% راعية البيت % [الأرشيف]

الشبث

12-06-2012, 20:54

سالم الظفيري

12-06-2012, 21:13

موضوع رائع يا بو ماجد

بس مو كنك ظلمة البنت السعودية

من وجهة نظري مو كل السعوديات كذا

أنت من البداية علمها أنها هي اللي تطبخ وهي صاحبت البيت

الحرمة كل ما قمت تمدحها وتمدح طبخها راح تبدع

إما أنها تهتم بنفسها شي جميل

ياخي في ناس أهم السبب اللي يخلي السعودية رفلا يجيب لها خدامة وكل شي على الخدامة

حتى الطبخ

الخدامة للغسيل ونظافة البيت بس

إما الرجال اللي يرضى إن الخدامة هي اللي تسوي الأكل اجل ليش متزوج طلقها وتزوج الخدامة أحسن

إذا كان من أول الزواج وقبل العيال جايب لها خدمة وهو ساكن له بشقة

يستأهل طبخ الخدامة

أبو ماجد المثل يقول الفرس من خيالها والمرة من رجالها

كني زعلت شوي

تحياتي لكل السعوديات

لأهنت يالغالي

لك تحياتي

عبدالله الجعيثن

12-06-2012, 22:05

راحن الاولات يابو ماجد

طبعا انا ما اعمم

والسبب اراه من الاول ... اي من بيت اهله ومن امه بالتحديد وحياة الرفاهيه اراها هي السبب

لي نكسه

عبدالرحمن

12-06-2012, 22:42

الحين راعية البيت الشغالة ميري الهندية او كوجا الفلبينية او زينب الاثيوبية:thumb:
فعلا اغلب حريم اليوم اهتمامها ببيتها وتربية اولادها اقل من المطلوب !
شعوب العالم لا تعرف الخروج من البيت الا بعطلة نهاية الاسبوع
وحريمنا تسحب بـــــــ(....) بالسبت والاحد(كمان اعرفك تعرف المقوس الفاضي!.
موضوع مفيد نشكرك عليه ياشمعة الجلاس:thumb:

ام الرغفان

12-06-2012, 22:58

^^

فكونا من الاقواس

انا متابعه بصمت وانتظر الهجمه المرتده <<تسمع بالكوره

سالم الظفيري

12-06-2012, 23:30

ابو يوسف وش عندك على الأقواس

تبيني أقول بعد اسحتي ههههههههههههههههههههه

والله من الهجمات المرتدة اللي راح تجي

الحيمري

13-06-2012, 01:09

السعوديات يهتمن بأنفسهن بس ماهو من شان زوجها فقط من شان المظهر قدام

خوياتهن وتلقاه تخرط عليهن زوجي قال لي وسوى فعل وأنا أم فلان وطبخ له

هكالطبخه اللي تاكل اصابع رجلك من وراه, تسمع بالمثل ولا فهمته

وزوجه المقرود ماسكن سرى عند مطعم خان مير ومتزاعل مع الهانم له اسبوعين,

يقوم<<<<كثرت والنفس طيبه بلا تعليق,

شكرا ً أبو ماجد موضوع شيق

مطلق الثنيان

13-06-2012, 05:30

الله يستر عليكم من نكسات ابوغازي:).. !!

خاصة إذا كانت النكسة مرتدة :)وبعد ماياخذ نفسين !!

وياشين اللقافة :)!!

وياشين الشفاية بعد:)!!

ولا لا يابوماجد ؟!

يجب التنويه بإن مثل هذه المواضيع تخص المتزوجين و(أصحاب الخبرات) فقط :3ayyen_khair:!!

وأما البقية براااااا الملعب :3ayyen_khair:متفرجين جمهور جيّابين كور بكيفهم المهم يكونون برااا الملعب:3ayyen_khair: يعني مانبي أحد يتفلسف علينا:qannaj:!!

شموخ شمالية

13-06-2012, 07:01

,

,

أول شي الطيبة هنا وهناك والله ماأطيب من حريمنا ويفرقن عن الاجنبيات
وثاني شي الاجنبيات ماتاخذ الا شايب طايح علشان كذا تسوي له أي شي ويرضابوه
ويقوم هو يمدحها ويذم السعودية اللي صبرت على غثاه أيام الشباب أيام العزايم والشغل عند الحمولة

أمي تقول أول نشتغل بالبيت والمزرعة وساكنة عند حمولته وكل يوم مداور على الطبخ والنفخ
وتقول أنتن يالجيل الجديد من تجيب ثاني وغد قدمت على شغالة :)

بس أنا أقول لان الحين الحياة تغيّرت والكل عنده فلوس فـ ليش ماأريّح نفسي وأجيب شغالة
والا أول الرجل يكون ساكن عند أهله ومامن قروش زي هالوقت
والاكل عشاء فلاليح ومابوه الا كم قدر وكم صحن
مامن طبخات صينية ولا إيطالية وحوسة مواعين :)

لاتقومون تمدحون الاجنبيات وتذمون بنت البلد
والفرق واضح فديتنا roooose

يسلموا أبوماجد

الشبث

13-06-2012, 09:06

يااااااااااليل ابو لمبه يهالموضوع

ارتفع ضغطي من هالحين :)

الظاهر ماحنا خالصين على خير :)

سالم

أنت من البداية علمها أنها هي اللي تطبخ وهي صاحبت البيت

الحرمة كل ما قمت تمدحها وتمدح طبخها راح تبدع

إما أنها تهتم بنفسها شي جميل

هنا المصيبه

هنا الكاااارثه

انا فاااضي له اعلمه ولا ادرسه

ولا بعد اداري خاطره ؟

يعني ما يقدر الواحد يتزوج وحده عارفه واجباته ؟

طيب هالعشرين سنه اللي جلستهن عند اهله وش تسوي بهن ؟

ياخي في ناس أهم السبب اللي يخلي السعودية رفلا يجيب لها خدامة وكل شي على الخدامة

حتى الطبخ

الخدامة للغسيل ونظافة البيت بس

بعد هنا نرفزتني ولو انت عندي تقاضبنا الشوش :)

انا ليش اجيب له شغاله من الاساس ؟

فيه بعض الناس عنده ظروف مافيه مشكله

لكن اني اجيب له شغاله وهي منطقه بالبيت

ليش ؟

هنا الفرق

الاجنبيه تشيل البيت على راسه ولا تقول اي

والسعوديه لو تطبخ لك غدا جلست اسبوع تهمز رجلينه تقل لاعبتن مباراة :)

إما الرجال اللي يرضى إن الخدامة هي اللي تسوي الأكل اجل ليش متزوج طلقها وتزوج الخدامة أحسن

واذا كانت ما تغسل بعد طلقه وتزوج الخدامه :)

يعني جت للغسيل بس

ليش ما تتزوج وحده ثانيه عليها اذا مهي قايمه بكل الشغل

وهي مخيره تبي تجلس ولا تروح بكيفه

أبو ماجد المثل يقول الفرس من خيالها والمرة من رجالها

كني زعلت شوي

طيب ليش كذا يا سالم ؟

يعني الا الزوج يعلم ويرتب

ليش السعوديه ما تجي جااااهزه من بيت اهله تعرف كل واجباته

تطبخ وتنفخ وتقوم بالبيت كله

انا شخصياً مستحيل اجيب شغاله لزوجتي

ليش اهل الزوجه ما يربونها ويعلمونها

يارجال الحين بعض الزقرت ذبحهم الاندومي وبيض العيون :)

وتقلد تحيتي

الشبث

13-06-2012, 09:10

حيالله الذيب ابو غازي

اتفق معك جمله وتفصيلاً في ردك

وانتظر عودتك ابيك تعاونن انضغطت من هالحين :)

وتقلد تحيتي

الشبث

13-06-2012, 09:19

ابو يوسف

انا بلاااي هاللي بين الاقواس واتفق معك ميه بالميه

تدري يابو يوسف ان اللي حدن على كتابة هالموضوع قصه واقعيه حصلت

واحد اعرفه متزوج من وحده قريبته

والرجل موظف وراتبه ما شاء الله تبارك الله حوالي عشرة الاف ريال

وتفاجأة بالرجل يشتغل في وظيفه اخرى

يعني دوام مسائي وظيفه ثانيه

سألته ليش ؟

قالي ياخي مصاريف مقدر اوفي مستلزمات البيت

الغريب انه ما عنده الا ولد بس

اثري زوجته تلعب بالفلوس علشان سهراته مع صديقاته

جايب له شغاله

وسواق

وكل شي

وبعد فتره

ما قدر يصبر

ومثل ما يقولون كثر الدق يفك اللحام

طلقها

وتزوج وحده من سوريا

والحين عايش احلى عيشه

يقول حتى ولده عطيته ياوه ما ابيه :)

والحين ما شاء الله فاتح محل

ويبي يفتح الثاني

وعايش بخير ونعمه

يقول زوجته السوريه حتى اغراض البيت هي اللي تشتريهن ومصروف البيت كله عندها

ولا يكلف البيت الف ريال

هنا المصيبه

ليش بناتنا ما يصيرن كذا ليييييييش << قام ينتف شعروه :)

لا تبعد يابو يوسف الظاهر فيه قبسه قريبه :)

وتقلد تحيتي

الشبث

13-06-2012, 09:33

ام الرغفان

انتظر هجمتس المرتده ههههههههههه

وتقلدي تحيتي

الشبث

13-06-2012, 09:36

ابو منيف

عزالله انك صدقت

يتزينن لصديقاتهن ويكذبن ويهلسن

هذا اللي جيداتن بوه بس :)

ياقلبي على الضعيف زوجه

اقول شرايكم نغير الموجه :)

وتقلد تحيتي

الشبث

13-06-2012, 09:38

ولا لا يابوماجد ؟!

