سؤال للقرمات [الأرشيف]

دموع الذهب

31-12-2011, 14:38

السلام عليكم ورحمة الله وبركاته

هذا سؤال خصوصي للقرمات

اتصل عليج ابوج ؛ أخوج ، زوجك و قال لج انا جاي بعد ساعه

- المده الزمنيه للطبخ ساعه بالكثير -

و معاي رجال نبي عشا دسم وش بتزين له ؟؟؟

يالله يا صبايا ابدعو

سالم الظفيري

31-12-2011, 14:52

حشى مو طبخ مضمار الصبايا

لاهنتي

عذرا داش بالغلط

لك تحياتي

دموع الذهب

31-12-2011, 14:59

هههه اجل شلون تطلع السنعه من غيرها

حياك الله يا أخوي

الجازي

31-12-2011, 15:26

ابدعو !!!

عز الله اني ببدع :)

انا قبل باسبوع مايطلع معي شيء شلون لاصار قبل بساعة :)

بس تدرين

على قولة أمي

ماتضيق الا على بنت الردي :d: <<<< وه لبى قلبتس ياميمتي انتي وامثالتس :)

على طول بدق على احسن مطعم وارسل له السواق واضبط لتس احلى سفرة من ايدين مانعدمها يارب <<< يدين الاتراك لبى قلوبهم :7ayyoh:

هاه

وش رايتس بس في ابداعاتي يادموع :)

انفع اصير سنعة :7ayyoh:

دموع الذهب

31-12-2011, 15:31

أفا ماهي لج هالسالفه يا حببتي

حرام عليج فشلتيه يمكن الرجال مفلس :(

تعوذي من ابليس و يالله خلي لج همه و فكري وش يتزين

و انتبهي تقولون لي كبسه

الجازي

31-12-2011, 16:19

هو مفلس

بس انا ماراح اكون مفلسة :)

ابد كل شيء على حسابي

يعني بيكون عندي قرش ابيض لليوم الاسود :)

وهذا اليوم الاسود جاء معناها لازم نطلع القرش الابيض :7ayyoh:

بعدين هذا وقت فزعتي فداهم القروش البيض والسود كلها اهم شيء نعشي رجالهم ونشبعهم ونبيض وجيههم بالقرش الابيض :d:

دموع ياحيي لاتحاولين

مافيه أحلى من هيك فزعة وقرامة :)

والا ترى بنادي لتس ريوم

عاد هذي لاسنع ولا فزعة ولا قرش ابيض ولا ملون فديتها :d:

دموع الذهب

31-12-2011, 16:51

ههههههههههههههههههه

لبا كلك عز الله ما دفعت له

ههه عاد ريمونا الانيقه ام السنع كله

بلاج ما شفتي الشوربه الخضرا :)

الجازي

31-12-2011, 17:16

تكفين أبي أشوفها :)

شوربة وخضراء

بعذرها والله

ولهانة على السعودية وعلم بلادي الاخضر :)

كثر خيرها اللي ما اخضرّت هي :7ayyoh:

-------

31-12-2011, 18:37

في هالساعة اقدر اسوي له

بطاطس مقلي

ربع ساعة اقشره واغسله

و5 دقايق احمي الزيت

وباقي الساعة البطاطس يستوي وسلامته

بالله ساعة وش اقدر اسوي فيها

شموخ شمالية

31-12-2011, 20:59

.

,

أنا عودت الشغالة من نجيب كرتون الدجاج تتبلة بس بدون ملح
ويثلج متبّل ..
والكبيبا مثلجة وكذلك الكبة والمطازيز
يعني اذا كـ العادة دقّ أبوعمر أوأخواني وقالوا معنا واحد جهزوا الغداء
أعتقد الساعة تكفي اذا صارت هالاشياء جاهزة
وثاني شي اللحم أسرع والحين الله يخلّي الكاتم بنص ساعة او ربع يكون اللحم جاهز :)
والرز عنبر أبيض سادة
هه وهذا الغداء جاهز :7ayyoh:

اذا ماكانت الشغالة موجودة تطلع روحي بس الحمدلله ماعمرها راحت وحدة الا الثانية جاية :315r:

يسلموا دموع

دموع الذهب

31-12-2011, 21:23

يا ملا العافيه يا اثيار ليه الكلافه

كانت خليتيه لين يجي وهو يقلي البطاط :)

دموع الذهب

31-12-2011, 21:25

شموخ بالله شلون هالكلام ؟!!

اذوب كرتون كامل و اغسله

من ناحيه صحيه ما يصير تذوبين الدجاج همن تجمدين !!!

