المساعد الشخصي الرقمي

مشاهدة النسخة كاملة : اللــغـــز مــن راســـاً خبـــيــر


فايز الشمري
02-10-2002, 00:41
فــايـــــز الــبــراهــيـــم


الـلـغـز


اللغـــز من راســاً خــبيـــــــر=خــوذوه والمعنــى غـــزيــــــر
لـغـزاً بـه الفـاهـم يـحــيــــــر=شـواهـده قـول الــعـطـيـــــــب
يـارجـال وش تـسـع الـبنــات=يـوم العصـور المـــاضــيـــــــات
مشـن مـن الـغـرب بـثـبــــات=لـلــشــرق والــمـوقـف صـعـيـب
قــدامـهـا(ن) رجــلاً شـجــاع=زيـزوم مـفـراصاً بـــتــــــــــــاع
غـيـر مـسـيـرتـهـن وضــــاع=لـلــديــار بــــه شــاف الـعجيـب
أطــلـق بـهـا ريــش الـنـعـام=وخـوات شـيـخـه والــغــــــــــلام
دمــعـه تـحـدربــه وهــــــام=بــيــومـاًَ بـه الـطــالــب طـلـيــب
عبدالله الجعيثن
02-10-2002, 13:10
ماهن معجزات سيدنا موسى
فايز الشمري
07-10-2002, 07:13
اهلابك وبمرورك


والرمعة غير صحيح

مالك لوا






الف شكر لك على تفاعلك ومرورك الكريم
















فااااايز البراهيم






.
نديم طويق
07-10-2002, 16:18
صح لسانك ويعطيك العافية وش رايك باللي تسبب في تتويه الجنود الترك في الصحراء وماتوا جميعا عندما ادعى انه سيدلهم على مبتغاهم !!!
فلاح السعد
07-10-2002, 16:35
والله يانديم ابي ارمع عقبك عاد غدي حدينا يلقاه

وشرايك ياعضيدي الظاهرانهن بنات ماهم عيال


وانا ابي ارمع الغزوات اللي من بلاد الشام بدايتهن


ولكم التحيه
نديم طويق
07-10-2002, 19:06
اخوي فلاح السعد .... تراي بنيت الرمعة على الرجال

الشجاع اللي قدامهن ...على أساس انهن تسع مجموعات من الجنود

تسلم لي يالغالي
فايز الشمري
07-10-2002, 20:13
الله لا يهينك على هذا الاهتمام واشكرك اجمل شكر

ولاكن مالك لواء خلوكم بالجزيره العربيه لاتروحون بعيد



عموماً بيض الله وجهك



اخوك /فااااايز الشمري



.
فايز الشمري
07-10-2002, 20:17
يابن سعد ماهو صعيباً عليكم
/\/\/\/\/\/\ انتم رجال للصعايب تحلون

الف شكر لك ولاكن









مــــــــــالــك لـــــــواء



اخوك

فااااايز الشمري
نقع السنابك
07-10-2002, 23:40
اظن انهن بنات نعش يعني السالفه بالنجوم .. وترى اخوك بسواليف النجوم الله يخلف
بس يورالي ان الدعوى بالسماء .... وش رايك

تحياتي واشواقي
فايز الشمري
08-10-2002, 07:12
هلا ومــــــرحـــــــبـــــــا بـــمـــرورك الـــكــــــــــريم




وخلـــك علـــى الارض



البنات والرجل على الارض



المهم اهلاً بــــــك



ولا كـــــــن مـــــــــالـــــــك لـــــــــــــــــــــــواء





الـــــــــف شــــــــــكـــــــــــــر



فاااااايز البــــراهــــيــــــم


.
سويلم الشمري
09-10-2002, 21:01
اخوي فايز صح لسانك على ها اللغز عندي رمعة مدري لو هي سماوية لكن

ما هو ابن رشيد الجنازة يم يستفزعون بة اهل قطر

او انة يوم يغزي الكويت رغم نصيحة عمة محمد المهاد رحمة اللة بعدم غزو الكويت

الرمعة ادري بة سماوية لكن للمشاركة

اخوك سويلم
فايز الشمري
10-10-2002, 00:59
اهــــــــــلاً بـــــك وبــــمـــــرورك الكريم