عزالله صدقت يابو نايف :)

وبعدين والله لو انوه اسبوع الا تشوفهم متجمعين

مهو لشيء

محاوله لاستغلال ضعفي :)

فخلوكم حووولي يا سنايدي :)

وتقلد تحيتي

الشبث

13-06-2012, 09:55

وثاني شي الاجنبيات ماتاخذ الا شايب طايح علشان كذا تسوي له أي شي ويرضابوه
ويقوم هو يمدحها ويذم السعودية اللي صبرت على غثاه أيام الشباب أيام العزايم والشغل عند الحمولة

ام عمر لا تظلمين حظتس

والله يا شغل الاجنبيات انه ازين منكن الف مره

وش تعرفن غير الحلا وهالخرابيط

الاجنبيه تنظف بيته وتلحسوه لحس

انتن لازم شغاله

الاجنبيه حتى رجلين زوجه تغسلهن

انتن تنقرفن من ازواجكن وياااكثر اللي يتوحمن بريحة ازواجهن الظاهر حركه :)

الاجنيبه اول ما تشوف زوجه تقابلوه بأبتسامه وتحب يدوه

وانتن حتى ما تقومن احترام له

صحيح ان اغلب اللي يتزوجون اجنبيات شيبان

وهذا لان النظام ما يسمح للشباب بالزواج من اجنبيات

يعني فيها تعقيد شوي

بس والله لو يفتحون المجال تلقين نص السعوديات عوانس

أمي تقول أول نشتغل بالبيت والمزرعة وساكنة عند حمولته وكل يوم مداور على الطبخ والنفخ
وتقول أنتن يالجيل الجديد من تجيب ثاني وغد قدمت على شغالة

وهي صادقه والله

ابي شغااله مثل فلانه

ابي كذا مثل فلانه

والله ذالن يطردن ابو سلطان ولا تسان قلت شي يقرقع بصدري << تهور :)

بس أنا أقول لان الحين الحياة تغيّرت والكل عنده فلوس فـ ليش ماأريّح نفسي وأجيب شغالة
والا أول الرجل يكون ساكن عند أهله ومامن قروش زي هالوقت
والاكل عشاء فلاليح ومابوه الا كم قدر وكم صحن
مامن طبخات صينية ولا إيطالية وحوسة مواعين

مصيبه والله

صحيح ان اول الفلوس اقل

لكن حتى المصاريف اقل

من فيكن تذبح ذبيحه وتطبخه ؟

على بالكن كيوووت وعلى بالكن نعومااات

واذا جينا للصدز الاجنبيات انعم واحلى منكن ولا سون هالحركات

ومع كذا شايلاتن البيت على روسهن

فديتهن انا :)

لاتقومون تمدحون الاجنبيات وتذمون بنت البلد
والفرق واضح فديتنا

وااااتسبدي

ايوالله الفرق واضح فديتهن :)

امووووووت فيهن اذا قالن ابن عمممممي

لو يقولن ابن عمي صفقت اقرب واحد كف من الحماس

اما انتن

هيه جب لي غدا

والله لو تقوله لا تقبس :)

وتقلدي تحيتي

سالم الظفيري

13-06-2012, 10:58

أبو ماجد
إنا ما قول علمها على شغل البيت
إنا قصدي تعلمه إنا ما فيه شغال إذا ما فيه ظروف
ونها هي اللي راح تطبخ وهي اللي راح تشغل

ياخي ترى في بعض الشباب والله أهم السبب
يروح للدوام وهي منخمدة وجي من الدوام وهي على خمدتها
وينخمد جنبها

أبو ماجد الشغال ما هي اكبر مصيب
في بعض الظروف تجبر الواحد على الخدامة

بس أنها تطبخ إنا ضد هذا الشي

اللي ذبحهم الاندومي يستاهلون

أبو غازي

إنا أوافقك الرأي بس

بدي أقول شي شغله

الحين مصدقين انها ما يعرفن شي ولا تعلمن والله يعرفن كل شي

وقليل اللي ما تعرف

اسمحلي على النكسة

لك تحياتي

الشبث

13-06-2012, 11:08

ياخي ترى في بعض الشباب والله أهم السبب
يروح للدوام وهي منخمدة وجي من الدوام وهي على خمدتها
وينخمد جنبها

هذا عاد يا سالم هديفه

المغروض يشوووته بووز

خير ان شاء الله

جايبه اتمنظر به

بعدين يابو زياد انا ما اقول كل من جاب شغاله

لا

ادري فيه ناس يجيبون شغالات مضطرين لان الام تكون موظفه او لا سمح الله مريضه

وهنا عادي

بس الموت اللي من يتزوجه يجيب معه شغاله

وبعض العوايل يطلبون لبنتهم شغاله اذا انخطبت

والحيوان اللي يوافق على هالشرط :)

انا ابيك ترجع ابيه تقبس هنا

ابصير بهالموضوع يا فالق يا مفلوق :)

وتقلد تحيتي

الجازي

13-06-2012, 11:20

والله تسن الفكرة بدت تدخل راسي

الوحدة منا تاخذ له واحد عندوه سورية

هي تحب شغل البيت وأنا أتفرغ أحب نفسي :)

شبيثان ياخي راسك عن ألف راس :)

الشبث

13-06-2012, 11:53

حجيه

الظاهر كلمة ( مع نفسك ) ما جت من فراغ :)

والله تفكيرتس كويس

:)

اااي يا راسي :)

وتقلدي تحيتي

الاصمعي

13-06-2012, 12:43

خيانة :(

جاي من اقصاي ومتحمس يوم بغيت أرد الا الموضوع مغلق:a:

وهالحين يوم ما بدزي بكنانتي ولا سهم تفتحونه!

ليا زل المزح الموضوع اعجبن بقوة وودي اتفلسف شوي مار هالحين متصل من الابفون ولا يعطيني راحتي بالفلسفه بس أوعدك بعوده قوية ان شاء الله:)

الشبث

13-06-2012, 12:55

يا وييييييييييل حالي يابو خالد

ايه

انا ابي المر يطلع :)

والله يابو خالد ما حطيت الموضوع الا وتسبدي مندبله من هالسوالف اللي نسمع

انتظر عودتك يا تاج الراس

واعتذر لاني قفلت الموضوع وانا مادري

من هالايقونه اللي عند الرد تجيب ابو وجه :)

الظاهر نص مواضيع المنتدى انا مقفلهن :)

وتقلد تحيتي

ريال الفسحه

13-06-2012, 13:38

كلامك سليم جدا

عزالله غالبا السعوديه رفلا :)

وراحن حريم اول :)

على الصعيد الاخر نقول راحو رجال اول يابوماجد بعد

شريدتهم انا وانت وابوغازي :)

الشبث

13-06-2012, 13:52

^

كفك يا شيخ

كلاك كبير من اخ خبير ومجرب لامور الدنيا كله

اسأل الله ان يعجل بأنتهاء بناء بيتك :)

صدقت ريالي

والله من الرفاله المكومه

وانا والله ما نزلت هالموضوع الا علشان نعلمهن انهن رفل

ترهن هاقيات بأرواحهن :)

وتقلد تحيتي

ام الرغفان

13-06-2012, 15:38

مطلق الثنيان

قصدك نطلع برا الموضوع هااه

الشبث

الاجنيبه اول ما تشوف زوجه تقابلوه بأبتسامه وتحب يدوه

خيررررررررررررررررررررررررررر ان شاء الله تقعد تحبحب يدينه على الطالعه والنازله ..معبد مو زوج

وبعدين ليش ماتشوفون مساوئ الرجال وانتم بس حاطين على الحريم ..!!

الشبث

13-06-2012, 15:44

لا مهو معبد

بس من الاحترام والتقدير لزوجه

ولا انتن حتى ما تطالعن فيه وهو توه جاي من شغله تعبان ومنتهي

حتى قهوه ما تسون له

بالله مهو فرق السما عن القاع

بعدين انا فاتح هالموضوع علشان نتناقش بنقطه معينه

لو ابي اتكلم عن سلبيات الرجال غيرت العنوان :)

لا جد يا ام الرغفان

للاسف السعوديات ما يعرفن وش معنى حقوق الزوج على زوجته

بس جيدات للتحلس والتملس

وتقلدي تحيتي

ام الرغفان

13-06-2012, 15:51

ولا انتن حتى ما تطالعن فيه وهو توه جاي من شغله تعبان ومنتهي

حتى قهوه ما تسون له

^^
واذا جاء معفن ويرفع الظغط ونفسه براس خشمه المسكينه وش تسوي ..!!

:148r:

انا اشوف ان الوحده تسوي الواجبات اللي عليها وصلى الله وبارك
يعني تنظيف وطبخ وغسيل ملابس وتربيه اطفالها ..وزينتها
غير كذا وش يبي !!!
ومااعتقد ولا اتخييييييل ان فيه وحده مسلمه ترضى ان بيتها يكون وسخ ومو مرتب ..!!

مااااااااااااااااااتوا الرفل..: )

الشبث

13-06-2012, 15:59

يا علهم يموتون ولا يرجعون

بعدين وش طالبين حنا

وش نقول

غسيل وطبخ وتنظيف

منهي هالحين اللي تسوي كل هذولي ؟

كل وحده يا جايبتن شغاله ولا متهاوشتن مع رجله تبي شغاله

والبوووز

واااااااه من البوووز

من يدخل الضعيف ولا مادتن بوزه

اصلا لو هو رجل يعجن بووزه علشان ما تمدوه ثاني مره

وتقلدي تحيتي

مطلق الثنيان

13-06-2012, 16:54

لا مهو معبد

بس من الاحترام والتقدير لزوجه

ولا انتن حتى ما تطالعن فيه وهو توه جاي من شغله تعبان ومنتهي

حتى قهوه ما تسون له

بالله مهو فرق السما عن القاع

يقولون وعلى ذمة إذاعة يقولون ... أن الشامية هي راعية بيت من جد وفيه مثل عند البدو لكني ماني ضابطه لكنهم يقولون بما معناه (( أن اللي ماخذا ( تزوج ) شامية تراه ماخذا )):)!!

وعلى ذمتهم يقولون:
وانت داخل البيت تبتسم لك وتقول:

أهلين ابن عمي:)

وانت طالع مع السلامة ابن عمي:)

وين رايح ابن عمي:)

شو بدّك ابن عمي:)

تؤمرني أمر ابن عمي:)

هذا وانت ماتقرب لها !.. لو أنت من قبيلة وهي من قبيلة ثانية ولو انت من ديرة وهي من ديرة ثانية :232r:..!!

أما اللبنانية فقصتها قصة يبي لك يومين تمدح فيها ومايكفي:)

من جد راعيات بيت هالشاميات واللبنانيات بالذات:thumb:

وكما يقول المثل تعرف الخيل من ركّابها والفرس من خيّالها أومن فارسها

الشبث

13-06-2012, 18:55

ااااااه يابو نايف

هذا البلا يابو نايف

على قولة القايل

اكل ومرعى وقلة صنعا :)

ويبن شغالات

بحياااااااتي ما شفت واحد متزوج اجنبيه وعنده شغاله

وبيوتهم احسن من بيوت اللي عندهم سعوديات :(

وتقلد تحيتي

الجازي

13-06-2012, 18:58

:)

ام الرغفان ياحيي

لايفورون دمتس يابعدهم

هالموضوع فكرة ريالوه ومسك زمامه الشبث لأنه غلاه ولا يرفض له طلب :)

وريالوه من حر مايوجس وده يعرس ولا بعد لقى له سعودية تقبل به :)

عمر بيت وهد بيت وهو يفحط بمحلوه :)

حتى أموه جاب لها بيبي يبي أسهل في تدوير البنات :)

الشبث

13-06-2012, 19:06

^

حامض على بوزكن ريال :)

اصلاً حنا نلقب ريال الناجي الوحيد :)

وتقلدي تحيتي

الجازي

13-06-2012, 19:17

تسني بريال الحين عاضن اصبعوه وهو يقرا ردك :)

يالله ياريال ياحظك

على الأقل انت الناجي الوحيد عند ربعك

يوم ضمنوا انفسهم قاموا يعززون لك :)

لايضيق صدرك ترى مب عيب تاخذ لك اجنبية تصير هي ام عيالك وانت ابو عيالها :)

ترى السعودية ماهيب فرض كلهن حريم :)

