% ما عندنا بنات يتزوجن من اجناب %

[الشبث]

بسم الله


موضوع شائك



ممكن دينياً واجتماعياً وعرفياً وحتى ديموقراطياً بعد :)




زواج البنت من خارج القبيله

او من غير ابناء عمه



في السابق كان فيه شي اسمه التحيار

يعني ولد العم يحير بنت عمه


ومحد يتزوجه ابد الا هو

والحين انقطعت هالعاده


لكن نسمع عن بعض العوائل او القبائل


ما يزوجون الا عيال عمهم بس


يعني البنت ما تتزوج الا ولد عمه


مع العلم ان ولد عمه ممكن يتزوج وحده ثانيه ومن برا القبيله بعد :a:


طيب شلووون وليش ومتى ومنهو :)











عادة اجبار البنت من الزواج من ابناء عمها


ادلوا بدلوكم



تدودلوا :)





وتقلدوا تحيتي

[عبدالله الجعيثن]

شف يابوماجد <<<مراكيه:)


اذا ولد عمه رجال وقد حاله وماناقصه شي ...وعلمه غانم


اجباره بصالحه ومع الايام راح تحبّه



بس اذا هو عفن وبه عيب لاوالله ما اجبرها وبالعكس اطرده وأقف بصفه حتى لو زعلت القبيله كلّه

[الشبث]

^


طيب لو جاك غريب


تزوجه ولا لا



انا اتكلم عن اللي نا يزوجون من غير ربعهم




وتقلد تحيتي

[ام الرغفان]

^^
متكيه باخر الموضوع



بعلق بعد الردود:)

[بالمختصر..]

،





فيه بعض العوايل تكون الأولويه لعيال العم و عيال الخال بس ما يجبرون احد ولا يحيّرون ..

يعني من مبدأ اللي تعرفوه احسن من البعيد ..




.
.

[عبدالله الجعيثن]

^


طيب لو جاك غريب


تزوجه ولا لا



وتقلد تحيتي


فيه غريب ,,,وبنفس الوقت قريب


يعني مثلا جار لي عتيبي او عنزي او غيرهم من القبايل المعروفه ...بس انه جار وباخصه وباخص عياله زين ويشّرفون

ليه مازوّجهم ....بالعكس زوّجناهم وتزوّجنا منهم




يابو ماجد....بهالزمن اخطب لبنتك قبل ولدك

[الحيمري]

يقولون هالايام لاتمزح بالزواج عند اهل البنت وأنت بطاقه الاحوال معك

يطرحونك وياخذون منك البطاقه ويتصلون على المأذون يعقد لك على بنتهم

وسكت المأذون يجي يمشي 400 كم خابر الخمسمائه ريال يخاف يجي مأذون قبله

تقول يربع امزح قالوا لا أنت خطبت وبس يالربع لحظه نتفاهم قالوا بدون كلام


لكن أنتبه يابو ماجد تمزح والبطاقه معك وعلم ابوزياد



كثرن الحريم الله لايكثرهن ياكلن من هالدجاج ويالله امس معرس واليوم 15 بنت كله من هالكيماوي والدجاج المحنط


لي نكسه تعليق على الموضوع
شكرا ً ابوماجد

[ام الرغفان]

^


اعتزل الحريم وخلك وحداني وش الحياه بدون نساء :)

[ريم شمر]

^
اي علميه هاللي مايقدر النعمه :)



مع اني شخصياً اؤيد القرب وان يكون الزوجين من نفس البيئه ونفس القبيله
طبعاً مع اعتراضي على عيال العم القريبين مادري ليه اعتبرهم مثل الاخوان
ومااتخيل ابداً ان ولد العم ينفع زوج :(

لكن الزواج من خارج القبيله بعد مافيه ضرر بالعكس يمكن فوائده اكثر
خصوصا من قبايل واسر متشابه بالظروف والعادات

يعني مااحد يشطح وياخذ من الجنوب او غيره :)


والاسوأ هو محاولة خلط الانساب وتضييعها بحجج واهيه :puzzled:

وعموما الزواج نصيب مهما توقعنا او خططنا في النهايه المكتوب هو اللي بيصير


تسلم ابو ماجد

[سالم الظفيري]

انا بالبسة لي مثل مقال ابو غازي اذا ولد العم مافيه شي يعيبة

احاول انها توافق عليه من غير اجبار

اما شي غصب ماظن ولا افكر اني اغصب بنتي على شخص مهما كان ولد عم ولا خال

اما انها تتزوج واحد غريب مافيها شي


ولا ننسى ان الزواج قسمة ونصيب

بس انا اشوف ان ولد العم والخال والقريب احسن من الغريب



موضوع رائع يابو ماجد تسلم يالغالي


لك تحياتي

[ريتاج]

انا ضد ضد ضد الاقارب وعيال العم ..


ومسألت البنت تنجبر ع الزواج انا اعتبره من استهانة بقيمته

لانه هي اللي بتعيش الحياة مع هالزوج مو ابوه ولا اخوه ولا امه

وبعدين اللي يقول بتحبه مع الوقت حنا بنخمن تحبه او لا

واذا ما حبته اصلا الحب مو مقياس اصلا للزواج لان الحب يجي من العشره

انا بنظم حياتي قبل ما ابدا بهالحياة

عشان اكون مسؤوله عن اختياري

يعني بالصريح العبارة هذا ما جنته يداك..


