اختر الإجابة الصحيحة :)

[الجازي]

طالعوا هالخبر الحلو وعطوني اختياركم

http://i.imgur.com/gJJcB.jpg

تتوقعون سر طول أعمارهم وعمر زواجهم هو :

١/ فارق العمر بينهم (( الزوج أكبر بسبع سنوات )) :)

٢/ أصولهم الآسيوية

٣/ أكل وشرب مايريدون لكن في حدود الاعتدال

٤/ تدخين الزوج لسيجارة واحدة يومياً قبل العشاء ينفث فيها هموم يومه كله :7ayyoh:

٥/ تناولهم الطعام الصحي الجيد وابتعادهم عن الأطعمة الصناعية

٦/ أو الدعوى كلها هياط في هياط :)





تنويه :

أعتذر عن وضع صورة الزوجة بس لأني أهقى إنها من القواعد فلا تثريب على نشر صورتها <<<< كل هالعمر وتهقين بعد :7ayyoh:

[سالم الظفيري]

اختي الجازي الاعمار بيد الله


تناول الاكل الصحي له دور





٦/ أو الدعوى كلها هياط في هياط

لك تحياتي

[عبدالرحمن]

الزوج يقول - لا يوجد سر لحياة زوجية طويلة الامد-
ويقول ايضا- عليك بأكل ماتريد لكن بأعتدال-
ويقول- لم يسبق لي ان توقفت عن الاستمتاع بحياتي-
ولان الموضوع يحتوي على عدة اختيارات فانني ارجح
اختيار الاعتدال في الاكل لان المعدة بيت العلة!.
شكرا لك القديرة الجازي.
ولو انه معدد وصل اطول من هالمدة:)

[شموخ شمالية]

.


,


أول شي الاعمار بيد الله


وثاني شي أتوقع سبب سعادتهم وطول حياتهم الزوجية
هي ؟
تلقينوه ماغثّه بطاري العرس من مره ثانية :d:
وماقال أطبخي كل ليلة عشاء لـ خوياي بالاستراحة :d:
وماقال له أنسي إن لتس أهل ومامن مسايير الا كل شهر أو ع الاقل كل أسبوعين مره :d:
و ؟
و ؟
و ؟

لي رجعة لموضوعتس ياجدي الحين بطلع أسوي قهوة العصر :7ayyoh:





موضوع :thumb:

[راعي الوقيد]

^
^

انا اتوقع العكس
تلقينه ما غثته بكثر الطلبات هات وهات تر مابالبيت شين
وعلى شان كذا تلقين اعمارهم طويلة وحياتهم سعيدة
:7ayyoh:

[ريم شمر]

انا اقولك السبب

بلا هالاجودي مايدبل تسبدها بسوالف التعدد والمسيار

ولايصبحها ويمسيها الا ب يا هني و آ لوف يو ...وماي هارت :d:.... مهو وش غداتس اليوم وضفي وغدانتس عني بنام :148r:


والله لو انها ماخذه من الحلوين اللي عندنا كانت ماتت في ريعان شبابها واعرس عقبها المملوح من ثاني يوم :)

[بالمختصر..]

،





إذكروا الله لا تصكونهم عين :a:

ما شاء الله تبارك الله !

أنا أتوقع واحد منهم بارد و شاري مزاجه :)

أصلاً معروف عن البريطانيين إنهم شعب بارد !




.
.

[أبو فهد]

أعتقد أن هناك خيار سقط سهوا



وهو القرادة اللي جمعتهم :)




----------------
أبو فهد الهمزاني

[ســـعود]

انا اتوقع انهم يستخدمون بطاريات ابو بس :)

[جمران]

^

هههههههههههااااي وانت الصادز انيرجايزر فيد الارانب



عمر الشئي بئي يمقن علشان شقاهم باقين مع بعض

[المشرف العام]

هلا باختي الجازي


هقوتي أن ما عندهم وغدان . . :)


وإلا تسان صارت علوم




اخوك
ابو سلطان

[أهداااب]

توافيق من الله :)

[صلفيق]

انا أميل مع الفقرة [ 3 ] !!
فإن لم يكن ذاك .. فـ [ 6 ] هو الأقرب.

والاعمار بيد الله سبحانه وتعالى..