صح انك ماكنك معرس :)

بس معليش اهم شيء انت لقيت وحدة تاخذك يالناجي :)

الشبث

13-06-2012, 19:35

^

مدري ليش تقل اشوفك مبرطمه وانتي تردين

لو اقول بتست بتست بتست

تدنينه خليليه :)

وتقلدي تحيتي

الحيمري

13-06-2012, 20:01

يالربع واحد من الربع اعرس على سعوديه امس نبي نروح نعزيه

لأنه فارق الحياة علمو به ليله الدخله من هاللي متشطبات عقوبه

وتقل ركب بعير,

<<<<<<ابونايف وأين اللي أنت تقول ابن عموه نبي نخطب لزقرتنا

الجازي

13-06-2012, 20:19

اي والله ببتسي

عمر الدم مايبئى ميّة :)

وريالوه صح انه مايستاهل من يبتسي عشانه

بس الشكوى لله قلوب السعوديات رهيفة :)

وراحمتن أمه هالضعيفة تجيها مرة ولد اجنبية ماتبرد التسبد :(

الشبث

13-06-2012, 20:43

ابو منيف

الله يرحموه :)

الجازي

الاجنبيه احسن من وحده تكرهه بحياته وتهبل به

بحياااااتنا ما سمعنا اجنبيه مزعله ام زوجه

وتقلدي تحيتي

الاصمعي

13-06-2012, 22:21

الي دابل تسبدك يبو ماجد دابل تسبود ناسٍ واجد ، وراعيات البيوت هالوقت مهن على المواصفات الي باذهاننا من حتسي أهلنا وممن عشنا على يديهن كأمهات وعمات وخالات ولكن الخطأ مهو خطأ نسانا ولا الاجنبيات أحسن منهن خدمة واهتمام بالزوج ولكن حنا كمجتمع "رجال ونساء" تغيرنا وقلة عندنا المسئولية وأصبنا بالاتكالية والكسل جراء الطفرة المادية وتغير طريقة المعيشة والحياة بالأربعين سنة الأخيرة ..

فالبنات والعيال يبلغون سن الزواج وهم بعيد عن المسئولية تماماً ولا يقومون بأي شي حتى تتزوج البنت ويتوظف الولد ولذلك يعوضون هذا النقص بالاعتماد المتزايد على الخدم والمطاعم ..

والأجنبيات حالهم حال السعوديات عندما يترفهوا ويندمجوا بنفس المستوى المعيشي ولكن ما يظهر فرق الآن هو ان الأجنبيات غالباً يأتين من مناطق ريفية فقيرة ومتعودات على الخدمة كحال أمهاتنا سابقاً ولكن من يصيرن بوسط مجتمعاتنا المادية الا وصارن كغيرهن ان لم يكن أسوء ، ثم لا تنسى انهن بالغالي يأخذن كبار سن وهؤلاء متعودين على قيام الزوجه بكل شئون البيت فيجتمع عليهن هذا مع محاولتهن اثبات وجودهن والتشبث بالتغيير المادي الذي هو هدفهن بالأساس فتظهر هالخدمة الي كما قلت تقل وتتغير مع مرور السنين والاندماج بالمجتمع..

وهنا أذكر قصة شايب يقول سير لبناخيٍ له بالكويت "يوم الكويت كانت هي مركز الجذب بالتوضيف" ويوم جابوا له الفطور يمار الخبز ايراني قال لبنتاخيه "يعرفه ويعرف أمه زين ومشهورات بالندارة والسنع" يمه فلانه شنوح خبزكم من الخباز ما عندكم طحين قالت الا والله يا عمي بس شفت كل هالحريم يجيبن من الخباز قلت وش قصرتي عنهن ولا قمت أخبز :)

نقطة ثانية في السمعة الزينة للأجنبيات وهي مبالغة الشياب الي أعرسوا على أجنبيات بالمدح وذلك لإحساسهم بالنقص لأخذت أجنبيات فيبالغون بجانب الخدمة وكأنهم هم الي مفضلينهن على السعوديات وليس لأن ما أحد زوجهم , وهذي تتكرر لكل منطقة يتجهون للزواج منها فقبل فترة انتشر أخذ القصيميات وصارت لهن دعاية بخدمة الزوج وقصر الصوت وحسن الأخلاق بشكل ما يوصف ...

وأذكر من مدح الشيبان ان شايب من الجماعة خذا له عنزية من أهل الرياض "بنت صغيرة" وقبله واحد شايب آخر بعد مآخذ عنزيه من أهل الرياض ، المهم وهو يمدح ويسولف لي والله شخصياً يقول والله يالبناخي ان هالعنزيات ما مثلهن للرجل يشيلنه عن القاع وفعلاً كان شكله مستانس أول العرس وخذ يا مديح وتفر الأيام ولا نسمع الا هو متخارب هو ونسباه ومطلق العنزيه عقب كل هكالمديح والتمجيد ..

فكلٍ يمدح خياراته ولا الحريم ما يتفاوتن الا بالطبايع والتربية وادارة الرجل فقط وليس بالجنسية أو القبيلة والله أعلم ، والزواج كل ما كان من بيئة الشخص كل ما كان أنجح وأوفق ..

^
^
تسن عندي قبل حتسي واجد بس ضاع أكثره مع الكتابه عاد ان فطنت على شي رجعت لكم :)

تحياتي

الجازي

13-06-2012, 22:32

شبيثان

بالله شلون بتسمع وانت ماجربت

لكن ملحوقة

باتسر ريالوه يجرب

وهو وامه بعد بيعطونك العلم :)

يالله ياريالوه عجل علينا اعرس خل نشوف المواري الزينة :)

ام الرغفان

13-06-2012, 23:38

خذوا اجنبيات وفكووووووووووووونا من بثارتكم

الاصمعي يسلم بؤك :)

ريال الفسحه

13-06-2012, 23:54

ابوماجد

شف لك حل ابلشنن الخطاباااااات ع الجوال

وانا قايلهن مابي سعوديه

ابي لي برازيليه :)

عبدالرحمن

14-06-2012, 00:36

ابو ماجد بالله ادخل قوقل وابحث عن وش تقول حريم العرب الاخرين عن حريم الخليج!!!!!!
تدري وش تقول(......) اللي بين الاقواس كلام ماينقال عننا وشلون نقبل بهن زوجات:a:
اما سالفة خويك فمثل سالفة خويي اللي تزوج ثلاث خليجيات وطلقهن!
وخذا حرمة من عرب يؤبرني وهيك وبدي والحين هي ام عياله ويسولف الهوايل عن خدمتها له
وان مصروف بيته بعد ما كان الف دنار كويتي اليوم صار ربع ربع المبلغ غير الخدمة الفايف ستار:)

ابو ماجد تراني بوجهك من بعض الستات واحملك المسئولية:)

مطلق الثنيان

14-06-2012, 00:42

أعتقد الموضوع له علاقة مباشرة بطينة الحريم (طبعها وطبيعتها) يعني خلقتها ويمكننا أن نعمم هذا الأمر ونسقطه على كل الحريم سواء الشاميات أو السعوديات ولكن بتفاوت كبير بين طبيعتهن وطينتهن وخلقتهن؟!

نعلم جميعاً أن الطبع غلب التطبّع؟!..

بالمختصر المفيد أنا أختلف مع رأي ابوخالد الأصمعي وأعتقد أن تأثير البيئة والوعي سواء جت من (الريف والأرياف أو من الحضر يعني متعلمة وفاهمة) تأثيره ضعيف جداً !!

يمكن أتفق معه فيما يتعلق بالتربية تربية الأم لبنتها هذا تأثيره كبير ولكن مع ذلك أعتقد أنه حتى تربية الأم لبنتها مع أهميته الكبيره وتأثيره في سلوك بنتها ولكنه سيبقى عاملاً غير حاسم في هذا الموضوع !!

أعود للتأكيد على أن العامل الحاسم مردّه إلى طينة المرأه (طبعها وطبيعتها) خلقتها الإلهية ومن لديه أعتراض فسيكون في مواجهة مع الخالق الله عز وجل والعياذ بالله عزوجل!!

يمكن أبوخالد أشار لهذه النقطة في الأخير يعني مر عليها مرور عابر مرور الكرام ولم يوليها أهمية قصوى (طبيعة المرأة)!!

لا أبالغ إذا قلت أن طينةالمرأه (طبعها وطبيعتها) هي العامل الأساسي في تحديد شخصيتها سواء كانت رفلا (رخمه) ولا مره حاره (_لبوة ) ... اللبوة (حاره) ترفع راس سبعها أبوشوشة بعكس الرخمة والهطفا والعوبا تنزله :)

الجازي ..
موضوع ابوماجد جاد جداً وليس مزاح ولا كان حطّه بمضيف الفلّه فلة حجاج:)

وبعدين أنا ماعممت على كل الأجنبيات ولكني تكلمت عما سمعته عن الشاميات والحلبيات (السوريات) !!

يعني لايجي أحد ويقول لنا أعرف لي شايب متزوج سودانية أنا حددت سورية ماهي سودانية ؟!...

لإن السودانية أسمها منحوت ومشهور ومعروف ومكتوب على جبهتها " الرفلا بنت الرفلان وأخت الرفلان ":)

يعني اللي ياخذ له سعوديه أقصد سودانيه :) ماتفرق معه وماله مهرب لإن الرفاله وراه وراه يشوفها-الرفاله- وهو داخل بيته ويشوفها وهوطالع منه!!

يصبح ويمسي والرفاله بوجهه:)!

مرحبا يابومنيف ..

المشكلة يابومنيف أن الدولة تمنع زواج السعودي من أجنبية الا بشروط معينة عاهة أو إعاقة أوشايب يخرع الذيابة:)!!

رخصة الزواج ممنوعة بدون إستيفاء الشروط !!

أنا أتكلم عن الشيبان اللي أما أرمل أومطلّق مرته وعنّس أوشايب قرّب يخرف ومايبنّه الحريم:)!!

بصراحة أنا ما أشجع الزواج من الخارج خاصة للشباب مثل ريال الفسحة أنا ضد هذا الأمر ولكن أحياناً يكون للظروف أحكام :)

المهم ابوخالد الأصمعي .. أنت ليش مصر أنك تخيّب ظني بك وللمرة الثانية :)؟!

عمرك شفت تونسي مع زوجته وعياله ومعهم شغالة
مغربي
مصري
سوري

أنا أتكلم عن التونسي والمغربي والمصري والسوري واللبناني اللي عايشين عندنا مع حريمهم ووغدانهم ؟!

ماعمري شفت معهم شغالة ولاعمري شفت تونسي أومصري أومغربي أوسوري يشتكي من مرته ...

ماعمرهم أشتكوا من حريمهم يمكن مشكلتهن أنهن ذربات وطيبات وسنعات وجميلات والأهم ودودات وحنونات وعطوفات:)!!

(ذرابة وسنع وجمال وطيبة وعطف وحنان:))!! وشتبي بعد؟!

هالحين ابوماجد يبيك عون صرت له فرعون:)!!

