الدنيا حظوظ وتوافيق

[كبرياء انثى]

صباح / الخير




الـشـاعر / عبدالكريم الجباري



|~



{ حظوظ وتوافيق }





هذي هي الدنيا حظـوظ وتوافيـق..امـا وطـاك الحـظ ولا وطيتـه
~
تعيش في غيبوبه الوقـت وتفيـق..شـي تذكرتـه وشـي نسيـتـه
~
بس الوكاد انه بعد نشفت الريـق..مالك سـوا بنيانـك الـي بنيتـه
~
والظيق كل انسان به هم به ظيـق..ولاكل واحد يسألـك بـه طريتـه
~
السـد خلـه دايمـا فالصناديـق..منشـان ماتصـدم بشـي هقيتـه
~
والحب لعبه حظ بيـن العشاشيـق..امـا نحتـه نحـت ولا محيـتـه
~
وتبي الصحيح الي عليه المواثيـق..الحـب حلـق شاربـي لالقيتـه
~
والطيب فعل وله دروب وطواريق..وسـوه لوجـه الله لامـن نويتـه
~
وفعلن مهو لـك لاتلفقـه تلفيـق..الحق يظهره الزمـن لـو كميتـه
~
كم واحدن صيته بروس الشواهيق..ولاتسـرك سمعتـه لانصيـتـه
~
وكم واحدن ماسمعته سمعت طويق..لكـن يقـوم بواجبـك لانخيـتـه
~
والي يحمل طاقتك فوق ما اتطيق..الي يلومك خبـل لـو ماعطيتـه
~
ياكثر مامـروا علـي المطافيـق..وانا الخطـا مـن يمهـم مابديتـه
~
لو كنت ادقق في خطا الناس تدقيق..ماكان حب الناس فـزت وخذيتـه
~
كم مطلبن حاولت اسوقه ولاسيـق..حاولت به لكن عجـزت وجفيتـه
~
واضك همي ضك ييـن المعاليـق..خلـه مـدام ان المعاليـق بيتـه
~
الـرزق عنـد الله رب المخاليـق..ماهو مخيب رجوتـك لارجيتـه
~
وهذي هي الدنيا حظوظ وتوافيـق..امـا وطـاك الحـظ ولا وطيتـه
~

[الشبث]

صح لسان الشاعر عبدالكريم



ومن اروع قصائده






وصح بدنك كبرياء



وتقلدي تحيتي

[جمران]

صح لسان الشاعر الجباري


صح نقلك كبرياء


لاهنتي

[سالم الظفيري]

صح لسان الجباري


ولسانك اختي كبرياء


لاهنتي دايماً مبدعة في اختياراتك


لك تحياتي

[كبرياء انثى]

شاكرتكم حبايبي ع المرور الرائع وع تقييم الشبث جمران وسالم لاخلى ولاعدم ياارب منكم