يـــــــــــــاضيـــف

[سالم الظفيري]

الليل شكله يجذب الهـم ويخيـف
وفيـه الثوانـي والدقايـق ثقيلـه


حل الظلام وقربت حزة الضيـف
ضيف يشارك وحدتي كـل ليلـه


ياضيف قبل اتزورني قولي كيف
القى لصداتـك وفرقـاك حيلـه


ياضيف جياتك عذاب وعجاريـف
وابغى اتخلص منك بائيت وسيلـه


ياضيف منك ادموع عيني ذواريف
وعسفتني عسف المهار الاصيلـه


وشليت قلبي شلت النـود لريـف
وشبيتنـي شـب الزنـاد الفتيلـه


لاجيت تفتح لي ملفـات لرشيـف
وتكشف لي اجروح الزمان العليله


عذبتني وانا ادمي قلبي اصخيـف
وشليت حملك والجمل 0مايشيلـه


ياضيف بشرني عساهـا تخافيـف
ياخوفتي لو انك راعـي طويلـه


من ميلة الدنيا ومن سطوة الضيف
انـا جويـر آلله ونــا دخيـلـه

[شموخ شمالية]

.


,


صح نقلك أبوزياد

ولاهنت

[الاصمعي]

سلمت ابو زياد
قصيدة تلامس الوجدان
لو بدل النود بكلمة أخرى لكان أجمل لأن النود خفيف ولطيف ولا يستقيم معه المعني المقصود

[سالم الظفيري]

صح قلبك ياختي ام عمر

لاهنتي على المرور الكريم

لك تحياتي

[سالم الظفيري]

هلا بالغالي ابو خالد

بس الشاعر يقصد بالنود انها سريعة وخفيفة وهو يقول شليت قلبي

يعني بسرعة اخذته


شكرا لك على المرور

والمداخلة ومنك نستفيد يابو خالد


انا مجرد رآي قد يكون خطاء