وين ابويوسف عبدالرحمن زعيم حزبنا حزب(نعم للتعدد ولا للتوحّد):)؟!.. وينك يابويوسف شف لك حل مع ابوخالد:qannaj:؟!

ابوماجد وأنا بعد مثل ابويوسف داخلن على الله ثم عليك من حريم مضايف شمر ابي المزبن أبيك تزبنن :)؟!

تحية للجميع .

عبدالرحمن

14-06-2012, 00:56

اقول ابو نايف ابشر باللي يزرق ابو خالد بكرا ويفر مخوه :)
بخصوص قول ابو خالد ان المراة تتغير بعد حين-الغير خليجية-
اقول اذا كان طبعها نابع من اعراف وتقاليد المجتمع فلا تتغير!
فهذا المراة اليابانية لا تقدم شي لزوجها وهي واقفة بل تجلس بين يديه وتقدم له المطلوب -ماء عصير -!
وهذا السورية الدكتورة بنت الدكتور حفيدة حفيدة مدير جامعة...... تخدم زوجها وكأنها ممرضة وليست زوجة!.
ابو نايف هالمرة انت من تحمل المسئولية:)

ام الرغفان

14-06-2012, 01:06

والله بنات السعودديه اصل وفصصل ومربى ومعروف سسسسابع جد لنا

واذا انكم مبسوطين ببنات الشام ترا لولا فلوسكم ماقبلن بكم ..روحوا لهن و ماعليكم حسسوفه :)

الاصمعي

14-06-2012, 01:12

أم الرغفان وانتي سالمة ولمعامش الشبث دايماً والمة أنا قلت الصحيح ولا يصح الا الصحيح:)

أبو محمد ليه يخي تختلف معي أجل ما حنا نقول جيل هالوقت به وبه وش فرقه عن الجيل الي قبله غير التغيرات المادية واالمعيشية الي صارت عندنا بالعقود الأخيرة والجيل هذا ولي قبله كلهم من موطن واحد وجنس واحد وأبناء لبعض ...

نفس التأثير المادي والثقافة الاجتماعية المستجدة هي الي تفرق الأجنبيات من بناتنا ، والدليل ان حتى الشوام والمصريين وبقية العرب من الطبقات المرفهة والمرتاحة مادياً يشتكون من اتكالية أبناءهم وعدم تحملهم المسئولية مقارنة بالجيل السابق ..

وبالنسبة للشغالات أنا والله شفت شغالات أسيوية في سوريا عند سوريين من أهل سوريا وليسوا مغتربين بالخليج وفي لبنان أكثر وأكثر يعني المسئلة مرتبطة بالرفاه أكثر من ارتباطها بالشعوب ولا لو قست خدمة عجزنا أول تلقى شغل الوحده أطلق من عشرين شامية وبنفس حلوة وزين دبرة ولا تنسى على طاري حريم أول سالفة مطيرة الشمرية زوجة ابن فهيد الأسعدي :)

تسني تحمست مع حريمنا بس عاد لا تطرون الحلبيات والفستق الحلبي همن أقلب عليهن :)

تحياتي

الاصمعي

14-06-2012, 01:16

ام الرغفان

14-06-2012, 01:19

^^

ربي يسعدك ويبرد على قلبك :)

عبدالرحمن

14-06-2012, 01:22

^^^^^^^^^
وحنا يعني يحرر قلوبنا:)

مطلق الثنيان

14-06-2012, 01:40

أبو داحم والله يا فيهن نسرات هالشاميات ما يلاحنن واسأل الي يسافرون عوايل للشام أكثر الشقق التأجير راعياتهن عجز وهن الي يعاملن ويكاسرن والرخمة شايبه يشرب من هالمته مايدري بلي يروح ولي يجي :)

ابوخالد ..
من هو أبومحمد:)

يمكن تقصد ابونايف ..

عموماً ..
يمكن كلامك ينطبق على الشام والشام المقصودة به عندهم العاصمة دمشق فقط .. هذا عندهم أما عندنا فنقصد بها كل سوريا !!

عموماً كلامنا لايتعلق بالشاميات اللي بالعاصمة دمشق وماعمري سمعت أن أحد خطب أوتزوج من العاصمة دمشق الا إذا كان (مجنون)!!

كلامنا عن الشاميات (السوريات) اللي يعشن ويسكنن في شمال سوريا خاصة في الأرياف أرياف حمص وحلب وحماة وصولاً إلى حدود تركيا فكثير من قبايل عنزة وشمر وغيرهم من القبائل عايشين هناك ومايزال أغلب أبناء وبنات تلك القبائل متمسكين بعاداتهم وتقاليدهم القبلية ومتمسكات بالفضيلة وأوامر الدين الإسلامي من حجاب وغيره!!

ابوخالد .. على طاري الحلبيات .. يقولون أنهن مشهورات بالجمال .. جمالهن غير طبيعي خاصة في ريف حلب صحيح أن بعضهن علويات وشيعيات ولكن يقدر الواحد يتزوجها وإن شاء الله ... أن الله يهديها على يديه للإسلام والسنة الصحيحة فيكون كسبان الزواج والأجر والغنيمة بعد:)!!

-------

14-06-2012, 08:04

موضوعك مررة حليووو :)

بس استغربت من المصطلح
لان المسمى عندنا (( راعية البيت ))
يطلق على جنية البيت او ام السعف والليف
ونسميها ايضا الخبابة
وفي صغرنا دايم لمن يخوفونا اهالينا يقولون لنا

الحين تجيك راعية البيت او الخبابة :)
او راعية البيت تعالي خوذيه :)
وهي امرأة شعرها كبير جدا ومنفوش
والكل يخاف منها .. :)
واذا جلست بروحي اتذكرها واخاف والله :)
فعلشان كذا ..
استغربت من العنوان افتكرتك جاي تخوف الاعضاء براعية البيت :)

المهم نرجع لموضوعك ..

مع ابو غازي بماقاله السبب الاول من الام

فالحمد لله غير مؤيدة للشغالات في البيت
اقوم بنفسي وبأعمال بيتي
واخدم زوجي بالطريقة اللي تعجبني لا اللي تعجب الشغالة
مع ان بيتي كبير ويحتاج شغالتين
بس مجرد التفكير بوجودها يولد لي القرف وعدم الامان

ابو ماجد : لك تقديري دوما ..

الشبث

14-06-2012, 09:12

عليهم

عليهم

عليهم

<< شايش

يالربع

الموضوع موضوعكم

واي احد يبي يعلق على الردود فدوه له

ما احب ارد على كل الردود لان ممكن احد ثاني يرد رد احسن

انا مستمتع بنقاش ابو نايف وابو يوسف وابو خالد

وللاسف العنصر النسائي ضعيف هالمره ههههههههههههه

برايفت ام الرغفان

محد قال ان بنات السعوديه مهن اصل وفصل

ونعم بالجميع

وهالموضوع مافيه اي تشكيك من ناحية النسب ولالنا دخل بالنسب

انا اتكلم عن الرفاله وما ادراك ما الرفاله

حتى الجنسيات الاخرى ونعم بهم ما اقول بهم شي حشى لله

ايثار

حياتس منوره

وتقلدوا تحيتي

ليلى بنت عبدالعزيز

15-06-2012, 01:04

حتى السعودي ارفل مثل السعوديه :)

جمران

15-06-2012, 01:34

عز الله اني داخلن عرض

راعي وراعية البيت اللي عليهم الكلام مقلولين هالايام

والسبب في اسلوب التربية

الاب يلهث وراء تامين لقمة العيش وصافطن العيال ولايخلي عليهم ادنى مسؤوليه

والام تهتم بتوفير الجو اللازم للبنت كي تنجح في دراستها

والمشكله ينشا عنها جيل غير مهتم وغير مسؤول

وجهة نظر

يعطيك العافيه ابو ماجد موضوع دسم

مطلق الثنيان

15-06-2012, 01:40

يالربع

الموضوع موضوعكم

واي احد يبي يعلق على الردود فدوه له

ما احب ارد على كل الردود لان ممكن احد ثاني يرد رد احسن

انا مستمتع بنقاش ابو نايف وابو يوسف وابو خالد

وللاسف العنصر النسائي ضعيف هالمره ههههههههههههه

ابوماجد ..

العنصر النسائي ماهو ضعيف .. ولو لهن حيله كان نشبن لك مثل العظم بالحلق:)!!

ولكن تقدر تقول أن السكوت علامة رضا بسبب أن ماعندهن شيء يقولنّّه والسبب أن حجّتهن ضعيفه ودفاعهن مهزوز وكلامنا واقعي وحقيقي وصحيح والخاص برفالتهن:qannaj:!!

الشبث

15-06-2012, 02:10

ام محمد

احترمي نفستس لا ادقتس :)

جمران

ردك دبلماسي او ان حولك احد

ابو نايف

خااابرهن والله خابرهن بهن لعانه

يتمسكنن ليما يتمكنن :)

وتقلدوا تحيتي

الآخــــــــــر

15-06-2012, 03:24

خطير يالدبلوماسي دائماً تشن حروب بقواتك الجوية والبحرية والبرية

على نساء الأرض..( ليه .. مدري ) !!؟:)

راعية البيت يا غالي.. أرى أنها على نوعين..

نوع راعية بيت تهتم في بيتها وزوجها ولا يهمها غير أن تقوم بواجباتها

لأن أهتمامها من أخلاقها مزروع فيها من التربية ومن الأصل الطيب.

ونوع آخر راعية بيت تهتم بزوجها لأنه يحبها وطيب ولطيف معها..

وأن تلاشت هذه الأشياء تراجعت عن أهتمامها..

لأن حب زوجها ورعايته وأهتمامه لها.. جعلها تكون مهتمة في بيتها

وتحاول أن ترضيه وتفعل كل شئ ينال أعجابه وكل هذا لأنها وجدت

أنه يحترمها ويحبها ومهتم فيها. وأن تراجع أهتمامه فيها تراجع

أهتمامها فيه.. أو العكس صحيح

رائع يالشبث..