انا ضد الزواج من داخل العايلة واكبر معاارضه..

الناس الحين مااسلمنا منهم وحنا اقارب بس شلون انسبى بعد ..


فيه مشاكل ومسااوئه تفوق منافعه...


ومع الزواج من اي قبيلة .. دامه رجال ودين واخلاق ..


بس اكون انا اللي اختار ...ولما اكون مستعده ..



الموضووع مرره مشووق وحلوو ..


شكرا ع الطرح اخوي الشبث


شييييع

[ليلى بنت عبدالعزيز]

انا عني ما احب زواج الاقارب وارفضه بتاتا
اخذت ابو محمد مو من قبيلتي ولا قريب
وعنده وعند اهله قمه الاحترام والتقدير كني ملكه:)
رفضت قريب لي من قبل 15 سنه وللحين زعلانين وفيه حزازيه
اجل لو جاي زواج وطلاق وحركات وش يصير :)

لكن النصيب نصيب


ميرسي عمووو الشبث على هيك مواضيع :)

[الشبث]

ام الرغفان



ننتظر هجومتس على الموضوع




وتقلدي تحيتي

[الشبث]

اختي بالمختصر


كلامتس معقول


بس الغير معقول ان فيه بعض القبائل ما يزوجون احد من برا ابد



وش رايتس بهالكلام ؟




وتقلدي تحيتي

[الشبث]

ابو غازي


انا معك يابعد راسي بكل شي



بس وش رايك بهاللي ما يزوجون من غير فخذهم ؟


مهو عاد من برا القبيله





وتقلد تحيتي

[الشبث]

هههههههههههههههههههه


هجوووم كاسح من ابو منيف خخخخخخخخ



انتظر عودتك وتعليقك على انغلاق بعض العوائل



وتقلد تحيتي

[الشبث]

تسلمين ام طلال على هالرد


وانا ما كتبت هالموضوع الا لاني شفت وسمعت ان بعض العوايل ما يزوجون الغريب ابد


مهما كان


سواء بشمر ولا بغير شمر






لاهنتي على هالمرور



وتقلدي تحيتي

[الشبث]

هلا اخوي سالم


وانا كنت انتظر ردك لاني اعرف ان بالظفير فخذ ما يزوج الغريب هههههههه



نورت يا حجي




وتقلد تحيتي

[الحيمري]

^


اعتزل الحريم وخلك وحداني وش الحياه بدون نساء :)



أم الرغافين
لا يظالمه اعتزل لا لا لا أستغفري ربك

[سالم الظفيري]

اخوي ابو ماجد فعلا كلامك صحيح ومو بس الغريب اي واحد مو من الفخذ

مايزوجونة


بس انا اشوفة انه نوع من التخلف يعني ياخذون من كل الافخاذ ولا يعطون


وليش وش يفرقون عن الافخاذ او القبايل الثانية


في منهو اطيب منهم

ولاكن مجرد عادات وتقاليد ولازالت وللأسف موجودة


وحصل نقاش بيننا وبينهم بهذا الموضوع

تصدق في ناس منهم مو راضين على هالعادات


ولاكن ماعندهم الشجاعة ان يزوجون بناتهم


تحياتي لك

[الشبث]

هلا اختي رتيج


كلام كبير



رايك اكيد كل بنت تقول مثله


بس لو كانت عايلتك ما يزوجون من برا


هذا غصب بطريقه ثانيه







وتقلدي تحيتي

[الشبث]

ام محمد


تحسسيني اني شااايب وانتي عمرك بهالطعش



اللي يقراء كلامتس ما يدري ان عمرتس 48 حححححححححح






وتقلدي تحيتي

[الشبث]

اضافه كبيره يابو زياد



انا معك بالراي




لاهنت



وتقلد تحيتي

[الحيمري]

ابوماجد
الله سبحانه كل الأمور بيده الرزق والحياة والزواج إلى لخ

أنت جلبت موضوع دقيق وواقعي لو كلا ً تعنصر ولا يزوج الا من فخذه كان اكثر

النساء ماتت وهي مقابله اهلها ولكن كل الناس خير وبركه وانظر العالم امامك هذا خواله القبيله الفلانيه وهذاك مثله



ولد العم له الحق في بنت عمه وهذا شرعا ً اذا كانت راضيه هو

الاولأ بها دون أن تجبر عليه وكان فيه قله حريم وكان العنصريه موجوده

علما ً بنت العم 99% ماتقبل ابن العم والسبب كثر الرجال اللي يخطبونها من القبيله وغيره والا لو مثل اليوم كان تقبل وهي مغمضه

ولا تصدق أن بنت العم تفضل الاجنبي على قبيلتها لكن البعض
طبق المثل يعزمتبك انتخ وشمر كلها اولاد عم


فيه منا عايله. سالفه قديمه شوي

العايله مابقي منهم الا ولد عمره تقريباً 15 سنه وبنت عمرها فوق 30 سنه

هم الاثنين اللي بقوا من عايلتهم الناس قاموا يخطبون البنت رفضت البنت كل

من خطبها وهي تروح يم شايب من القبيله قالت ياعم أنت اليوم وكيل عني تعقد

للولد ابي اتزوجه قال الشايب يابنتي هذا طفل وأنتي حرمه قالت ياعم أنت

تعرف عايلتنا انقطعوا واخاف الولد مايتزوج وننقطع صحيح وعقد الشايب للولد

على البنت وبعد ذلك انجبت عيال وبنات وهم اليوم عايله من اكبر

عوايلنا وأنت يابوماجد 100% تعرف هذه العايله جيدا ً

واولا ً واخير ً قسمه ونصيب والله هو الأمر


شكرا ً ابوماجد

[الحيمري]

