ياليل ياليل [الأرشيف]

السالمي

07-10-2002, 00:10

ياطالب الموال خذ جاك موال =موال ماحطوه نغمه لجوال
والفال فال الله ياطيب الفال =طول علينا الليل ياليل ياليل

اقوله نيابه عن عموم القحاطين =سلامي على حايل ومن هو سكنها
لهم صيت ذايع في جميع الميادين =وصل شامها وايضا يوصل عدنها

فلاح السعد

07-10-2002, 10:36

تسلم يمين اللي عن الطيب مامال

ويامرحبابك عد ماطاح همـــــال

ياابن العمومه ياهلا عد ماسال

شعيب عيوج وطول الليل ياليل

السالمي

انا مالي بالشغله قصدي بالقلطه والمحاوره بس حبيت ارحب بك

والربع بهم خير وبركه

هاه تروا مالي شغل لاتوهقوني :)

لك الف تحيه

والف هلابك

الاصمعي

07-10-2002, 11:04

حياك الله يالسالمي واستلم

يالي بدعت القاف خذ رد قافك=من شخص لاشفته ولا بعد شافك
ومضيف شمر يازميلي مضافك=طول علينا الليل ياليل ياليل

يامرحبا بك الف يا مرحبا الفين=حياك ربي والذي انت منها
رجال الضفر ياويل من تطلبه دين=اصل العرب من نجدها لا يمنها

ســاير الرماحي

07-10-2002, 11:17

ماشاء الله عليكم . .

ما اسرعكم بالردود . . سبقتونا

تحياتي لكم . .السالمي . . فلاح السعد . . الاصمعي . . .

تقبلوا اعجابي. .

فلاح السعد

07-10-2002, 12:35

سلمت ياالسالمي

والله لايهينك ياالاصمعي

ومشكور ياساير بس لاتحطن بحلوقهم :)

و

و

عاشوا النشامى

<الفال>

08-10-2002, 00:05

يا هلا ويا غلا بأخوي السالمي

فرصة سعيده والله

والظاهر الأبيات موجه لي

بس ما عليه يشرفني وجودك وجود أخواني ساير والأصمعي والقديمي وكل الموجودين

سم أخوي وإستلم

ياراعي الموال هيهات هيهات
ياليت قافك إبتدى بالتحيات
ما تنفع الحسفه إذا فات ما فات
طول علينا الليل يا ليل يا ليل

عن بني وايل نيابه وأزود براهين = بالكرم ياصاحبي حاتم اللي فتنها
صيتهم يالسالمي مثل صيت السلاطين = والعلوم الطيبة ماسكين رسنها

width = 300 height = 250

السالمي

13-10-2002, 01:12

الاصمعي والفال ناوين نيه
من شافهم تطري عليه المنيه
والرابح اللي ياكل الكبد نيه
طول علينا الليل ياليل ياليل

يدوم البقا وانتو على الراس والعين
معرفة رجال الطيب مارخص ثمنها

هذا الاصمعي شاري بطاقه بميتين
يكلم بها وليا فضت ما شحنها

الاخوان
فلاح السعد
ساير الرماحي
الفال
الاصمعي

الف شكر على المشاركة وتواجدكم يزيدنا شرف
وحياكم الله

الاصمعي

13-10-2002, 21:39

حياك الله يالسالمي.......واستلم

[/poet]

الحمد لله يوم عودت لَينا=من بعد ماطول غيابك علينا
لو كان عن قافك ابد ماسلينا=طول علينا الليل ياليل ياليل

الا ياصحيبي عجل الرد ذالحين=ولا عاد تبطي ثم يبرد شجنها

انا مشترك ب(فري) والحال حالٍ زين=وحتى ولو به دفع ماسلت عنها

السالمي

16-10-2002, 16:28

ياالاصمعي هاضك صفير البلابل
ثم جيت حايل عقب كبيت بابل
وان قاله الله غير اوديك كابل
طول علينا الليل ماطولك يالليل

تذرا ليا هبت رياح الخماسين
وخذ لك منايح واصتبح من لبنها

تقوله ونا خابرك من دين في دين
ونا اللي كليت قريصها مع سمنها

الاصمعي

16-10-2002, 22:14

ياليت لو تسرع بالرد وانا اخوك .............

لايزعلون الجماهير

السالمي عندي يبسّط سوالف=ويهدد بكابل وحزب التحالف
وانا عدو إلهم ولاني موالف=طول علينا الليل ياليل ياليل

أنا حر ما دجّن وسط خن تدجين=إفي راس عيطا سالمٍ من شطنها

الي خلط حبحر مع تراب وطحين=يبا ياكله غصبٍ بعد ما عجنها

السالمي

18-10-2002, 12:43

من قال لك يالطيب اني معاهم
ان كان ذا فكرك تراك انت واهم
انا ما ابيع الدين لجل الدراهم
طول علينا الليل ياليل ياليل