مرفأ القاضي

16-06-2012, 12:52

ما دهوركم الا هالتعنفق على غير سنع

وبصراحه اكثر ودي اجمع اللي يتفلسفون عن شغل البيت واحرق فيهم بقاز :)
يعني الحين جاي انت تنتقد المرأه بشغل البيت والبيت والبيت !
وياليته البيت الاكل والطبخ والنفخ ماهمكم الا بطونكم يمال الزاوي :(

ترا شغل المرأه بالبيت وقيامه فيه ع اكمل وجه طيب من بعض الحريم انت مانت اخذ شغاله لك ولأهلك وقبيلتك معك
تحمدون ربكم وتبوسون ايدينكم وجه وقفا حريمكم صابرات عليكم جربووو تطبخون طبخه وحده بس وش يكون منظر المطبخ !:3ajeeb:
والا اذا راحوو لأهلهم زياراه بالاجازه شايفين منظر المطبخ ! والصاله و الحوش !
وفوقها تربية العيال اللي ماتدرون باي صف الواحد فيهم على ابو انا رجاال :)
المساعدة بين الزوجين مافيهاا اي نقص ولا عيب وماراح تنقص من رجولتك بالعكس يكون فيها نوع من الموده والحب بين الطرفين الرسول صلى الله عليه وسلم كان يساعد زوجاته الرسوووول
تجون انتم تنتقدون !!
اذا تبون تعرسون من برا من قاضبكم روحوو اما تنتقدوننا عشان نهتم بانفسنا مثل اهتمامنا بالبيت واكثر مو عدل ابد انت اخذ مره ماهي بقره من حقه تصرف وتكشخ وتلبس لزوجها و الطلعات

رفقاً بالقوارير :(

عبدالرحمن

16-06-2012, 13:07

مرفأ القاضي :thumb: وحلوة سالفة التعنفق:thumb:

الحيمري

16-06-2012, 18:25

[QUOTE=مرفأ القاضي;1154208]

ما دهوركم الا هالتعنفق على غير سنع

وبصراحه اكثر ودي اجمع اللي يتفلسفون عن شغل البيت واحرق فيهم بقاز :)
يعني الحين جاي انت تنتقد المرأه بشغل البيت والبيت والبيت !
وياليته البيت الاكل والطبخ والنفخ ماهمكم الا بطونكم يمال الزاوي :(

ترا شغل المرأه بالبيت وقيامه فيه ع اكمل وجه طيب من بعض الحريم انت مانت اخذ شغاله لك ولأهلك وقبيلتك معك
تحمدون ربكم وتبوسون ايدينكم وجه وقفا حريمكم صابرات عليكم جربووو تطبخون طبخه وحده بس وش يكون منظر المطبخ !:3ajeeb:
والا اذا راحوو لأهلهم زياراه بالاجازه شايفين منظر المطبخ ! والصاله و الحوش !
وفوقها تربية العيال اللي ماتدرون باي صف الواحد فيهم على ابو انا رجاال :)
المساعدة بين الزوجين مافيهاا اي نقص ولا عيب وماراح تنقص من رجولتك بالعكس يكون فيها نوع من الموده والحب بين الطرفين الرسول صلى الله عليه وسلم كان يساعد زوجاته الرسوووول
تجون انتم تنتقدون !!
اذا تبون تعرسون من برا من قاضبكم روحوو اما تنتقدوننا عشان نهتم بانفسنا مثل اهتمامنا بالبيت واكثر مو عدل ابد انت اخذ مره ماهي بقره من حقه تصرف وتكشخ وتلبس لزوجها و الطلعات

رفقاً بالقوارير :(

بطونكم يمال الزاوي :( هههههههههههههههههههههههه

أبوماجد

طعن وامسك مساهل الارض اول هجوم حاد,

هذي المرفأ مت جت

تسلمين أختي

الشبث

16-06-2012, 18:28

مرفأ

صحيح ان الرسول عليه الصلاة والسلام كان يساعد زوجاته وهو المعلم الاول لنا

لكن بعد الرسول عليه الصلاة والسلام يقول

( وقرن في بيوتكن ولا تتبرجن تبرج الجاهليه )

واللي نشوفه ان حريم الخليج يجلسن بالاسواق اكثر من بيوتهن :)

بعدين لا يكون تبين الزوج يمسك مكنسه ويقوم يكنس البيت والمدام متكيه عند المكيف مثلاً ؟

هذولي الاجنبيات يكرفن بالبيت واجمل شي هن :)

ابو يوسف

وش تعنفقوه :)

وتقلدوا تحيتي

مطلق الثنيان

17-06-2012, 00:24

ما دهوركم الا هالتعنفق على غير سنع التعنفق:)..؟!!

حاولت أترجمها لكن مالقيت لها أي معنى أو تفسير؟!

قوقلتها بقوقل لكن مافي فايده؟!.. حتى قوقل عجز عنها:)؟!

أنتي منين جبتي كلمة "التعنفق" يامرفأ:qannaj:؟!..

الظاهر ماهي بعيدة عن كلمة "لغاليغوه":)؟!

أبوماجد ..
كنت أحسبهن خلاص سلمن وأستسلمن ورفعن الراية البيضا ولكن الظاهر أن لياقتهن عالية ونفسهن طويل وماينقطع:za3lan:؟!

أنتي منين طلعتي لنا يامرفأ القاضي:qannaj:؟!

عبدالرحمن

17-06-2012, 00:39

معقولة ما تعرفون التعنفق:a:
التعنفق واضح بس فكروا شوي
واصلا هو مصطلح تعرفه كل شعوب الجزيرة وخاصة :thumb:
لا وازيدكم من الشعر قصيدة التعنفق كلمة عربية وشمرية قح:a:
يجي ابو خالد ويعلمكم يا الفرنساوييين:)

مرفأ القاضي

17-06-2012, 06:07

يا صبر الارض بس :)

مرفأ

صحيح ان الرسول عليه الصلاة والسلام كان يساعد زوجاته وهو المعلم الاول لنا

لكن بعد الرسول عليه الصلاة والسلام يقول

( وقرن في بيوتكن ولا تتبرجن تبرج الجاهليه )

واللي نشوفه ان حريم الخليج يجلسن بالاسواق اكثر من بيوتهن :)

استشهادك هنا ماهو بمحله ابد

كلام الرسول صلى الله عليه وسلم له مناسبه غير موضوعك انت تكلمت عن الزوجه وخدمته لزوجهاا اما سالفة الطلعات مسأله ثانيه بعدين حتى أمر الاستقرار في البيوت مايمنع الخروج للمصلحة او قضاء حاجه او صلة رحم حتى هذي تبوت تفتون فيها !!:3ajeeb:

بعدين لا يكون تبين الزوج يمسك مكنسه ويقوم يكنس البيت والمدام متكيه عند المكيف مثلاً ؟

لا تكنسون ولا هم يحزنون طبايعكم زينه ونفوسكم وانتم ما مسكتوو مكانس :)

هذولي الاجنبيات يكرفن بالبيت واجمل شي هن :)

( واجمل شي هن )
منوين جابوو الجمال اكيد من ابائهن _ واللبيب بالاشاره يفهموووو :)

وتقلدوا تحيتي

اللي يقهر بالموضوع صفة التعميم واللي يغيض اكثر اذا ماتبي بنات ديرتك ليه اصلا تتزوجها !

تعرف طبعها واسلوبها وتربيتها !
بس جايدين بالتبطح بالاستراحات واذا كلمتوو الوغد يبي يفطس قال روحي مع السواق

قلنا لكم تبون من الاجنبيات طسوو ماحد بحالف عليكم :315r:

لكن لا تعيبون علينا بعدين ترا الاجنبيات ما صبرو عليكم لسواد عيونكم
صابراتن على غثاكم وقرفكم من اللي وراهن تحلّس وتملس وتؤبرني وابن عمي ومن بكرى هات اخوي وبعده ابوي واللي عقبه امي تبي تحج ولد عمي يبي يعتمر يماا يبلطون فوق روسكم:)

مرفأ القاضي

17-06-2012, 06:11

التعنفق:)..؟!!

أنتي منين جبتي كلمة "التعنفق" يامرفأ:qannaj:؟!..

الظاهر ماهي بعيدة عن كلمة "لغاليغوه":)؟!
!

انشد شيبانك ويعلمونك وش التعنفق :qannaj:

مرفأ القاضي

17-06-2012, 06:16

مطلق الثنيان

18-06-2012, 01:42

مرفأ القاضي;

يا صبر الارض بس :)

اللي يقهر بالموضوع صفة التعميم واللي يغيض اكثر اذا ماتبي بنات ديرتك ليه اصلا تتزوجها !

تعرف طبعها واسلوبها وتربيتها !
بس جايدين بالتبطح بالاستراحات واذا كلمتوو الوغد يبي يفطس قال روحي مع السواق

تروح مع السواق !؟

هذا ماله حق ماهو صاحي وبصراحة مع احترامي للجميع اللي يسوي كذا أعتبره انسان منتهي وماهو أهل للزواج وبصراحة أكثر والا بلاش ؟!

والله أحياناً أتصل بالبيت وأنا بالمخيم أو بالأستراحة بس كذا أتطمن ويامني سمعت صوت بنتي (عمره 5 سنين) تبكي (وأدري أنه تبكي أحياناً دلع) تبي تروح للملاهي أوالمراجيح والله يبكي قلبي معه واترك الأستراحة أو المخيم إذا كنت بالمخيم وأضرب بعرض الحائط ورقة البلوت وأزعل خويي بالورقة واعلمه بالسالفة وإذا شفت الرجل جاد ومصر على زعله أقول له أزعل زعلت طوقان بنتي ابدا منك واروح وأخذ بنتي للملاهي وأونسه ..!!

قلنا لكم تبون من الاجنبيات طسوو ماحد بحالف عليكم :315r:

لكن لا تعيبون علينا بعدين ترا الاجنبيات ما صبرو عليكم لسواد عيونكم
صابراتن على غثاكم وقرفكم من اللي وراهن تحلّس وتملس وتؤبرني وابن عمي ومن بكرى هات اخوي وبعده ابوي واللي عقبه امي تبي تحج ولد عمي يبي يعتمر يماا يبلطون فوق روسكم:)

قلنا لكم تبون من الاجنبيات طسوو ماحد بحالف عليكم :315r:

نطس وين نطس:3ayyen_khair:؟!.. حنا زابنين ابوماجد :za3lan:؟!!

أفا وينك يابوماجد أنت فتحت الموضوع وخليتنا بوجه المدفع:za3lan: لاتنسا أننا زابنين وداخلين على الله ثم عليك!!

حنّا أتهزئنا ياقدعان
كان مالك سلطه على مضيف الأسرة .. أنقل الموضوع عندك بمضيف فلّة حجاج وشف لك حل مع مرفأ القاضي وأعطها أنذار:)!!

وبعدين وين ابوغازي ونكساته المرتدّة:qannaj: ؟!

يقول أبي أنكس ولاشفنا شيْ؟!.. بس شجعنا وغرّنا وراغ عنّا:qannaj:؟!