[الجازي]

وهذولي فرع أمريكا :)

http://i.imgur.com/zkBLr.jpg

يقول عنهم الدكتور جاسم :

تصدق أو لا تصدق

الزوج عمره ١٠٤

الزوجة ١٠١

:7ayyoh:

صارلهم متزوجين ٨٥ سنة :)

ومازالوا أحياء بأمريكا

:7ayyoh:

[الجازي]

حياك الله أخوي سالم

يمكن تناول الأكل الصحي له دور بطول أعمارهم

لكن هل له علاقة بعد بطول عمر زواجهم :7ayyoh:

شكراً لمرورك

[الجازي]

أهلاً بك يابو يوسف

أتوقع ماطال عمر زواجهم إلا بسبب قوانينهم الصارمة في الطلاق :)

يتقاسمون كل شيء بالنصف

فخله على مقرودته لايجيه أقرد منها :7ayyoh:

تشرفت بمرورك

[الحيمري]

٦/ أو الدعوى كلها هياط في هياط

خليك من كل الأجوبه مالها سنع

طول الاعمار عند خالقها فقــط

انا اعرف شائبن من الربع كل حياته افقر من قمله الترقات

ومن الصواتيف اللي جرت له اخذ في السجن عند بن جلوي 14 سنه واحد من عياله ذبح في معركه حدثت في الحدود الشماليه
وزوجته اصيبه بالجدري وماتت وعنده منها اطفال صغار واحد في سن الرضاع وتزوج الثانيه وماتت من سبب الولاده هي وطفلها وتزوج الثالثه وللأن وهي حيه ترزق والرجل اشترك في معركه جراب عام 1333هـ وعمره حوالي 19 سنه وتوفى الله يرحمه قبل
ثلاثه شهور تقريبا ً بعد عيد الضحيه

طيب وش رايك بهالرجل اللي معرف الوناسه بحياته من جرف لدحديرى 2 لايتصرف بهن احد الا الله سبحانه الحياة والرزق

وبعدين المفروض صوره الزوجه ماتنزلينها لأنها فتنه هههههههههههه

اللا خرعه


شكرا ً

[الجازي]

هلا وغلا بشموخ

أما من ناحية ما غثه فهو أكيد ماغثه ولا يقدر يغثه وأتحداه يغثه بعد :7ayyoh:

هناك القوانين عندهم إنما إيه :)

ماودتس نقدم عالجنسية البريطانية :d:

[الجازي]

حياك الله يابو فيصل

وليه تغثه بالطلبات !!؟

دامه مايغثها بالطبخ والنفخ ولا بالروحة والجية وش تبيها تطلب منه :)

هي تدبر نفسها بنفسها :7ayyoh:

[الجازي]

هلا ريوم

تهقين هذا السر !؟

طيب شنوح باقي البريطانيين ماصاروا مثلهم :)

انا اقول السر في اصولهم الاسيوية اكيد فيها شيء :7ayyoh:

[الجازي]

هلا بالمختصر

تهقين مابعد جاهم شيء للحين :)

برودة مامن برودة لأن اصولهم اسيوية وباين من نظراتهم وتعقد حجاجهم انهم شرارة :7ayyoh:

بس اكيد فيه بوه لوه سر ثاني :7ayyoh:

[الجازي]

حياك الله يابو فهد

تسيف تقول خيار القرادة وهم عايشين منسجمين ومتناغمين :)

القرادة تقصر العمر :7ayyoh:

[الجازي]

حياك ياسعود

والله يمكن ماهي بعيدة

بس كم عمر هالبطارية :)

[الجازي]

هلا يك يابو نورة


عمر الشقي بقي لحاله

لكن اذا صاروا اثنين ومع بعض ماهقيت ابد :)

يالقبر ياشهار :7ayyoh:

[الجازي]

حياك الله يابو سلطان

عاد تسان ماعندهم وغدان فهم حطموا الرقم القياسي

لان الوغدان زينة الحياة الدنيا :d:

على الاقل ماتقابل خشته طول اليوم :7ayyoh:

[الجازي]

هلا هدوبة

التوافيق ماعليها خلاف

بس تهقين مافيه أسباب ثانية :)

[الجازي]

حياك يابو مشعل

فقرة ثلاثة ماهقيت

ياكثر اللي معتدلين في اكلهم ولا نفعهم في طول عمر زواجهم يمكن نفع في طول أعمارهم :)

لكن فقرة ستة أنا أتفق معك عليها :7ayyoh:

[الجازي]

حياك الله يابو منيف

أكيد الأعمار بيد الله مافيها شك

بس كلامنا عن سر طول فترة زواجهم المتزامن مع طول أعمارهم :)





تسان صورتها فتنة غض البصر الله يهديك :7ayyoh:

[لوليتا]

*
*


اعتقد انهم ما ينكدوا على بعض
والامور بينهم تصير بشكل متوافق ومتفق عليه
وكل واحد عايش حياته بالصورة اللي ترضيه ومافي احد يحجر على الثاني حريته
ومافي تسلط رجولي على الانثى
يعني بشكل عام الحياة راضية عنهم ومشاعرهم وافكارهم متوافقة لان حتى القوانين الصارمة عندهم ما توقفهم عن الانفصال لو مو مبسوطين ومتفقين سوا
مو مثل عندنا هناك اجبار في الحياة الزوجية والانفصال ليس بالهين مو عشان القوانين الوضعية ولكن الاجتماعية والعادات والتقاليد المفروضة

ااصولهم قد تكون اسيوية ولكنها ليست بعربية شرقية والا ماتوا كمدااا :)

وقفة جميلة الريم
تسلمي

*
*