وش تقول دام الرمش ضافي على العين
ودام البواخر ماتعبر سفنها

تضيع الرسايل دام مابه عناوين
واذا كبرت الديره وكثرت مدنها

الاخ الاصمعي
ارجوا المعذره على التاخير فمشاغلي الكثيره حول دون المتابعة المستمره
وتقبل تحياتي

والسلام

فواز الشبيكان

18-10-2002, 13:25

الشعراء /السالمي/ وألأصمعي
اللـــــــــــــــــــــــــه يعطيكم العافيه أمتعتونا والله سجلوا اعجابي

بشير اللويش

18-10-2002, 15:55

الف شكر للجميع

وبسراحه وربي محاوره جداً رائعه

استمتعنا بها

سجلوا اعجابي

واعذروني على التاخير في ذلك

تقبلوا تحيات اخوكم الصغير

الراسي

الاصمعي

18-10-2002, 22:02

[/]
اخواني القديمي وبشير مروركم ومتابعتكم شرف لنا
حياكم الله ولو كنا ماخذين راحتنا اول نحسب ماحد حولنا
لاكن هالحين لازم ننتبه.............................

السالمي حياك الله واستلم............................

لاتقرب الشبهه ولاقول مشبوه=وابعد عن التلميح ياهوه ياهوه
يسنافيٍ اهله على الطيب ربوه=طول علينا الليل ياليل ياليل

ترى الرافضه للحين تبكي على حسين=وهم الذي خانوه ربي لعنها
انا معزبك يالضيف واخوك بالدين=من دوحةٍ بالعز وارف غصنها

اخي السالمي مشكور واذا انت عندك شغل او لك طاري ثاني
فخذ راحتك ترى البساط احمدي ..............................

المخاوي

18-10-2002, 23:12

الاخوان السالمي و الاصمعي
الله يعطيكم الف عافيه بصراحه ابداع ونرجوا منكم الاستمرار ولاتاخرون علينا فنحن متشوقين لردودكم:o

ســاير الرماحي

19-10-2002, 07:59

......

اخواني الشـعــراء

الأصمعي والسـالمي

أمتعتونا والله

أستمروا فهناك من

يتابع ابداعكم

لاهنتو

تحــيــاتــي

السالمي

24-10-2002, 12:56

حي الردود اللي لها يطرب البال
من اللي لجل عين الخوي يرخص المال
وترى العلم يابن الاجاويد مامال
طول علينا الليل ياليل ياليل

ترى الرافضه ياصاحب العرف وصخين
ونا مالي بقوم تعظم وثنها

عسى الله يحفظ الاصمعي قولو اميين
وتسقي مزونه داره اللي سكنها

اشكر الاخوان على المرور والاطراء

الاصمعي

28-10-2002, 16:08

الاخوان المخاوي والرماحي مروركم اسعدني جدا
لكم كل الحب والتقدير...............

اخي السالمي استلم........

السالمي فكره لفكري قريب
ماهو يخالف صاحبه قرم طيب
مار البلا يحضر شوي ويغيب
طول علينا الليل ياليل ياليل

ترى ايمامهم داخل بسرداب من طين=غايب وقالوا رجعته ذا زمنها

شرَق وغرَب جب ورود ورياحين=وصل الفريضه ولا تناسى سننها

شرق وغرب حاولت اضع عليهم شده مار مادري وش طلعت
خويك بالتشكيل من جنبه: عذرا..........

السالمي

31-10-2002, 13:21

يالاصمعي انته من اي القبايل
سنعوسي ولا من عيال وايل
ولا وش انته ياعظيم الخصايل
طول علينا الليل .........

لفانا كريم به تصفد شياطين
ومن يبغي الجنه يقرب ثمنها

ترى ماتدوم الخوه الا على الدين
ودنياك يابن الناس ذا اخر زمنها

الاصمعي الاخوه المتابعين

اكرر اسفي على التاخير لكن هذا شيء خارج عن ارادتي
بسبب مشاغلي الكثيره

والسلام

الاصمعي

02-11-2002, 23:27

اخي السالمي استلم..............

قلت الك سابق اني من المعازيب
وش هذا يعني ياعريب المجاذيب
آنسـتنا وشرفتنا حيل يالذيب
طول علينا الليل ياليل ياليل

اقبل ويبغي له تِشمر ذراعين=و(أَلسن) لغير الحق واجب سجنها

آلآن نتوقف ونلقاك بعدين=يا شاعرٍ زين المعاني ضمنها

عزيزي السالمي شكراً لك لقداستمتعت باللعب معك ومثل
ما ذكرت اضلنا هذا الشهر الفضيل وهو شهر ذكر وعباده وفقني
الله واياك وجميع المسلمين على صيامه وقيامه على خير وجه
وان يتقبله منا ويجعلنا فيه من الفائزين.

ســاير الرماحي

03-11-2002, 12:51

اخواني الشعراء

الاصمعي والسالمي
السالمي والاصمعي

ماقصرتوا ابد والله يالاجواد

الله يكثر خيركم ويونسكم مثل ماونستونا

والله يجمعكم من جديد

اخوكم اللي متابعكم

الرماحي