وقفت على الهوز

[الاصمعي]

وقفت على الهوز



يامن عين الخزان

يامن عين الخزان الجديد الي مالو الا شهر بالخدمة:)

يامن شاف الدينمو شمسان <<مذكور بالخير يا عضوٍ معنا قبل اسمه شمسان:)J





يالربع سرقت سرقة خبلة عيت تخش مخي:za3lan:



هالحين خزان منا كبره يشال من وسط له حي ولا أحد يشوف هلي شالووه!!:a:



شايلينه مقصوفين الرقبة هو والدينمو ومخلين هوز الماء<<للذكرى :thumb:J



لا والمبنى مقابل مبنى الإستخبارات<<لا تدري عنهم ايران بس:7ayyoh:



والجار "مهو جار بالحيل" بس أقرب الي خالصةٍ بيوتهم لي جيت انشده قلت شف اغدي حدا العيال ولا أهل البيت سمعوا قرقعة تحميل الخزان ولا شافو سيارة تورد الشك ولا شي قال لا لا ماحد يشوف والناس نوما والسرقات واجد مار تسان هذا ترى عندي خزانين للبيع واحد جديد ما استعملته الا كم يوم وانزل لك على سعر السوق والثاني لا بالله نص عمر واراعيك به<<ول عسى مهي جيرة هل العفنان أنت وجيرتك مار بدل ما تضامن معي وتفزع تبي تستغل حاجتي يا .........:)J



لا والشرطه آه يالشرطه!!

اشتكيت عندهم وهم يحققون معي وش اسمك وعمرك ومتزوج ولك نية تعرس مرة ثانية أو انت من أنصار التوحد<<شكيت ان لعبدالرحمن يد بهالتحقيق!:)



وعقب هالحتسي وهو يقوم يسرد لي كثرة السرقات مدري يواسيني ولا يأيسني ، قلت طيب انتم حققوا واسئلوا بالحي خاصة والبنيان فيه كثير والعمال واجد قالوا يصير خبر بس رح انت ولا عليك!!:)



ويوم والثاني الا الربع ما عندهم طاري شر واروح وأدخل على مديرهم واشرح له الوضع ولاهو متحمس معي ، عاد أنا متحدي ودي أروح الأمارة أو المحكمة مندبلة تسبدي مار ويتحمس مع شرحي ضابط عند المدير (رائد) وياخذ المبادرة ويطلب الي أخذ البلاغ مني قال هالحين تطلع دورية وتعاين وتسئل وتحقق مع كل من له علاقة مهما كانت بعيده<<امتص حماسي المذهوب!!:)



ويطلعون ويسئلون عمالي وعمال بجنبي سؤالين أو ثلاث قالوا خلاص حنا نبي نتواصل معك بما يستجد<<مهو مستجد شي على ما أظن:(



عاد يوم قفت النجده واروح أزدخ لي خزان جديد كباير بالحيل بالحيل<<اغديهم ما يشيلونه:)



واجيك للدوام يمار الجو غيم ومنا زينه وهو يزين جوي واستحضر بنفسي ان ما عند ربي أبرك مما أرجي ومما أخطط ، وأنا اتهيض بهالبويتين أحاتسي هوز الماء الي خلوه لحيله بين هالخشب والصبيات بعد ما أخذوا الخزان والدينمو:)



يا هوز يا هوز وش بك ليه متطوّي**على الخشب والقواعد تقل ثعباني

ضامر وشاحب وهزل وعودك مذوّي**من بعد منته تشادي غصن ريّاني

شالوا مِنَكْ دينمو بحماه متلوّي**وشالوا مع الدينمو يالهوز خزانّي

حسبي على الي حديهم كنه البوّي**شلة فتى العشة وخزان الاحزاني

سمرمد بغير سلب ونهب ماتضوّي**لاهي رجاجيل وجه ولهي ورعاني

ولا عماله على ما تبغي تسوّي**مامن قوانين ولا يردعه سلطاني

الأمن ياللأسف من فترة مهوّي**فوضى تخيف البريء ويامن الجافي

يالهوز شوفك كذيه ينعفس جوّي**لو انهم سارقينك لاجل ما تعاني

وعن التانكي يعيض ربي بصادق النوّي**يسقى الشجر والحجر وتسيل ودياني

آامد هوزي بجنب الارض واروّي**كل الأراض البوار تصير غدراني



تحياتي

[سالم الظفيري]

