% اخطب لبنتك قبل تخطب لولدك % [الأرشيف]

الشبث

29-06-2012, 07:27

دايم نسمع بهالمقوله

اخطب لبنتك قبل تخطب لولدك :thumb:

وكما غالبية المقولات والحكم اللي نرددها

نسمع قرقعه ولا نرى طحنا :)

نسمع فيها كثير ولا نراها على ارض الواقع

فهل المجتمع لا يزال يتعيب منها ؟

ام هي مثلها مثل النظره الشرعيه :) ؟

اكون صادق معكم

اني حاولت اني اكتب رأيي انا هنا ولكن ما قدرت :)

ممكن اني اريد بناء رأيي على ارائكم :)

انت

هل تخطب لاختك او بنتك ؟

اذا كانت الاجابه لا

لماذا ؟

ماهي الاسباب ؟

انتي

هل توافقين على من يخطبه لكي اخوك ابوك ؟

انتظر مشاركاتكم :)

وتقلدوا تحيتي

ريال الفسحه

29-06-2012, 13:05

انا اذا ابوي خطب لي او اخوي ماراح
ارفض :)

عبدالرحمن

29-06-2012, 13:10

ماراح اشارك بموضوعك ولا راح اخطب لا لبنتي ولا لاختي:a:
والاسباب معروفة ولكن لا احد يريد ان يعترف بأن عندنا عادات غير مقبولة
لا بل البعض منا لا يكتفي بالاعتراف بخطأ هذه العادات
وانما يبرر الرفض ويغلفه بغلاف لا يقبله المنطق السليم!.
شكرا لك العزيز ابو ماجد على مواضيعك الاجتماعية الهادفة.

الشبث

29-06-2012, 13:46

ريال

ياروحي يالواثق :)

اجل انتظر الوالد يخطب لك

شكلوه يبي يخطب لك من خوياوه بالشبوك :)

علشان يوثق العلاقه :)

وتقلد تحيتي

الشبث

29-06-2012, 13:48

هلا بالغالي ابو يوسف

انا ماراح اعتبر نفسي قريت بداية ردك

لكن انا على يقين انك من المؤيدين

وسأنتظر رأيك لانه يهمني بالتأكيد

وتقلد تحيتي

عبدالرحمن

29-06-2012, 14:01

مؤيد لمين؟
مؤيد لكن العادات تمنعني من اظهار وتطبيق تاييدي فعلياً!
لذلك انا اعتبر نفسي وكل الناس مؤيدة لكن وش فايدة التاييد بدون تطبيق!
نعم حتى المعارض هو في الاصل مؤيد لكن يخشى اظهار تاييده على العلن!
خشية القيل والقال وان فلان من الناس خطب لأنثاه وخالف العرف والعادات!.

الشبث

29-06-2012, 14:06

ابو يوسف

انا اعترف واقر اني مؤيد وافتخر لو خطبت رجل كفئ لاختي او بنتي

ولا يهمني كلام فلان وكلام علان

ومثل ما يقول المثل

وجهن تعرفه ولا وجه تنكره :)

وبعدين وش العيب في هذي يابو يوسف ؟

ليش اصحاب هالنظره ما يتعيبون من حبس اخواتهم وبناته والتسبب في عنوستهن ؟

وتقلد تحيتي

مطلق الثنيان

29-06-2012, 16:06

خديجة رضي الله عنها هي من بادر إلى خطبة الرسول عليه الصلاة والسلام .

هناك قصص كثيرة حدثت في وقت الصحابة والتابعين كانوا فيها يخطبون لبناتهم ولكن الفرق هنا أنهم كانوا واثقين من موافقة الطرف الآخر .. أقصد موافقة الولد على زواجه من بنتهم وأن مايمنعه من خطبة البنت كانت أسباب كثيرة كالأمور الماديّة أو يكون من فخذ أوعائلة بعيدة عن القبيلة ....الخ

عموماً صعب الواحد يقدم على هكذا خطوة الا بعد أن يحسب لها ألف حساب لإن الأمر يتعلق بكرامة الإنسان ويعتمد على الظروف المحيطه به وكذلك بظروف الولد علشان ماتفشّل نفسك مع الولد في حالة رفضه لإبنتك:za3lan:؟!

لايوجد هناك مانع ديني أوشرعي .. بالنسبة لي أهم شيء أكون واثق بنسبة عالية جداً يعني بنسبة تعادل 75% أو أكثر على أقل تقدير من موافقة الولد !!

