% يا كاسر البيت من شطره ليا شطره %

[الشبث]

يا كاسر البيت من شطره ليا شطره
كسور الاوزان من يقدر يجبسها

اقرا قصيدي على سمع الملا واطره
بين المخاليق لا جيت لمجالسها

لأن قصيدي يشابه خيلي الخطره
الي ما يهزم على الميدان فارسها

ثقافة الناس لو انها على الفطرة
وزارة التربية صكت مدارسها

ضاقت ملابس عباد الله من البطرة
وصدورها صارت اضيق من ملابسها

والا انت ياللي عليك القلب منشطره
غلاك ورده في روض القلب غارسها

توجعني اذني ولا تنفعني القطرة
ما ينفع إلا صدى صوتك لا لامسها






من روائع الشاعر سويلم العلي السهلي




وتقلدوا تحيتي

[عبدالله الجعيثن]

بالصميم .... :315r:



صح لسانه وتسلم يابو ماجد

[ملهمة]

توجعني اذني ولا تنفعني القطرة
ما ينفع إلا صدى صوتك لا لامسها

صح نقلك

[الجازي]

ودي أعلق وأنتقد بس مدري مسموح والا لأ :)

[سالم الظفيري]

يا كاسر البيت من شطره ليا شطره
كسور الاوزان من يقدر يجبسها


صح لسانك وعلى شانك

وصح لسان الشاعر


عليك القلب منشطرة
القلب مذكر
لك تحياتي

[الجازي]

الحين انا ماعلقت احتريهم يسمحون لي

وانت تقولها باردة مبردة :)


دام السالفة كذا بقول اللي عندي أجل :)

[ام الرغفان]

^^
تكككككككككككككفين قوولي <<تموت اذا ماتشفت



ضاقت ملابس عباد الله من البطرة
وصدورها صارت اضيق من ملابسها

تسلم يابو ماجد على النقل ايادي ماتمسسها النار يارب

[الجازي]

^
^
الله يخلف عليتس

هذا البيت هو اللي عليه الكلام :)

ناوية اشرشحه وانتي جاية تقتبسينوه جايزن لتس :)

ياحبي لتس بس :d:

[الشبث]

ابو غااازي



تندغ ياخي هالقصيده :)







لاهنت يالغلا على هالمرور




وتقلد تحيتي

[الشبث]

صح بدنك اختي ملهمه



نورتي الموضوع




وتقلدي تحيتي

[الشبث]

صح بدنك ام الرغفان



وياعل النار ما تجيتس






لاهنتي على هالمرور يالشفايه :)




وتقلدي تحيتي

[الشبث]

سالم والجازي




بالله هالحين من صدزكم جايين تبون تنتقدون هالشاعر ؟




خبووول انتم ولا بكم قل صح ؟




ابي اسوي نفسي ما شفت شي ولا تعودونه








حياااكم الله على هالمرور اللي مثل قلتوه :)





وتقلدوا تحيتي

[-------]

ضاقت ملابس عباد الله من البطرة
وصدورها صارت اضيق من ملابسها


عجبني هالبيت

ابو ماجد ذائقتك مميزة جدا

لاتحرمنا اطلالتك

[الشبث]

ياهلا ايثار



ومرورك زاد الموضوع جمال




لاهنتي



وتقلدي تحيتي

[جمران]

وجعني اذني ولا تنفعني القطرة
ما ينفع إلا صدى صوتك لا لامسها




سلامة اذنك يابعدهم





صح انت rooose2

[الشبث]

صح بدنننك يالغلا rooose2





وتقلد تحيتي