حج وقضيان حاجة :)

[الجازي]

البارح أضفت خالي أردوغان في التويتر وصرت أتابعه <<<< نشب لي لما استحيت منه وتابعته ماحبيت أفشله :)

بس شرطت عليه مايتابعني لأسباب شخصية :7ayyoh:

المهم أنا تابعته والا ماتابعته حسيت إني توهقت

كل تويتة والثانية يحتسي فيها عن إنجازاتهم ونقلاتهم النوعية في كل مجالات الحياة

وأنا بالله لو بيتابعني وش بقول !! :wallah_hoo:

حرايق المدارس وعدد الموتى وفشل الدفاع المدني في الإنقاذ !!؟

وإلا وفيات حوادث الطرق اللي نصها يبيله ترميم والنص الثاني يبيله إنشاء !!

والا عن قطاراتنا اللي صارت مثل المعيدي تسمع به خير من أن تراه :7ayyoh:

والا عن الفساد اللي نخر سوس العظم مو بس العظم :) <<< رحمت السوس ياقلبي :)

وش أقول وش أخلي بس

قسم استحيت وأنا أقرا تويتاته :



“@RecepT_Erdogan: شبكة طرق المزدوجة في تركيا ساهمت بتقليص المسافات وحققت ارباح اقتصادية وحفاظنا على حياة المواطنين من الحوادث المرورية."

“@RecepT_Erdogan: نتيجة الطرق المزدوجة التي نفذناها تقلصت المسافات 155 مليون ساعة حيث حققت ارباح اقتصادية 7 مليار ليرة نتيجة لاقتصاد 658 مليون لتر من الوقود.”

“@RecepT_Erdogan: جعلنا تركيا ثامن دولة بالعالم تملك قطارات سريعة حيث نقلت 2 مليون 500 الف راكب حتى الان ."


“@RecepT_Erdogan: سنستمر بجلب التكنولوجيا الحديثة والالات المتطورة ونضعها تحت خدمة المواطنين بارخص الاسعار، ونفتح الطريق لتطوير القدرات العلمية والتقنية .”

“@RecepT_Erdogan: بدأنا حملة "مناطق خالية من الدخان" سنة 2008 أقلع مليوني شخص عن التدخين، انخفض عدد المدخنين فوق عمر 15 سنة من 16 مليون الى 14 مليون شخص .”





عاد طرت علي فكرة إنما إيه !!

بما إن مجتمعنا يعاني من عنوسة مفرطة زي ماتقولون

وبما إن الأتراك وش كثرهم في ديرتنا :)

نضرب عصفورين بحجر ونزوجهم من بعض :d:

منها يصير بيننا وبينهم نسباً وصهراً :7ayyoh:

ويطولنا من تنميتهم جانب :)

ومنها نقضي على ظاهرة العنوسة اللي مؤرقة رجالنا ومخليتهم يضحون باستقرارهم الأسري ويضطرون للتعدد عشان يحلون مشكلة العنوسة :)

وعصفور ثالث فوق البيعة اللي هو تحسين الإنتاج :)

يجيكم جيل جديد حمران عطران يفتحون النفس :d:


هاه وش قلتوا !!؟

أحاتسي خالي في الفكرة :goooood:

[متفاائل]

خخخخخخخخخخخخخ ولا عن طيارتنا والرقيعيات

ياما جاب الغراب لامه :)

[راعي الوقيد]

كلميه يابعدحي نبي لنا من شاكلة لميس:)
خلينا نحسن النسل على حق وحقيق
والا وش رايكم ياهل التعدد
:7ayyoh:
تقل على نفسها جنت براقش:d:

[الجازي]

لا لا يابو عمر


رقيعياتنا هم الشيء الوحيد الإيجابي عندنا

بالله من يحصل له رقيعيات مقاتلة تسقط طائرات حربية ببلاش :)

هذي ممكن نعرضها كصفقة للأتراك ويصير بيننا وبينهم تبادل عسكري

نرسل لهم رقيعياتنا المدربة ويرسلون لنا مقاتلاتهم :7ayyoh:

بس لاتفشلوننا وتجيبون طاري العصيفير ترى رقيعياتنا تكفي :)

[الجازي]

ابوفيصل

تسلم عليك براقش وتقول :)

ديرتنا مايشتغل فيها الا رجال الاتراك لو فيها حريمهم ابد حلال عليكم

الا تسانكم ودكم تفتحون مطاعم في تركيا وتشتغلون هناك :7ayyoh:

ذيك الساعة يمديكم تقضون على ظاهرة العنوسة عندهم <<< تسان لقيتوا شاغر :)

[بالمختصر..]