عموماً ومع ذلك يامرفأ القاضي مارايح نطس وقاعدين على قلوبكن مثل الجمر:):qannaj:

الشبث

18-06-2012, 08:46

يا صبر الارض بس

ايوالله يا صبر الارض :)

لو تحتسي بس تسان علوووم :)

هالحين تبين تعلميني متى الاستشهاد يكون في محله ومتى ما يكون في محله ؟

لا استشهادي في محله

لان ما وصلتن اليه من رفاله ( ونفسيه ) :) له اسباب

ومن ضمن هالاسباب وان كان ثانوي كثرة الخروج من البيت للاسواق

باين من كلامتس يا مرفأ انتس للحين ما تعرفين تسوين شكشوكه :)

ابو ناايف

افاااا من يهزئك يا جدي انت :)

انت خذ وخذل :)

لازم الوحده تجي تحلوص وتحاول تدافع وتطلع نفسه مهي رفلا :)

طبعاً انا خنا ما اعمم انا اقصد الرفل بس

واللي على راسه بطحا يحسس عليه :)

وتقلدوا تحيتي

ريال الفسحه

18-06-2012, 10:20

ايش الهرجه :)

الشبث

18-06-2012, 10:26

الهرجه يا ريال العربان ندرس حالة هالرفل :)

وتقلد تحيتي

عبدالله الجعيثن

18-06-2012, 11:13

ابو ماجد

الرفاله ماله حل ... وكانت نادره ايام اول

لكن اؤكد لك وأجزم ان الرفاله بين بنات هالوقت تعدّت الـــ 70%

وارجع واقول " لا نعمّم " :thumb:

الشبث

18-06-2012, 11:18

^

انا اشوف مثل ما تشوف انه تقارب 80 %

وبعد اقول لاااا نعمم

وتقلد تحيتي

ام الرغفان

18-06-2012, 15:51

^

^

انا اشوف مثل ما تشوف انه تقارب 90%

وبعد اقول لاااا نعمم

من يزيد :)

الشبث

18-06-2012, 15:54

عاد انتي ابخص :)

وتقلدي تحيتي

سالم الظفيري

18-06-2012, 21:21

إنا أشوف إن النسبة قامة تزيد كل شوي 10% وش الهرجة

أبو غازي الرفاله لها حل

تزوج عليها وهي تتعدل

والله من تطري الزواج تشوف كل شي يتغير

ولا ما تقدرون

ام الرغفان

18-06-2012, 22:04

وخذذذنا حتى ابو فلقه علموووه التعداد

ريال الفسحه

18-06-2012, 22:20

الحرمه ماتمشي صح يما تدعس رمته

عبدالرحمن

18-06-2012, 22:35

^^^^^^^^
انت الحين تزوج وبعدين مشروع الدعس:)

سالم الظفيري

18-06-2012, 23:31

ريال والله الهياط عند هالراس

اقول تبي تصير مثلي يعني

أصبحها بكف ومسيها بكف

أقول انتم يا عيال النيدو

برااااااااااااااااااا

مطلق الثنيان

18-06-2012, 23:50

ريال والله الهياط عند هالراس

اقول تبي تصير مثلي يعني

أصبحها بكف ومسيها بكف

أقول انتم يا عيال النيدو

برااااااااااااااااااا

أييييييه بعدي يابوزياد

أنا من شفتك حاطن صورة صدام قلت أكيد يصبحها بكف ويمسيها بكف:)

لكن صدام حسين له صور وهو بالبدلة العسكرية والنجوم والتيجان تزين متونه يوم كان حرّ طليق أيام عزّه أحسن من هالصورة اللي أنت مختار وهو داخل قفص الإتهام في محكمة الروافض والأمريكان حتى لو كان غضبان لكنه مهان ماهي صرخة عز وشموخ :za3lan:وياليت تستبدلها بصور صدام أيام عزّه:)!!.. عندها رايحين نقول وأولنا ريال الفسحة رايح يقول أكيد أبوزياد يصبحها بكفين ويمسيها بثلاث كفوف:)

ام الرغفان

18-06-2012, 23:56

^

والله من الهياط المتكوم بهالرووووس

انا متاكده انوه العكس :)

ريال الفسحه

18-06-2012, 23:57

بس مهو كف ( طراق )

لا يقولها كفك .. يعنني امزح معاها

والا هي تشوته :)

عبدالرحمن

19-06-2012, 00:12

أزعل زعلت طوقان
ههههه الا وش اسماء اخوان طوقان ههههه
اقول ابو نايف اترك ابو زياد هذا من ابطال التعدد:thumb:

مرفأ القاضي

19-06-2012, 00:19

نطس وين نطس:3ayyen_khair:؟!.. حنا زابنين ابوماجد :za3lan:؟!!

أفا وينك يابوماجد أنت فتحت الموضوع وخليتنا بوجه المدفع:za3lan: لاتنسا أننا زابنين وداخلين على الله ثم عليك!!

حنّا أتهزئنا ياقدعان
كان مالك سلطه على مضيف الأسرة .. أنقل الموضوع عندك بمضيف فلّة حجاج وشف لك حل مع مرفأ القاضي وأعطها أنذار:)!!

وبعدين وين ابوغازي ونكساته المرتدّة:qannaj: ؟!

يقول أبي أنكس ولاشفنا شيْ؟!.. بس شجعنا وغرّنا وراغ عنّا:qannaj:؟!

عموماً ومع ذلك يامرفأ القاضي مارايح نطس وقاعدين على قلوبكن مثل الجمر:):qannaj:

ههههههههههههه هذا وانا ماسكه لساني < مهددتها هند مخالفه ماهو إنذار :)

نرجع لموضوعنا
اولاً يامطلق الله يحفظ لك بنت ويرزقك برها
ثانياً انا اتكلم من واقع ومعظم اللي حولي موظفات ولا بعد هن اللي قايمات بالبيت والسواق هي مستقدمته على حسابها عشان ابو الشباب يرتاح
لكن فيه بعض الشغلات لازم ومن الضروري وجوده وهذا رده :)

طسووو بصقر وماهر يقماكم انتم اللي تدورون المحارش :)

عموماً ومع ذلك يامرفأ القاضي مارايح نطس وقاعدين على قلوبكن مثل الجمر:):qannaj:

طيب اقعدووو ماقلنا لكم شيء راضيات بخيركم وشركم وقرفكم لكن انتم اللي تفرعنتوو علينا :)

.

شبث ماتو اللي يسوون شكشوكه :)
والله اني اسوي حتى المفطح لحالي خصوصاً اذا وافق دوري بالمطبخ :(

.

عبدالرحمن

19-06-2012, 00:29

اكلها ريالنا ههههه
اقول يالربع هالموضوع مسكون فاحلا شي انقلوه للفلة نبي نسحب البرانو على بعض البشر:)

ام الرغفان

19-06-2012, 00:32

ههههههههههههههههههههههههههههههههههههههه كفوووووووو يامرفأ

1|0

مطلق الثنيان

19-06-2012, 00:39

شبث ماتو اللي يسوون شكشوكه :)

والله اني اسوي حتى المفطح لحالي خصوصاً اذا وافق دوري بالمطبخ :(

[/INDENT]

تسويّن مفطّح !!

والله أنك بنت أبوكي يامرفأ قول وفعل !

والله قليل اللي مثلك تسوي مفطح الأيام هذي بصراحة !!

بس لاتسمعك بعض البنات اللي مسميتن نفسها ما أدري أيش:)؟! وهي حتى العجينة ماتعرف تعجن فما بالك بالخبز على الصاج:)؟!

ام الرغفان

19-06-2012, 00:42

^^

الحمدلله والشكررر حتى انا اعرف اسسوي مفطح دجاج :qannaj:

سالم الظفيري

19-06-2012, 00:49

بالكعب مرة وحدة هههههههههههههههههههههههههههههههههههههههه ههههههههههههههههههههه

مطلق الثنيان

19-06-2012, 00:49

^^

الحمدلله والشكررر حتى انا اعرف اسسوي مفطح دجاج :qannaj:

مفطّح دجاج !!
أفا هاذي تاليتها فشلتينا مع مرفأ القاضي يابنت العمود:za3lan:
ههههههههههه

والنعم فيك:)

والله مابي حيل أضحك يا أم الرغفان لكن أقول تصبحون على خير .

سالم الظفيري

19-06-2012, 00:58

ما عليك زود يا بو نايف وكفوك الطيب

إما صورة صدام الله يرحمه

أعجبتني نظراته وهو معصب

إذا بثلاث كفوف تتحمد ربها

اصلن عودتها الحين من يجي وقت الكف على طويل تجي تمد صابرة ومرات ارحمها أعطيها كف واحد

مرفأ القاضي

19-06-2012, 01:03

ههه دجاج

لا لا صج مفطح والله شوفي :mabrook:

http://im16.gulfup.com/2012-06-19/1340056769121.jpg

ام الرغفان ياويلي لو تسمعج امي تعيد فرمتتج من اول خخخ

مطلق الثنيان

19-06-2012, 01:24

ههه دجاج

لا لا صج مفطح والله شوفي :mabrook:

http://im16.gulfup.com/2012-06-19/1340056769121.jpg

ام الرغفان ياويلي لو تسمعج امي تعيد فرمتتج من اول خخخ

والله العظيم أدفع عمري كلّه كلّه واللي وراي واللي دوني وأتزوج مره تسوي مفطحات؟!

وش رايك ياريال الفسحه ؟!.. دوّر لك وحده تسوي مفطح

لكن ماهو كل مرّه تطبخ بالبيت وتذبح مرتك وأهلك وتهلكهم لكن مرّة يكون الطبخ طبخ بيت ومرّه تطبخ عند المطبخ وهكذا ...؟!

صلفيق

19-06-2012, 01:56

يقولون >> حلاة الثوب رقعته منه بوه :3ayyen_khair:

نسبة الرفالة بحريم هالوقت لاتتعدى الـ 60%، وهذي نسبة معقولة في هذا الزمن.
والسبب ليس الأهل وتربيتهم !! يمكن السبب الأكبر هو التطبع بعد الزواج..! يعني انتم السبب :)

شوفوا انا ماشاءالله علي ــ أول يوم في الصباحية .. قمت بدري، وجهزت الفطور، وعلى قومتها من النوم !!!
وكان كل شي جاهز.....................:puzzled:
وبعد الفطور ــــــــــــ قلت لها: شفتي اللي أنا سويت ؟ قالت: ايه.
قلت: أبيك كل يوم تسوين نفس اللي أنا سويت .. وان تعنفقتي .. والله العظيم الا أحمّلك مع أغراضك بظهر دينّا وواديك أهلك:3ajeeb:
خوذوا الحكمة.

>>>>>>>> تروها أم مشعل اللي قاعدة تحط الاشارات
ولي عودة ..

تحاياي،،،

مرفأ القاضي

19-06-2012, 02:23

والله العظيم أدفع عمري كلّه كلّه واللي وراي واللي دوني وأتزوج مره تسوي مفطحات؟!

وش رايك ياريال الفسحه ؟!.. دوّر لك وحده تسوي مفطح

لكن ماهو كل مرّه تطبخ بالبيت وتذبح مرتك وأهلك وتهلكهم لكن مرّة يكون الطبخ طبخ بيت ومرّه تطبخ عند المطبخ وهكذا ...؟!