اسعدنـــي هذا الاهــمام منك ياسنايدي



ولاكن على ماقلت رمعتك سماويه


ولاكن تفكيـــــرك بالا تـــجـــــاه الـــصحـــيـــح



الف شكـــر لك

وبيض الله وجهك يالغالـــي






اخوك

فااااايز البراهيم الشمري


.
فلاح السعد
13-10-2002, 12:18
مرحبابك فايز الشـهم الاصيـل ابن الاصــــيل

مرحباباللي علومه تسراهل الشجاعه والكرم


وخذ هالرمعه

ولاهي قصة اسر راكان بن حثلين
فايز الشمري
21-10-2002, 20:13
هلا ومسهلا بك






اشكر لك اهتمامك المتميز








اما الرمعه مالك لو







وانت والله يافلاح خطير


تراء اقول خطير مو على نشان الرمعه انتبه لا تتضيعك كلمتي





ترى رمعتك ماهي حول اللغز




وشد حيلك






الف
شكر لك

وتقبل تحياتي
سلطان الشمري
26-10-2002, 14:14
فايز والله مستحي يقال ما شارك.................وادري انه مهي حول الارض ولا السماء يعني اوف سايد واللغز يبيله فكر ........ لكن على الله (( مهي غزوات الرسول عليه السلام))
فايز الشمري
26-10-2002, 18:39
يـــــكــــفــــي مــــرورك يــأ بـيــض الــوجـــه يــكـــفـــــي

@@@@@@@ لــو مــارمــعـــت وجــبــت حـــل الـــهـــــــــدف لــــي




الــف شكر لك على هذا المرور الجميل


والاهتمام من جـــانــــبــــك




امــــــا الــــــرمـــــعـــــــة



























م



ا




ل





ك







لــــــــــواء






تقبل تحيااااااتي
أبو حماد
11-11-2002, 01:22
اخوي فايز البراهيم
تحية طيبة ... ويعطيك العافية على هذا اللغز الرائع
واسمح لي إدلي بدلوي وأقول: هذا الجنازة والمواقع اللي انتصر فيها على ابن سعود

هاه ... بشر
فايز الشمري
11-11-2002, 05:31
هلا وغلا

وشاكر لك هذا المرور الكريم




بس




مــــالـــك لــــواء





وتفكيرك بالاتجاه الصحيح






تقبل



تحياااااا تي







فايز البراهيم
نوير الشمرية
18-11-2002, 10:26
اخي العزيز فايز البراهيم
رمعة مبدئيه واذا مهي صح لي رجعه ان شاء الله

التسعه طال عمرك

اظن انها البيارق اللي طرحه الفارس المشهور عقاب العجل

اتمنى تقول صح.
فايز الشمري
18-11-2002, 14:02
هلا والله وغلا


يسعدني مرورك وتشريفك لمتصفحي




وما يخص الرمعه





















مالك لواء




فكري كويس

انتي تفكير تمام وبالاتجاه الصحيح


بس انتبهي لاتظيعك كلمتي





تقبل




تحياااااا تي








فايز البراهيم
راعي الريشا
18-11-2002, 16:05
ماهن المعجزات التسع لنبي الله عيسى عليه وعلى نبينا أفضل الصلاة وأتم التسليم
فايز الشمري
18-11-2002, 16:28
راعي الريشا



هلا بك اخوي


لاهنت على هذا المرور الكريم



لاكن

مالك لـــواء



تقبل تحياااا تي



فايز البراهيم
خلف الرويتع
19-11-2002, 23:55
اخي العزيز فايز


يمكن مدافع ابن رشيدعندم جابهن من الهند يوم فتح الجوف
فايز الشمري
20-11-2002, 03:30
لاهنت اخوي على هذا التواصل


وشاكر لك



اما الرمعه



مـــــا لـــك لـــــــــواء






تحيااااا تي



فايز البراهيم
نوير الشمرية
21-11-2002, 11:04
اخي فايز

الرمعه الثانيه وان شاء الله تكون صح

استلم الحل وانا خالتك

هذا بن صباح والبيارق اللى معه يوم غزا حايل
فايز الشمري
21-11-2002, 17:35
يخالتي خوفي الله وارحمي حالي
......... لو صرت عوداً مانسيت مجدل قرونه



