والله ما يكبر في عيون الرجاجيل

[سالم الظفيري]

والله مايكبر في عيون الرجاجيل
الا مواقيف الرجال العظيمه

ولا الردي دايم ردي مثل ماقيل
راس ادمي واللي تشيله بهيمه

عنز على الله ثم على صفوة الجيل
الطيب الطيب يامال الغنيمه

لاتعتمد على هل القال و القيل
اللي يشيلون الرجولة ظليمه

ترى الجمل والعبد والداب والسيل
لازم ثقتك تكون فيهم عديمه

الصدق في مانزل الله لجبريل
على الرسول اللي رضع من حليمه

واللي مع الساحر حمامه ومنديل
اول خيوط الفاحشه والجريمه

افلح ترى تالي النهار اول الليل
تماكن الفرصه وذب الخريمه

اللي يشح بجاهه ووجه بخيل
ويمنا تبادر في المكارم كريمه

غنيمة ترقى بها الجدي وسهيل
وغنيمة منها السلامه غنيمه

وخسارة يجي وراها محاصيل
الذ من فوز بطعم الهزيمه

النفس تقبل مثل ماتقبل الخيل
وتصد لو ان النعم مستديمه

شي تخافه من عقوبه وتنكيل
وشي تعافه من كرامه وشيمه

لو كان تضحك من كلام المهابيل
لابد تبكي من دموع اليتيمه

والوقت نفس الوقت مافيه تبديل
يمضي وينسخ لك جديده قديمه

تكثر بركته بالدعا والتهاليل
وتقل من قل النوايا السليمه

ودك ترجى لك سراب وتماثيل
طرقي ووقتك قيظ وارضك وخيمه

ولاتدور حاجتك عند دعبيل
خبل يزم نفيسته في خشيمه

لو ان مالله فضل الناس تفضيل
لافضل الاشجار معنى وقيمه

الناس منها الفود مهوب بالحيل
والاشجار منها الفود حتى الهشيمه


مدغم ابوشيبه

[متفاائل]

تسلم يابو زياد ع النقل الرائع

لاهنت

[سالم الظفيري]

ياهلا وغلا بابو عمر


اسعدني مرورك الكريم


لاخلاولاعدم


لك تحياتي

[جمران]

مميز كعادتك يالظفيري


لاهنت ياحيي

[سالم الظفيري]

مرورك الاميز يابو نوره


دمت بخير



لك تحياتي

[-------]

ولا الردي دايم ردي مثل ماقيل
راس ادمي واللي تشيله بهيمه

تسلم ..