أبشر بقلبٍ جديدٍ توّه مغسّل .. في ليفةٍ عن غرامك، دوّر بداله

[الساطع]

ممّا أعجبنــــــي ..


لاعاد نرسل؟ تراها جتك: ما نرسل!.ياما عطيتك قبل، تاقف على رسالة؟
أبشر بقلبٍ جديـــدٍ تــــوّه مغسـّـــــل .. في ليفةٍ عن غرامك! دوّر بــدالــــه
ماهو مثل سابقــه، حطّـيـت به سلسل .. هذاك مبطي حذفته داخل زبالــــــة
القلب الاوّل نصحته: "كـافي توسّل"! .. ما طاعني خافقي، يرضيه منزالـــه
مهـما تجمّل مع النسوان، متفــسّـــل .. ذي كايناتٍ على الاقراب محتالــــة
ماله مداوي، لأن مكروبهن كـ السل .. أفتك من سلاح هتلر عنك لا مالــــة
تقبل عليهن نشيــــطٍ، مانت بمكسّل .. عاد الزمن يختلف! تقفي بنقالــــــــة
تعيش معك الهوى، و في غفلةٍ تنسل .. والمشكلة في تنبّي وقت مسلالــــــه
مثل المنافق على التسبيح لا استبسل .. لا شاف له هيئةٍ والعضو راعى لــه
ولا راح عنهم، أجلّ اعماله: معسّـل .. تهتال ماتدري كيف يبرمج أعمالـــه
يدري بوقــته، متى يستقبــل و يرسل .. ويازن حسب غايته لاقفاه واقبالــــه
مستخدم الواتس، باقه، أو على ديسل .. ومن أجل شخصٍ معيّن غيّر الحالة
أحلها قولته: "لاعـــاد لــي ترســل" .. كبّرتها معذرة، والا هي رسالــــــــة