زوج يخصص 2000 ريال شهرياً لزوجتة مدى حياتة ،

[شموخ شمالية]

,





http://www.9ori.com/media/images/47899c6331.png


في الوقت الذي لم تستوفِ سيدة سعودية شروط إعانة حافز بحجة عمرها الذي تجاوز ال 35 عاما. قام زوجها بتخصيص مبلغ ألفين ريال شهريا وذلك بنظام الاستقطاع الشهري من حسابه لحسابها الخاص. و كما ورد في صحيفة الرياض هذا الزوج الذي يسكن مدينة تبوك تحدث قائلا: في الحقيقة وجدت أن زوجتي وهي ربة منزل كانت مشغولة التفكير بهذه الإعانة طيلة الأشهر الماضية رغم أن ظروفنا المادية جيدة. ولكن كان إحساسها بالتملك لها أكثر خصوصا بعد الموافقة لعدد من صديقاتها وقريباتها. الأمر الذي دفع بنا لفتح حساب بنكي لها من أجل هذه الإعانة ولكن بعد التحقق وجدت ردا من نظام حافز بعدم قبولها وذلك لسنوات عمرها. ولكي لا تذهب أحلامها أدراج الرياح ويبقى حسابها الذي فتحناه خاويا ومن باب التقدير لها أيضا عن دورها في منزلها فضلت أن أخصص لها مبلغ 2000 ريال مدى الحياة كاستقطاع من راتبي على حسابها بدلا عن تلك الإعانة التي لم تتحقق.


,,,,






سبحان الله رجال يبتزون حريمهم عشان هالالفين

{{ يملا القحط }} ورجال يعطونهن الالفين من جيوبهم عشان بس مايتكدر خاطرهن :thumb:
,


.

[عبدالرحمن]

افسدتي علي موضوع حول هذا الموضوع:a:
فعلا كنت ناوي اكتب موضوع حول المصروف الشهري للزوجة
وكم المبلغ المقبول الذي يمنح للزوجة كما يراه القارئ الكريم!.
شكرا اختنا القديرة ام عمر وشكرا لهذا الزوج الشهم.

[الجازي]

لايغرتس ياشوشو

تلقينها تصرف قبل اكثر من الفين

قال بمشي لها حافز أتميلح عندها عشان تستحي ولا عاد تطلب اكثر :)

ومنها اشخص في الاعلام

يعني هو الربحان :7ayyoh:

[ابو فارس]

ياشين البدو ليا تقمصوا شخصية الرومانسية



ماهي ضابطة عليهم بنوب



شكرا ام عمر
دمت بخير

[المتوقد]

االله على هالمشاعر الجميله



عساها بس ماتبخر اما م ضغوطات الحياه المتقلبه ,امل انها لا تقلب رأيه يوما ما :)

[الحيمري]

تلقينه غاثته وفاقعتن مريراه من كثر طلباته يبي يفتك منها

بــــ2000 ولا عطني كل يوم


أم عمر شكرا ً

[الاصمعي]

هذا يبي يسوي (يوم الحافز) مثل (يوم الطين) الي سواه المعتمد بن عباد لزوجته :thumb:

بس والله حركته فيها انسانية عالية يشكر عليها!

شكراً أم عمر لهالخبر الحلو

[سالم الظفيري]

يناس احسنو الظن

وقلوا كثر الله من امثالة فعلا شريكة حياة بس كلام خلها تشاركة في كل شي

اصلن الرجال يجمع الفلوس حق منهو لها ولعيالها

حنا يالرجال مثل النملة تجمع من حظ البعير


لاهنتي يم عمر

لك تحياتي

[شموخ شمالية]

افسدتي علي موضوع حول هذا الموضوع:a:
فعلا كنت ناوي اكتب موضوع حول المصروف الشهري للزوجة
وكم المبلغ المقبول الذي يمنح للزوجة كما يراه القارئ الكريم!.
شكرا اختنا القديرة ام عمر وشكرا لهذا الزوج الشهم.


