من صخيّة لعبير :)

[الجازي]

بالله وش رايكم في تغير وضع صخيه بعد ماصارت عبير :)

اسمعوها وعطوني رايكم :7ayyoh:


http://www.youtube.com/watch?v=4t7LFtK27DE&feature=youtube_gdata_player
http://www.youtube.com/watch?v=4t7LFtK27DE&feature=youtube_gdata_player


وهذي أبيات القصيدة مكتوبة :

كانت أول يوم بالأصل بدويــه - - - - حملها حمل على غيره كبيـــر
حملها كايد ولاهي به رديـه - - - - تعتزم وتقول خير والف خيــر
قبل مايظهر شعاع الشمس حيـه- - ابتدت مشوارها الصعب العسير
نارها شبة وصاجه في يديــه - - - - ومن عجينتها على صاجه تديـر
وعقب ماخلص فطور اهل الحميـه - - - روحـت يم الغنم تعلف شعير
وأوردتها الماء على جال الركيـه - - - - دلوها فوق السواني لــه صرير
وشدة المحزم وصاحت للرعيـــه - - - - واقتفتهــا للمراعي والغديــر
حافيه وعصابته عشرين طيـــه - - - وللحطب فاعورها سيـف شطــير
ومع غروب الشمس عادت شوشليه- -والحطب فوق الجحش كبر البعير
وأبتدت ترضع بهمها الاجوديــه - - - من كبير الضان تطلب للصغيـر
والصميل أودى وزبدتها طريـه - - - - والعشا مرقوق مامثله يصيـر
وانقلب حال بدويتنا حضريــه - - - - واختلف طبعه عن اولها كثيـر
حملها في حملها دايم هنيــه - - - من عسير الحمل بدل باليسير
عقب ماأسمه مع الرحل صخيه - - - اصبح اسمه من عقب هذا عبيـر
عقب ماثوبه على دور الضحيـه - - - - صار بالموضه لها دور خطير
عقب ماهي بالغنم صبح وعشيـه - - صارت بسوق الذهب بس تستدير
عقب مالبرقع يزين هالبنيــه - - - - النقاب اصبح لها مثل الخفيـــر
عقب ماهي مع صلاة الصبح حيـــه- -الظهر يذن وهي تعزف شخيـر
من عقب مانومها بأرض خليـه - - - - أمرحت في غرفة كله حريـر
من عقب ماهي بعيشتها شقيـه - - - - الخدم قالولها بأمرك نطــير
تامر وتنها ومطلبها هديــه - - - - وهي على المركاء مثل زول المدير

[الشبث]

اييييييه يا حريم اول





قصيده طيبه من وجهن طيب :)




لاهنتي



وتقلدي تحيتي

[الجازي]

ماقلت لنا رايك طيب

أم وجهن طيب تسألك وش جاز لك أكثر يوم كانت صخية والا يوم صارت عبير :)

[عبدالله الجعيثن]

تغير انه اول عسلوجه وقرمه وصارت مدغبجه ورفلا



الا على الطاري



هي سوت تمايم للاسم ولاّ لا ؟

[الجازي]

يعني جايزتن لك العسلوجة

ولا جازت لك المدغبجة :)



ما أقول الا ياليل مااطولك :)

[عبدالرحمن]

عقب ماثوبه على دور الضحيـه - - - - صار بالموضه لها دور خطير
عقب ماهي بالغنم صبح وعشيـه - - صارت بسوق الذهب بس تستدير.
------------------------------------
عقب ماهي للتعدد نفسه رضيه- - - - صارت عنتر ولا يهون الزير:)

رأيي :التغيير سمة الحياة ولا يوجد شيء ثابت على ظهر المعمورة وان وجد فــــ على الحياة السلام!.
لك تقديري وشكري اختنا وكاتبتنا القديرة الجازي.

[سالم الظفيري]

مافي شي يدوم على حاله

والتغيير مطلب ضروري في كل شي


لاهنتي اختي الجازي

لك تحياتي

[الجازي]

وش اللي التغيير سمة الحياة !!

الحين بالله وش بقى ماسوته هالصخية !!؟

والله لو انها سبايدر مان

حتى سبايدر مان متنازل لها عن لقبه عقب ماشاف هالكرف :)


بعدين وين مستر صخي عنها !!؟

وش وظيفته في الحياة دام كل هالبلاوي هي اللي تسويها !!

