المساعد الشخصي الرقمي

مشاهدة النسخة كاملة : تمامــــاً مثــــــل هالصــــــــوره *******


محمد الشهري
07-10-2002, 15:20
إلى جميع مشرفي واعضاء وقراء المضايف .. اقدم لكم هذه الهدية المتواضعة وآملا ان تجد طريقها إلى قلوبكم .. والمعذرة على التقصيـــــــر .......


مهما كانت صورة حبيبتي وعلى اي وضع فلا املك الا ان اقـــــول:



تماماً ... مثل هالصوره ...
عنيدة .. طيّبة .. عذبـــــة ..
ملامح وجـــه محصوره ..
ما بين الصدق والكذبــــة ..

أحبك .. مثل ما أنتي ...
لآنك .. أكبر أعجوبة لعشّـــاقك ..
تجين أحيان مغترّة ...
تجين أحيان بأخلاقـــك ...

غريب أمرك وتفكيرك ..
إذا صنتك .. تجافيني ..
وإذا خنتك مع غيــرك ..
تحبيني ...
أنا محتار .. ما أدري أخونك ....
أو تجافيني ..

عجزت أدرك ألاعيبك .. عجــزت أتعلّم إسلوبــك
أنا إحــــدى أكـــاذيبك .. أو إني بصدق محبوبك

يغيب البدر كم ليله .. وعادي ما انطفى نــورك
لآنك شمس هالدنيا .. ونــور الكون بحضـورك

أنا مقصّـر ... إذا قلّلت مــن حقك .. وقلت: إنتي مجرّد نـــور
وانا معذور.. لا بالغت في وصفـك.. وقلت: إنتي بنيّة حـــــور
أنا معذور..
لآني بفطرتي عاشق ... ومن صغري وأنا صادق ..
تعلّمت أعشقك وأهواك من صغري ..
دريت إن الهوى يغري ولا يـــغري ..

تعلّمت .. إنك جروحي ... وانا والله مجـــــنونك
وإذا لاجلك فأنا روحي ... تروح لخاطر عـيونك

يا أغرب كلما فيني ..
غرامي .....وعشقي لجرحك ..
وانا محتـــار في هالجـــرح ...
أببكي منه .....أو أضـحك ..

يا أعذب كلما فيك ..
إبتسامة ثغرك المملوح ..
يا أكذب كلما فيك ..
الدموع....
........... وقلبك المجروح ..
أنا لك قلب ...
..........وأنا لك عيـن ...
....................... وأنا لك روح .....



ولكم مني اصدق التحايا .....


محمـــــد الشهــــــري

alshehri_m@hotmail.com
فلاح السعد
07-10-2002, 15:41
وهذا محمد الشهري

كتب في صاحبه مقطع

او اعني هو كتب فيها

كتب فيها جميل الحان

وصور صاحبه فيها

ولكن وش كتب فيها

ولكن وش تواصيفه

وكيف انه قد ينقش

وصوفه في كلامِ زين

وهل هو كوّن الصوره؟؟؟

وبروازه ومطلوبه!!!!!

او انه تاه في خلقه

وضاعت فيها اعلومه

وقال الله يازينه

وهل هذي فقط انثى

مثل كل اللي في كوني

او انه بس يرسمها

مجرد اي من جنسه

وهذا في عيونه بس

ويكفي مارسم والله

ابد والله ابد والله

على رغم الذي فيها

من الصوره من البرواز

وعلى كل الجمال اللي

طغى في حسنها الجذاب

محمد شاعر وفنان

وذكي ماتته هذي

كتب كل الصور فيها

ورسم اجمل صور هالكون

وهذا يعني مافاته

تكون اجمل تكون اجمل

ومهما به جمال وحسن

يكون الشاعر البارع

محمد كمله بالزين

محمد صاحب المعروف

وهو من صور صوره

وهو من حطها شيخه

وحنا نشكرك والله

وتسلم والله يالشهري



ولك ا لف شكر على هالمشاركه


ولك التحيه مني
ابو غازي
07-10-2002, 16:10
أخوي محمد ألشهري

ألسلأم عليكم

تعلمت إنك جروحي

واناوالله مجنونك

وإذا لأجلك فأنا روحي

تروح لخاطر عيونك

ســــــــــــــــــلمت عيونك

وأياديك يامحمد

رائعه وألله

إلى المزيد إن شاءألله

تحياتي لك


أخوك

أبوغازي |510|
مندوب بني وائل
07-10-2002, 16:15
صوره جميلة ... وكثر ماهي جميلة غريبة ...!

