أعلان مسابقة سي السيد :}

[شموخ شمالية]

,

’


بسم الله الرحمن الرحيم

السلام عليكم ورحمة الله وبركاته

أخواني أخواتي الاعزاء
باذن الله راح تبدا المسابقة يوم الاثنين بعد بكرى
ان شاءالله
وتنتهي يوم الاثنين اللي بعده
هالاسبوع لإرسال الصور فقط مهو للتصويت
والتصويت راح يبدا من يوم الاثنين الثاني

شروط المسابقة :
الطبخة تكون من يد سي السيد
وبدون أي مساعدة من ست االكُل حتى لو بتقطيع الخبز
<< متأكدة أن طبخهم خبز وجبن :)
ومطلوب صورتين للطبخة
وعلى المتسابق أرسال الصور لي ع الخاص
وراح أنزلهن كل وحدة بموضوع مستقل ليومين فقط لكل صورة
ويقوم الكل بالتصويت لين تنتهي الصور

ورجاء خآآآآآآص مانبي أحد يرسل للثاني ويعلموه عن طبختوه

الا اللي يبي طبختوه تفوز يرسل 500 ريال ويبشر بالفوز ومعه وسام التميّز :7ayyoh:



والله الله بالطبخ السنع
.

[عبدالرحمن]

طيب ياطيبة على الموضوع الطيب وننتظر اهل الاشناب اللي اخر العمر صاروا طبابيخ> خرب العلاقة:)
وانا تشجيعا مني لهذه المسابقة راح اسافر واسير عند اللي يفوز واطلب انه هو اللي يسويلي العشاء مهو مدامه:a:.
مشكورة اختنا القديرة ام عمر.

[شموخ شمالية]

طيب ياطيبة على الموضوع الطيب وننتظر اهل الاشناب اللي اخر العمر صاروا طبابيخ> خرب العلاقة:)
وانا تشجيعا مني لهذه المسابقة راح اسافر واسير عند اللي يفوز واطلب انه هو اللي يسويلي العشاء مهو مدامه:a:.
مشكورة اختنا القديرة ام عمر.

ايه هذا التشجيع والا بلاش :7ayyoh:



أنت قل للي يفوز لك عروس اذا فازت طبختة :)

أبيهم ينطنخون ونشوف الاكلات اللي تنافس طباخين العالم العربي كله





أفهم من كلامك إنك ماتبي تطبخ لنا :puzzled:

[ابو فارس]

متشجع للمنافسة
بسوي لكم الاتي والتالي واللي يجي
1-بضبط لكم الجو وقت التصوير
2- المقادير بشكل تفصيلي
3-صور لكل مرحلة من مراحل الطبخ والنفخ
4- سوف اجري لقاءات حصرية مع متذوقي طبختي

كل هذا واكثر بشرط تقبلون طبختي
وهي عبارة عن اندومي ماحصلش



ايه رايكم؟

[المتوقد]

يااالله على هالمسابقه المحرجه ههههههههه

ووش اقوله ابي اطبخ عشان اتسابق به :)

بتطردني بنفس اليوم قبل ابدأ الطبخ ههه :)


طبخ بهااالعج وهالغبار :)



الله يوفق الجميع :)

[ريال الفسحه]

<<<< يقطع البصل والطماط


<<< يتسلف من الشبث ملح


:)

[الشبث]

<< يكتب المقاضي بورقه يبي يشريهن من السوق




اثريتس صادقه يا ام ماجد بالغرضان اللي كل شهر تعطيني


وانا متهمتس كل هالسنين





ريال

عطن ماجي واعطيك ملح << تبادل مصالح




وتقلدوا تحيتي

[ابو فارس]

ام عمر
ليه ماتمددون المسابقة شوي


فيه شيبان وشباب واعديني يطلعون كشتة
وابغى استغل وقت الكشتة لضبط طبخة مرووووووقة
والى الان لم يتم تحديد الموعد


المهم اعطونا اسبوعين من الان

[الشبث]

لا ما فيه



اطبخ بالطلعه وحط طبختك هنا



<< يدلعونوه ام عمر





وتقلد تحيتي

[ريال الفسحه]

ابوماجد ماعندي ماجي
موصيتن رجلي ولاجاب خخخخخخخخ

[سالم الظفيري]

موصيتن رجلي ولاجاب خخخخخخخخ
هههههههههههههههههههههههههههههه

بلا رجلك مايخاف منك


ابو ماجد عندك بهارات

[شموخ شمالية]

,

,


ابوفارس
مامن تأخير طال عمرك واذا عندك طبخة زيادة هاتها ماعندناش مانع
حنا نبي اللي ينشّط المضيف :315r:



معكم أسبوع كافي ومو لازم تنزلون الصور بنفس يوم الطبخة
لو تطبخون اليوم وماترسلونها الا ليلة الاحد الجاي

[الحيمري]

ابوماجد ماعندي ماجي
موصيتن رجلي ولاجاب خخخخخخخخ




يشتري بنادول من وجع الراس

عطيه في فلم وضحى وبن عجلان القديم

[راعي الوقيد]

مشارك مع لجنة فحص الطبخااي
يسلموو ام عمر ع الماضوع

[المشرف العام]

/

بارك الله فيك اختي شموخ


ومن عندي دعم لوجستي للمسابقة : طقم سفره للفائز الاول ..

