سالم الظفيري
30-04-2012, 22:23
. الرحيل اللي ترك للضيق .. صدر وطيب نيّه
في غموض أحوال زادت شك نفسي وأربكتها .
. فك شباك القصيد .. وقفّل أبوابه عليّه
قال يا طيب القصيده .. قلت يا قل بركتها ..! .
. لو نقدها الناقد .. ولو قال هذي عالميّه
ويش قيمة نصرها في غير ساحة معركتها ...؟ .
. يا حروفي والله ان اللي يسميك أبجديّه
نظرته تجاهلت كل المشاعر وانهكتها .
. انتي اللي روحك ابقا من بقاء الروح فيّه
والثمينه سطحي النظرات يجهل ماركتها .
. ما علينا يا حروفي يمكن الخيره خفيّه
المهم خيول الأفكار أزعجتني دربكتها .
. والسؤال اللي جوابه روّحت فيه أجنبيّه
ما يجيب الكلمه اللي قبل ترحل .. ما حكتها .
. يوم راحت لا وداع ولا عتاب ولا وصيّه
علّقت كل المواجع في بقايا مملكتها .
. هزت أغصان الهقاوي فوق ضلع الواقعيه
وااه ما اقسى طيحتي باللي يديني شرّكتها .
. طيّحت هقوه وقلب ودمعتين ومعنويه
ومن عيوني طاح صبح الليله اللي ما أدركتها .
. واه من سود الليالي قبل انوش اغلى هديّه
امسكتني عنّها في يّد .. وبيّد امسكتها .
. لين شفت احلامي اللي كنت افكرها مديه
تحترق .. مثل السجاير يوم تخرج من بكتها .
. يوم غابت .. ماهي بس أحلام ضاعت من يديّه
غابت من الوجه بسمه .. كانت أول حابكتها .
. اختفى باب الصباح وضاقت أركان المسيّه
واحتضن صدر السهر عين انطوت فيه وبكتها .
. يوم غابت ؟ ما بقا لي ..غير نار الشوق حيّه
والسهر والذكريات اللي على البال إتركتها .
. المساكن خاليه بغيابها .. وقلبي خليّه
للشقا والشوق وهموم الفراق وشربكتها .
. واعتقد لو تدري بحالي علي ترجع حميّه
بس ما تدري وآنا روحي ولا مره شكتها .
. وان تظلّمت ادري إن يدينها مني بريّه
حتى لو جرّت يد الجاني علي وشاركتها .
. في براءة قدمت للوقت سكين وضحيّه
وارحلت .. والحال يهلكها النوى لو ما اهلكتها .
. ولو افسرها تجاهل او غرور او عنجهيه
من يبدّل لي ذلول الواقع اللي برّكتها .
. مالي إلا الصبر شمس.. وما به إلا الصبر فيّه
والمواجع .. لو تهب اقل نسمه حركتها .
في غموض أحوال زادت شك نفسي وأربكتها .
. فك شباك القصيد .. وقفّل أبوابه عليّه
قال يا طيب القصيده .. قلت يا قل بركتها ..! .
. لو نقدها الناقد .. ولو قال هذي عالميّه
ويش قيمة نصرها في غير ساحة معركتها ...؟ .
. يا حروفي والله ان اللي يسميك أبجديّه
نظرته تجاهلت كل المشاعر وانهكتها .
. انتي اللي روحك ابقا من بقاء الروح فيّه
والثمينه سطحي النظرات يجهل ماركتها .
. ما علينا يا حروفي يمكن الخيره خفيّه
المهم خيول الأفكار أزعجتني دربكتها .
. والسؤال اللي جوابه روّحت فيه أجنبيّه
ما يجيب الكلمه اللي قبل ترحل .. ما حكتها .
. يوم راحت لا وداع ولا عتاب ولا وصيّه
علّقت كل المواجع في بقايا مملكتها .
. هزت أغصان الهقاوي فوق ضلع الواقعيه
وااه ما اقسى طيحتي باللي يديني شرّكتها .
. طيّحت هقوه وقلب ودمعتين ومعنويه
ومن عيوني طاح صبح الليله اللي ما أدركتها .
. واه من سود الليالي قبل انوش اغلى هديّه
امسكتني عنّها في يّد .. وبيّد امسكتها .
. لين شفت احلامي اللي كنت افكرها مديه
تحترق .. مثل السجاير يوم تخرج من بكتها .
. يوم غابت .. ماهي بس أحلام ضاعت من يديّه
غابت من الوجه بسمه .. كانت أول حابكتها .
. اختفى باب الصباح وضاقت أركان المسيّه
واحتضن صدر السهر عين انطوت فيه وبكتها .
. يوم غابت ؟ ما بقا لي ..غير نار الشوق حيّه
والسهر والذكريات اللي على البال إتركتها .
. المساكن خاليه بغيابها .. وقلبي خليّه
للشقا والشوق وهموم الفراق وشربكتها .
. واعتقد لو تدري بحالي علي ترجع حميّه
بس ما تدري وآنا روحي ولا مره شكتها .
. وان تظلّمت ادري إن يدينها مني بريّه
حتى لو جرّت يد الجاني علي وشاركتها .
. في براءة قدمت للوقت سكين وضحيّه
وارحلت .. والحال يهلكها النوى لو ما اهلكتها .
. ولو افسرها تجاهل او غرور او عنجهيه
من يبدّل لي ذلول الواقع اللي برّكتها .
. مالي إلا الصبر شمس.. وما به إلا الصبر فيّه
والمواجع .. لو تهب اقل نسمه حركتها .