ايه تكفين ابي سوالف التتبيل بتعلم عليه :)

دموع الذهب

31-12-2011, 21:29

ههههه الجازي وربي احسها خوووش شوربه

في شوربه خضراء بس لذذيذذه

بعد الامتحانات باذن الله بسويها عشان استرجع مقاديرها :(

شموخ شمالية

31-12-2011, 22:12

,

’

دموع
بالله عليك وش الضرر من أذابة الدجاج وتجميدة من جديد
لانه مافيه مواد حافظة ولاشي هم يقولون كذا بس مأصدقهم ...

أما الدجاج اللي أتبّل نشتريه مبرّد أتبله وأجمده وبس :315r:

اذا بغيتي التتبيل أبشري من عيوني أي وقت تبينه بس نبهيني

دموع الذهب

01-01-2012, 02:01

جمود يا عمري ما يصير تذوبين الدجاج ثم تجمدينه من جديد ابحث بالنت وشوفي الاضرار وربي

ممكن يسبب تسمم لانج انتي بهالطريقه ساعدتي على زيادة نشاط البكتيريا

موووكل مره تسلم الجره انتي وش حادج على هالسالفه !!!

اذا كنتي مستعجله ولا يمديج تطبخين

انت طلعي الدجاجه و تبليها و حديها بالثلاجه

أو

اطبخي الدجاج نص طبخه و جمديها ومن ثاني يوم كملي الطبخه مثل المصاروه هههههه

ترين انا افكر اسوي هشكل :(

الجازي

01-01-2012, 02:17

جمود يا عمري ما يصير تذوبين الدجاج ثم تجمدينه من جديد ابحث بالنت وشوفي الاضرار وربي

جمود !!!!

خخخخخخخخخخ

اسمها شموخ يابعدي :)

كله من هالدجاج وتجميده حاسكم حوس :7ayyoh:

دموع الذهب

01-01-2012, 02:50

اااوووه ياكبرها عند الله :/

السموحه يالغلا بدليه

اي بالله وانتي الصاجه حاسنا وانا خايفه عليهن يتسممون باتسر ههههه

سبحان الله احيانا تقولين لا ما عمره صار لي هالشي من بكره الا وهو صاير :/

صلفيق

01-01-2012, 04:11

,
بالله عليك وش الضرر من أذابة الدجاج وتجميدة من جديد
لانه مافيه مواد حافظة ولاشي هم يقولون كذا بس مأصدقهم ...
لا ..
دموع الذهب محقّة ياشموخ !
الضرر ياسيدتي ان البكتيريا تتحرر بإذابة المجمدات ، ولكن عند الاستعمال نقضي على نشاطها..
أما في حالة الاذابة ثم التجميد ثانية .. فإننا نعطي فرصة للبكتيريا لنشاط سمومها ومخلفاتها من فطريات وغيرها
لتلويث المأكولات ، وعند الاستعمال مرة أخرى فإن الأكل يكون ملوثاً بسموم البكتيريا.
ومن هنا يكون التسمم الغذائي.
علماء التغذية وعلماء الطفيليات ينصحون بتقسيم المأكولات المثلجة حسب الحاجة "لهذا السبب".

شدتني الفقرة أعلاه للدخول..
دموع الذهب تسأل القرمات >>> هههههه وانا والقرامة بيننا عداء أصلاً.

عذراً شموخ شمالية
وعذراً دموع الذهب !! واشكرك للايضاح الصحيح، بالفعل هو كما ذكرتي..
يعطيك ألف عافية.

متابع

الشبث

01-01-2012, 11:35

^

شكرا

ولا تعوده ثاني مره تخش بيننا اطلع برا << دزالبن قرمه على غفله

انا اسوي لوه رضمتن تدق حنوكوه هو واللي معوه n)

وتقلدن تحيتي

ابو ضاري

01-01-2012, 12:41

^
^
^
للقرمات فقط

صلفيق

01-01-2012, 13:47

^
^
للي وراك يابو ضاري..
>>> يالله وراي ـ وانت وشو حاشرك معي !!

جمران

01-01-2012, 22:10

بس انا ماراح اكون مفلسة :)

ابد كل شيء على حسابي

قبل حافز ماكان هذا كلامكن

ايييه يالله نشوف عقب سنه يتغير هالحتسي :)

مالي حاجه بس داش اتنقّد :(

الجازي

02-01-2012, 00:18

ويني ووين حافز :)

الله يعوضني في الجنة :)

حافز حدهم خمس وثلاثين ومحاتسيتك طاقن طبلونها الواحد وخمسين :7ayyoh:

مامن حافز

بس فيه قاسمة الله :)

شموخ شمالية

02-01-2012, 13:33

.

,
شموخ يا عمري ما يصير تذوبين الدجاج ثم تجمدينه من جديد ابحث بالنت وشوفي الاضرار وربي
ممكن يسبب تسمم لانج انتي بهالطريقه ساعدتي على زيادة نشاط البكتيريا
موووكل مره تسلم الجره انتي وش حادج على هالسالفه !!!