كثير من اللي اعرف جاهن حافز وقاموا أزواجهن بمطالباتهن بمصروف البيت :za3lan:
هو بس سنه وقاموا يطالبونهن أجل شلون لو هن موظفات



بعضهم حليل وبعضهم لاوالله






شكرآ لـ حضورك

[شموخ شمالية]

لايغرتس ياشوشو

تلقينها تصرف قبل اكثر من الفين

قال بمشي لها حافز أتميلح عندها عشان تستحي ولا عاد تطلب اكثر :)

ومنها اشخص في الاعلام

يعني هو الربحان :7ayyoh:


عاد أشوا من اللي يطالبها فيه
وحدة تقولي طلبته نسافر قال ترى كل شي عليتس :puzzled:


والثانيه تقول أبي أجدد الاثاث وقال هاتي حافز






منوّرة غلاتي

[شموخ شمالية]

ياشين البدو ليا تقمصوا شخصية الرومانسية



ماهي ضابطة عليهم بنوب



شكرا ام عمر
دمت بخير


لاوالله ياحليلوه
والله يكثر من أمثالوه






شكرآ لـ حضورك

[شموخ شمالية]

االله على هالمشاعر الجميله



عساها بس ماتبخر اما م ضغوطات الحياه المتقلبه ,امل انها لا تقلب رأيه يوما ما :)


الله يستر




شكرآ لـ حضورك

[شموخ شمالية]

تلقينه غاثته وفاقعتن مريراه من كثر طلباته يبي يفتك منها

بــــ2000 ولا عطني كل يوم


أم عمر شكرا ً



وليه مايعطيها كل يوم
يعني ماتستاهل هذي أم عيالوه






شكرآ لـ حضورك

[شموخ شمالية]

هذا يبي يسوي (يوم الحافز) مثل (يوم الطين) الي سواه المعتمد بن عباد لزوجته :thumb:

بس والله حركته فيها انسانية عالية يشكر عليها!

شكراً أم عمر لهالخبر الحلو


فعلآ حركة انسانية عالية




لازم ادور قصة { يوم الطين }





شكرآ لـ حضورك أخوي

[شموخ شمالية]

يناس احسنو الظن

وقلوا كثر الله من امثالة فعلا شريكة حياة بس كلام خلها تشاركة في كل شي

اصلن الرجال يجمع الفلوس حق منهو لها ولعيالها

حنا يالرجال مثل النملة تجمع من حظ البعير


لاهنتي يم عمر

لك تحياتي


تسلم يابوزياد

وشكرآ لك ع المداخلة الرائعة

[أبو فهد]

طيب ما عمل شين



اللي نكبّه على بيوتنا أكثر من هالمبلغ بمرات



و أم العيال تستاهل




شكرا أم عمر




-----------------
أبو فهد الهمزاني

[الجازي]

الله يخليها لك يابو فهد

بس مايمنع تخصص لها حويفز يقعد لها وللزمن وتتصرف به بكامل حريتها يعني مايشمل مشترياتها الخاصة وتسوقها :)

على الطاري

وحدة ماشملها حافز قالت لزوجها: حبيبي إيش رايك تمشّي لي حافز اللي انحرمت منه !؟ :)

قال : أفا ياقلبي وش هالكلام

أنتي موظفة عندي عشان أعطيك !!؟ <<<< ماشاء الله طلعت الرومانسية :7ayyoh:

قالت : لا حبيبي عشاني عاطلة عندك أبي حافز :) :)





عاد الصراحة

حافز من الزوج له طعم ثاني :d:

لاتبخلون على حريمكم :7ayyoh:

[ريال الفسحه]

حافز لعنتن تلعن جدفهن بعد


ياخي والله هالحريم مهن فيدات حشمه هاللحين طول عمره
وابوه اللي يصرف عليه وعقبين زوجه وهاللي مايبين بوجهه تبي
حافز ههههههههههههههههه



بعدين هذا زوجه ينافس الملك عبدالله ههههههههههههه


تسان بوه خير يصرف لامه بعد عشان يبقالوه 300 ريال من الراتب :)

[الجازي]

^
^
أمه الأولى والا بعد !!؟

يعني افهم من كلامك ان رادو امك ماهو من راتبك يالعاق :3ajeeb:

أفا بس

الزوجة لها حافز عشان يحفزها لحسن التبعل لزوجها :)

ياحافز

ياتصير

ناشز :)

<<<< لبى السجع ياناس :d:

[ريال الفسحه]

8

خل عنتس الخراط


تسلفيني حافز حقتس هالشهر واعطيك اياوه دبل
الشهر الجاي :)

