كل ليلة اسهرك ذكرى

[صلفيق]

عبور ..

ترى اصدق انواع المحبَّه تعابير
.....حبْ افتقد للوصل وازداد قوَّه

لا ماوقف به ريح بُعد وأعاصير
....يظلّ عالي لو ملا الغيم جوَّه ..!




كلّ ليلة اسْهَــــــرَك ذكرى ومواويل وتمنِّي
كل ليلة يذْكرَك قلبي ويصـــرخ بك لســاني

كل ليلــة ألمحْ طْيوفك وانــــــــاديها يجنِّي
كل ليلة بك امــوت وانخلق لك شخص ثاني

يالقريب اللي ظــــروفي مبعدةْ بك حيل عنِّي
لا تقول اني بعيده .. أنا جنبك مــــــاترانــي؟

غمض عيونك دقيقه وانصت لحــزني يغنِّي
ايقظ اســــراب الحنين وهِيم فيني لو ثواني

انشــــد احساسك وقلبك هل تغير شي منِّي!
حينها تعـــرف حكاية قلب من بُعدك يعاني

ابتعد عنّك مخـــــــافة لاهو صد .. ولاتجنِّي
واستجـار بثوب صبرٍ من فراقك ماكساني!

حتى نبضي من تركتك لـــي تنكَّر وامْتحنِّي
صار صخرة عالقة باقصى المعاليق بكياني

ادري بحزنك وربي واشــعر بعمقه سكنِّي
بس انا كنِّي سفينه ابحرت .. وبلا موانـي

ضيعت كل الجهات وخانها الدرب وخذلني
موجها العاتي بلا رحمة ترجِّع لي أمانــي

كنت اقسى وداخلي يبكي من الضيق ويونِّي
ما ابيك تحس ضعفي ولا في نومٍ جفـــــاني..

وصرت بعدك كل ليلة اذكرك حسره واغنِّي
مو غريب اني اعاني / مثل كل الناس اعـاني !

:



اللي ابيه الحين تكون في خير
ومن بعدها وش ماتبي روح سوَّه




""""راااقت لي""""

[جمران]

روعه الانتقاء دائما ابرز صفاتك صلفيق



لاعدمتك

[ملهمة]

ذائقة واختيار مميز

[سالم الظفيري]

اختيار وذوق مميز ورائع

لاهنت يابو مشعل

لك تحياتي

[صلفيق]

والاروع هو مرورك الراقي أخي الراقي
سررت بتواجدك الكريم ابو نورة
شكرا لك



تحاياي،،،

[صلفيق]

التميّز حصل بمرورك العطر اختي ملهمة
شكرا لتواجدك الراقي
سررت لحضورك



احتراماتي،،،

[صلفيق]

التميز والروعة هي دائما بتواجدك الراقي ابو زياد
شكرا لحضورك الذي دائما مايضيء متصفحي
سررت لتواجدك



تحاياي،،،

[راعي الوقيد]

قصيدة رائعة يالعزوة
اعجبتني على فجة النور:)
دمت بود

[شموخ شمالية]

.


,


تسلم يمينك ياأبومشعل
ولاهنت

[صلفيق]

الاروع تواجدك الراقي والمميز يابو فيصل
وياجعل كل لحظة بحياتك نور لك

بارك الله فيك
سررت بتواجدك




تحاياي،،،

[صلفيق]

ومن قال يسلم يـ ام عمر
يسلمك ربي ويخليك ،،، ولا تهونين

حضور رائع وراقي
سررت لتواجدك





احتراماتي،،،