عاد وش هو الطقم ، والله ماادري باخذ ام سلطان واشوف وش المناسب للشحن :)

[الشبث]

ان شاء الله محد يفرح بطقم السفره غيري





سالم ماعندي بهار


عطن كركم واعطيك بهار



وتقلدوا تحيتي

[أبو فهد]

< يفسر عن ذرعانوه


جب الصاج يا ولد




نبي نعمل بيض اومليت :)



شكرا أم عمر على هالتنظيم الجيد



-----------------
أبو فهد الهمزاني

[شموخ شمالية]

,

,



هلابك أبوسلطان
طقم السفرة أنا بشريه من غطاط مسوين تخفيضات هالشهر تشري حبه والثانية مجانيّة
يعني نشري للاول والثاني نعطيه المجانيّة:7ayyoh:




منور ياباشا






""






أبوفهد

بما أنك كنت بالحجاز نبي منك طبخة على الصاج كنت أشوفها عند الجداوية والمكاوية أيام المهرجانات عندنا
زي طريقة الكبدة بس هم يحطون دجاج









بالتوفيق للجميع

[ابو ضاري]

ماشاء الله عليكم



انتبهوا لاتجيبون طبخاتكم السنعه اللي من هكالسنين بالنعيريه





ابو غازي ساعدن وش احط الزيت قبل او البصل




بساع



شكرا ام عمر انتظروننا

[الشبث]

^
^

انتبه بس لاتسلقط انت بالزيت يالدب







ياحوووووووووول


من عندوه لومي اسود






وتقلدوا تحيتي

[سالم الظفيري]

صباح الخيرات

ارسل ماجد بعطية لومي


بس ارسلي معة بصل ولو سمحتي قصدي سمحت حبتين ثوم

[الشبث]

ماعندنا ثوم



تبون حليب السعوديه فيه




وتقلد تحيتي

[سالم الظفيري]

ابو ماجد حليب السعودية الله يغربك وش نسوي عيش مصري على حليب يعني


تصدق ان هالمسابقة منحوسة حتى شغالتي هربت




اقول ماعندي وقت اطبخ ارسلي لي صورة اي بطخة ياخية ههههههههههههههههههه

[الشبث]

ابشر



ابرسل لك كبسة فنايل :)




وتقلد تحيتي

[سالم الظفيري]

خخخخخخخخخخخخخخخ

يعني مقلوبة بس سوي شفرة لها


ياخي انت خطير

[الشبث]

افا عليك


هذا وانا ما سويت معه يدام مراكي :)




وتقلد تحيتي

[شموخ شمالية]

,

,


لو سمحتوا الزموا الصمت وقت الطبخ لاتحترق طبخاتكم وأنتم تقل مخانق جارات

وهاااه مانبي كثر مواعين على حريمكم ولا أزعاج لهن



وقد أعذر من أنذر :148r:











والله وناآآآآآسه
أنا جالسة أهاوش الشبث اللي شيّب بعوينتي كل هالسنين اللي مضت :mrrzeff:

[ابو ضاري]

انتبه بس لاتسلقط انت بالزيت يالدب




تكفى يالرشيق انت يالديتس

[الشبث]

والله وناآآآآآسه
أنا جالسة أهاوش الشبث اللي شيّب بعوينتي كل هالسنين اللي مضت


اصبري ليما تخلص هالمسابقه



ابي اكب القدور فوق راستس :)




وتقلدي تحيتي

[راعي الوقيد]

والله انك مدزدي:thumb:

[بالمختصر..]

،





شنووووح كل طبخكم شحاذه ! :)

تبون زيت زيتون ؟؟ << عندهم تنك تبي تفتك منهن :)





.
.

[سالم الظفيري]

وش نسوي مو حافظين مكونات الطبخ


الا ماعندك اذان الشايب و ورق عنب

[الشبث]

تبون زيت زيتون ؟؟ << عندهم تنك تبي تفتك منهن



كفشششششتس



وين اللي واعدتن من هالسنين << ياوااااااااااااااااااااااااااااااااااااا ااايلي ما ينسى



وتقلدي تحيتي

[الشبث]

<< حاط يدوه على خصروه ويعلتس علتس




ما عليش شباب ادري ريحتي بزار


بس حبيت اسألكم احط لكم على العيش زبيب ولا بدون << ذرااابه هالطخمه





وتقلدوا تحيتي

[بالمختصر..]