العوض على الله يابو خالد

الخطاء عليك يابو خالد وانت ليه مخلي الخزان فاضي من الما


صح لسان على هالقصيدة


لك تحياتي

[شنقل]

انت صادز خزانك انسرق










يافلان وش تقول باللي سرقوا منه كيابل كهرب بقيمة 40 الف:106r:


<<< يصبخ راسه بالجدار



واللي قهرني كاتبين على الجدار
مع تحيات قرووب كوكا كولا





تعال خذ خزاني ماني مشطب البيت ابي ابيعه :wallah_hoo:

[سالم الظفيري]

نشقل وشي مواصفات خزانك







الظاهر الذئب بالجليب يابو خالد

[ابو فارس]

ابو خالد
اكيد هذولا من فيدين المياه
اللي يقطعون عليكم الماء..

اشك اشك فيهم


بعدين جارك اللي ورا بيتك ابو طلال
يقول مرة انقطع الماء عني
واشغل الدينمو وانتظر وانتظر
مافيه فايدة
واطلع فوق السطح يوم جيت الا الخزان ماخوذ
هذا وهو ساكن بالبيت

بالاخير حصل الخزان طايح وراء البيت من الهواء


حدد موقعك ونبحث معك

[صلفيق]

وعن التانكي يعيض ربي بصادق النوّي**يسقى الشجر والحجر وتسيل ودياني
آامد هوزي بجنب الارض واروّي**كل الأراض البوار تصير غدراني


اللهم آمين ،، يجيب الله خير ان شاءالله


الله يعوض عليك يابو خالد

ذكرتني ....
والله انهم سرقوا كيبل كهرباء من طبلون الدور الأرضي الى طبلون الدور الثاني هكالوقت قبل لايوصل التيار


ابو خالد..
سمعت لي خوش سرقة
واحد عنده غنم بالمزرعة، وفيه عامل. وهكالليلة دخلت دينّا وتغيّب العامل ـ وحملوا اللي تشيل السيارة من الغنم.
وهم طالعين .. نقز العامل بالسيارة، وتغيّب بوسط الغنم، وبجواله قعد يكلم كفيله [واللي بدوره كلّم الشرطة]،
والعامل يوجههم باتجاه السيارة وكل طريق ياخذونه لحد مامسكتهم الشرطة بكمين على الطريق.
>>>>>>>>>>>> بالله هالعامل مايستاهل ؟؟؟ <<<<<<<<<<<<



تحاياي،،،



!!!!!!!!!!!!!!!!!! الا شنقل منين طلع ؟؟ !!!!!!!!!!!!!!!!
حياك الله شنقل

[الشبث]

غدرااااني



صح لسااانوووه



والله يعوضك خير


احتسب يابو خالد





بس والله اني شرهت عليك يوم تقول انك رايحن للشرطه


بس تعبن عليك وهذي هي



لو انا منك قايلن لهم ارهابيين شالوه مني بتهديد السلاح وربطوني ولا شفت سيارتهم ولا شي


من بااااتسر وهم تالينهم لك :)





وتقلد تحيتي

[أبو فهد]

والله شرهتهم كبيرة


ماهم من فيدين دبة غاز و ريسيفر و هالشغلات الخفايف <<<<ولو إن دبة الغاز موب من الخفايف:) الأكيد راحوا الطيبين :)


خزان يا ساتر سترك


طيب دور يمين يسار مثل ما قال أبو فارس :)



