ما ترد السلام وما تداني هلا

[عمر عبدالمحسن]

يا عرب سم قلبي شوف بعض الرموز
وحده الشمس..واخرى..ما بعدهـا حـلا

ما تحـوز الدعـاوي والوهـم مـا يحـوز
كـل مضمـون بـيّـن .. وشـهـدوه الـمـلا

حنضـل النبـت مـرٍ .. كيـف ينقـال لــوز
الـعـذارى خـزايـز .. مـــا الاخـيــر اولا

هونـن وارجهنّـن (للكـدش) مــا نـعـوز
وارضـن اللـي عطاكـن واحــدٍ واعـتـلا

(بيلسانه)(ووردة)وفي عقوبه حزوز !!
(وعذبة الـروح) ويلـي يـا عظيـم البـلا

عذبـة الـروح هرجـه بالقبَـال مـخـروز
وان تمـثـنـاه زيـــنٍ بـالـحـشـى تــنــزلا

جــادلٍ مــا تـراعــي للسـفـيـه الـنــزوز
مــا تــرد الـســلام ومـــا تـدانــي هـــلا

(النعـم) فـي نسبـهـا بالطـويـل مـغـزوز
وان غشـاهـا غــرامٍ إستحت،وانجـلـى

آه واا شيـب قلـبـي يــا وزيــن الكـنـوز
مــن يــدل المعـنّـى .. مــن يـحـل الـبـلا

عمر بن عبدالمحسن ..

[سالم الظفيري]

صح لسانك وعلى لاهنت قصيدة رائعة

لك تحياتي

[الاصمعي]

ههههههههههههه أجل الشمس وما بعدها حلا وبيلسانة ولو فتشت عقوبهن الا كلها حزوز

أعجبني جداً ما ترد السلام وما تداني هلا <<الحياء أجمل ما تجملت به الفتاة

أبيات حلوة وطريفة

صح لسانك ملايين على هالأبيات الجميلة والمميزة صياغة وفكرة

تحياتي

[شموخ]

آه واا شيـب قلـبـي يــا وزيــن الكـنـوز
مــن يــدل المعـنّـى .. مــن يـحـل الـبـلا


ابيات جميله

صح لسانك اخوي


تحياتي
ام ولايف