D :D
رنا 21
12-10-2002, 23:24
افــــــــــــا عليكم مستغربين القهوه باالمارس ...؟؟؟؟؟


أختى البندرى .....

يم يم يم شى يشهى .....:)

بس الى مايشرب القهوه :( وش يسووووووى

تحياتى لكِ

أختك ....RaNa
NaJeM@7AiL
13-10-2002, 03:15
شكرا لك اختي البندري على هذه المشاركة.
بس راي انه يوجد مسحوق الشوكولاته يؤدي نفس الغرض ان لم اكن مخطىء .
تقبلي تحياتي أخيكي :- نجم حائل
البــنــدري
13-10-2002, 07:32
اخوي المهيني..ايه مارس مارس اللي ناكله اللي ماغيره:)

ان كنت تحب القهوة الفرنسية بالكاكاو فراح يطلع معاك نفس الطعم ..

تراها روعة ..جربها ولن تندم:):)

تحياتي
البــنــدري
13-10-2002, 07:35
ياهلا عملاااقنا ..

لاتكفى لايشوفني عمي ...تراك بتاخذ ذنبي :):):)

وتراها هذي قهوة هالايام ..ماهي الشقراء الاصيلة :)


تحياتي:)
البــنــدري
13-10-2002, 07:38
ياهلا وغلا رنا


نورتيني بتواجدك


..مومشكلة عزيزتي اكلي المارس وبسسسس:D

تحياتي
البــنــدري
13-10-2002, 07:50
ياهلا والله اخوي نجم حائل ..

معاك حق يمكن مسحوق الكاكاو يؤدي نفس الغرض ..بس بالمارس الذ واحلىىىى :):)
انت جرب وماراح تخسر ..مايبلها شي والله ..

تحياتي
مرفأ
13-10-2002, 12:26
هلا البندرى

غريبة شوية القهوة هذه ... بس حجربها بالقهوة العربية لانى ما بشرب قهوة
البــنــدري
13-10-2002, 16:44
ياهلا وغلا عزيزتي

صحيح يمكن هي غريبة شوي بس راح تعطيج نفس طعم القهوة الفرنسية اذا كنتي شاربتها من قبل ..

وعموما مايجتاج قهوة عربيه كل المطلوب نسكافيه وكوفي ميت مع شويه دارسين مطحون"قرفه"

اذا المطلوب عندج من كوفي والاازم منه سويها ..لكن على قهوة عربيه:(مااظن بتضبط معاج..

لو انج قريبه عندي كان سويتها وذوقتها لج ..

وتسلمين على مرورج الي اسعدني

تحياتي
abuturky
19-10-2002, 01:45
نسيتي لا تضيفين مع المقادير نص ملعقه صغيره عنزروت لآنه طارد للبرد وتخبرين الشتاء مقبل.

تحياتي أخوك:أبوتركي
هند
19-10-2002, 02:32
والله انت يالبندري عجيبه.. تطلعين بافكار رهيبه

كني قلت شعر ولا يتهيألي ؟ |5|

<<<< تفكر تحطه في مضيف الشعر الشعبي |17| |17|

عموما الله يعطيج الف عافيه ..

وننتظر منج المزيد من الابداعات ..

على فكره خلاص اعتبريني تلميذتج .. والله يعينج علي في رمضان
:) :) :)

هنـــــــد