لا ..
دموع الذهب محقّة ياشموخ !
الضرر ياسيدتي ان البكتيريا تتحرر بإذابة المجمدات ، ولكن عند الاستعمال نقضي على نشاطها..
أما في حالة الاذابة ثم التجميد ثانية .. فإننا نعطي فرصة للبكتيريا لنشاط سمومها ومخلفاتها من فطريات وغيرها
لتلويث المأكولات ، وعند الاستعمال مرة أخرى فإن الأكل يكون ملوثاً بسموم البكتيريا.
ومن هنا يكون التسمم الغذائي.
علماء التغذية وعلماء الطفيليات ينصحون بتقسيم المأكولات المثلجة حسب الحاجة "لهذا السبب".
أدري أنها مضّره ياعزوتي أنتم
بس يقهرونن هالعلماء لاقالوا تتكاثر فيها البكتيريا
أول أهلنا ينشفون اللحم بالهوا الطلق بالمصخّن على قولتهم وماشاءالله صحتهم عال العال
والحين يقولون بكتيريا :148r:

وشكرآ لك دكتور
وشكرآ دموع

نرجع للموضوع نبي نشوف باقي البنات وش يسوّن لاجاهن ضيف فجأة :7ayyoh:

أبو فهد

02-01-2012, 20:09

طيب يوم إنوه نشدة للقرمات ليه حاطينوه بهاه

أجل ما هناك قسم نواعم :)

طيب عن نفسي الجود من الماجود أو المطاعم ماجوده

:)

-----------------
أبو فهد الهمزاني

دموع الذهب

03-01-2012, 02:21

الله حيو بكل من حضر و كلن باسمه

هو صحيح السوال للقرمات بس شكلي بغيره سؤال للقروم خخخخخ

يمكن احصل لي طبخه تفيدن

وحده معطله والثانيه يا عون الله بطاط مقلي :(

الله يستر لا تجينا ريم تقدم اندومي :/

دكتور صلفيق جزاك الله خير والله لا يحرمك الاجر

شاكره دعمك العلمي للمعلومه << تخبره في برنامج سلامتك

شموخ يالغاليه يخلونه بالهواء شي و يجمدونه ثم يذبوبنه شي ثاني

الخواص تغير ياعمري

يعتي الكبسه اذا طبخه طبخه يجوز تزدينه ماي بارد ؟؟؟ ولييييه << متاثره من فترة الاختبارات

الوكاد طبخج لحال و طبخ اهلج لحال الله يسعدج

صلفيق

03-01-2012, 03:32

أول أهلنا ينشفون اللحم بالهوا الطلق بالمصخّن على قولتهم وماشاءالله صحتهم عال العال
والحين يقولون بكتيريا :148r:

ليه ماتقولين وشيدز !!!
.. وبعدين البكتيريا لاتعيش في الوسط الجاف "والوشيق وسط جاف".

وبعدين أول أول وهالحين هالحين..!
حتى الجراد عاشوا عليه سنين ـ وهالحين يقولون "حشرة ضارة"...
:7ayyoh:

داخل لقافة بسسسسس :)

سالم الظفيري

03-01-2012, 04:25

دموع وش سويتي لابالله طلعن القرمات اشوف اللي كرتون دجاج منقع واللي مطعم واللي بطاط

واللي رضمة

واللي الجود من الماجود

اختي دموع الموضوع يخص القرمات ولا القرمان بعد

صلفيق

03-01-2012, 14:36

جمران

03-01-2012, 16:29

<< يقفّل يوزره ذالن يجي سوال للقروم :(

عبدالرحمن

03-01-2012, 23:23

يقول القايل
انه فيه رجال تاجر حضري -راعي دكان- وفيه خوين له بدوي يجي يشتري منه القهوة والهيل وبقية الحوايج
وطالت مدة صداقتهم وحب التاجر صديقه البدوي وقال ابي اسير واشوف خويي اذا عنده بنت ابي اخطبة لولدي
وراح لصديقه البدوي وجاه عقب ماهقى ان وقت العشاء طاف فوجد عند خويه رجال وقالط على ذبيحه وما معه احد!
فحيابه خويه وفرح بجيته وقام وقهواه وجدد له القهوة وهو-التاجر الحضري- ينتظر ان يقوله قم تعش! لكن خويه ما قال له شي!
وخلص الرجال من العشاء وشالو العشاء! وعقب ساعتين او اكثر قلط الرجال-البدوي- ذبيحة اخرى وقال للتاجر قم على عشاك!
فتعشى ولكن النوم بعيونه-ينود- لانه كل النهار يمشي المهم نام والصبح بعد القهوة استاذن من خويه البدوي ورجع لهله فلزم البدوي
حاجة غرض يابوفلان قال ابدا جيت بس اسلم عليك! يقولون ان الحضري هون من الخطبة بعد ان شاف وفكر وقال في نفسه
-انا بكرا لو ناسبت هالبدوي وجاني اخر الليل وش اعمل معه! وكيف اقوم اخر الليل واذبح الذبيحة وتقوم ام العيال تطبخه-..
تقديري لكاتبة الموضوع والمشاركين فيه .