استلمي الرد وانا ولدك ياخلتي


مــــــــا لــــك لوا

لاكن انتي بالاتجاه الصحيح0 اقصدك تفكيرك ممتاز


تحيااااا تي



فايز البراهيم
اليم
22-11-2002, 15:27
اخوي فايز لا هنت وتشكر على تواصلك معنا

وش رايك بالحملات الصليبيه على الاسلام
فايز الشمري
22-11-2002, 16:44
لاهنت اخوي ومشكور على هذا التميز



بس
















مالك لواء







تقبل


تحياااا تي



فايز البراهيم
سويلم الشمري
14-12-2002, 19:44
الاخ الغالي فايز اليراهيم

بعد رمعتي الاولى انقطعت فترة وبعد رجعتي لقيت اللغز ما انحل وطرت لي رمعة


واستلم


البنات الظاهر انهن سرايا الشريف يوم غزا نجد وهو طبعا قادم من الحجاز


خوات شيخة يمكن القلايع اللي كسبوهن شمر (الخيل ) ومن ضمنهن الشيخة


والغلام اذا ما خاب ضني هو بيص اللي ذبحة العجرش من الثابت


هذي رمعتي ولا تقولي سماوية
فايز الشمري
15-12-2002, 22:05
سويلم الشمري





سويلم الشمري



سويلم الشمري




سويلم الشمري




فعلاً انت اصبت اللغز وبيض الله وجهك



واللغز هو خيل الشريف عندما غزاء شمر

الذي اخذها شمر

واليكم هذا التوضيح حول اللغز


قلت بالشطر الثاني من البيت الثاني

شواهده قول العطيب

وهنا اقصد قصيدة الشريف نفسه

عندما قال
يامل عيناً للشريف محمد
...........تهامل دمعها من قبت الراس حادر


وقلت
ياعيال وش تسع البنات**يوم العصور الماضيات
مشن من الغرب بثبات**للشرق والموقف صعيب

هنا اقصد خيل الشريف عندما غزاء من الغرب ومن مكة باتجاه الشرق

والرجل الذي قدامهن هو الشريف نفسه

وعندما قلت
غير مسيرتهن وضاع**لديا به شاف العجيب

اقصد عندما غير مسيره ونوى ديار شمر

والذي قلت فيه
اطلق بها ريش النعام**وخوات شيخه والغلام

هنا اقصد بالشطر الاول

الفرس ( ريشه)

والشطر الثاني هو شيخة والافراس الاخرى

والغلام هو بيص على ماقلت ياسويلم



شرحي هذا للاخوة حتى تتبين لهم لانه يوجد من قال ربما اللغز غير وارد

واترك الحكم لكم

وأسئلكم
هــل هــو وارد ام لا

ارجو ان اجد اجاباتكم لانها تهمني جداً جداً جداً

كما اتمنا من اخي الفاضل الــــيــــــم

أبــقـــاء هـــذا الــلــغــــز هـــــنــا حتى اري تقييم اخواني عليه

لانه لا اخفي عليكم حصل عليه نقاشات حادة حول ورودة من عدمه


تحيااااتي لك ياسويلم

وصح لسانك

لله درك لله درك


وكل الووود لاخي الغالي اليم الذي ابقاه طيلت هذا الوقت مثبت

واجمل تقديري لكل من ساهم برمعاته او تشرفت بزيارته لهذا اللفز المتواضع


دمتم ودام تواصلكم وعطاكم

محبكم


فايز البراهيم
اليم
15-12-2002, 23:49
بيض الله وجهك وصح لسانك يا سويلم

وعز الله انك جبتوه

اما اللغز فهو للي يعرف بالقصه حقت الشريف وارد

اما اللي من جنبه مثلي واشكالي عزالله يبي يبطي ما يجيبوه

على العموم ماقصرت اخوي فايز ولك ما اردت.
صلفيق
17-07-2011, 05:24
يعطيك العافية اخوي فايز
واللغز فعلا وافي ومعطياته واضحه وصريحة

وصح لسانك يـ سويلم


بس عاد لو كتب الله وجيتكم قبل تحلونه !!!





كل تحاياي،،،