و الله يعوض عليك




---------------
أبو فهد الهمزاني

[عبدالله الجعيثن]

اشوف ابو يوسف قبل كم يوم دق علي



يقول ابيك تصير موزع لي ببقيق ههههههههه يبي يتاجر بخزانات ماء مستعمله <<<فضحه :)

[الشبث]

^

حتى انا كلمن بس ما طرى علي هالشي


يعني قولك انوه زرف ابو خالد :)




وتقلد تحيتي

[الاصمعي]

العوض على الله يابو خالد

الخطاء عليك يابو خالد وانت ليه مخلي الخزان فاضي من الما


صح لسان على هالقصيدة


لك تحياتي
يا هلا ببو زياد

صح الله بدنك يالغالي

فضية الخزان تثير الأشجان لراعي البناء مار مهي باليد صرنا بهالخفجي تحت رحمة (مصلحةٍ ما) له سامع بهذا ولا نقدر نحتسي به :)

تسبق للجنة يالغالي

تحياتي

[الاصمعي]

انت صادز خزانك انسرق



يافلان وش تقول باللي سرقوا منه كيابل كهرب بقيمة 40 الف:106r:


<<< يصبخ راسه بالجدار



واللي قهرني كاتبين على الجدار
مع تحيات قرووب كوكا كولا


تعال خذ خزاني ماني مشطب البيت ابي ابيعه :wallah_hoo:
هههههههه اثر ربعي واجد :)

أبو أحمد سرقتي تهون عند سرقتك مادياً لأنه حول الألفين وثمانية بينما أنت الله يعوض عليك مبلغ جامد (40000) بس أنا فيها جرئه واستخفاف بالأمن أكبر ..

أريت وش حجم خزانك<<قامت توديه الظنون وتجيبه لا يكون مار الذيب بالدزليب ، أبو أحمد غايب مبطي ولا جابه الا طاري الخزان:3ajebni:

حياك الله أبو أحمد والموضوع الطيب الي جابك

تحياتي

[الاصمعي]

نشقل وشي مواصفات خزانك

الظاهر الذئب بالجليب يابو خالد
أريت هو من الربع الي حنشلوا لنا الحجر فيد المشب يوم طلعتنا بفيضة خريم:thumb:

[الاصمعي]

ابو خالد
اكيد هذولا من فيدين المياه
اللي يقطعون عليكم الماء..

اشك اشك فيهم
تشك فيهم:a:

أجل ثبت شرعاً:thumb:

المشكلة انهم على قولة الشاعر:
هذا ولد عمٍ وهذا ولد جار**وهذا رفيقٍ ما ندور بديله:thumb:

مار أكيد ماخذينه شكل مونه يبوني أجيب خزان أكبر منه<<كان صادفت أحد منهم قل ترى أبو خالد جاب خزان أكبر :)



بعدين جارك اللي ورا بيتك ابو طلال
يقول مرة انقطع الماء عني
واشغل الدينمو وانتظر وانتظر
مافيه فايدة
واطلع فوق السطح يوم جيت الا الخزان ماخوذ
هذا وهو ساكن بالبيت

بالاخير حصل الخزان طايح وراء البيت من الهواء
هههههه هذي تسنه من سوالف أخوه أبو سلمان:)

أبو فارس الا ما جاء على بالك ان كثرة السرقات من تالي لها علاقة بنسب مسئولٍ ما:thumb:

تحياتي

[الاصمعي]

وعن التانكي يعيض ربي بصادق النوّي**يسقى الشجر والحجر وتسيل ودياني
آامد هوزي بجنب الارض واروّي**كل الأراض البوار تصير غدراني


اللهم آمين ،، يجيب الله خير ان شاءالله


الله يعوض عليك يابو خالد

ذكرتني ....
والله انهم سرقوا كيبل كهرباء من طبلون الدور الأرضي الى طبلون الدور الثاني هكالوقت قبل لايوصل التيار