يمكن يكون الولد رافض مبدأ الزواج أومؤجله ولاعنده نيّه يتزوج في ذلك الوقت!.. وهذا الأمر يمكن معرفته من خلال سؤال الأهل المحيطين بالولد أسرته وأخوانه أصدقائه أخواته أمه أبوه .....الخ لمعرفة هل لديه النيّه بالزواج أم لا ...!!

خديجة بنت خويلد رضي الله عنها لو ماكانت واثقة من نفسها ومن أن الرسول الكريم لن يرفض عرضها للزواج منه لما أقدمت على تلك الخطوة كانت أمرأة كاملة والكامل وجهه سبحانه وتعالى (أخلاق وجمال ومال (سيدة أعمال) ومربية وراعية بيت من جد:))!!

على فكرة (حدث هذا قبل 15 سنة من نزول الوحي على الرسول عليه الصلاة والسلام وقبل النبوّة)؟!..

شكراً يابوماجد .

تحياتي لك .

الشبث

29-06-2012, 17:18

حيالله ابو نايف

كنت انتظر مشاركتك بفارغ الصبر لاني ابي يا تحشرن يا احشرك :)

عموماً صعب الواحد يقدم على هكذا خطوة الا بعد أن يحسب لها ألف حساب لإن الأمر يتعلق بكرامة الإنسان ويعتمد على الظروف المحيطه به وكذلك بظروف الولد

طيب اخوي الكبير ابو نايف

انا معك في ان الشخص اللي يبي يخطب لبنته يجب ان يكون شبه متأكد من موافقة الشاب

على الاقل حتى يقدم على هذه الخطبه .

لكن ليش ما يكون نفس الشي في خطبتنا لابنائنا ؟

هل تعتبر كرامتك اهينة اخوي ابو نايف اذا رفض احد تزويج ابنك ؟

يختلف الامر هنا

ما اقصده هو ان هناك حواجز تفرق بين خطبة الابن وخطبة البنت

واعلم انها اجتماعيه وليست دينيه .

اخوي ابو نايف

في نظري ان ايرادك لخطبة ام المؤمنين خديجه لسيدنا محمد

اجحاف لهذا الموضوع

لانهم افضل الخلق هذا اولاً

ثم

سيدتنا خديجه رضي الله عنها هي من خطبت سيدنا محمد عليه الصلاة والسلام

ولم يخطبه وليها لاسباب كثيره من اهمها انها تعرفه تمام المعرفه

حيث انه كان يشتغل بتجارتها

وسبب اعتراضي على ايرادك لهذه القصه

ان غالبية ينات هذا الجيل لو كان الامر بيدهن لخطبت كل واحده منهن لنفسها

لكن الامر بيد ولي الامر الذي قد يجد حواجز من اهمها كرامته

اي

ان المسأله اختلفت بين خطبتنا لاخواتنا وبناتنا وبين خطبة البنت لنفسها

لكن ممتاز انك جبت هالمثال حتى تشاركنا الاخوات في ارائهن :)

انتظر عودتك اللي تنور الموضوع يابو نايف

وتقلد تحيتي

هايس الشمري

29-06-2012, 18:00

ابو ماجد شلوون يخطب لبنته!!!

يعني يجيه بالبيت يقوول والله جايين نخطبك لبنتنا فلانه :)

هذي ماله داعي :)

اما غير كذا فهو موجوود.. و لكن تلميحا و ليس تصريحا..!!!

سلام

الشبث

29-06-2012, 18:21

^

هلا بخاالي

اي حلووو هالرد المتشكنم :)

قصدك ان الخطبه تجي بتلميح ولا تجي بتصريح

انا اتفق معك

لكن وش فيها لو رحت لواحد بالبيت وقلت له اتشرف انك تتزوج بنتي ؟

بينك وبينه

وشوله التلميح

اثرت نقطه مهمه يالخال وهي طريقة الخطبه

وتقلد تحيتي

هايس الشمري

29-06-2012, 18:23

^
و تسانه قال لا والله ضف وجهك.. :)

بنتي ماني بلشانن به

الشبث

29-06-2012, 18:30

اي هذا بلانا يا الخال

بنتي ماني بلشانن به

اعرف لك واحد من الربع كل يوم والثاني يقول بنتي ماني بلشانن به

والربع يستهبلون عليه

وليه ما تجوز بنتك ياللي بك مالا بك

ويعاندهم ذالن من كلامهم

الحين بنته عمرها اربعين ولا زوجها

واخواتها اصغرهن بالثلاثين

وش استفاد ؟

بعدين على قولةابو نايف

منت رايح تخطبوه لبنتك الا اذا انت هاقي ان الرجال يبي قربك

مهو من الباب للطاقه :)

وتقلد تحيتي

هايس الشمري

29-06-2012, 18:34

خلاص يبي قربي

اقووله تلميح و يجي يخطب اذا هو يبي القرب.. وانتهت السالفة

الشبث

29-06-2012, 18:39

طيب وش رايك باللي يروح لواحد

وياخذه على جنب لحالهم

ويقوله

اتشرف اني اناسبك وازوجك اختي ولا بنتي ولا اي شي :)

وتقلد تحيتي

هايس الشمري

29-06-2012, 18:44

مابه شي..!