،




تركيا بعيده شوي :(

تهقين يقدرون يجيبون دولتهم و يجون عندنا ؟ << :)




.
.

[سالم الظفيري]

يقمن هم ماراح يوافقون ان ياخذون من منا

هم لو يبون ياخذون منا النسل راح يكون لهم مارح يرضون

وحنا مانستفيد


بس انا موافق ناخذ منهم

ونحسن النسل


لك تحياتي

[ريال الفسحه]

يجيكم جيل جديد حمران عطران يفتحون النفس

وما ان تفتش الركبه واذ به سودا :)

[الجازي]

بالمختصر

لاتشيلين هم البعد

دام روسهم مفتحة للتخطيط المدروس ومحاربة الفساد وهمومهم وتطلعاتهم لفووووق فوووووق

باتسر يطلعون لتس بطريقة تخلي البعيد قريب :d:

[الجازي]

سالم

باتسر تشوف هم ياخذون منا والا ماياخذون

بس انت عطهم الموافقة وشف وش يصير :)

[جمران]

يجيكم جيل جديد حمران عطران يفتحون النفس :d:


انخرعت احسب جا اسمي بالقائمه







الله يهني سعيد بسعيده

[الجازي]

ريالووووه


لا أبشرك ماراح تلقى ركب سودا

لأن عرق الضبان اللي متسبب فيها تم استبداله بعرق تركي :7ayyoh:

[الجازي]

جمران

لاتحاول تحتك بالخوال :)

[عبدالرحمن]

يفترض في كل حكومة ان تضع لها خطة عمل واضحة المعالم
على مدى سنوات محددة ولا تترك الامور الى تقديرات وتخمينات لجان تتفرع منها لجاان!
فتركيا تسير في طريق التمنية الصحيحة والشاملة منذ عهد اربكان وليس عهد-خالك- فحسب!
اما سالفة التعدد فالظاهر انني ساقف منها على الجانب الاخر وساقذف كل عابر اليها :a:
اما استبدال الكبسة بشيش طاووق فاعتقد ان البدل الحقيقي يجب ان يكون بتغيير الشيف-ة-:thumb:

[جمران]

جمران

لاتحاول تحتك بالخوال :)

الخوال مصطلح يطلق على ذوو البشرة السوداء:)

[راعي الوقيد]

^
^
قصدك سعيد وسعيدة:)

[ام الشيخ سلوم]

الجازي يابعد حيي انتي هالفره

اعرضي الفكره على خالتس بأسرع وقت لا تبطين

ودي ازوج الشيخ سلوووم من هالحمر العطر

[راعي الوقيد]

^
^
عجزت وانا احتسي عليه
بس هي تبي تجوزكن من الحمران وماهو العكس:)

[الحيمري]

[QUOTE=الجازي;1132918]

وعصفور ثالث فوق البيعة اللي هو تحسين الإنتاج :)

يجيكم جيل جديد حمران عطران يفتحون النفس :d:


هاه وش قلتوا !!؟

أحاتسي خالي في الفكرة :goooood:


اردوغانك العلماني
نظرتك للمظهر ليسى للمظمون اذا الاتراك تزوجوا من بنات

العرب وخصوصا نجد يطلع الولد كديش اول كلامه رهيم واخره نهيق شو تحسين النسل شكلك مومعجبك لانسل ولا و؟؟

كل هاطحاطيح قدامك ولا اعجبك وفتح نفسيتك الا هالعلمانيين الغذرين اللي منعوا اللثام على بنات المسلمين وخصوصا العربيات ولماذا ماقالوا الرجال هاللي ماهم معجبينك نحسن نسلنا من الارمنيات او مذاق جبابره الملوك الكشميريات ؟

[الجازي]

أبو يوسف

الشيف الحقيقي بناء على رأي العقاد هو الرجل :)

والرجل هو الأصل

وإذا تغير الأصل تغيرت الفروع

فأبشر بالتغيير الحقيقي بعد تطبيق توصيتي :7ayyoh:

أما خالي فهو بلا شك تلميذ أربكان ولن أغمط أربكان حقه في التأسيس

لكن تظل الدماء والروح الشبابية وطريقة التفكير الجديدة من إبداع خالي وبها حافظ على حزبه من السقوط والفشل :)

[الجازي]