ابو خالد..
سمعت لي خوش سرقة
واحد عنده غنم بالمزرعة، وفيه عامل. وهكالليلة دخلت دينّا وتغيّب العامل ـ وحملوا اللي تشيل السيارة من الغنم.
وهم طالعين .. نقز العامل بالسيارة، وتغيّب بوسط الغنم، وبجواله قعد يكلم كفيله [واللي بدوره كلّم الشرطة]،
والعامل يوجههم باتجاه السيارة وكل طريق ياخذونه لحد مامسكتهم الشرطة بكمين على الطريق.
>>>>>>>>>>>> بالله هالعامل مايستاهل ؟؟؟ <<<<<<<<<<<<



تحاياي،،،



!!!!!!!!!!!!!!!!!! الا شنقل منين طلع ؟؟ !!!!!!!!!!!!!!!!
حياك الله شنقل
هههههههه

الظاهر اني أثرت شجونكم كلٍ جايه نصيبه من هالسرقات :)

أما هالراعي يستاهل يعطى الغنم كله على حرصه وأمانته<<ما يتنازل عنه معزبه أبي أنقل كفالته لين أخلص بناء :)

شكراً لمرورك الجميل أخي صلفيق

تحياتي

[الاصمعي]

غدرااااني


صح لسااانوووه


والله يعوضك خير


احتسب يابو خالد


بس والله اني شرهت عليك يوم تقول انك رايحن للشرطه


بس تعبن عليك وهذي هي


لو انا منك قايلن لهم ارهابيين شالوه مني بتهديد السلاح وربطوني ولا شفت سيارتهم ولا شي


من بااااتسر وهم تالينهم لك :)


وتقلد تحيتي
ان شاء الله اني محتسب وهي الحمد لله مهي هكالسرقة الكايده !

أبو ماجد البدو قبل ليا حنشلوا ولا غزوا يقولون يالله بحلالٍ ما حيلة أهله الا الدعاء:thumb:

صح انه يظهر جلافة البدو وضعف ايمانهم بما يوحي كلامهم له من الإستخفاف بالدعاء ، ولكنهم يبين من ناحية أخرى سهولة السرق والنهب في غياب قوة الردع ..
وهذا ما ينطبق عليه الحال في الزمن الحاضر "زمن الحكم والقانون" فضعف تطبيق القانون يطلق يد ضعاف النفوس والإيمان في السرقة وغيره من الجرائم ..

من ناحية الشرطة تصدق كثيرين قالوا لا تروح للشرطة ماهم مسوين شين ، وحتى الشرطة نفسهم خلال تعاملي معهم كأنهم يقولون وش جابك ما تدري اننا ما راح نسرك :)

أما خطتك ما طرت لي ولا هي الي ترثع بهم وتخليهم يدهرون صح:thumb:

تحياتي

[الاصمعي]

والله شرهتهم كبيرة


ماهم من فيدين دبة غاز و ريسيفر و هالشغلات الخفايف <<<<ولو إن دبة الغاز موب من الخفايف:) الأكيد راحوا الطيبين :)


خزان يا ساتر سترك


طيب دور يمين يسار مثل ما قال أبو فارس :)



و الله يعوض عليك




---------------
أبو فهد الهمزاني
يا هلا أبو فهد

سالفة الي يقول يبحث عن ابرة بكوم قش ، خزان جديد ولا به أي علامة ووين ما رحت يمار هالخزانات مثله ههههههه

عسى الله يعوضنا خير ان شاء الله

شكراً لمرورك

تحياتي

[الاصمعي]

اشوف ابو يوسف قبل كم يوم دق علي



يقول ابيك تصير موزع لي ببقيق ههههههههه يبي يتاجر بخزانات ماء مستعمله <<<فضحه :)
تسيف:3ajeeb:

يعني تهقى له يد بسرقة الخزان وأنا أحسب علاقته بس بهالمحقق:)

لا وتقهويت عنده هكاليوم ويوريني مشروع حديقة مسويه بجنبه ويشكي لي من انقطاع الماء وانه يحتاج له خزان:goooood:

حياك أبو غازي

تحياتي

[الاصمعي]

^

حتى انا كلمن بس ما طرى علي هالشي


يعني قولك انوه زرف ابو خالد :)




وتقلد تحيتي
أهااااااا

واثر المسئلة تجارة بعد!!