اخوي ابو ماجد فعلا كلامك صحيح ومو بس الغريب اي واحد مو من الفخذ

مايزوجونة


بس انا اشوفة انه نوع من التخلف يعني ياخذون من كل الافخاذ ولا يعطون


وليش وش يفرقون عن الافخاذ او القبايل الثانية


في منهو اطيب منهم

ولاكن مجرد عادات وتقاليد ولازالت وللأسف موجودة


وحصل نقاش بيننا وبينهم بهذا الموضوع

تصدق في ناس منهم مو راضين على هالعادات


ولاكن ماعندهم الشجاعة ان يزوجون بناتهم


تحياتي لك




بس انا اعرف نصف الربع خوالهم الظفير

وعلى راسهم سعود بن سبهان المتوقد

[الشبث]

صدقت يابو منيف



رد جاامد وواقعي ومعبر وشافي



اعرف هالعايله زين يابو منيف



انا معك بكل شي قلته



لاهنت يالغالي




وتقلد تحيتي

[سالم الظفيري]

اكيد
وحنا وشمر اخوان وعيال عمومة وبنيخي

ولنا بنيخي من شمر كثير

ولابنا زودهم عليهم بشي

ولا على القبايل الثانية

بس انا قصدي يابو منيف ان في فخذ السويط من الظفير مستحيل يزوجون من براء

وهم ثلاث عوائل من السويط بس مو كلهم

وهذا اكبر غلط ولا في احد منا موافقهم الرآي

ونا على ماظن سمعت في فخذ من شمر مايزوجون بناتهم لغير فخذهم

لحد يفهمني غلط

لك تحياتي

[بالمختصر..]

اختي بالمختصر


كلامتس معقول


بس الغير معقول ان فيه بعض القبائل ما يزوجون احد من برا ابد



وش رايتس بهالكلام ؟




وتقلدي تحيتي


غباء !

اصلاً صحياً معروف إن زواج الأقارب تكثر فيه الآمراض ..

و اذا صارت مشكله بين الزوجين تصير حزازيات و يمكن توصل للقطاعه !

يعني ماله داعي التعصب :) ما يزوجون من برا العايله ليه !! تسنه العائله المالكه :315r:





.
.

[الشبث]

كلام صحيح اختي بالمختصر





بس والله انك صادقه


اجل عائله ملكيه اجل ههههههههه





لاهنتي على هالمرور



وتقلدي تحيتي

[الحيمري]

اكيد
وحنا وشمر اخوان وعيال عمومة وبنيخي

ولنا بنيخي من شمر كثير

ولابنا زودهم عليهم بشي

ولا على القبايل الثانية

بس انا قصدي يابو منيف ان في فخذ السويط من الظفير مستحيل يزوجون من براء

وهم ثلاث عوائل من السويط بس مو كلهم

وهذا اكبر غلط ولا في احد منا موافقهم الرآي

ونا على ماظن سمعت في فخذ من شمر مايزوجون بناتهم لغير فخذهم

لحد يفهمني غلط

لك تحياتي






وصلنا مربط الفرس يابوزياد

السويط اهل البويت ونعم هذا ماهو بس عند الظفير عند كل القبايل شيوخ القبيله

سابقا ً مايزوجون بناتهم ساير الناس وعيالهم يتزوجون من اي واحد من القبيله

او من قبيله ثانيه وهذه العادات شبه تقلصت


عندك الجربان شيوخ من شيوخ شمر قبل وزمان ماضي كان الجرباويه تعتبر

عمه وحرام في شرعهم أن يخطبها شمري واليوم ياخذون 2و3 عند رجل واحد

وهم في زمان سابق لم ولن يشرهون او يتجرون أن فلان من الفخذ الفلاني

يخطب من بنات المحمد في عصورن مضت لو واحد شمري يخطب بنت من

بنات المحمد معروف الرد أنت مجنون تخطب عمتك


ولكن تغيره الأمور من الاسوء للافضل والناس عرفت الشرع وعرفت الخطاء

من الصواب


ولك الشكر أنت وصاحب الموضوع

[ريال الفسحه]

ياوااااايلي يامعقد الشوش



ابوماجد


اهم شي نعرس :(

[ريال الفسحه]

يويلي من برا من داخل صوماليه اهم شي عرس

[ام الرغفان]

احم احم


هاتو المايك


ابو ماجد

اول شي شلونك

انا مو ضد الزواج من خارج القبيله بس بشرط يكون متساوي معي بالنسب والحسب

يعني مثلاا مو يجيني لحجي ولا من ...... اقول يلاا موافقه اهم شي اخلاقه :(

































بقولك سر

















خير بس لبو ماجد
























اذا خلصو شمر افكر اني اطلع برا القبيله <<ماهي متعصبه


يمقن لي باتس

[ريتاج]

8
8
8

انا اكره هذا الشي


العنصرية بالزواج ..

"ان جائكم من ترضون دينه وخلقة فزوجوه"اللهم صلي عليك ياحبيب الله محمد


مافي احد احسن من محمد صلى الله علية وسلم



وشيييييع

[ام الرغفان]

ولعت


من شروط الزواج الناجح التكافؤ بالنـــــــسب


ماهي سالفه عنصريه ياعيني انتي ..


