رســالـة الـى الـوالـي

[فهيد الطرقي]

السلام وعليكم ورحمة الله وبركاته
اخواني / اخواتي
اقدم لكم اعتذاري عن هذا الغياب وبالاخص المشرفين على مضيف الشعرالنبطي واقدم لكم هذه القصيدة عسى ان تنال الشيء القليل من ذائقتكم :




رسالة الى الوالي




وش يصير ان طاح برج الفيصليه
يعني ان القدس لحمانا تعود
فكروا ياناس خلوا العنجهيه
الطموح الفكر والراي الصمود
حكم شرع وليبرالي وعلم نيه
والحضاره والتقدم والصعود
كلها افكار ماله فالهويه
الاهم ابذكره فـ بعض البنود
ياملكنا ياملك روحك نقيه
ودنا نهديك اعذب هالورود
بس دونك ناس مايبغون ذيّه
يملكون قلوب بس قلوب سود
القصيده قلتها لك واقعيه
لو تزيد ريال التاجر يزود
عقب خمسه زودوا التجار ميه
وعقب هالعشرين ضيعنا القعود
القضيه غير والله القضيه
القضيه جدها فوق الحدود
المواطن فقر والدوله غنيه
والعطاله هم والصبر محدود
والرشاوي غير والشحذه عطيه
والحقوق اهبات والمفلس حسود
والهديه آه .. ياكبر الهديه
والمثل اكبر حرامي ومحمود
والنفاق اصبح علامه شاذليه
والشهود الزور اصدق هالشهود
وخوذ يالاعلام ضحكات بدويه
وحطها وسط الحضاره ياللدود
يطلع اهل الصدق اكذب هالبريه
ويطلع اهل الكذب صدقان الوعود
كل مواطن ياوطن اكويه كيه
لين تصغر فيه عظمات الزنود
الوطن غير المواطن من سميه
جاوبوني ياهل العرف السنود
لا تقولوا اليوم هذا من خويه
الخوي الريـال وبريالك تجود
ادري انه حق وادريبه قويه
وادري انا للوطن درع وجنود
بس كيف احميه والحاله رديه
بس كيف احميه واعداءه تزود
كيف اعيش الذل واذوق الاذيه
كيف دونه نكون فجاءه له اسود
ياملكنا افتقدنا للهويه
حتى العمال جازونا الصدود
قلتها اليوم والذمه بريه
اشهدوا ياناس فكيت القيود
القضيه ياملك اكبر قضيه
شعبك المختار فيز للحدود


اقدم اعتذاري عن التنسيق ولون الخط

[الحيمري]

المواطن فقر والدوله غنيه// والعطاله هم والصبر محدود


صح لسانك

[الشبث]

صح لساااانك اخوي ابو احمد


رائعه من روائعك


وتحاكي هم كثير من المواطنين




لاهنت يالغالي




وتقلد تحيتي

[سالم الظفيري]

صح لسانك اخوي ابو احمد

لاهنت على هالرائعة

قصيدة في الصميم


لك تحياتي

[حره على كف صقآر]

صح لساااانك اخوي واعتلى شانك

[ام الرغفان]

المواطن فقر والدوله غنيه// والعطاله هم والصبر محدود

صح لســـــــــــــــانك .. وعوداَ حميدا

[فهيد الطرقي]

اخــــوانــي /

الحيمري
الشبث
سالم
حره على كف صقار
ام الرغفان


شرفني مروركم لكم كل الشكر



تحيااااتي

[المتوقد]

صح لسااانك


مافيه شي يخفاهم ,, يبون هالفجووه تتسع

[ابو عارف]

صح الله لسانك قصيدة تحاكي الواقع بارك الله فيك.

إعتقد أن الرسائل من هذا النوع لم تصل الوالي

مايوصله إلا المديح والثنى وإن المواطن مثل ماقيل على لسان الأمير سلمان يعيش في بحبوحة من العيش والرفاهية والمربع ماهو مثل الممحل والنار تحرق رجل واطيها فقط.

صح الله لسانك مرة أخرى وتقبل فائق التحية والتقدير

[هايس الشمري]

فهييد


يا هلا بك و بعوودتك



قصييده اجتماعية جميلة لولا انك استعجلت فيها



صح لسانك يا بعدي



اخووك