التفاؤل للآعلى

[فلة حجاج]

آسف


اهداء لكل شعر يبكي ..






بلل الابيات .. ضحك
دام باقي فيك .. سمع

لا تكبّر .. ملامحك
ولا تسيل العين دمع




باقي من آخر درب .. سبابة خضوع
للي رسم احمر ملامح .. خدودك

وباقي من اول هم .. ( لازم - وممنوع )
انك تضخ الحلم .. ( تقتل .. شرودك )

ماهو مهم الكم .. دام افضل .. النوع
يرسم من ابعادك .. مناطق حدودك

كل ما اكبرت ارضك .. نقص واقع الجوع
وكل ما نقص جوعك .. تزايد جنودك

يعني ( تناسب ) .. بين مُكْرهْ .. ومشروع
مثل انك .. تواعد .. وتصدق وعودك

مثل الطفوله .. لا غدت صوت مسموع
ومثل الطهر لا صار .. يعني .. وجودك

ومثلك الا منّك .. رقيت اخر .. ( الطّوع )
وطوّعت نفسك .. لجل تحصد ورودك

صدقني اجمل حيل .. لو صار مطبوع
حلم التفاؤل .. في زوايا .. ردودك



كيبوردية بعد قرائة نص بالمضايف
التفاؤل للاعلى

اكرر اسفي



فلة

[إبراهيم الشميلي]

صياغه راقيه ومثاليه في طرحك المميز

صح لسانك

ولاهنت

[ريال الفسحه]

فلّه


صح لسانك يافلته ..



وطوّل غيابك ,,

[ابو فارس]

آسف



اكرر اسفي



نعم كرر اسفك كثيرا
حتى نرتوي من ابياتك ويقينا اننا لن نرتوي


لا ادري بايهم ابدأ
هل الومك لهذا الغياب
او ارحب فيك لهذا الحضور الباذخ
والمميز حقا وصدقا



صح لسانك
ودام هتانك

ابيات كالالماس
من اي جهاتها لها بريق آخاذ


بجد انا اقرأ تجديد
وبصدق اقرأ احساس صادق



سأهرب حتما
فانا مفلس المفردات


دمت بخير

[سالم الظفيري]

صح لسانك

لاهنت

لك تحياتي

[عبدالله الجعيثن]

روووووعه




لا أجد ما أقول او اعبر به



سوى ...





صح لسانك فله

[صعوة فسفورية]

اهنيك من كل قلبي

اسسسسسستمر

مشاء الله روووعه وصصح لسانك


<< متحمسسسه :)


شششكرا لك

[الشبث]

طووولت كثير يافله حجاج





وبعدك ما نقص من تميزك بالعكس تميزه هو هو



بس لا تشوف نفسك علينا وتبعد يالعزوه





صح لسااانك مليون يالغالي




وتقلد تحيتي

[-------]

راق لي نثرك
ننتظر كل جديدك
لاتقاطع

http://www.hnona.com/vb/images/smilies/f35.gif

[ليلى بنت عبدالعزيز]

صدقني اجمل حيل .. لو صار مطبوع
حلم التفاؤل .. في زوايا .. ردودك



أحرفك نُسجت من ذهب ..!


في انتظار جديدك لا تبطي علينــا

جل إحترآمي ..