مو معقوله اني اطلع من قبيلتي واروح لقبيله ثانيه يمكن اشوفها اقل مني ..

انا ماقلل من قدر وشان القبيايل الثانيه ..انا اقصد اللي يشطحون حيل

[سالم الظفيري]

ام الرغفان المايك


انا معاك بالنسبة للشطحات البعيد يعني انا من اهل الشمال وزوج بنتي او اختي من الجنوب


انا ضد هذا الشي


بعدين انتي ليش متناقضة شوي



اذا خلصو شمر افكر اني اطلع برا القبيله









من شروط الزواج الناجح التكافؤ بالنـــــــسب



صلب الموضوع ليش في ناس مايزوجون بناتهم غير فخذهم

عندنا

والله للحين مايزوجون وبناتهم عنسن

البنت عمرها 40 وتاخذ ولد عمها او من فخذها الملكي وعمرة 17


عادات قديمة وللحين متمسكين فيها



وظلم للبنت


شكرا لكم جميعاً

[ريتاج]

اذا خلصو شمر افكر اني اطلع برا القبيله <<ماهي متعصبه

انا هذي الجملة اللي اتكلم عنها ..

ما اتكلم عن التكافؤ..


انا ابوي شمري وامي عتيبيه وعايشين بسبات ونبات


ولا يعرفه ابوي ولا تعرفه ولا هي من حايل اصلا

وحنا احسن عمامي عيشه .. ومتفاهمين

وكلهم ماخذين اقارب الا ابوي...



هذا اللي اتكلم عنه ...


التكافؤ موضوع كبير..ما اتكلم عنه ولا هو موضوعنا اصلا


ولا تعصبين حبيبتي وجهة نظر...


لاني اكره العنصريييه ..

[ام الرغفان]

اوك هذا رايك وانا احترمه


بالنسبه لهذي الجمله

اذا خلصو شمر افكر اني اطلع برا القبيله <<ماهي متعصبه

فانا اتكلم عن نفسي فقط وماقلت ياهل شمر لاتاخذون الا منكم


اصلي شمري اخذ واحد لحجي والا ماينعرف خامس جده ليه !!
^^
تشوفين هذا من تكافؤ النسب !!

[عبدالله الجعيثن]

لحد يزعل ..حنا نناقش وكلن يدلي بدلوه


ولا هو تقليل من القبائل





لكن اذا البنت تزوجت من قبيله اخرى بغض النظر عن قبيلته ...وصار سوء تفاهم بين الحريم وهذي صارت واكثر من مرّه


وجته كلمه تمشي 3 الاف من الحريم اللي جالسات " لو به خير ماخلوّه بني عمّه "


وانا والله ماني ضد...بس الاولى للقريب

[ام الرغفان]

^

ابو غازي اشكررررررررررررررررررررررررررررررررررك وصلت اللي بخاطري


ومافي زعل نحن نتاقش فقط

[ريتاج]

وش دخل

الحين انا قلت لا تاخذين حر...

اصلا حالات نادرة جدا انه وحده حره تاخذ مو حر ..

^ هذا هو التكافؤ..

وجهة نظرتس واحترمه ..

بس معليش خففي من هالعنصريه ..

لانه المفروض حنا ناس واثقين انا عندنا نسب زين..

ونفكر بأشياء نكمل فيها من انفسنا ..




لاني من جد كل واحد عنصري احسه نقطة ضعف بالمجتمع ..


وماافيه احد ماايتغير..



لك حبي .. ولا تزعلين ولا شي..

[ريتاج]

وجته كلمه تمشي 3 الاف من الحريم اللي جالسات " لو به خير ماخلوّه بني عمّه "

وش دخلنا بكلام الناس ..

لو بنطالع لكلام الناس مااعشنا ..

ولا بعد الحريم .. لييه الحريم وش يسد حلوقهن اصلا

المفروض مانفكر بهالاشياء اصلا..


رضى الناس غاية لا تدرك ..


واخر همي الناس .. دامي ما اغضبت ربي..

[ام الرغفان]

روقي يارتيج


هاذي وجهات نظر ..


وبالاخر كل واحد حررر بنفسه

[ريتاج]

لا والله .. عاادي مرووقه واشرب كبتشينو كمان:)


بس انا اتحمس مع النقاشات هذي ..


<< تووه حاذفة وحده من البي بي .زومت تسبده بهالسوالف:)


هجووو هههههههه

<< خوذو كباتشينو توزع:)

[سالم الظفيري]

مستحيل احد يزعل من النقاش ووجهات النظر


كل واحد يقول اللي يشوفة صح

[الشبث]

انا ماني راد عليكم



ابي اتابعكم ومستمتع بالنقاشات



ريال


ان دخلت الموضوع حشيتك من جذورك يالصمل













سؤال لريتاج وام الرغفان


لو كانت عايلتكم مااانعه انكن تتزوجن من واحد من فخذ ثاني مهو قبيله ثانيه


وش رايكن ؟






وتقلدوا تحيتي

[الحيمري]

[QUOTE=ام الرغفان;1145878]احم احم

اذا خلصو شمر افكر اني اطلع برا القبيله <<ماهي متعصبه


أنتي بس على هذه الجمله المفروض تاخذين جايزه من المنتدى

أنشهد أنك تسوين عدد شعر راسك من النساء عنصريه والا ماهي عنصريه لكن الكلمه هذي ثمنها كبير عند من يعرف بعدها

