لغز لغز يابو منيف

[سالم الظفيري]

ياويش مولود(ن)صغير(ن) ومظهود
أمـه وبـوه ليـا ولـد يتـركـونه


رزقه يجية من الولي غير مردود
رزقـه يجيله يـوم تـدمـع عيـونه

وليا كبر تغيـر اللـون ياحمـود
ردعوا عليه وقاموا يوكلونه


تأليف سالم الظفيري

لحد يقول غششني

[عبدالرحمن]

ردعوا عليه وقاموا يوكلونه
^
ردعوا؟ وقاموا يوكلونه! هل تعني انهم يطعمونه ام هم من يأكله؟
اتمنى منك توضيح اعلاه اخي العزيز ابو زياد.

[سالم الظفيري]

هلا بالغالي ابو يوسف يطعمونة

المقصود يقدمون له الاكل

تسلم على الملاحظة

[عبدالرحمن]

شكرا لك على التوضيح الغالي ابو زياد
وسأحاول ارمع لكن بعد حضور ابومنيف.

[-------]

صعب شوي

[أبو فهد]

واللهي مش عارف بيبأى أيه الماخود ده :)



مابوه خياراي




-----------------
أبو فهد الهمزاني

[الحيمري]

ياويش مولود(ن)صغير(ن) ومظهود




أمـه وبـوه ليـا ولـد يتـركـونه


رزقه يجية من الولي غير مردود
رزقـه يجيله يـوم تـدمـع عيـونه

وليا كبر تغيـر اللـون ياحمـود
ردعوا عليه وقاموا يوكلونه


تأليف سالم الظفيري


لحد يقول غششني





صح لسانك ابوزياد


تجري محاوله الحل


طيب وش رايك ( بالدباء) اولاد الجراد

هذي رمعه 01

[عبدالله الجعيثن]

سالم قسم ان لي اكثر من نص ساعه


وانا افتر.........تقل قرّيب هههههههه واعجز وأستخير




رمعتين ولي نكسات ان مانتفوووه




طفل الانابيب او الخديج ( اللي يولد على سبع شهور )

[جمران]

تسان ماهو السن الضرس

[عبدالله الجعيثن]

الغراب



او النعّاب


اول ما يولد فرخ الغراب او النعاب يكون لون ريشه ابيض
فينكره ابواه لأن ريشهما اسود فيتركان الفرخ ويذهبان عنه

هنا يصبح رزق الفرخ صعب في غياب الوالدين

تاملوا معي قدرة الخالق سبحانه في رزق هذا الفرخ الذي غاب عنه الراعي

يقال ان الله سبحانه يسخر لهذا الفرخ نوع من البق او الدود
يعجب الدود برائحة منقار النعاب فيأتي حتى يتوقف على منقار الفرخ فيلتقمه الفرخ وبذلك يكون رزقه

ولكن لا تتوقف عجلة الرزق لهذا الفرخ او النعاب عند ذلك بل انه يتحول ريشه شيئاً فشيئا الى الريش الاسود فيعود ابواه فيتعرفان عليه بعد ان اصبح ريشه يشبه ريشهما فيقومان بتربيته ورزقه ..

[الحيمري]

ابوزياد


ترانا متحمسين رد على الرمعات واتوقع أن الربع نتفوه

[سالم الظفيري]

شكرا لكم جميعاً


صح يابو غازي

بيض الله وجهك هو النعاب



وشكرا لكل من حاول

مروركم شرف لي


لكم تحياتي

[الحيمري]

شكرا لكم جميعاً


صح يابو غازي

بيض الله وجهك هو النعاب



وشكرا لكل من حاول

مروركم شرف لي


لكم تحياتي



افيه تقول رايح من بين يديني ماعمري تحمست مثل اليوم

لكن من اللي حله شاعرنا ابوغازي وصح لسانه ولسان ابوزياد

لغز جامد وثقيل

[عبدالله الجعيثن]

عز الله لغز متعوب عليه



وصح لسانك ابو زياد





كثّر لنا من هالنمونه يالغلا

[سالم الظفيري]

معليش انا قبل شوي كنت مستعجل شوي


الف الف شكراً لك اخي ابو غازي على الحل والتوضيح لاهنت يالغالي حل مع تحليل بيض الله وجهك

فصفص اللغز تفصفص ما شألله عليك

وبيض الله وجيهكم جميعاً

لكم تحياتي