المزون الغاديات

[رشيد]

.
.
.

يالله يا قاضي طلب كل محتاج
بيبان جودك للعباد مهجوجة

يا رافع سقف السما خالق ابراج
كونك فسيح وواسعات فجوجه

افرج لمن همه غزى قلبه افواج
ولغير وجهك يا لولي لا تحوجه

ماكنه الا غارق وسط الأمواج
تقاذفه جوف البحر كل موجة

في داخله من خافي الهم لجلاج
همي خفي وموقدات اسروجه

هم يبوج القلب ومسبب احراج
متى على الله من ضميري خروجه

تقول من دونه خفارة ومزلاج
من بين مبري الحنايا ولوجه

ويالله بنوٍ باول الوسم لعاج
كالشمس توصيف البروق اللعوجة

فيه الهوا ساكر به الوبل ثجاج
در المزون الغاديات الزعوجة

ويطيب للي يهتوي البر منهاج
وطاح الربيع اللي تغريف مروجه

وجرد الفيافي ترتدي ثوب ديباج
الوان عشب زاهياتٍ بهوجة

ونصد عن جو المدينة والازعاج
في خايعٍ ما فيه حي يدوجه

والله على اللي يضحك بسن وحجاج
خوي درب وساميات هروجه

يفداه من عند المواجيب هلباج
وسوالفه وسط المجالس لجوجة

.
.
-
#شعر
باني بن عبدالله البقمي


.