قصيدة دعم لشاعر المليون (ناصر الوبير الشمري) وعلى كل شمري الدخول والرد

[ابو غلا الزوبعي]

حبيت احيي كل شمري على وجه الارض
اهل الشرف والكرم والمكارم والشيم والمعروف واهل الوقفات
من شمر واقول ترى الشمري ولدكم محتاج وقفتكم ماهي سيوف
وحرايب ويوم سيوف وحرايب انتم اهله لكن الفزعه الفزعه لولدكم
((الشاعر ناصر الوبير الشمري)) وتراه محتاج وقفتكم وتصويتكم
وين اهلي شمر التصويت لولدكم خلوها فزعه شمريه لولدكم بين القبايل وياما بنفس البرنامج قبايل فزعت لعياله وفازو بالي ينومس واليوم يومكم لا تقعدون عليهم يالطنايا السناعيس اللحيسه بس تصويت له وانا من هنا اهديكم قصيده حافز لكم وادري ماتقصرون وقابله للرد من جميع الشعراء




الا يـــا شمرٍ وقت المغـــــــــــازي
غدى والسيف ولى مـــع سليلـــه

بقى الانسان والوضع انتهــــازي
ولاحنــــا ضعوفٍ مــــن قليلــــــه

اذا بـــالسيف ينبــــيك الجنــــازي
حكم نجـــــدٍ وكلـــه تـــنتـــميلــــه

واذا بالكـــــون عنــوة كـل غـازي
قبـل يمشي مشينـــــا بـــالـمقيلــه

ســل التاريخ حنـــــا بـأرتكـــــازي
جبــالٍ شامخـــــه منهو يشيلـــــه

ردي شــمر رفـــع حملــه ورازي
وحمايل لابــــتي مــامن مثيلــــــه

كـــرامٍ بالعطـــــا والطيب نـــــازي
تشوفه فــــي خلايانـا !!الفضيلــــه

طنــــــايا يـــــاسناعيسٍ عـــزازي
هل اللحيسه يّمن لايـــاسليلـــــــه

ولـــد غلبــــــــــا تحوج بالعوازي
نشــوفـــــــه بالاوايل دوج خيله

مشى شاعــر وباليمنى الجوازي
الـــــى دارٍ تجمــل مــن يجيلــــــه

بأسم شمر نوى العليــا و حـازي
مــــــــع الشعار عينه للطويلـــه

بغى بيرق خـــيوطه مــن قــزازي
ومليــونٍ يكــــــــــمل به جميلــه

عطــوه الصـوت منــكم بالنبــازي
بشيمـة شمـــري مـــــــابه رذيله

يقولـــون الردى حــــد القــزازي
يقّـــطع بالرحـــــــم من ينتميلــه

ونومسنــــا بصوتــك للمفـــــازي
وخلاف القــــول يالطيبين عيــله

الا ياشمرٍ وقـــــت المغــــــــازي
غدى واليوم في جيبــــــك بديلــه


بقلم""ابو غلا الزوبعي

محمد بن عياده الحريصي الزوبعي

[بتول آل علي]

صح لسانك شاعرنا / أبو غلا الزوبعي

،

و ثق تماما أن الشعر الجميل يفرض نفسه فرضا بغض النظر عن نتيجة التصويت

و شكرا لهذه الحماسة



أختك

الدهور

[عبدالله الجعيثن]

صح لسانك


والله يوفقه

[بالمختصر..]

،





نتمنى له التوفيق ..





.
.

[الشبث]

صح لسااانك


وبالتوفيق



وازهل التصويت يا بعدي



وتقلد تحيتي

[الاصمعي]

الله لا يهينك

كفو كفو من هل الفزعة وان شاء الله ما يقصرون شمر بالتصويت لناصر الوبير الشاعر المميز

قصيدة جميلة ومعانيها جزلة وهدفها سامي نسأل الله أن لا يخيب من ظن بنا الطيب

تحياتي

[ابو غلا الزوبعي]

صح لسانك شاعرنا / أبو غلا الزوبعي

،

و ثق تماما أن الشعر الجميل يفرض نفسه فرضا بغض النظر عن نتيجة التصويت

و شكرا لهذه الحماسة



أختك

الدهور


حياك الله

بتول اّل علي

اكيد اختي وشاعرنا قده

وجزل ولا كان ماوصل

للـ 24

تحياتي لك

[ابو غلا الزوبعي]

صح لسانك


والله يوفقه


صح بدنك

وحياك الله

ويوفق الجميع

[ابو غلا الزوبعي]

،





نتمنى له التوفيق ..





.
.


حياك الله

[ابو غلا الزوبعي]

صح لسااانك


وبالتوفيق



وازهل التصويت يا بعدي



وتقلد تحيتي


حياك الله

وصح بدنك

ماتقصرون ياشمر

تحياتي لك

[ابو غلا الزوبعي]

الله لا يهينك

كفو كفو من هل الفزعة وان شاء الله ما يقصرون شمر بالتصويت لناصر الوبير الشاعر المميز

قصيدة جميلة ومعانيها جزلة وهدفها سامي نسأل الله أن لا يخيب من ظن بنا الطيب

تحياتي


الاصمعي

حياك الله

وما عليك زود والف نعم من شاربك

وهذي الهقوه

تحياتي لشيمتك الشمريه

[خليل الجبوري]

نتمنى له التوفيق و النجاح

[ابو ريفان]

تسلم و الله انك اعجبتني

لك تحياتي و مودتي , هو عدا و في الجايات يبشر .

[ابو غلا الزوبعي]

نتمنى له التوفيق و النجاح

خليل الجبوري

حياك الله خالنا
وجزاك الله خير على المرور يانسل الكرام الطيبين

[ابو غلا الزوبعي]

تسلم و الله انك اعجبتني

لك تحياتي و مودتي , هو عدا و في الجايات يبشر .
ابو ريفان
وانت سالم وهذا من حسن ذوقك المتميز
وتشكر واكيد مابكم قصره
تقبل تحياتي

[ام الرغفان]

صح لسانك .. وربي يوفقه