[عبدالرحمن]

حي الله اخوي الغالي ابوماجد واشكرك على هذا الموضوع الاجتماعي المهم
واما ردي فانني اقول يجب علينا ان نعترف بخطأ تمسكنا بالكثير من العادات التي تخالف الاسلام والفطرة السليمة
ولان الزواج حاجة ملحة وهي اصل الخلق لذلك يجب ان تكون شروطه سهلة وميسرة حتى لا ندفع ضريبة هذه الشروط!
وقد بدات بعض الاسر دفع هذه الضريبة بسبب تمسكها بهذه الشروط الصعبة-سابقا- او المنع النهائي في بعض الاسر!
لهذا اقول انني مع افتاح القبائل على بعضها في مسالة الزواج وكذلك ارى ان الزواج من خارج القبيلة او من خارج عائلة الشخص
اقل خسائر في حالة فشل الزواج- الطلاق- نعم بعض الاسر والعوائل القريبة تتخاصم وتتقاطع مع بعضها في حالة الانفصال بين الزوجين!
حقيقة يجب علينا اولا ان ننظر الى مصلحة الانثى قبل اي شي اخر خاصة وان مجتمعنا يعاني اليوم من ارقام كبيرة في مسالة العوانس والمطلقات والارامل
وقد تتضاعف هذه الارقام الى ارقام فلكية ان لم نبادر في وضع حلول لهذه المشكلة الاجتماعية والانسانية التي تهمنا جميعا واضيف محذرا واقول سياتي اليوم
الذي تخرج به بنات الخليج الى خارج دائرة العرب وليس دائرة العائلة والقبيلة! نعم سيصبح هارون وشاه واسلام وعلم و...........اصهار لنا!.
لك تقديري يالعزيز.

[الشبث]

رد كبير جداً من اخ اكبر



عندي بعض التعليقات في ردك



لكن افضل طرحها بعد تعليق الاخوان ونقاشهم معك





لاهنت يابو يوسف




وتقلد تحيتي

[ام الرغفان]

انا ماني راد عليكم



ابي اتابعكم ومستمتع بالنقاشات



ريال


ان دخلت الموضوع حشيتك من جذورك يالصمل













سؤال لريتاج وام الرغفان


لو كانت عايلتكم مااانعه انكن تتزوجن من واحد من فخذ ثاني مهو قبيله ثانيه


وش رايكن ؟






وتقلدوا تحيتي

والله هذا اكثررررررررر موضوع انحرج منه بس يالله بطلع حرتي شوي

<<لابسه نقاب وتناقش

بوضح شي اتمنى انه ينفهم بدون انفعال

اهلي مو مانعين الزواج من خارج القبيله ولا من خارج الفخذ بدليل ان عماتي مع عنزو وتمايمه

مساله تعصبي على قولتهم هذي مساله شخصيه وانا تكلمت عن نفسي فقط وحتى راي اهلي ماأخذت به بالنقاش


نجي لرأي لو انهم مانعين الزواج من خارج فخذ وكوارع العايله :) ..

اذا كان فيه احد صالح من عيال فخذنا وكفو بمعنى الكلمه برضى وماراح اخالف رايهم

واذا كان مافيش قسمه ونصيب وهم مانعين الزواج من برا اروح اخذ اوراقي واسجل بالضمان :)

[الحيمري]

[QUOTE=عبدالرحمن;1

لم نبادر في وضع حلول لهذه المشكلة الاجتماعية والانسانية التي تهمنا جميعا واضيف محذرا واقول سياتي اليوم
الذي تخرج به بنات الخليج الى خارج دائرة العرب وليس دائرة العائلة والقبيلة! نعم سيصبح هارون وشاه واسلام وعلم و...........اصهار لنا!.



الطلاق والترمل ومشاكل الزواج والخلافات موجوده من خلق البشر وهذا ليسى له حل

الزواج من خارج الافخاذ من القبيله هذا حاصل اليوم من لكل وشي عادي

لكن بنظرك او فكرتك بماذا تبادر الناس في حلول تقصد الحل أن ولي أمر

البنت يروح يدور لها زوج ويتحمل التكاليف على شان يتزوج أنثاه

او تقصد أن القبيله تتفق على مهر وكلفه الزواج أن لا يتعدى 30000 الف

او ماذا يابو يوسف ودي تكتب رد مفصل بنوع الحلول الذي أنت اشرت إليها

وأما اصهار العرب هارون وشاه واسلام وعلم فــــ هذا لا اتوقعه من القبايل

قد يكون من طرش البحر ولكن يحمل الهويه وأسم الدوله


شكرا ً يابو يوسف

[ريتاج]

أن ولي أمر

البنت يروح يدورح لها زوج ويتحمل التكاليف على شان يتزوج أنثاه

حنى نتكلم بعقل .. لسى ماصرنا هنود ..


حرااام والله حرام انه البنت يضيع مستقبله عشان تاريخ ..


ليه ما تمسكون بتاريخكم انتم ليه البنات ..


يعني الرجال عادي يتزوج سوريه من النور .. لكن البنت تحلم تطلع برا القبيلة ..


انا جد احزن ع البنات اللي اهلهن كذا .. واتمنى انه ربي يعوضهن..

ورد اخوي عبد الرحمن من جد حسيته وفى بالكلام ..


