بنات في الكويت يتهاوشن في الشوارع

[راعي الريشا]

ظاهرة خطيرة في المجتمع الكويتي (( الفتيات)) يتهاوشن في الشوارع لمجرد الهمز واللمز على الشكل الخارجي !!!!!!!!!!!!!!!!! بل يصل الأمر إلى المطاردات بالسيارات ؟؟؟ عالم فاضيه ؟؟؟
يقول احد المسئولين الكويتيين في وزارة الداخلية لوحظ في الأوان الأخيرة انتشار ظاهرة الهواش بين البنيات مع بعضهن في الشوارع ...!!! بعكس ما كان في الماضي تمر السنة والسنتين لا تسجل إلا قضية أو قضيتين من هذا النوع أما في الوقت الحاضر لا يمر أسبوع أو أسبوعين إلا ويوجد أكثر من قضية في هذا الخصوص !!!!!

من خلا ل احد البرامج التي تعالج مثل هذه القضايا وقد ذكر مقدم البرنامج انه شاهد احد البنيات وهي تنزل من سيارتها وبيدها "" ليور"" من اجل ضرب احد السائقين ...!!!! الله يرحم نساء الصحابة كانت آثار الجدار تبان على أكتافهن من شدة الحياء إذا خرجن للشارع لضرورة حسب الروايات .... والحين صرن يضاربن ويتهاوشن على مرأى ومسمع من العالم !!!! بدون حياء وخوف من خروج مفاتنهن لـ....

يقول الشاعر :

رمه في اليم مكتوف اليدين *** وقال إياك إياك ان تبتل بالمائي

شي طبيعي ينتشر مثل هذا الأمور في مجتمع منفتح على العالم أكثر من اللازم ......!!! وفي ظل غياب هيئات الأمر بالمعروف والنهي عن المنكر .. أكيد الأمور راح تدحدر إلى ابعد من كذا .. الله يصلح أحوال المسلمين في كل مكان

طبعا انتشار مثل هذه الأمور بين البنيات يدل على قلة الأدب وعدم التربية السليمة كيف بنت تتهاوش في الشوارع ومن المستفيد من هذا الهواش ؟؟؟ أكيد الجمهور .. من المارة صحيح اللي استحوا ماتوا .. الله يهدي الجميع إلى ما يحب ويرضى

[الفيتو]

الله يهدي الجميع الى مايحب ويرضي

اخي راعي الريشا والله ظاهره غريبه جدا

وعلى قولتك من الطبيعي ان تنتشر مثل هذه الظواهر واكثر مدام لايوجد من يامر بالمعروف وينهي عن المنكر

تسلم على لمشاركة اخي راعي الريشا

[ابو غازي]

النص الأصلي مرسل من قبل ابـــو مـــرزوق
الله يهدي الجميع الى مايحب ويرضي

اخي راعي الريشا والله ظاهره غريبه جدا

وعلى قولتك من الطبيعي ان تنتشر مثل هذه الظواهر واكثر مدام لايوجد من يامر بالمعروف وينهي عن المنكر

تسلم على لمشاركة اخي راعي الريشا

اخوك

ابوغازي |510|

[التايه]

اسأل الله الهداية لمن ظل عن الطريق المستقيم وإن يصلح شياب وشابات الأمة العربية والأسلامية

والله هذا اللي بيدنا نقوله هو الدعاء لهن

والحمد لله رب العالمين


تقبلوا تحيات اخوكم التايه

[شموخ]

ماعندهن وقت يالطيف اجل نحمد ربنا حنا نقول ليه الشباب كذا عندنا على الاقل الشباب ارحم رجال

الله يعين

تقبل تحياتي

شموخ

[الكتراز]

اما بنات يتهاوشن والله هذي المصيبه
الا على فكره هن وش يتضاربن به :D
اللهم لاشماته
ما اقول الا ما قاله اخي التايه
اسأل الله الهداية لمن ظل عن الطريق المستقيم وإن يصلح شياب وشابات الأمة العربية والأسلامية
تحياتي

[ابو تركي]

الله يعين ويستر في ضل التسيب في دول الخليج الى هم قريبن من عادتنا
ويكفي انهم ابناااء قبائل ومسلمين ويعرفوون العيب,,,,,

اجل بنت تنزل بليور مصيبه ما رااح يسوي شي اليور اذا لقت رجاال يسنعهااااا
وغالب بنات الكويت مو كذاااا الى محترمااات,,,,,,,,,
تحياتي لك

[الفاضي]

ههههههههههه بنات يتخانقن والله خطيره
تصدقون ودي اشوف بنات يتخانقن كله مسك شوشه وقرص كخخخخخخ

الله يرحمنا برحمته

اشوا اننا ماعندنا زي كذا والا علوم
وصدق ابو تركي هالعربجيه لو يجيه رجل يسنعه ويمغطه بهاليور الي معه تسان تعدلن كل البنات