ويسلم لي هالقلم الرائع ...

تقبل تحياتي ...

أخـــــــــــــــوك
الوايلي
فهد المويهي
07-10-2002, 20:46
اخي محمد الشهري .......

والله العظيم اني استمتعت بقراءت خاطرتك الاكثر من رائعه

صدقني لا استطيع ان اقول لك شي

واستبيحك عذرا .. ان تسمح لي بالصمت امام خاطرتك

اقصد امام رائعتك

اخوك

فهد المويهي
الماس
07-10-2002, 21:42
أخي محمد......

تبي الحقيقه ...والله ودي أمتدح خاطرتك الرائعه

لكني لا أجيد رصف كلمات الثناء ...كل ما أستطيع

قوله....أنت صاحب قلم مبدع....فلك خالص تقديري


أختك سندريلا:) :)
NaJeM@7AiL
07-10-2002, 22:00
مشاركة رائعة بانتظار المزيد من مشاركاتك
لك تحياتي وتقديري :-
نجــ حائل ـــــم
NaJeM|15|7AiL
عبدالله الجعيثن
08-10-2002, 10:40
محمد الشهري

صح لسانك. وكلام كبير لايكتبه الا الكبار.

وبعيدا عن القصيده مانسمحلك حنا ياأهل النبطي انك تروح عند هل الخواطر ويلحسون مخك عقب تهدنا.

وما اقول هالكلام من فراغ فانااعرف فلاح السعد جيدا عنده ن الكلام الحلو والمنمغ والمشكنم. اللي يخلي الحجر يغدي قطن. ( عزيزاي محمد وفلاح...امزح).

تحياتي

واعجابي

اخوك: الغازي
البــنــدري
08-10-2002, 22:19
رائع رائع رائع

قمة بالروعة ..

سلمت يداك على ماخطت من ابداع ..

تقبل تحياتي
ســاير الرماحي
08-10-2002, 22:22
محمد الشهري


ابحرنا معك في جو من الابداع



شكرا لما سطرت


وشكرا لشخصك الكريم



تحياتي
محمد الشهري
09-10-2002, 17:50
الشاعر/ فلاح السعد


مساك الله بالخير ...


الله يعطيك العافية......



مرورك وتعليقك الكريم الطويل ... احرجتني فيه كثير ...


عسى ان اكون عند حسن الظن .....



اخوك/ محمد الشهري
سالم
10-10-2002, 22:41
الأخ / محمد الشهري ,,,,,


بعد التحيه ,,,


كل الكلام الزين قالوه الزملاء اللي قبلي ...



الله يسلمك ... ويعطيك العافيه على الصوره الأحـــلى مــــن حلوه ...





سجل أعجابي بها .....

تقبل تحياتي /


ســـــــــــالـــــــــم الــــشــــــــــــمـــــــــــــري


الــــــــــدمـــــــــــــــــــام


للتواصل / a3terflek_m@hotmail.com
محمد الشهري
13-10-2002, 14:10
الشاعر/ ابو غازي


الله يعطيك العافية ....



وتسلم على مرورك بالقصيده وهذا شرف لي ....




اتمنى ان اكون عند حسن الظن .......



لك تحياتي .....




محمد الشهري
محمد الشهري
16-10-2002, 11:05
اخوي/ مندوب بني وائل .....



يسعد لي مساك والله يعطيك العافية ....




شكرا على مرورك وتعليقك الكريم اخوي ....



عسى ان اكون عند حسن الظن ....
محمد الشهري
21-10-2002, 00:02
الشاعر/ فهد المويهي ....


مساك الله بالخير .....



الله يعطيك العافية ...وتسلم على مرورك العذب ....


اسعدني اطراءك وعساك سالم ان شاء الله ....


لك تحياتي وتقديري ....
احمد الخالدي
21-10-2002, 12:25
عذب انت يامحمد...

ورائع بكل ماتسطره

لك تحياتي