وكلن عنده عايلته وقبيلته احسن شي..


ورد ع سؤال اخوي الشبث ..

انا انا ما انحطيت بالموقف هذا ..

ولا عمري فكرت وش اسوي ؟؟

بس الحمد لله على انه اهلي ما يدانون العنصريه ابدا ولا هم لمه

<< تناقش ابوه تعرس ع لبناني:)

[الحيمري]

حنى نتكلم بعقل .. لسى ماصرنا هنود ..


حرااام والله حرام انه البنت يضيع مستقبله عشان تاريخ ..


ليه ما تمسكون بتاريخكم انتم ليه البنات ..


يعني الرجال عادي يتزوج سوريه من النور .. لكن البنت تحلم تطلع برا القبيلة ..


انا جد احزن ع البنات اللي اهلهن كذا .. واتمنى انه ربي يعوضهن..

ورد اخوي عبد الرحمن من جد حسيته وفى بالكلام ..


وكلن عنده عايلته وقبيلته احسن شي..


ورد ع سؤال اخوي الشبث ..

انا انا ما انحطيت بالموقف هذا ..

ولا عمري فكرت وش اسوي ؟؟

بس الحمد لله على انه اهلي ما يدانون العنصريه ابدا ولا هم لمه

<< تناقش ابوه تعرس ع لبناني:)




اشك انك دققتي في كتابتي او فهمتيها صح

الله يرزقك قولي أمين وش فيك قولي أمين

[ريتاج]

لا فهمتها زين ..:)


الله يرزقك قولي أمين وش فيك قولي أمين

كمل الدعوة عشان اقول آمين<< اخاف تنكبن:)

[الشبث]

لهذا اقول انني مع افتاح القبائل على بعضها في مسالة الزواج وكذلك ارى ان الزواج من خارج القبيلة او من خارج عائلة الشخص
اقل خسائر في حالة فشل الزواج- الطلاق- نعم بعض الاسر والعوائل القريبة تتخاصم وتتقاطع مع بعضها في حالة الانفصال بين الزوجين!




انا معك في هالنقطه يابو يوسف


ولكن


الطرف الاخر اللي هو الزوجه ممكن تقول هذا غريب ومن الممكن انه يتساهل بطلاقي غير لو كان ابن عم او قريب لي


لان ابن العم والقريب راح يحسب حساب المشاكل اللي ممكن تصير لو طلق زوجته وهي قريبه منه

ولو كانت من خارج القبيله ممكن يطلقها ويقول بالطقاااق ويرميها على اهلها رمي





حقيقة يجب علينا اولا ان ننظر الى مصلحة الانثى قبل اي شي اخر خاصة وان مجتمعنا يعاني اليوم من ارقام كبيرة في مسالة العوانس والمطلقات والارامل



ابو يوسف


اين مصلحة الانثى ؟



اذا كان الزواج بالقريب له فوائد وايجابيات وله سلبيات وعواقب


ونفس الشي ينطبق على الغريب



اذا اين مصلحتها ؟





بعدين يابو يوسف احس من ردك انك رميت كل مشاكل الطلاق والعنوسه وغيره على الرجل

الانثى بعد تتحمل وهي طرف بهالظاهره لان نساء اليوم يابو يوسف مهن نساء الامس من ناحية صبرهن على الحياة الزوجيه






انتظر ردك لمناقشت الباقي معك فمناقشت منهو مثلك مفيده




وتقلد تحيتي

[عبدالرحمن]

ياهلا فيك يابو ماجد انت وكل الاعزاء واخص من عقب على ردي واقول الردود مشتتة وغير واضحة خاصة رد اخي العزيز ابو منيف
فساحاول ارد عليكم كلكم ان شاء الله ان سمح الوقت بذلك واما سؤالك عن مصلحة الانثنى من الانفتاح في مسألة الزواج اقول
هناك اسر من شمر لا تزوج افخاذ القبيلة الاخرى -شمر- وبعضها ولا تأخذ الى من افخاذ قريبة منها فاصبح عدد العوانس في هذه الاسر عدد كبير جدا
وعلى هذا المنوال قس الامور ايها الاخ العزيز! بمعنى اوضح لو هذه الاسر سهلت من امر الزواج واعطت وزوجت بناتها الى الافخاذ الاخرى اليس هذا حل يخفف من عدد العوانس!
خلاصة كلامي يجب علينا ان نسهل امر الزواج ولا نعقده بحجج غير مقبولة. لك تقديري.

[عبدالرحمن]

[QUOTE=عبدالرحمن;1

لم نبادر في وضع حلول لهذه المشكلة الاجتماعية والانسانية التي تهمنا جميعا واضيف محذرا واقول سياتي اليوم
الذي تخرج به بنات الخليج الى خارج دائرة العرب وليس دائرة العائلة والقبيلة! نعم سيصبح هارون وشاه واسلام وعلم و...........اصهار لنا!.