مشكور اخوي على الموضوع الحلو
تقبلوا تحياتي الفاضيه

[البــنــدري]

اعتررررررررررررررض وبشده

موضوع بعيد عن الصحة ؟؟؟؟:(:(

من وين جبت هالكلام ؟؟؟ واي برنامج اللي تتكلم عنه؟؟

اخوي ان كان موضوعك تم نقله ..ارجو عدم نقل الموضوع الابعد التاكد من صحته؟؟

فمهما كان هذي عرض دولة باكملها ؟؟

اظن ان الموضوع برمته مزحه لكن مزحه سخيفه جدا ..وسبق قرات نفس الموضوع في منتدى اخر وكان عبارة عن استهزاء وسخريه لااكثر

فارجو عدم المساس بكيان دولة ..وخاصة ان هذة الدولة هي شمس الخليج


وارجو المعذرة لكن اللي معدنه اصيل مايسمح باي كلمة عن ديرته

ومهما قلت فلن افي ديرتي حقها .

[شموخ]

ياختي اخوي راعي الريشا ماضن انه بيجيب الكلام من عنده اكيد متاكد منه واكبر دليل انه قال ان واحد من المسؤلين في وزاره الداخليه صرح به

وبعدين الفنان محمد البلوشي وش يقول

الزمن غدار والحكمه تقول كل شي معقول

ارجو ان تتقبلي الموضوع بصدر رحب ولاتزعلين

اختك
شموخ

[NaJeM@7AiL]

الحقيقة هي الشيء الوحيد الذي لا يصدقه الناس .
http://www.geocities.com/ashegalward/images/7ail3.jpg

[السالمي]

الا خت البندري
اسمحيلي ان اقول ان كلام اخونا ان لم يكن صحيح فهو اقرب الى الصحة لانني رايت في الكويت بنات يركبون مع اصدقاءهم على الدراجات الناريه
لذا انا لا استغرب شيء عليهم
وانا هنا ااكد انه لو يترك للبنات السعوديات الحبل على الغارب بتشوفون اردى من اي دولة خليجية والدليل اللي يسوونه في الخارج بالذات في الصيف

اليوم الرجال ينعدون على الاصابع

والسلام

[شموخ]

ماهقيتها تجي منك
تقول عنا كذا لتشوفين السعوديات اردى من اي دوله خليجيه ليه الدين وين راح يعني الوحده تخاف بس من القانون لكن الشريعه ماتحكمها،وغير كذا فيه عادات وتقاليد وبعدين اخوي لو سمحت مو كل وحده سافرت للخارج تسوي كذابالعكس ياما شفت سعوديات بدول عربيه متحجبات ومتحشمات اصلا حتى بعض الدول اذا جيتها مثل سوريا اقرب مثال تلاقي حتى بعض نساءهم متحجبات حجاب كامل وهن في بلدهن مع ان بلدهم تارك الحريه لكل وحده تلبس حجاب واالا عاد كيف اللي دولتها تحكم الشريعه ودينها مايسمح لها بالتبرج وغير كذا عاداتها وتقاليدها ماتسمح لها

واذا انت شفت بنات كذا يالسالمي يمكن ماعندهم مخافه من الله او انهم سعوديين بالاسم فقط لكن انك تتهم بنات السعوديه عامه فانا احتج على كلامك واللي قاهرني انك سعودي وتقول كذا وهذا بلا ابوك ياعقاب

شموخ

[البــنــدري]

شموخ ..اسعد الله اوقاتك

ليش زعلتي يوم انتقدوا بنات السعودية؟؟ وانتي تلوميني لاني زعلت يوم انتقدوا بنات بلدي ..ولان اصلا كلامه عار على الصحه ..لاني ماسمعت مثل هالكلام اللي انقال في بنات ديرتي

وبعدين كلمة ..صحيح فيه بنات يركبون الدراجات مع اصدقائهم لكن هذا مومعناه ان بنات الكويت جذيه ..للاسف ان اغلب اللي يسيئون للكويت هم اصلا مقيمين وليس ابناءها الكرام ..لدرجه انا شفت برنامج على الكويت ينتقد شباب الكويت وطلعت وحده اعرفها انها غير كويتيه "لااريد ذكر الجنسية" لكنها انتقدت الشباب وهي تقول شبابنا اي بمعنى انها كويتيه لاجل ماذا؟لاجل تسيء لسمعه الشباب الكويتي ..

وبالنسبة لبنات السعودية وتصرفاتهم خارج البلاد انا سمعت هالكلام كثير ..لكن فيه مثل يقول اصابعك موسوا ..اي بمعنى لانحكم على دولة بسبب تصرفات البعض فيها ..