ام الرغفان

29-06-2012, 19:11

انتي

هل توافقين على من يخطبه لكي اخوك ابوك ؟

لاااااااااااااااااااااااااا

و

لااااااااااااااااااااااا

و

لااااااااااااااااااااااااااااااااااااا

ونقطه انتهى <<احلفي

الشبث

29-06-2012, 19:13

يا رااايق يالخال :)

وتقلد تحيتي

الشبث

29-06-2012, 19:14

ام الرغفان

طيب ليش ؟

وتقلدي تحيتي

ام الرغفان

29-06-2012, 19:41

ولنكون واضحين وصريحين :)

هذا الكلام ايام جدي وجدك

وان وجدوا هالايام فبنسبه 1%

الحين شباب الوقت مو مثل قبل

بيفهمها ان البنت طايحه بكبد اهلها

وبيقعد يعااااااااايرها طول عمرها

وغير كذا

تراها صعبببببببه على البنت

فهمتا والا مافهمتا

الشبث

29-06-2012, 20:06

لا والله ما فهمتا

اكيد اخوك او اياً كان ماراح يختار لك واحد قليل خاتمه علشان يعايرك كذا

مثل ما ان فيه ناس رديين وقليلين خاتمه

فيه ناس طيبين

ممكن يكون هالزوج يشيل البنت على راسه لانهم ناس شارينه

غير كذا

الاخ ماراح يطلب لاخته الا صديق مقرب له وعارفه زين

علشان كذا اقول ما فهمت

حتى الاولين ترى بهم ردى :)

وتقلدي تحيتي

ام الرغفان

29-06-2012, 20:26

وان طلعت رداته عقب العرس وش السوات :)

مطلق الثنيان

29-06-2012, 20:34

ابو ماجد شلوون يخطب لبنته!!!

يعني يجيه بالبيت يقوول والله جايين نخطبك لبنتنا فلانه
:)

هذي ماله داعي :)

اما غير كذا فهو موجوود.. و لكن تلميحا و ليس تصريحا..!!!

سلام

أتفق معك في أن مسألة التلميح هذه موجودة ومنتشرة في مجتمعنا ويمكن هي الطريقة الأسلم والأحسن لكلا الطرفين للولد ولولي الأمر وكما يقول المثل الحر يفهم بالأشارة!

شايب من جماعتنا قبل أتزوج كان كل مايجيه أحد يخطب من بناته كان يتعذر بي ويقول أنا مفوّت بنتي لـــ مطلق وأنا مادريت بيوم رحيل..!!

والشباب اللي كانوا يخطبون من هالشايب أرتفع ضغطهم مني لإنهم حين يأتون ويسألوني عن خطبتي منه أسكت ولا أقول شيء؟!..

رحت لأمي وسألته قلت يمكن خطبت لي من وراي وأنا ما أدري؟!

أذكر قالت لي الوالدة ما خطبت لك لكن أم البنت وأبوها يتعذرون بك يبونك تجيهم وتخطب منهم رح يمّهم وأخطب منهم؟

سبحان الله مارحت ولا خطبت منه؟!.. مافي نصيب !!

المهم .. يوم عرسي جاء الشايب بجنبي وقال لي اليوم الجو عجاج الله يستر من هاليوم يوم عرسك هذا ماهو مبروك ياولدي هذا يومن أقشر :)!
وأذكر أنه كان حينها متلطم وشكله كان زعلان ومرتفع ضغطه !!.. أستغربت لإن الجو كان صافي جداً والهواء ساكن جداً:a:!!

حينها فقط تذكرت مسألة يوم كان يتعذر بي كل مايجيه خاطب:)!

عموماً بناته توفقن وبعد زواجي مباشرة تزوجن كلهن ووفقهن الله سبحانه وتعالى!!

يبدوا أني كنت واقف لهن مثل العظم بالحلق يعني كنت مثل اللي (محيّرهن) وأنا مادري:)!

تحية للجميع .

