غلطتي

[سالم الظفيري]

غلطتي




يومها بين ايدينـي والغـلا عـادي
ويـوم قفـت تفجـر حبهـا فينـي
كنهـا حطـت التوقيـت بفـؤادي
لامشـت حبهـا يفجـر شراينـي
قبل تقفي وانـا متماسـك وهـادي
وعقبها ضاق كل الكون في عينـي
غلطتي كنـت متراهـي ومتمـادي
كنت احسب الزمن والوقت يمدينـي
واثر من لا تغانم فرصتـه غـادي
اه يا فرصتن ضاعت مـن سنينـي
توني في غلاها قلـت يـا هـادي
روحت لعنبـو مـن لامهـا فينـي
ما نفـع طويـل الوقـت وعنـادي
يومهـا مقبلـه مـا كـان يعنينـي
بس راحت وكنـي فاقـد ابـلادي
اثر ما ارخص من الي تطوله ايديني
يا وجودي هليها وجد بـن هـادي
وجـد لا وجـد فـراق ولا دينـي
غلطتي وارتكبها بثـورت ازنـادي
يوم جر العزاوي راحـت ايمينـي
والله انـي عليهـا حدنـي حـادي
من يرد المواصـل بينهـا وبينـي
علموهـا تجـي وترجـع ارقـادي
كل ماجيـت ابنسـى وش ينسينـي
علموها الغلا ما عاد هـو عـادي
مشكلـه الولـع عقـب الثلاثينـي
حمد السعيد

[راعي الوقيد]

اجل شلون الولع بعد الاربعيني:)
صح لسانك ولسان الشاعر
يسلمووووو

[عبدالرحمن]

رائعة يسلم ذوقك الراقي يابو زياد
وصح لسان الشاعر السعيد.

[الاصمعي]

قصيدة جميلة أعجبتني مقدمتها حين قال :
يومها بين ايدينـي والغـلا عـادي**ويـوم قفـت تفجـر حبهـا فينـي
كنهـا حطـت التوقيـت بفـؤادي**لامشـت حبهـا يفجـر شراينـي

والتي كأنه أخذها من قول جميل بثينة:
يموت الهوى مني اذا ما لقيتها**ويحيا اذا فارقتها فيعود

شكراً ابو زياد لجمال الاختيار

تحياتي

[سالم الظفيري]

تسلم يابو فيصل

لاخلا ولاعدم من هالطلة


لك تحياتي

[سالم الظفيري]

الاروع مرورك يابو يوسف

لاخلا ولاعدم


لك تحياتي

[سالم الظفيري]

هلا فيك يابو خالد

شرفني مرورك

لك تحياتي

[جمران]

لاهنت ابو زياد

[سالم الظفيري]

ولا انت يابو نورة

لك تحياتي