وانا يوم قلت اي برنامج حبيت ابين ان الموضوع فعلا مزحه سخيفه ..وللعلم حتى ولو كان صحيح فموبنات الكويت اللي يتصرفن هالتصرفات ..صدقوني

يااما انهن من ابناء المقيمين او انهن فعلا قليلات التربية والعتب على والديهن

والله يسترنا بستره ..فمن علامات يوم القيامة هالتبرج اللي قاعدين نشوفه

ودمتم

[الشمري محمد فهد]

يا أخوان لا تعممون كلامكم ...

و لا تحكمون على الدول أو تاخذون انطباع خاطئ عنها بسبب تصرفات مجموعة صغيرة

و شاذة ...

و بكل مكان يوجد الصالح و نقيضه الطالح .. حتى داخل الأسرة الواحدة ...

يا حبذا لو كان العنوان ( بنات في الكويت ) بدلاً من ( بنات الكويت )

حتى لا يكون هناك تعميم بان هذا هو تصرف جميع الفتيات الكويتيات ...

وختامـًـا أسأل الله الهداية لجميع شباب و شابات أمتنا ...

تسلم أخوي راعي الريشا على هالمشاركة ..

تحياتي لك .. وللجميع ...

[البــنــدري]

اخوي العاصف ..مشكور وماقصرت ...

وانا معاك اتمنى تعديل العنوان الى بنات في الكويت بدلا من بنات الكويت حتى لايعم ؟؟:(
لان العنوان بصراحة يستفز اي شخص لديه غيره على بلده


تحياتي

[الدكتور محمد الشمري]

لو سمحتوا سكروا الموضوع احسن وانا شفت الموضوع من امس ومتضايق ليش الناس وصل تفكيرها للمستوي هذا

يعني خلصت المواضيع

يا ليت من اخونا المشرف العام ان يشيل الموضوع وصراحه موضوع تافه ما احب اعلق عليه

وهم نقطة ترى فى ناس اوادم هنا بالكويت وناس طيبه وملتزمه ارجو ما نهضم ونعمم الفكره ولا تصير نفس الصحافه الخبيثه

ترى متضايقين من الموضوع هذا :( لو سمت لو سمحت لو سمحت يحذف الموضوع

:( :( :( :( :( :(

[المشرف العام]

لا .. اعلم لما الاستغراب اخي راعي الريشا ..

مشاكل النساء .. ومضارباتهم في كل مجمتع ..

ولكن تختلف .. اساليبها من مجتمع لمجتمع آخر ..

ومن قطر لقطر آخر .. ومن دوله لدوله اخرى ..


كل مجتمع فيه مشاكله .. وهذا ليس بغريب على اي مجتمع ..

بل تصنّف على انها .. امور روتينيه في العديد من الاقطار ..

والمطّلع على ذلك .. يرى عجب العجاب ..

--------

ما دام .. ان حادثه واحده حدثت في الكويت .. فقط .. فليست بظاهر .. هذه حاله شاذه ..وقد تكون نادره ..

تحياتي


ارجوا من الاخوه التقيد .. بالمشاركه والابتعاد عن التعليقات الجانبيه ..

فبالامس قرأت موضوع اكثر أهميه من هذا .. وهو ما دارت احداثه داخل المستشفى

بارك الله فيكم

[التايه]

ختي البندري اختي شموخ لا تكبروا السالفه

تروا كل بلد فيه الطيب والبطال والبنت المتربية والمؤدبه تضل
بأدبها وتربيتها وين ماكانت من البلدان والسافلة سافله في اي بلد كانت

ارجوا أن لا يفهم الموضوع بغير ماقصد له
والمنكر موجود في كل بلد والخير موجود إيضاً وعلينا أن نختار

والله اسأل ان يهدي الجميع إلى الخير

تقبلوا تحيات اخوكم التايه

[السالمي]

الاخت شموخ
المعذره انا اقصد من كلامي ان الانسلاخ من القيم والمبادي والاخلاق الاسلامية
بدا يظهر جليا في اطهر بلد وفي البلد القدوه فما بالك بالدول الاخرى ولم اقصد التعميم

الشيء الاخر لماذا التهرب من الحقيقة المره وهي وجود هذه النوعيات وبشكل ملفت للنظر في مجتمعنا

اخيرا اكرر الاعتذار وشكرا

[شموخ]

ياخي

انا ماتهربت من الموضوع انا قلت لك لاتعمم على بنات السعوديه عامه وخصوصا اللي يسافرون برى ليه يعني اذا سافرت سافرت عن دينها بعد وعن عاداتها

انا قلت لك اذا فيه فهم ماعندهم مخافه من الله او انهم سعوديين بالاسم فقط اتمنى انك تقراء ردي زين

اختك
شموخ

[عبدالعزيز]

الموضوع أغلق من قبلي .

لأخذ الموضوع منحنى آخر خطر وأيضآ لعدم وجود المصدر.

أرجو عذري إخوتي الكرام