الشبث

29-06-2012, 20:38

ام الرغفان

السوات العني جدفوه :)

وش السوات

الشكوى لله :)

يمكن بعد واحد يجي يخطب وتطلع رداتوه عقب العرس :)

اذا الله كاتب الزوج يكون ردي يبي يكون ردي لو وش ما كان

وتقلدي تحيتي

الشبث

29-06-2012, 20:41

ابو نايف هههههههههههههههههه

مثال حي ومباااشر على الخطبه الغير مباشره اللي يسوونه ربعنا بهالايام هذي :)

ابقولك سالفه لواحدن من الربع ههههههههههههه

كان يغلي واحدن من العيال

ووده يزوجوه

وشبابنا طاحوا مره بلهم حاجه

اذا صبوا قهوه ولا شاهي لشايب وقال على عرسك

يردون عليه ويقولون على بنتك << نوع من الاحراج يعني :)

ومره جاء هالشايب وجلس بالمجلس

وصب لوه الولد اللي هو يغليه

قال الشايب على عرسك

قال الولد تسلم يا عمي

قال الشايب وليه ما تقول على بنتك خخخخخخخخخخخخخخخخخخخخخخخخخ

يبيه بالغصب ههههههههههههههههههههههههه

وتقلدوا تحيتي

الحيمري

29-06-2012, 21:57

وش عند أبو ماجد هالأيام نظره شرعيه وخطب لنثاك قبل رجالك

ابيك تفهم حاجه ومعليش اعطيني على قد المعرفه بشمر وخصوصا ً؟؟؟

هذه العادات والله مايتجاوزونها لو تقعد البنت مئه سنه, شف اقصد شمر اللي

عاداتهم ثابته اترك واحد عايش في وألا في ولا يعرف من عادات شمر ألا الاسم

ولد عمك اللي أبوك وأبوه أخوان أو ولد أخوك يمكن تقول له البنت تخطب اذا تبونها أنتم ابدى,

أما اللي من الجماعه من سابع المستحيلات أن تقول له تعال أزوجك وهذي نوع
من الاهانه وتنازل عن الكرامه لا تقول لي جهل,

بعدين نحن الله اللي خلقنا صح وألا ماهو صح, أذن الله هو الكفيل بكل شي

يرزقك وزوجك ويزوج كل بنات المسلمين وينزع الروح, البنت تجلس في بيت

اهلها في عز حتى يقسم الله لها نصيب وتوكل عليه واذا كان الزوج نذل وبخيل
ولا يقدرها ويهنها الله فرض أبغض الحلال وهو الطلاق,

اللي يشوف مواضيعكم يحس أنكم عايشين في مجتمع خارج مجتمعنا,

دمت

سالم الظفيري

29-06-2012, 23:04

أول شي شكرا لك اخوي أو ماجد الطرح الراقي

من ناحية فيها شي لاما فيها شي إذا اخترت رجال كفو لبنتك

بس العادات والتقاليد تمنع هذا الشي

أبو ماجد إذا خطبت وقال أبي أشوفها وشافيها وقال لا ما بيها طبعن بسلوب ثاني

وش يكون ردت فعلك وش تقول لبنتك

يا خي الحين الحريم هن اللي يخطبن

تخطب لبنتها ولولدها

أنا أقول لك ما فيها شي بس إنا ارفض

تقول ليش أقول عادات وتقاليد وبس

ولا اذكر احد سواها من جماعتنا

لك تحياتي

ريال الفسحه

29-06-2012, 23:13

طيب يابوماجد واذا بنتوه قشرى
اتدبس به مثلا ؟

برايفت هايس

خل عنك الزغردي انت والشبث :)

عبدالرحمن

29-06-2012, 23:55

خل عنك الزغردي انت والشبث
^^^^^^^^^^^
زغردي مرة وحدة ياظالم:)

والله يابو ماجد ان الواحد يخطب لبنته مافيها شي بس صعبة!
لكن فيه بوادر ان تنتهي هذي السالفة وتصبح عادية ولكن بعد حين
وابي اذكر لك انه فيه رجال قبل 5 سنوات متلزم بصلاة الجماعة بالمسجد
وفيه رجالن مثله ملتزم وفي ويوم وبعد خروجهم من صلاة الفجر قال ابو البنت
فلان ودك تزوج او مفكر بالزواج على ام عيالك؟ رد عليه وقال نعم افكر بالزواج
فقال له ابو البنت اذا تبي بنتي فلانه تراها جتك! فرد عليه بالقبول
وهالحين هي الزوجة الثانية!.هذا حدث حقيقي
واعرف ابو البنت من فخذ والزوج من فخذ اخر
الزوج من اهل جبة وابو البنت من اهل الشنان!.