الخوال مصطلح يطلق على ذوو البشرة السوداء:)

لاتقيس على الخوال عندكم

خوال عن خوال يفرقون :)

[الجازي]

هلا وغلا بأم الشيخ سلوم

لا ياحيي

الشيخ سلوم يابعدي لاتخافين عليه ألف من تتمناه من بنات ديرته

الحتسي عن هالعوانس اللي مشغلين بال شيابنا :)

نبي لهم الستر وللاتراك العزابية اللي مالين ديرتنا بعد

ونضرب عصفورين بحجر :d:

[الجازي]

أبو منيف

وش بك الله يهديك

أنا أحتسي عن خالي أردوغان الإسلامي ترى مهو أتاتورك العلماني :)

ماتسنك فاهم الموضوع غلط :)

[الحيمري]

أبو منيف





وش بك الله يهديك


أنا أحتسي عن خالي أردوغان الإسلامي ترى مهو أتاتورك العلماني :)

ماتسنك فاهم الموضوع غلط :)



----------------------------------------------



اتاتورك راح مع زمانه ولاخلف الا سد المياه

وأن شالله الله هاديني


لا والله يابنت العم ماني فاهم غلط ارجعي شوي للخلف. اكره ماكره اشوف

صوره رمزيه لك عميل الصهاينه

لاتفهمينه او يرسخ بمخك انه مع العرب والله لاسمح الله يصير شي

او القايمين ضدنا مثل سواته مع بغداد السلام و( قاعده انجرليك الحربيه )

بعد انتخابه وعقب حرب الخليج الثانيه ولاودي اتمادى في سيرته

[الجازي]

أف

عميل الصهاينة حته وحدة !!؟

لا لا يابو منيف لاتظلم هالمسلم

التركة اللي خلفها النظام العلماني وصارت في وجهه ماهو مسؤول عنها ومع ذلك ماقصر بدأ يتخفف منها حبة حبة وحسب استطاعته لأن الأمور ماتتعالج دفعة وحدة لابد من التدرج حسب الإمكانية المتاحة

[الاصمعي]

أبو منيف مساك الله بالخير

أبو منيف رجب أردوغان يعتبر رمز عند الفلسطينيين لمواقفه القوية والمتعددة المتواصلة من قضيتهم
فهو الداعم الأساسي لاسطول الحرية لرفع الحصار عن غزة الذي انطلق منة شواطئ تركيا باتجاه غزة وهاجمت اسرائيل بعض سفنه وقتلت عدد من الأتراك المشاركين فيه ، الى رده القوي على بيريز دفاعاً عن الفلسطينيين وانسحابه من المؤتمر الذي كان من ضمن حضوره عرب ولم يتكلم منهم أحد الى تنزيله لعلاقات بلاده الدبلوماسية مع اسرائيل الى مرتبه لم تصلها سابقاً الى دعمه المادي والمعنوي لفلسطين وما زيارته لغزة وحفاوة الشعب الفلسطيني به الا تجسيدا لمواقفه البطولية من قضية فلسطين!!

وبالنسبة لموقفه من الهجوم على العراق فهو الأقل بشاعة من مواقف الدول العربية والإسلامية فهو منع استخدام قاعدة انجليك لضرب بغداد مع مراعاة انه مرتبط بحلف الناتو كعضو عليه التزامات لا يستطيع الانفكاك منها غير عن قوة المؤسسة العسكرية العلمانية المسيطرة التي انقلبت على الحكومات السابقة ، وهو الآن بحنكته ومدعوماً بنجاتحاته الاقتصادية وثقة الشعب به يحاول تحجيم تلك المؤسسة الأتاتوركية وقد نجح بذلك الى حد بعيد وسينجح أكثر بعد اقرار الدستور الجديد ..

شكراً لك ولأختنا الجازي على موضوعها الجميل والمميز عن المميز طيب رجب أردوغان!

[الجازي]

تسلم على التوضيح يابو خالد

وعلى ذبك عن عرض خالو :)

[شموخ شمالية]

.


,


أحجزي لبنتي واحد :7ayyoh:

[الجازي]

العرض متوفر للعوانس فقط :)

بنتك ماتبور وانتي أمها :d:

[عبدالله الجعيثن]

ماظنتي





الاتراك




يتركون




العسل





ويرضون







بالجعل

[الجازي]

ابو غازي

أنتم افتحوا الباب واسمحوا بزواجهن من الأتراك

وما عليكم من الباقي :7ayyoh: