مريت انا المطلاع والشوق هزني ؛ من روائع القديم ..!!

[راعي الوقيد]

مريت انا المطلاع والشوق هزني
قبل الظلام وتوها الشمس غايبه

وفيضت في عالي روابيه عبرتي
وكثرت على قلب المعنى مصايبه
تذكرت من نفسي تمنى مودته
لا القلب ساليها ولا النفس طايبه

وتذكرت خلي يوم الأصوات هودت
وخيم سكون الليل والناس نايمه

تصورت لي في خيالي حبيبتي
بحر الخيال وفوقه الروح عايمه

أحبها لكن من الصعب نلتقي
قلبي ملايمها وهي ما تلايمه

أحبها في صمت وأذرى غرورها
وأظهر خفيف الشوق وأخفي عظايمه

أحبها باخلاص ما أحب غيرها
والروح عن كل الغنادير شايمه

هي مطلبي هي روحي هي حبيبتي
هي ريح قلبي في غناه وغنايمة

يا ناشد عني عقب فقد خلي
تنبيك عن حال المولع هوايمه

غريب والمطلاع مقر غربتي
هاك المكان أغليه والنفس ظايمه

وهب النسيم وغرد الطير عبرتي
وخيم سكون الليل والناس نايمه

لولا غلا ذكراه مارخصت دمعتي
لوكان عيني بازرق الدمع رايبه

هذا المكان اللي جمعنا وضمنا
وهناك حاكتني وهي تقل هايبه

هذاك ماقفها وهذاك ماقفي....
يوم اشرت بالراس وارخت ذوايبه

لاعاد يوم عقب الابعاد شفتها
تجدد الجرح القديم بسبايبه

من عقب ماني فاكر اني نسيتها
اول شرارة حب شبت لهايبه

حفرت قبر الحب في وسط ضامري
من عقب ماهي باليات ٍ نصايبه

قالوا ملكها الغير مالك ومالها
برق بعيد ولاتحوشك سحايبه

يكفيك دور فات بينك وبينها
جنب وخل الحب واترك نشايبه

قلت اتركوني هرجكم مايسرني
والميت ماتحييه دمعة قرايبه

والنار ماتحرق سوى اللي يدوسها
جرحي وانا ابخص في دواه وطبايبه

ان كان روحي عقب الفراق شيبت
سود الليالي عقب الاقمار شايبه

ولو كان يدرون الجماعة بقصتي
محد عذل روح من الوجد ذايبه

اول معرفه بين عيني وعينها
كلام عين لعين نظرات صايبه

العشق كان لغيرها لين شفتها
ومن شفتها نفسي عن البيض طايبه

بالغصب فرت موجة القلب يمها
بالغصب قلبي طاع وانكر حبايبه

قعدت اماري وافتخر في جمالها
واقول هذا الزين شوفوا عجايبه

انا اندفعت وعشت في جو عاطفي
انا بنيت احلام وآمال خايبه

انا مع الايام تكبر مصيبتي
هذيك أعدلها وهذيك عايبه

لو كان حرماني على الناس ينشكي
شكيت مير الناس ماهيب ثايبه

أشكي على اللي قادر انه يحلها
يلهمني السلوان في كل نايبه

وأصبر واخبي في حشى الصدر علتي
واظن تالي الصبر تحمد عقايبه

واحبها في صمت واخفي مشاعري
وابكي اذا دار الشمال بهبايبه

ولابد ماعقب التفاريق نلتقي
انا وانت ياحب دفعنا ضرايبه

وناقف على المطلاع في نفس ماقفي
قبل الظلام وتوها الشمس غايبه

http://www.youtube.com/watch?v=nuECRTiZ9xs&feature=player_embedded

[سالم الظفيري]

لاهنت يابو فيصل

وصح لسان الشاعر طلال السعيد


وتسلم على النقل


لك تحياتي

[راعي الوقيد]

ولاتهون يابعدي
مشكور يابو زياد على المرور
ولك التحيىة

[الجازي]

تسلم يابو فيصل على النقل

بس شنوح القافية مرة باء ومرة ميم :)

[الشبث]

صح لساااانك وبدنك يابو فيصل على هالنقل الروووعه



ايه نبي من هالنمووونه





وتقلد تحيتي

[راعي الوقيد]

تسلم يابو فيصل على النقل

بس شنوح القافية مرة باء ومرة ميم :)

ومن قال يسلم
حياتس الله يالجازي
القافية والا الغافية:7ayyoh:
بزعمي خوش قافية للكصيدة

[راعي الوقيد]

صح لساااانك وبدنك يابو فيصل على هالنقل الروووعه



ايه نبي من هالنمووونه





وتقلد تحيتي

صح بدنك ياملي:)
ابشر بالخير يالعزوة
مشكور على المرور

[الجازي]

وتذكرت خلي يوم الأصوات هودت
وخيم سكون الليل والناس نايمه

تصورت لي في خيالي حبيبتي
بحر الخيال وفوقه الروح عايمه

أحبها لكن من الصعب نلتقي
قلبي ملايمها وهي ما تلايمه

أحبها في صمت وأذرى غرورها
وأظهر خفيف الشوق وأخفي عظايمه

أحبها باخلاص ما أحب غيرها
والروح عن كل الغنادير شايمه

هي مطلبي هي روحي هي حبيبتي
هي ريح قلبي في غناه وغنايمة

يا ناشد عني عقب فقد خلي
تنبيك عن حال المولع هوايمه

غريب والمطلاع مقر غربتي
هاك المكان أغليه والنفس ظايمه

وهب النسيم وغرد الطير عبرتي
وخيم سكون الليل والناس نايمه

^
^

هذا كله زايد على القصيدة مو تبعها :)

يعني قصيدة جوا قصيدة :)

لأني سمعت الرابط لقيته ماقال هالأبيات !!

عشان تعرف بس إني مخلصة في قراءة المشاركات والمواضيع :) <<< تسني بك تقول لاعادت من إخلاص :)

[راعي الوقيد]

برافو عليك
تصدقين توي انتبه
فعلا كأنها قصيدتين بقصيدة
قافية شاعرنا على وزن آيبه
:goooood:
لو يمديني اعدل عدلتها
ياهيك القراءة والا فلا:7ayyoh:

[الجازي]

شنوح ماحطيت جائزة خمسمية ريال مثل شبيثان :)

تسان الحين هي من نصيبي :d:

[راعي الوقيد]

والله تستاهلين اكثر يابنت الاجواد
مار غدينن افوز بجايزة شبيثان وانطيتس اياه:)

[الجازي]

طيب وش رايك اعلمك حل اللغز وتعطيني نصف الجايزة <<< أم الحوطنة :)

[سالم الظفيري]

ماشاءالله عليك يالجازي


وحنا مع الخيل ياشقراء


اجل فصفصتي القصيدة وطلعتي ناقدة


فالك لجنة المليون

[راعي الوقيد]

^
^
اهم شي انك استمتعت بالكصيدة خيوووhttp://forum.te3p.com/images/smilies/2009/t064.gif

[جمران]

دمت وسلمت يابو فيصل

[راعي الوقيد]

اهلين اخوي ابو نتورة
تدوم وتسلم يالعزوة