والا هو يتسدح ويتبطح وهي لها الشغل :)

وش بقى من أنوثتها مع هالكرف كله :)





لا وجاي تكملها بسالفة التعدد بعد :)



حياك يابو يوسف <<<< بدري :)

[ليلى بنت عبدالعزيز]

الجميل لاياتي الا بالجميل

انتقاء جميل وعودا حميدا لنا..

[الجازي]

حياك الله أخوي سالم

أسعدني مرورك

[الجازي]

هلا وغلا بليالي :d:

الجمال أنت

كن جميلاً ترى الوجود جميلاً

والا أنا أساساً جايبة القصيدة عشاني ماجاز لي مضمونها :)

[متعجب]

لو خذينا شوي من طبع الصخية
وانمزج مزجن مع الطخمة عبير

كان قلنا لا لا لا لا يا بدوية
هي حلاة البنت في ثوبن حرير



بس عشم ابليس تلقى هالصنف


شكرا طال عمرك

[الشبث]

لا هذا ولا هذا



مالله حاليه << فاهم غلط :)














صخيه احسن من عبير :)




وتقلدي تحيتي

[الجازي]

وليه هالمزيج السحري والمواصفات القياسية !!؟


دام مستر صخي بدون مواصفات مايستاهل لاصخية ولا عبير حسافتن عليه :)

حياك الله متعجب

[الجازي]

الشبث

أكيد صخيه عندك آحسن من عبير


زوجة بمواصفات عامل وراعي وطباخة وأم وأبو وزوجة وبتاع كلو :)

بالله متى تحصل هذي :)

[عبدالله الجعيثن]

والله راح وقت الاولات اللي ماينلحق معروفهن


وان جيتي للحق مستر صخي على قولتك :) مايبي لا صخيّه ولا عبير


يبي راعية بيت سنعه بس :wallah_hoo:

[الجازي]

لا والله كثّر الله خيره اللي مايبي الا مرة بيت سنعة بس :)

تكفى حاول فيه نعطيه معها صخية وعبير هدية مجانية :)

عشان لو صار نقص في وحدة منهن ترقع الثانية نقصها :)











هالحين ماتقولون لي هالصخي وش فيه من الزين يوم إنه قاعد يتشرط ويتميلح :3ajeeb:

وه بس فاحت تسبدي :)

[سالم الظفيري]

لو لحق على دور صخية مايتشرط

[الجازي]

أنا أقول لو لاقدر الله صرت صخية :)

ماله داعي صخي يكون موجود

وجوده زي عدمه :)

أعيش لحالي وأدبر عمري والحمدلله :d:

[عبدالله الجعيثن]

^

^


هههههههه صخيّه وعبير وغيرهن .. من تاصل 25 تاكل روحه بالتفكير ليه ماجاء صخي :315r: وش نوحه تأخر وتمشي وتكلم روحه

هذا ان سلمت من لسان حريمه اللي حوله وهن كلامهن عليها مثل السكاكين



انا اقول انه ترضى بصخي حتى لو وجهه تقل حطبه :wallah_hoo:

[الجازي]

مو مشكلة يكون وجهه حطبة

صخية ماتهمها المظاهر :)

خصوصا في صخي المستقبل الرجال مخابر مو مظاهر

بس هي تاكل روحها بالتفكير ليه ماجاء صخي لأنها حاطة في بالها ان فارس أحلامها رجل بمعنى الكلمة هو يصير لها صخي وهي تصير له عبير :)

أما لو تدري انه يبي فارسة أحلامه مثل صخية ذيك الساعة بتصير عنوستها من أكبر النعم :d:

ويصيرون الحريم المعرسات يطالعونها بنظرة حسد وغبطة لأنها ماتوهقت :)

[الحيمري]

عقب ماهي مع صلاة الصبح حيـــه- -الظهر يذن وهي تعزف شخيـر



هههههههههههه وهي تعزف شخير,هذي بعد ماصارت عبير

يوم هي صخيه الخيل من خيالها مستر صخي بالهدوم رجال

ولكن مستر صخي بعد ماصارت عبير سلم الخيط والمخيط.
.
.
----

[الجازي]

ايه الله أقوى

مستر صخي ماله حس في القصيدة أبد :)

أو صح ذكرت















هو اللي كاتب القصيدة :)


حياك يابو منيف