وانا أشوفه مختفي من أيام !!

أبو ماجد نبي لنا خطه من خططك الي ما تخرش الميه اغدينا نوقع به بالجرم المشهود :)

تحياتي

[ريم شمر]

افااا وين الامن والامان اللي بيئولوا عليه :rolleyes:

تدري ابو خالد

لاتبعد اذا بغيت تدور عن السروق

يقولون لك المجرم يعود لمكان جريمته

عاد انت شف هاللي تجمعوا حولك هنا ...لايطلع منهم احد الا انت نافضه نفض:whistling

[الاصمعي]

هههههههه هذي زكاة الأمن وراضين به لا تشمتين :)

والله التهمة لازالت تحوم حول كم واحد نحاول نوازن بينهم أيهم أقرب له قبل لا نتبنى الإتهام بشكل رسمي :)

حياك الله أم طلال وشكراً لمرورك العذب

تحياتي

[ابو ضاري]

مالك الا ابو فارس

يطلعه لك :)

[هايس الشمري]

ابو خالد، الله يعين

والله ان مالقيته انت، محد لاقيه.


اكاليوم سرق مسدس لنا و على وجهه

[الاصمعي]

هلا أبو ضاري



أبو فارس تقل عنده طرف علم من هالحرامي بس مهو معلم يلمح بس ، ولا ادري هالتلميح يبيني أشرط له ، ولا ان الحرامي حولنا وحوالينا وهو يبتزه بهالتلميحJ



تحياتي

[الاصمعي]

ياهلا بهايس



والله يخوك من استقبلوني هكالإستقبال دريت ان ما وراهم سنع بس يبالفيت عن الحسيفى J



الا تسيف سرق منكم مسدس!!



هذي الي ما ينسكت عنه أبد ولازم تبلغون على الأقل تخلون المسئولية لا يستخدم استخدام سيء لا سامح الله..



تحياتي

[هايس الشمري]

بلغنا، بس على وجهه

[الشبث]

^

وش بلغكم ؟ :puzzled:





وتقلد تحيتي

[عبدالله الجعيثن]

بلغنا، بس على وجهه


مبروووك .. بلغتوا كلكم :)

[الشبث]

^

اي بلغوا

ما تشوف بوجهوه حب شباب هكا اليوم :)




وتقلد تحيتي

[عبدالله الجعيثن]

ههههههههههههههههه


انا من شفتهم يعصرون الـــ " الشبس " يحسبونه ليمون


وانا غاسلن يدي خخخخخخخخخخخخ

[الشبث]

خخخخخخخخخخخخخخخخخخخخخ

اما سالفتوه هذي من جنبه خخخخخخخخخخخخخخخخخخخخخخخخخخخخ




والله اني تضايقت يابو غازي


ذليتك تحسبنا كلنا يا اهل الرياض هاللون خخخخخخخخخخخخخخخخخخخخخ






وتقلد تحيتي

[سالم الظفيري]

انا من شفتهم يعصرون الـــ " الشبس " يحسبونه ليمون


ههههههههههههههههههههههه


الله يفشلوا فشلنا بالسالفة

[الأصيل]

ههههههههههاي

الله يعوض عليك يابوخالد

تسان تبي .. أخمش لك حدا الخزانات من مخيمات الجهرا:a: ولا من شاف ، ولا من دري:315r:

وأحطوه بشنطة الكامري :3ajeeb:

وللخفجي:hala1:

صح لسانك على هالقصيده الطريفه

[الاصمعي]

الله يالأصيل أين أنت