اولاً اذكر الله لا اتشلوط انا وخواتي خخخ

ثانياً الام له دور كبير جداً بمسألة الطبخ والنفخ :)

حنا معودتنا االوالده الله يحفظها من صغرنا نطبخ وننفخ

والمفاطيح بذات من اكبرنا هند لصغرنا جندونه 9 سنوات :)

ومخصصين مطبخ لحالوه كبيره غير المطبخ الرئيسي :(

ووالطبخ بالدور بيننا حتى صرنا نتنافس من احلى من مفاطيح وحلى وكل ابو شيء :d:

بس الحين حريمكم ليه ما يطبخن السبب ؟ :)
رفاهيه يعني او مايعرفن ؟ :)

ام الرغفان

19-06-2012, 03:51

دكتووووور انت :thumb:

مرفأ

تبين الصدق والحقيقه والله ولا مره طبخنا مفاطيح بالبيت ..مو رفاله بس مدري وشوو

ريال الفسحه

19-06-2012, 07:48

مرفأ

ماتقدر توطا شاربي

حالقوه صفر :)

ام الرغفان انتي حتى الرغفان ماتعرفين تسوينهن
هذا اذا تعرفين وشن الرغفان خخخخخخخخ

-------

19-06-2012, 08:21

يالله صباح خير
<< ولاتقفل الموضوع لهالحين :)

استغفر الله توي اعرف وش معنى رفالة
<<< لو تعرفون معناها عندنا تضحكون من قلب :)

:::::::

حتى المفطح ماهو موجود بقاموسنا ابد ..
ابي اذوقه ..
بالله ابي مقاديره ابي اسويه وافاجأ ابو الشباب به :)

مرفأ

قولي لهند تعزمني على مفطح ابي اذوقه
ولابس زميلة ع قلة فائدة :)

الشبث

19-06-2012, 08:32

ريااال

يقولون .... على المرتكي هينه :)

تبي تعرف شلون تسوي مفطح

رح سو بحث صور بقوقل

واكتب مفطح

وحط الصوره هنا تسنك مسويه :)

ولا رح للرومنسيه وصور مفطح وحطوه هنا

شغله يعني

مرفأ

مهو تقليل بتس

لكن اشك انتس تصلحين بيض عيون مهو عاد مفطح :)

اتمنى صراحه يكونن بناتنا احسن بنات

وان زل المزح

انا وغيري حتى من الاخوات ملاحظين هالظاهره

ما نعمم

لكن هذا الواضح ان الغالبيه ما يهتمن ببيوتهن ولا يعطنه اي اهتمام

ابو نايف

عندي لك عروووسه تهبل وتطبخ لو تبي فيل :)

بس عذروبه مامن سنون :)

ريالي

الناجي الوحيد

تسمح لي بصوره معك :)

ام الرغفان

الله ياخذ وجه العدو :)

سالم

برا

ايثار

هم برا :)

ابو يوسف

هههههههههههههههههههههه

خلك على هالوزنه :)

وتقلدوا تحيتي

عبدالرحمن

19-06-2012, 12:14

ابو ماجد معقولة هالسوالف عند عيال حارتنا!
مطلق متهول من طبخ المفاطيح !
وام الرغفان تقول ماعمرنا طبخنا المفطح بالبيت!
اصلا اللي يطبخ ذبيحة وحدة او ثنين بالمطعم-المطبخ-
يعرف نفسه انوه هم ومدامه ثنينهم (......) وثنينهم يستحقون اللي يحطهم بالقدر> طبعا اللي بالاقواس واضح:)

الشبث

19-06-2012, 12:36

^

شلوووون مهو واااضح :)

هالمره فلّصت يابو يوسف :)

الله يكفيك شر الهم :)

ابو يوسف

خوينا ابو احمد راعي الكروت هو ما عندوه وحده تطبخ مفاطيح نبيه لابو نايف :)

وتقلد تحيتي

عبدالرحمن

19-06-2012, 13:07

^^^^^^^^^^
الا عندوه اللي تطبخ قعدان وثيران:)
الا شرايك نحط شرط الطبخ قبل الخطبة العرس
مهو بس هن يتشرطن ابي ادرس واب اتوظف:thumb:

الشبث

19-06-2012, 14:31

ايوالله يابو يوسف

نبي بدال نظره شرعيه طبخه شرعيه :)

وتقلد تحيتي

الحيمري

19-06-2012, 18:19

ياملاء الخير اللي ماتعرف تطبخ فيه حل لها وش قالوا الاولين

اضرب العوص بالعصاء (الهجن)
واضرب النساء بالنساء(بنات بخيندز)

وليش ماتعرف تطبخ وليه متزوجها بس منظر او يقولون متزوج وتظيفها في دفتر العايله,

لكن لا تقع ألا وأنت متساوي تزوج وحده تشوق النظاير يعني وجه وقفاء

(تشوق النظاير وجه وقفاء<<<اخاف أنت تصير طباخ لابس حقه الطبخ)

مطلق الثنيان

19-06-2012, 23:47

ابو ماجد معقولة هالسوالف عند عيال حارتنا!
مطلق متهول من طبخ المفاطيح !
وام الرغفان تقول ماعمرنا طبخنا المفطح بالبيت!

متهوّل من صورة المفطح بس:)

وبعدين أكيد يطبخون أهلي بالبيت لكن هرافي صغار (خمس وست شهور) ويمكن بالشهر مرّة لكن خروفين كبشين أعمارهم أكثر من ثمان شهور (كضحية بالعيد) صعبه شوي:) هذي تصير عندي لكن يبي لي أسوي حالة أستنفار بالبيت وأجمع خواتي مع مرتي علشان يطبخونهم:)

ابوماجد ..
اللي طايحاتن سنونة ماتصلح لي وكذلك العشرينية ماتصلح لي لإنه (وغيدة) وماتعرف تطبخ ؟!.. أبي لي أمرأة بآخر العشرين وبأول الثلاثين (عشرينية ثلاثينية) تكون أمرأة ناضجة وطباخة ماهرة يعني من جد راعية بيت:)

عبدالرحمن

20-06-2012, 00:02

ابو نايف وشرايك تجي عند فليص وهناكي نفلصبك ونعرف طلبك عن قرب:)

ام الرغفان

20-06-2012, 00:09

ابو ماجد

بالله راعي فليص مايأجر لي فليص ابي اطلقوه على ناس فيذا يمكن يحمدون ربهم على مفطح الدجاج

الشبث

20-06-2012, 08:42

خخخخخخخخخخخ

ياااملا اللي يافليص :)

ابو نايف

على قولة ابو يوسف تعال يم فليص ونشوف طلبك لانوه يبي تركيز :)

ام الرغفان

راعي فليص عارضوه للبيع شكلوه استغنى عنوه :)

وتقلدوا تحيتي

ريال الفسحه

20-06-2012, 08:59

ابوماجد

توّي اداوم ( تاخير ساعتين ) :)

وجالس على الكمبيوتر ضاربا بكل الانظمه
عرض الحائط ..

دور لنا مزمزه :)

الشبث

20-06-2012, 09:00

المزمزه قرررريبه

لا تروح بعيد يالغلا :)

دقايق واعطيك خبر

وتقلد تحيتي

عبدالله الجعيثن

20-06-2012, 10:41

^

^

خمس دقايق وتعالوا للفله <<<قاعد يكنسه ويضبّطه ههههههههههه

الشبث

20-06-2012, 11:17

لبا كلش

وتقلد تحيتي

هايس الشمري

23-06-2012, 16:13

راحوا الطيبين :)

أهداااب

24-06-2012, 01:54

طبعاً مصطلح راعية البيت بس تمويه

ولا لاهي راعية بيت ولا شي :)

لا معه لا صك ولاهم يحزنون :)

حركه كذا ولا كذا يطلع الصدز :)

المهم

راعية البيت اللي هي الزوجه

عليها يقوم البيت

ان كانت نظيفه

يطلع البيت يلق وعلى الكيف

وان كانت رفلا

فراح تشوف رفالته على ملامح عياله :)

مو هنا موضوعنا اللي ابيكم تناقشونه

سمعنا زمان ولازلنا نسمع

ان فلان متزوج من الجنسيه الفلانه

او العلانه

ومرته ما شاء الله عليها راعية بيت

نشوف اللي زوجاتهم اجنبيات

ياكلون من البيت دايم

يطبخن ذبايح

يخبزن

ويعجنن

اما اللي متزوج سعوديه

او خليجيه

لعب بخشتوه اللبناني او التميس :)

صحيح

صار فيه مفهوم عندنا ان الاجنبيه راعية بيت صحيح

قايمه بكل شغل البيت

اما السعوديه او الخليجيه رفلا

بعضهن ما عندهن عيال وعندهن شغاله

من الاخر

الاجنبيه تهتم بزوجها

والسعوديه تهتم بنفسها

شرايكم ؟

وتقلدوا تحيتي

صادق و الله يا أبو ماجد

كل جماعتنا اللي متزوجين مصريات أو اردنيات بيوتهن وعيالهن يلقن من النظافة

حتى زوجها يغدي يلق معها :)

ناهيك عن أنواع الطبخات و المحاشي و المنسف و الكبه اللي يخليك تعاف المطاعم كل أبوها :315r:

و عيالهم دائما متفوقين دراسيا وطالعين أعلى المناصب :)

من غير أنها تأخذ حقها بأسلوب >> و ع قولة البعض ال.... تعيش وش ما كانت ظروفها

و الله لمن أشوف بعض الاجنبيات المقيمات عندنا أبصم بالعشرة أن فعلا السعوديات رفلاااااااات

أهداااب

24-06-2012, 01:59

و على فكرة ..

ترى أغلبهن من ريف مصر أو بادية الشام

غير متعلمات و مع هذا بس تعيش في السعودية سنه

تصير هي تعلمك الكشخة و الماراكات :3ajeeb:

الشبث

24-06-2012, 09:12

ماتروح مراحهم الخال :)

وتقلد تحيتي

الشبث

24-06-2012, 09:14

اهدااااب

صدقتي والله

ويعجبني صدقتس مع نفستس اول شي قبل تصدقين معنا :)

مهو مثل الباقيات

هجمن علي يحسبني اعيب بهن :)

هذا الصدز :)

لاهنتي

والظاهر تبي تجيتس هجمه مرتده :)

وتقلدوا تحيتي

أبو فهد

30-06-2012, 22:45

أبو ماجد

استغرب منك هالحتسي

بحكم أنك إنسان مخضرم عايشت جيلين

و تذكر الأولين يوم كانوا يعدون المرة من البهم (طبعا هالشيء لا يجوز شرعا و لا عرفا) بس كانن الحريم يقولن برجالهن هه هه :)

و اليوم يوم عدوهم بشر (وهذا هو المفترض شرعا و عرفا) صاروا الرجال يقولون بهن هه هه :)

و إن جا واحد صادق و قال وطيت غاربه عز الله تروه إن صدق أعرس عليه بس :)

---------------
أبو فهد الهمزاني

الشبث

01-07-2012, 17:36

^

يعنني اصغر منك يابو ماجد وانت شايب يابو ماجد وانا صغييييييير :)

ابو فهد

بس يابو فهد

ماكانوا يعتبرونهن من البهم على قولتك

لكن كانوا شديدين عليهن بالحيل

اما الحين فصاروا ما يعين حيل معهن

وصار صحيح المثل اللي يقول

المره يا تقوده يا تقودك :)

وتقلد تحيتي

شرهه

04-07-2012, 10:51

وانا اشوف شنوح سوق التسيغيات ماشي هههههههه

ابوماجد قريت موضوعك بس انني ماقريت الردود

/

والله مادري كل اللي اشوفهم عادي ياكلون ببيتهم و سيم سيم اجنبي وسعودي والرفالة خلق ان بغت سعودية او لا

و بس اللي ياخذون الوغيدات اللي بالثنوي وطقتهن هم اللي بياكلونه اعتقد الله من قل الدبره بدال ما يسنعنهم يسنعونهن ههههههه

لاهنت

الشبث

15-07-2012, 13:29

^

بالثنوي ووغيدات ؟

اجل متى يكبرن

مهن كبرانات اكبر من هالعمر

اذا بالثانوي وما يعرفن شي اجل بعذر قلوبهن لو دجن

وتقلدي تحيتي

عبدالرحمن

15-07-2012, 13:44

فعلا يابو ماجد يقولن عن اللي بالثانوي وغدان اجل وشلون حريم مال اول يتزوجت وهن بالمتوسط ههههههه

ياي اسلم عليك يالحبيب وبس ههههه

الشبث

15-07-2012, 13:57

ياااااابعد زولي انت

محد فاهمن الا انت :)

وتقلد تحيتي

ام الرغفان

15-07-2012, 13:58

ههههههههههههههههههههههه للاسسف اني متخرجه من الجامعه وفوق هذا معلمه

وامي تقول عني توك صغيره وماكبرتي ..

بس لايغركم تراني راعيه بيت وفله وعماره وكل شي <<روحي موتي

ام الرغفان

15-07-2012, 14:01

^^

احاول انسسيكم الكيكه اللي احترقت :(

الشبث

15-07-2012, 14:18

خخخخخخخخخخ

ام الرغفان

انتي احسن شي تسكنين بجنب الدفاع المدني علشان من قريب بس يمدون الهوز خخخخخخخخخخخخخخخ

وتقلدي تحيتي

ام الرغفان

15-07-2012, 14:25

حطمت فؤادي الصغير

قصصدك اني ماانفع هاه :(

الشبث

15-07-2012, 14:39

لااااا ما قلت شي :)

انتي تنفعين بشرط انتس تكونين حول الدفاع المدني :)

وتقلدي تحيتي

بنت الجبل آخت القصيد

16-07-2012, 07:36

عدال عدال عدال عدال ابن عمي

لك انتا صير مثل الاجانب عشان نصير مثل حريمهم
انتم ذابحكم الاستراحات ولعب البلوت
نادر اشوف شباب يقدرون حياتهم وبيوتهم
وعندهم تحمل للمسئوليه

وبعدين منو قالك ان بناتنا رفلات :(

انت شايف شي حنا ماشفنااه

الحياة مو كامله ومافي شخص كامل
والبنت والشاب اذا تزوجو جمعتهم حياة
يكملون لبعض ويغطون عيوب بعض عشان الحياة تستمر
مو حرام يكون عندها بيت وتعزم صديقاته وقرايبه

البنت اذا تزوجت تعتبر بيتها مملكه تفتخر به
وتسعى يكون كامل ودنيا ثانيه

تجون انتم بكل سهوله تسبون وتنتقدون
وماتشوفون الا النقص

ب النسبه للخدامه شرط مشروع للزوجه
تقدر تشترطه قبل الزواج

للاسف انكم فاهمين ان البنت تطلع من بيت ابوها معززه مكرمه بفيزة خدامه او طباخه
والغالب اول مايتزوج عنده مبداا. خلوها تتربى
نسيتو ان البنت اختك وامك وبنتك

تاكل بيض عيوون واندومي وعايش سعيد معها ومتفاهم معها احسن من طباخة ذبايح وكل يوم مذابح معها 

الحياه حلوه بس نفهمها

.
.

انا زعلانه عليكم كل ابوكم محد دافع عناا

السنعوووسيه

16-07-2012, 08:00

اقول الي يسمع حتسيكم يملا الحتسه الي تقضب العدو

حنو علينا بس

حتي الرجال وينهم رااااااحو الله يرحمهم

ولا هذا زمن يافلانه سوي قهوه لرجال !!!!!وشنوح ما يسوي هو!!!!

وين الرجال الي فاتحه الباب ٢٤ ساعه الحين لازم الواحد قبل مايسيل يتصل ٢٠ مره ولا الحرمه ترد علي الجرس

بالله هذولا رجال عاد

ياحيي ارفقو علينا ما حنا حديد المره يبغي منه تربي البزران وتدرسهم وتقوم بشغال البيت وتستقبل حتي الرجال يمكن والاخ منثبر يانيم يامسكن شغله مثل وجهوه

اااااااه ياتسبدي ياراعين البيت هالوقت لو يطلع الابو من قبره يشوف دلاله لهن سنه مغبرات يقول حمد الله الي مت

لا والا القهر لا قالو فلان عفن من عفانت مرتوه

لا صار الله خلقوه قمشه عفن ليش تحطون البلا بالمره

برب بشرب حليب حرقااااان صابن

بنت الجبل آخت القصيد

16-07-2012, 08:01

حتى قهوه ما تسون له

والله انا اعرف وحده

اول ماتزوجت عايشه احلام ورديه
تقول اول يوم دوام لزوجي بعد مارجع من دوامه مجهزه
عصير برتقال وجايتن من اقصاه واول مادخل
جلس حتي مافصخ بسطاره << الاخ عسكري عسكروه اللي ماياوون لوه

واجيب له العصير تقول علمي بروحي يوم امده

خذا العصير وكبه بوجهه يبي قهوه الطعس :(

وبعد هذا تبونهن يطورن من انفسهن ويكرفن

:)

السنعوووسيه

16-07-2012, 08:07

لا تخيلي انا مايقهرن الا لا قالو ما تعرف تطبخ الذبيحه حن علينا ياهالي معلقن الذبايح

يحوس مرير المره عشان ذبيحه مره بالسنه الله يسود وجهه من رجل الله يرحم الي كل يوم جمعه ذبيحه هع هع

ولا المدح مايطلع الا لاسوا مصيبه ولا بغا فزعه

راحو الطيبين صدز

عمي شبيثااان ليتك انصفتنا :7ayyoh:

السنعوووسيه

16-07-2012, 08:14

يملا الشربه الي تمطل راسوه

بزعموه رجل لا رشقه بوجهه

لالا ولا طايحين بشي يجيب القهوه بترااااااامس هههههههههههههههه

الله يفشلهم هذولا رجاال عاد اااااه ودتس يطلع الجنازه يمحقهم محق

عاد يوم حطه بترمس تذكر مابوه قدوع راح جاب سنكرس وجلكسي وويلي تسيف حركاتهم توطي العقال هههههههههعهههههه

بنت الجبل آخت القصيد

16-07-2012, 08:18

ههههههه

راحو الطيبين

شنسوي عيالنا مايهونون علينا ندمح لهم الزله 

عيالناا
>> من عند موقق وجهو لسميرا

الاصمعي

16-07-2012, 11:43

العلم وشوووووووو؟

تقل تغير المهب وهبت كوس وبه عج يابو ماجد :(

ما ترحمنتوا تبون مفاطيح وسعر قصابة الذبيحة الوحده وصل لمية ريال من قل ال يذبح ذبيحته بنفسه :ezpi_blus

خلوها مساترات وكلٍ يعيش واقعه بزينه وشينه وكما تكونوا يكُن:)

مطلق الثنيان

16-07-2012, 17:54

هذولن منين طلعن علينا يابوماجد؟!

خابرهن غايبات من بيات شتوي إلى بيات صيفي:)!!

لاجابكن الحظ الطيّب:)..!!

ترنا داخلين على الله ثم عليك، وحنا بوجهك ياطويل العمر وزابنين عندك وأنتم مزبنّة الدخيل ياطويل العمر (يبي يرفّع به علشان يجي كلّه على كلّه):)

الشبث

16-07-2012, 23:05

^

اويلي

وانا اشوف وجهي وااارم

اثريكم يالشيبان كلكم متكومينن بوجهي :)

الله محيي خواتي عطر والسنعوسيه

ولي عوده لكن باتسر الصبح

ابنام الحين

وتقلدوا تحيتي

الشبث

17-07-2012, 11:36

حيالله اختي الزعلانه عطر :)

مو حرام يكون عندها بيت وتعزم صديقاته وقرايبه

محد قال حرام

بس من ردتس يظهر تفكيركن يالسعوديات

ما تفكرن الا بالعازايم وبصديقاتكم :)

البنت اذا تزوجت تعتبر بيتها مملكه تفتخر به
وتسعى يكون كامل ودنيا ثانيه

ايوووه

جينا للمفيد

شلون يكون البيت كامل بنظر السعوديات والخليجيات وشلون يكون كامل بنظر غيرهن

بنظركن انتن اهم شي المجلس كشخه والمطبخ حلو والسيراميك مدري وشو

اما بنظر الاجنبيات فأهم شي ان زوجها يكون مرتاح بالبيت

تسوي اللي يعجب زوجها مو اللي يعجب صديقاتها واللي بيزورونها

هنا الفرق :)

تجون انتم بكل سهوله تسبون وتنتقدون
وماتشوفون الا النقص

اجل وش تبونا نسوي نمدحكن مثلاً

وش عليه يا حظي :)

اذا تهتمن ببيوتكن علشان صديقاتكن وشوله نمدح

خل صديقاتكن يمدحن

شرط مشروع رضمه تدق حنوكه

ليه مشروع

وش فيها ما تشتغل ؟

اذا فيه ظرف او شي مو مشكله

اما من الباب للطاقه تبي شغاله غلط

وغلط يتم الزواج من اساسه

للاسف انكم فاهمين ان البنت تطلع من بيت ابوها معززه مكرمه بفيزة خدامه او طباخه

اجل مين اللي بيطبخ للزوج ؟

اجل لو يتزوج الشغاله اصرف له :)

واوفر بعد :)

اذا ما تبين تطبخين

ولا تسوين له اي شي

وعلى كذا لاتزعلن اذا قلنا انكن منتن راعيات بيت

انا زعلانه عليكم كل ابوكم محد دافع عناا

لا ما نرضى تزعلين

بس سون شي زين علشان ندااافع ياخي هههههههههههههه

حياتس

وتقلدي تحيتي

الشبث

17-07-2012, 11:54

حنو علينا بس

حتي الرجال وينهم رااااااحو الله يرحمهم

ولا هذا زمن يافلانه سوي قهوه لرجال !!!!!وشنوح ما يسوي هو!!!!

وين الرجال الي فاتحه الباب ٢٤ ساعه الحين لازم الواحد قبل مايسيل يتصل ٢٠ مره ولا الحرمه ترد علي الجرس

بالله هذولا رجال عاد

لا والله مهم رجال :)

بس هذي طال عمرتس قضيه ثانيه يبي له موضوع لحاااله وشوفي وش اسوي بهم :)

وان شاء الله عقب هالحليب تروقين ويروح الحرقان :)

اللي ابيه اختي السنعوسيه انك تدرين اني ماني حاقد على بناتنا

انا انتقد بعض التصرفات بس

ومثل ما فيه بنات ما يعرفن مصالحهن

الرجال بهم بعد الخايب واللي ما يدبره :)

وان شاء الله تفهمين وجهة نظري

وتقلدي تحيتي