الطلاق والترمل ومشاكل الزواج والخلافات موجوده من خلق البشر وهذا ليسى له حل

الزواج من خارج الافخاذ من القبيله هذا حاصل اليوم من لكل وشي عادي

لكن بنظرك او فكرتك بماذا تبادر الناس في حلول تقصد الحل أن ولي أمر

البنت يروح يدور لها زوج ويتحمل التكاليف على شان يتزوج أنثاه

او تقصد أن القبيله تتفق على مهر وكلفه الزواج أن لا يتعدى 30000 الف

او ماذا يابو يوسف ودي تكتب رد مفصل بنوع الحلول الذي أنت اشرت إليها

وأما اصهار العرب هارون وشاه واسلام وعلم فــــ هذا لا اتوقعه من القبايل

قد يكون من طرش البحر ولكن يحمل الهويه وأسم الدوله


شكرا ً يابو يوسف
طيب انت تذكر وتعرف ان الشيخة فلانة بنت فلان تزوجت سبع او ست رجال من شيوخ شمر !
طيب سؤالي لو هذه الشيخة عايشة في عصرنا هل تتزوج هذا العدد الكبير وماهو السبب؟
وسالفة هارون هي قراءة للمستقبل لاني رايت بوادر لها ولان الموضوع حساس ساجيبك برسالة خاصة ان اردت الاطلاع على ذلك!
اقول اخي العزيز وبشكل مختصر مجتمعنا يعاني من ظاهرة العنوسة فيجب علينا ان نبحث عن حلول وارى ان الانفتاح على القبائل الاخرى
يساهم بحل المشكلة والتعدد كذلك يساهم وانتباه الدولة للشباب من توظيف الى توفير السكن يساهم والى امور اخرى كثيرة.
لك تقديري اخي العزيز.

[عبدالرحمن]

انا جد احزن ع البنات اللي اهلهن كذا .. واتمنى انه ربي يعوضهن..

صدقتي يجب علينا ان نضع انفسنا في مكان هذه الانثى التي وقفت بعض العادات والتقاليد امام تكوينها لأسرة
نعم يفترض ان نقترب الى سماحة الاسلام في مسألة الزواج ونتبعد على العضل وعصر وأد البنات!
(-ارى هذا العضل قريب من الوأد لكن يختلف في الطريقة-)!.
شكرا لك اختي الفاضلة ريتاج على هذا الشعور الراقي.

[الشبث]

يااامرحبا بأبو يوسف ورجعته



ابو يوسف


ابستغل وجودك وابي استفسر منك



من وجهة نظرك وش سبب اعراض بعض العوائل عن تزويج الغرباء ؟


خصوصاً اذا كانوا من نفس القبيله


يعني شمري بس مو من نفس الفخذ



فيه تعادل بالنسب ونفس العادات والتقاليد والسلوم



طيب وش السبب ؟




من وجهة نظرك اكيد يابو يوسف



وتقلد تحيتي

[هند القاضي]

للأسف يابو ماجد تربينا ع عادات وتقاليد فيها ظلم خصوصاً في موضوع الزواج من الأقارب او القبيله فقط


مهما حاولنا ومهما رفضنا صعب تتغير العادات بين يوم وليله


زواج تقليدي وممكن سلبياته اكثر من ايجابياته


لا اضافه تذكر الأخوان والأخوات ابدعووو بالنقاش يعطيك العافيه وحياك الله بـ الأسري

[عبدالرحمن]

يااامرحبا بأبو يوسف ورجعته



ابو يوسف


ابستغل وجودك وابي استفسر منك



من وجهة نظرك وش سبب اعراض بعض العوائل عن تزويج الغرباء ؟


خصوصاً اذا كانوا من نفس القبيله


يعني شمري بس مو من نفس الفخذ



فيه تعادل بالنسب ونفس العادات والتقاليد والسلوم



طيب وش السبب ؟




من وجهة نظرك اكيد يابو يوسف



وتقلد تحيتي

نعم هناك بيوت واسر من القبيلة لا تسمح بزواج بناتها من ابناء الافخاذ الاخرى من القبيلة ان لم يكونوا من بيوت مشيخة!
و هذه العادة موجودة سابقا بكثرة اما اليوم فقد خفت قليلا لو انها لازلت موجودة عند البعض من افخاذ القبيلة.
شكرا لك ولاسئلتك اخي العزيز ابو ماجد.

[الحيمري]

[QUOTE=الحيمري;1146041][CENTER][CENTER]
طيب انت تذكر وتعرف ان الشيخة فلانة بنت فلان تزوجت سبع او ست رجال من شيوخ شمر !
طيب سؤالي لو هذه الشيخة عايشة في عصرنا هل تتزوج هذا العدد الكبير وماهو السبب؟
وسالفة هارون هي قراءة للمستقبل لاني رايت بوادر لها ولان الموضوع حساس ساجيبك برسالة خاصة ان اردت الاطلاع على ذلك!
اقول اخي العزيز وبشكل مختصر مجتمعنا يعاني من ظاهرة العنوسة فيجب علينا ان نبحث عن حلول وارى ان الانفتاح على القبائل الاخرى
يساهم بحل المشكلة والتعدد كذلك يساهم وانتباه الدولة للشباب من توظيف الى توفير السكن يساهم والى امور اخرى كثيرة.
لك تقديري اخي العزيز.