[الجازي]

ربا !!؟

تبيني أرابي به وأنا مابعد ذقت طعمه :)

أصبر على الأقل لما يوصلني تسانه بيوصل بعدين نتفاهم :7ayyoh:

تهقى يعطون أم واحد وخمسين حافز والا يطلعون لنا بند جديد عاجز :)

[ريال الفسحه]

بيعطونك تحت بند الآخره :)

[عبدالرحمن]

يقال ان الهدف الحقيقي من حافز هو الحث على التعدد:)
ريالوه عدد ياشيخ مازال الدنيا هابتن لك:)

[ريال الفسحه]

اكيد بعدد والدليل اول حرمه راح اخذه اعتبروها الثالثه مو الاولى :)

[الجازي]

حلو والله بند الآخرة

معناها المكافأة تصير مضاعفة أضعافاً كثيرة :7ayyoh:

[ريال الفسحه]

انا لله وانا اليه راجعون باقي تطلعين لي بالدوام:)


انتي بكل موضوع ماسكتن شوشتي :(

[الجازي]

انت اللي طالعن لي

راتبك وماشي

وش يجيبك لسواليف حافز :)

[عبدالرحمن]

يعني رايح تبدا من اخر الرقم :)
ايه كفو يالذيب:thumb:

[ريال الفسحه]

ودي اناشب خلق الله ولو على كيفي
والله لا اوقف حافز خخخخخخخخخخ

اخلي حظكم ياقف :)

[الجازي]

ايه وقفه بكيفك

بس اهم شيء فعّل بند الاخرة كوده يشملني :)

[ريال الفسحه]

ياخاله اذا بصرف لك حافز ترا عشان ماحد يتوهق
بقيمه كفنتس :)

[الجازي]

لاتشيل هم الكفن

أنا داعيتن ربي أموت شهيدة يدفنوني بهدومي مانيب مكلفتهم قيمة الكفن :) <<< اجل وشوله تراكضين ورا حافز :)

[بالمختصر..]

،





بعضهم تجي زوجتوه تنشب لوه تبي شي و هو يتفاخر قدام الناس انوه هالشي سواه طيب منوه ! :)

قلت ( بعضهم ) !

عاد هاللي تقولون صرف لزوجتوه حافز ما ندري وش سالفتهم بالضبط لأن الجرايد يحبون يحطون بهارات على أخبارهم !





.
.

[الجازي]

وليه تظلمين الجرايد :)

يمكن الزوج هو اللي حاط بهارات ودسم بعد :7ayyoh:

[بالمختصر..]

^
^




يعني يا أما هو يا أما الصحفي !

و كلهم رجال و يرفعّون لـ بعض :)




.
.

[الجازي]

في هذي معتس حق

بس ترى الأساس ومصدر الخبر هو الزوج المهايطي

والا بالله وش بيدرّي العالم عن حركتوه الرومانسية :)

[بالمختصر..]

في هذي معتس حق

بس ترى الأساس ومصدر الخبر هو الزوج المهايطي

والا بالله وش بيدرّي العالم عن حركتوه الرومانسية :)


أي صح ، الخبر من طرف واحد و الزوجه محد عبّره و لا نقلوا رأيه :thumb:




.
.

[الجازي]

وش رايتس ندوّر هالزوجة :)

ياخوفي يطلع هالرجل ماعنده مره ولا هم يحزنون :7ayyoh: <<<< تسني زودتها حبتين :)

[ريال الفسحه]

باقي يجبن قهوتهن ويحطن تعللت الضحى بهذا :)

[الجازي]

شفت انك انت اللي ناشبن هنا :)

ياخي مادام معاك راتب مالك ومال النجوم :7ayyoh:

[الشبث]

اول ما قريت الموضوع


كبر بعيني الرجال


حسيت انوه كريم ورجل شهم




واقراء الردود













ياخي حسستوني انوه حيوان وحقير


اعنبو بليسكم لعنتوا جدفوه الضعيف


هذا بدال ما تقولون جزاه الله خير








اعوووذ بالله منكم





ريال


تعال ابيك بسالفه



















































اعطيك حافز ام ماجد هالشهر وترجعوه الشهر الجاي :)





وتقلدوا تحيتي

[سالم الظفيري]

ابو ماجد يرجعة مع الفوائد ولا لا