المساعد الشخصي الرقمي

مشاهدة النسخة كاملة : اجا و سلمى


المخاوي
10-10-2002, 23:51
السلام عليكم ورحمة الله وبركاته

مساكم الله بالخير الجميع

عندي مشاركه ارجو ان تنال اعجابكم هذي قصيده لواحد من الربع ينقاله ابن جميعان الاسلمي الشمري وسمعتها منه البارح في مناسبة وحبيت اني اوردها في هالضيف وعساها تنال اعجابكم





يالله ياللي ماغيرك رجا= اني برجاك ماتخيب لي رجاوي
عشقتي سلمى وانا صرت اجا = لولا حايل ماصار الكل شقاوي
لو تكلم اجا لسلمى وحجا = رددت كل حيانها بالنخاوي
النفود والجاعد لسماح درجا = جن حيا لو مايبن البلاوي
كلفن اعيرف بوضع محرجا = صاح لركان يردد بالعزاوي
لعل رمان يسمعهم بليل دجا = رد رمان اتركوا كل الدعاوي
اجا لو بغاكم مامنكم واحد نجا = ومن قديم نعرفه لسلمى هواوي
لو بينهم للمواصل رجا = قبل تدرون تقدموا بالخطاوي
ولاكل من صد عن حبيبه سجا = ومايهقي الهقوات الا قوي الهقاوي

[/poet]
عبدالله المهيني
11-10-2002, 03:27
اولاً صح لسان الشاعر

ثانياً سلمت أخوي على هالنقلة

ثالثاً والأهم أعتقد أن المكان المناسب لهذه القصيدة هو مضيف القصيد المنقول وليس هنا .... أحببت التنبيه وليس اكثر

ولك مني التحية والإحترام
المخاوي
11-10-2002, 13:05
شكرا لك يااخي المهيني
تم نقلها
الاصمعي
14-10-2002, 22:04
اخي المخاوي صح لسانك ولسان الشاعر وشكراً لك على نقل هالقصيده الجميله

المملوؤه بالمعالم الجغرافيه من مدينة الكرم والتاريخ والجمال والفروسيه (حائل).

شكراً لك مره اخرى ولاتحرمنا من مشاركاتك المميزه

تحياتي
اليم
14-10-2002, 23:47
تسلم يابعدي على هالنقله الحلوه;)

ومن طول الغيبات جاب الغنايم

صح لسان قايله وسلمت يديك يالغالي


ولا تحرمنا من تواجدك.......شفقان على شوفتك:D
الداعيه / براك الفريسي الجربا
15-10-2002, 00:27
يا عل الله يسلمك
ويجزاك خير


مشاركة غاية في الجمال



تسلم ولا تحرمنا من المشاركات القادمة



وتسلك



وتم تثبيتها



ولك التحية


وياهلا
المخاوي
16-10-2002, 05:43
اخي الاصمعي
صح بدنك ولقد اسعدني مرورك ولاهنت يااخي
المخاوي
16-10-2002, 05:50
اخي اليم
ومن قال سالم وصح بدنك وانا بعد ميت على شوفتك
واسعدني مرورك
المخاوي
16-10-2002, 05:57
اخي براك الفريسي
ياهلا فيك وعسا ربي يخليك لعين ترجيك

الله يسلمك وتسلم على التثبيت ولاهنت ياخوي