الياس حاكم بارض الاحلام سواح

[عمر عبدالمحسن]

أنا الزمان اللــــــــي تلاشت معانيه
وانا الحزين اللي لبس ثوب الافـراح

وقت الرجى قفّى والاحــــلام تتليه
والياس حــاكم بارض الاحلام سواح

والقلب خايف وش بالاقـــــدار ياتيه
والعمر دمعة والشقى حال وسلاح

ياويل شخــــــصٍ غبن الايام طاويه
والشــــــــــور حيلة والنبا عنْه نزّاح

هو فيه ذاتٍ غـــــــــاديٍ عنْه راعيه
وهو فيه شــــوفٍ ينكر البرق لا لاح

الشوق غــرسٍ قطر الاوهام ساقيه
والهم ودٍ في حشـــــى الروح ذباح

عمر بن عبدالمحسن

[عبدالله الجعيثن]

هو فيه ذاتٍ غـــــــــاديٍ عنْه راعيه
وهو فيه شــــوفٍ ينكر البرق لا لاح



روعه



وصح لسااانك عمر

[راعي الوقيد]

صح لسانك اخي عمر
قصيدة رائعة وجزلة يالغلا
لاهنت يالعزوة