ياربي قبل ما أرحل..وتنزع من حشاي الروح

[-------]

بسم الله الرحمن الرحيم



طلبتك يالله الواحد .. تِصَبِّر قلبي المجروح
طلبتك ترحم دموعي .. وتبعد حزني وآهاتي



أنا ادري انه .. على بابك .. أكيد ان الرجا مسموح
وقفت بخشيتي وذلي .. لاجل تمحي لي زلاتي



أنا بي همْ ذابحني..وقلبي بالالم مفضوح
رجيتك تنتزع همي .. تزيحه من وسط ذاتي



أنا من جور مافيني .. مليت ارضي دموعُ ونوح
لوِ انِّ الصخْر يسمعني..بكى من كثر وناتي



أحس ان العنا أصبح..على بابي يجي ويروح
مشاوير الحزن والهمْ .. بها طالت مسافاتي



تعبت أمشي وسط دنيا بها الخافق غدا مذبوح
تعبت اظهِر فرح زايف.. وانا تخنقني عبراتي



ياربي هو كذا عمري.. قضيته في لعب ومزوح
قضيته دون ما أدري .. غريق في ملذاتي



ياربي قبل ما أرحل..وتنزع من حشاي الروح
أبي تغفر لي ذنوبي.. تِجاوَز عن خطيِّاتي



وابي لامن غدا جسمي وسط ذاك الثرى مطروح
تونس وحدتي وضيقي.. تيسر لي حساباتي



على قبري أبي الرحمة.. ترفرف.. تِعتِلي .. وتْلوح
وابي لامِن قِضى عمري.. يِطيب بْصافي نياتي



وابي من بين طيات الكفن ريح الفضيلة يفوح
أبي دمع الندم فيني.. يطّفِّي حرِّ جمراتي



وداخل جنتك يارب.. تعَلِّي لي قمم وصروح
وتجعل زين أفعالي..تنير سطور صفحاتي





أنا جيتك.. وانا لغيرك.. بذنبي مانويت آبوح
أبي أنوار غفرانك.. دليلي في متاهاتي



اعجبتني
roooose

[al-shmaly]

ايثار

الله يعطيك العافيه

لاهنتي على النقل القيم

واتمنى لك التوفيق والنجاح

[سالم الظفيري]

تسلمين اختي ايثار قصيدة روعة

شكرا لك على الاخيار والنقل والذوق

لك تحياتي

[جمران]

مفعمه ومليئه باحاسيس التوبه والندم


رائعه ايثار

[-------]

الشمالي

تشكر للمرور الطيب


لك تقديري

[-------]

العفووو الظفيري


لك احترامي

[-------]

ياهلا فيك مشرفنا


شكرا لحظورك


تقديري لك