وش نسوي مو حافظين مكونات الطبخ


الا ماعندك اذان الشايب و ورق عنب


يا خوفي بعد كل هالحماس تسوون كبسة دجاج :)




.
.

[الشبث]

^
^

كبسة دجاج بعينتس






ابطبخ لكم كبسة طيور << خبيل مايعرف يموه ما يدري ان الدجاج طيور :)





وتقلدوا تحيتي

[بالمختصر..]

كفشششششتس



وين اللي واعدتن من هالسنين << ياوااااااااااااااااااااااااااااااااااااا ااايلي ما ينسى



وتقلدي تحيتي


الحين جاء الوقت اللي تحتاجه صحيح << قبل مغبيته :)

بس تريه تنكه صغيره و مطعوجه :) بس زيت نابلسي ١٠٠٪



ما تلاحظون ريال و ابو فارس غاطّين !! شكلهم يستعدون من الحين :)




.
.

[الشبث]

عفيه شباب ادري اذيتكم بريحة البزار


بس احد يبي صمون ومرندا يتلاهابهن ليما تخلص الطبخه :)




وتقلدوا تحيتي

[الشبث]

ما تلاحظون ريال و ابو فارس غاطّين !! شكلهم يستعدون من الحين



ريال وابو فارس مثل اللي يقول


صام صام وافطر على بصله



اخرته يبون يقلطون لنا نواشف :)





وتقلدي تحيتي

[سالم الظفيري]

اليوم ناوين على القنص نبي نجيب لكم جرابيع ولا ضبان

من يخاوي


عشان تكون الطبخة مميزة



انا عندي مشكلة الضب مواطن شوفة عاد ابي لي خوى

[الشبث]

^


طيب دامك ما تواطن شوفتوه وشوله تروح يموه


اكثر ما كثر الله بنات المذن




وتقلد تحيتي

[شموخ شمالية]

اصبري ليما تخلص هالمسابقه



ابي اكب القدور فوق راستس :)




وتقلدي تحيتي



:(:(:(

[شموخ شمالية]

,


,


يالربع اللي يبي يشارك بالمسابقة
ترى آخر موعد لـ أستقبال الصور هو صباح الاربعاء


أنا الحين عندي 3 مشاركين الله يحفظهم
وطبخاتهم وحدة أحلى من الثانية

عاد اللي ودوه يشارك وينافس الثلاثة الموجودين يفسّر عن ذرعانوه ويجيب لنا طبخة لو بيض عيون :7ayyoh:

[الشبث]

هل من متحدي :)



وتقلدي تحيتي

[سالم الظفيري]

كفو ابو ماجد الظاهر المشاركات الثلاثة كلهم لك

ترى طبختك معروفة كلها بزااااااااار

[-------]

طيب متى يبدأ تصويتنا

تراني متحمسه :7ayyoh:

[ريال الفسحه]

عطونا وكت :)


انا في هذا السباق حصاني بنشر
عطووونا وكت اغديني اطبخ بالدوام
<<< ناوي يسممهم :)

[الشبث]

عطييييييييه وكت يا ام عمر عطيييييييييييه



نبي نشوف ركضوه بالوزره :)





وتقلدوا تحيتي

[شموخ شمالية]

.

.

ريال
نعطيك وكت ولايهمك يابا :)




ابوماجد

أسألوه كم تريد من الوكت :)










أيثار
اذا نزلت الصور تصوتون بس ريال الضاهر يبي يأخرنا بعض الوكت

[سالم الظفيري]

انا احتج


وحتج


مافي وقت


بو ماجد من غير واسطات وتلاعب في المسابقة

ياخي انا ابي طقم السفر

[-------]

.


أيثار
اذا نزلت الصور تصوتون بس ريال الضاهر يبي يأخرنا بعض الوكت



وانا افكر تقولين لي صوتي لريال :d:

بس يالله استوعبت :)

نزلي الصور واللي متأخر احذفيه من المسابقة براااا << فيني حماس ابي ادلي بصوتي :d:

[سالم الظفيري]

ريال ياخي ماتعرف تسوي نواشف

ونا اصوت لك


ماتشوف الناس متحمسة على التصويت

[ريال الفسحه]

اقول خلك على جنب يابومصليه هههههههههههههههههههه


الشغل الثقيييل جايكم




انطونن وكت بس وتشوفون

[ليلى بنت عبدالعزيز]

دائما الرجل اتقن المراه حتى فيما يخصها

متى التصويت :)

[كبرياء انثى]

هي بلاشت المساابقه ولا انتهت ولاشنو>>>> توها جايه ماتدري وش السالفه 