ليلى بنت عبدالعزيز

30-06-2012, 06:43

انا مع هايس انها تلميح وليست تصريح :thumb:
حتى لو يخطبه لي ابوي
كني مادريت بالسالفه عشان مايستخف دمه :)

الشبث

30-06-2012, 19:20

وش عند أبو ماجد هالأيام نظره شرعيه وخطب لنثاك قبل رجالك

هلا ابو منيف

ياخوك هذي ظواهر اجتماعيه واحب اني اناقشها معك

ومثل ما تشوف فيه المؤيد وفيه المعارض

نطرحه هنا ونشوف رأيك ورأي الثاني والثالث

على قولتهم الرأي والرأي الاخر :)

نوع
من الاهانه وتنازل عن الكرامه لا تقول لي جهل,

ابو منيف

مثل ما قالوا الشباب يعني لو بتلميح

انا ما اعتقد به اهانه ابد

ومثل ما اورد اخونا ابو نايف قصته هذا اسلوب نشوفه دايم بشمر

لا تقول مهو موجود الا موجود

نشوف دايم هالعرب كل ما تخطب بنتهم يقولون مفوتينه لفلان

وهو لا جاهم ولاهم يحزنون

بس لعل وعسى يوصله الكلام ويجي يخطب منهم

بس

اللي يشوف مواضيعكم يحس أنكم عايشين في مجتمع خارج مجتمعنا,

ههههههههههههه

تموون يابو منيف تمووون :)

ارجع واقولك يابو منيف ان مواضيعنا مجرد ظواهر اجتماعيه نناقشها فقط

فيه من يعارضك وفيه من يتفق معك

مثل موضوع راعية البيت

انت كنت من المؤيدين ان الزوجه الاجنبيه افضل من السعوديه

وفيه من عارض وقال لا

يعني نشوف اغلب اراء الشباب هنا

لاهنت على هالمرور

وتقلد تحيتي

الشبث

30-06-2012, 19:23

هلا ابو زياد

يالغالي العادات والتقاليد ما منعت هالظاهره

هي موجوده مثل ما قال اخوي هايس واخوي ابو نايف بالتلميح

يعني مهو لازم تروح وتخطب

لا تلمح له تلميح او تحسس هالشخص انك ودك تناسبه

وما اعتقد فيها شي لا اجتماعياً ولا غيره

وتقلد تحيتي

الشبث

30-06-2012, 20:07

ريال

العوض ولا القطيعه :)

وتقلد تحيتي

الشبث

30-06-2012, 20:09

ابو يوسف

ونعمين بهم كلهم

وهالشي ما يعيبهم كلهم

بالعكس يرفع قدرهم

الرجال تشري قرب الرجال

لاهنت على ايراد هالمثال الحي

وتقلد تحيتي

الشبث

30-06-2012, 20:11

ام محمد

ههههههههههههه

حلوه كني ما دريت بالسالفه :)

علشان ما يشوف نفسه ابو الشباب هههههههههه

يعني انتن تشوفن انفسكن علينا :(

وتقلدي تحيتي

الحيمري

30-06-2012, 21:51

[QUOTE=الشبث;1155520]هلا ابو منيف

انت كنت من المؤيدين ان الزوجه الاجنبيه افضل من السعوديه

شوف أبو ماجد

صح أنا قلت أن الشاميه جمال وكذا وإلى لخ

ولكن

تأكد ثم تأكد أن بنت شمريه لوهي طرما وحولا وثرما وصلعى عندي افضل من ملكه جمل الكون اللي ماهي شمريه بدون تنقيص بحق الناس

ماحد يعيف الجمال ولكن احسب الخلفيات منها الانضباط في المحيط وفيها العيال وفيها وفيها.

وأما كلامي تأييد الاجنبيه هقيت أنك عرفته في حينه. وهدفه واضح

ولك ود

بالمختصر..

30-06-2012, 22:17

،

ما تصلح !

أتوقع المقصد هو إنتقاء العريس الزين مو إنك تخطب لـ بنتك سواءً بـ تلميح أو مباشره ..

و أنا عن نفسي ما أتخيل نفسي أتزوج بـ هالطريقه و لا أقتنع به أصلاً !

الحين بعض الرجال إذا أموه أو أختوه خطبت لوه يعني ما هو إختياروه و صارت مشكله بينوه و بين زوجتوه ..

أبسط شي ممكن يقول : أنا تزوجته و ما كانت من إختياري ، إختيار أهلي ...

الزواج ( إيجاب و قبول )

و إذا كان هناك من يقتنع بـ هالطريقه الله يهنيهم ..

أما إذا كان غير كذا فـ الأسلم إنه يكون بـ إختياره و عن قناعه ..

.
.