شكرا ً ابويوسف على الرد

ويكفيني هذا الرد منك الواقعي واللطيف بدون رساله

طيب أنا وجهه نظري وقد يكون أني ليسى على صح من كل فخذ اربعه او اقل

يتبرعون في حلول فقط تيسير الزواج ويجتمعون في مجالس شمر اليوم بحايل وغدا ً في الرياض وهاكذا لخ

اولا
تكلفه الزواج

ثانيا
تيسير الزواج

ثالثا
حث الشباب على التعدد << رحت فيها (الشيبان موافقين والعجز معارضات)

وأمور كثيره وصدقوني الا صير شي ولكن من يتبرع في الجوله يكون فاهم وسلوب كلامه يجذب المستمع ومقنع


دمت ابويوسف

[عبدالرحمن]

[QUOTE=عبدالرحمن;1146178]



شكرا ً ابويوسف على الرد

ويكفيني هذا الرد منك الواقعي واللطيف بدون رساله

طيب أنا وجهه نظري وقد يكون أني ليسى على صح من كل فخذ اربعه او اقل

يتبرعون في حلول فقط تيسير الزواج ويجتمعون في مجالس شمر اليوم بحايل وغدا ً في الرياض وهاكذا لخ

اولا
تكلفه الزواج

ثانيا
تيسير الزواج

ثالثا
حث الشباب على التعدد << رحت فيها (الشيبان موافقين والعجز معارضات)

وأمور كثيره وصدقوني الا صير شي ولكن من يتبرع في الجوله يكون فاهم وسلوب كلامه يجذب المستمع ومقنع


دمت ابويوسف
اقتراح وجيه ومفيد اتمنى لو تم تحقيقه
نعم ماالمانع من تشكيل مجلس يختص بهذا الشان وغيره من الامور التي تخدم القبيلة وابناؤها
وتكون عضويته لعدد محدد من الاشخاص المتفرغين من الالتزامات والاشغال الاخرى ويكون عملهم تطوعي لخدمة القبيلة
وهذه شعوب الغرب والشرق تتطوع في اعمال اقل شأنا من هذا العمل الانساني الذي يتوافق مع الشريعة واهدافها السامية.
شكرا لك العزيز ابو منيف.

[بنت الجبل آخت القصيد]

لا الناس تغيرو وين ولد العم يحير وين هالسوالف

بالعصر الجاهلي

اغلب الناس صارت تبعد ومحد يحب ياخذ من قرايبه
لان النفوس تغيرت ولابد من المشاكل

لكن تاخذ غريبه او البنت تاخذ غريب
غالبا ينجح الزواج لانه تبدا حياتهم
بدون مشاكل سابقه
تُبنى عليها حياتهم


لكن انا مااحبذ اختلاف الجنسيات حتي لو كانو من قبيله وحده

لاسباب كثيره اولها الطلاق واذا كان بينهم اولاد :(



.
.

[بالمختصر..]

لا الناس تغيرو وين ولد العم يحير وين هالسوالف

بالعصر الجاهلي

اغلب الناس صارت تبعد ومحد يحب ياخذ من قرايبه
لان النفوس تغيرت ولابد من المشاكل

لكن تاخذ غريبه او البنت تاخذ غريب
غالبا ينجح الزواج لانه تبدا حياتهم
بدون مشاكل سابقه
تُبنى عليها حياتهم


لكن انا مااحبذ اختلاف الجنسيات حتي لو كانو من قبيله وحده

لاسباب كثيره اولها الطلاق واذا كان بينهم اولاد :(



.
.




أعتقد الجنسيه ما له دخل !

يعني بالذات السعوديه و الكويت و قطر يزوجون بعض و عادي ، ما أذكر سمعت مشاكل صارت بسبب انه سعودي والا كويتي ..!!

الا اذا كان الشخص ناقص و يبحث عن أي سبب للمشاكل و لو كانت ( الهوية ) !!


يمكن تقصدين الإختلاف بـ العادات و التقاليد .. بس حنا بنفس القبيله تختلف العادات !!





.
.

[عبدالرحمن]

أعتقد الجنسيه ما له دخل !

يعني بالذات السعوديه و الكويت و قطر يزوجون بعض و عادي ، ما أذكر سمعت مشاكل صارت بسبب انه سعودي والا كويتي ..!!

الا اذا كان الشخص ناقص و يبحث عن أي سبب للمشاكل و لو كانت ( الهوية ) !!


يمكن تقصدين الإختلاف بـ العادات و التقاليد .. بس حنا بنفس القبيله تختلف العادات !!





.
.

قد تكون هناك بعض الاختلافات في مسألة القوانين كــــــــ الحضانة والنفقة في حالة الانفصال
فقانون الاحوال الشخصية الكويتي يعطي الحضانة للام وان تزوجت او توفت تحول الحضانة للجدة من الام
وان توفت تنتقل الحضانة للخالة ! بينما هذا الامر غير موجود في اغلب دول الخليج!
او انها تقصد من نفس القبيلة لكن الجنسية غير خليجية!

[شموخ شمالية]

.


,



عائلتنا قليل يطلعون البنت بس اللي يزوّج برى الاسرة مايطلّعه شمّر
ماهو قصور بالقبايل الثانية
وحتى عيالنا هاتس ماياخذون من برى القبيلة
بناتنا وعيالنا تزوجوا من عبدة والاسلم وسنجارة يعني بنيخينا منّا وفينا :)

وبالأخير كلها قسمة ونصيب







تسلم ياأبوماجد ع الموضوع
لاعدمتك

[الشمـــ نور ــــري]

مرحبآ...:315r: خوش موضوع ...:)

أنا أهلي في مسألة الزواج عادي انهم يزوجون اي فخذ من شمر و ايضا اي قبيله شماليه ..تقدرتقول حنآ ماغير شمرو عنزه ناس داشه بناس..:)






















زين أنا مأ احبكم n) ابي ايطالي كيفي مالي شغل ما أبيكم شلون يعني n)