سالم الظفيري

04-01-2012, 02:33

ابو مشعل النعمة والترف هي الي خلت حريم هالوقت هذا رفل

الله يغفر لهن يارب
قصدي جداتنا

ونا بعد ماعودها اخر مرة بس رديت على ابو مشعل

احترامي لم عمر خاااااااااااااااااااف

دموع الذهب

04-01-2012, 20:11

أخوي صلفيق محشوم الا وربي مداخلتك عجيبه و كثر منها :)

اي بالله وربي الوشيز بس الذبان اللي حوله مميته بس معدتهم بهالزمان غيرنا

>> تقول وش دخل الشدر بالموضوع لين فهمت فموضوعه

مره سوينا وشيز من نشف يارب لك الحمد نعمه فضيله محد كلاه :/

دموع الذهب

04-01-2012, 20:14

أبو زياد لا تغير صار للقرمان بعد هات ما عندك كود نكسب منك طبخه

دموع الذهب

04-01-2012, 20:19

^
^
ابو زياد..
معليش اشوف قلبناها فلّه ،، ويمكن يجينا شبيثان او شموخ ويصكوننا مخالفات !!
بس يغرغر معاي سؤال ولازم اسدحه..
شرايك لوهن على زمن جدي وجدك والا ابواننا ... بذمتي الذمه الا يطلقونهن صبح العرس.
اللي الخطرات ليا وجه الفجر ! ولازم تقوم من النوم وتسوي عشاء للضيف...!

المشكلة ان تسان دموع حطت موضوع للقرمين !
ياويلي يانبي نشوف تسذبان .. والا يطلع المستخبي !!!

سامحوني للعودات ،، وتوبة والله ماأعودها

.

والله انك صاج بس الحمدالله الزمن تغير والا كان علوم

ولا تحاتي السؤال جاي بس بعد الاختبارات اذا الله يسر

يمدحون شغل الرجال يقولون منا زينوه

بنتعلم منك خصوصا الاطباء تكون الطبخات صحيه و دايت :)

يا هلابك دكتورنا

دموع الذهب

04-01-2012, 20:20

تقفل والا ما تقفل جايك الدور

دموع الذهب

04-01-2012, 20:32

حياك الله أخوي عبدالرحمن وربي قرار حكيم

حشم نفسه و عارف امكانيته الله يرفع عنه ولا يبلانا

حياك الله يا أخوي يا هلابك

سالم الظفيري

05-01-2012, 02:10

ابشري اجل ماشفتي طبخاتي اللي قبل

طافك نص عمرك

جرابيع ودجاج على علب بيرة

والجاي احسن

لك تحياتي

جمران

05-01-2012, 20:56

^

والدليل النفيخة اللي براسك من هالسنين

رنّتك ام زياد بالملاّس على دماغك يوم تحرق الكبسه :solh:

ليلى بنت عبدالعزيز

07-01-2012, 01:35

من جدك جايه تسالين هالسوال هنا
ماحولتس قرمات ابد :)

شوفي ياعروستنا سوي الاكل المفرزن وخليه بالفريز
لان بتجي ظروف مثل ضيف ولا تتعبين او تكونين مشغوله او ... او ...
وابوريك الي عندي بصور على الواتس اب وكيف افرزها :)

صلفيق

07-01-2012, 18:16

تقفل والا ما تقفل جايك الدور

ياقردنا منهي تعني !!! :a:

سالم ..
تهقاه تعنيني والا تعنيك انت ؟

مابوه غيرنا مار انحش لايمسكنك

سالم الظفيري

07-01-2012, 19:50

ابو نورة ونت ماتنعطي

ابو مشعل تعنيك انت انا وش دخلني تحطني معاك

دموع حيك بابو مشعل

صلفيق

08-01-2012, 19:30

^
^
^
خلنا من ابو نوره، كلنا نكفّخ كل يوم ماقلنا شين
بس تراها تعنيك انت !!
لكن ياغافل لك الله

بس عاد ياملّي امّا تنشدك عني او شين قل مات الله يرحمه
خلّها تولّج غيري !

لك تحاياي،،،

دموع الذهب

11-01-2012, 01:20

لا لا الكلم كلكم كلكم مار استعدوا

يا دكتور نبي طبخات من تخصصك لو فات :)

سالم ماشاء الله جاب لنا كم طبخه غريبه عجيبه احلى شي دجاج بالسفن ان

بحول الله بجربها بعد الاختبارات :)