% ملبووس الزلم يا هن %

[الشبث]

اخباركم شباب وشابات


فيه واحدن عندنا بالدوام كل يوم جاي للدوام لابس بنطلون وقميص


الرجال ما يلبس ثوب نهاائي


اما الباقين نلبس ثوب وشماغ عاادي






زنطتوه على جنب مره وسألته عن سبب لبسه للبنطلون والقميص


قالي ان المووودااام تبي كذا :7ayyoh:



والله وانا اروح واشري لي بنطلون وقميص

والبسهن


واقوم اعرّض قدام ام ماجد تقل زول سلايقي :)

وهي تلحقن بسكين الخضره تبي تطعنن :)


ويالله تفكن منه امي يابعد زولي






صراحه انا مادري بنات مخيندز يتحيونن علينا ولا وش السالفه




سؤال للحريم :

وش تفضلين اخوتس ابوتس زوجتس جدتس عمتس جارتس يلبسون ؟

اقصد بنطلون والذي منه او ثوب وحركاتنا






سؤال للقدعان :

ترتاح بالثوب ولا بالبنطلون ؟


اقصد اي نوع من الملابس ترتاح بوه .






وتقلدوا تحيتي

[الحيمري]

حمد لله على السلامه يابوماجد

جرب هالمره البس بنطلون بدون قميص واذا مازبط الوضع

فقط بالاندروير ونوع من الملابس أخر شي جرب ثوب سوداني

جيبه بعلباك وان شالله تضبط الامور<<<هذا اذا سلمت من الشيبان


تسلم ابوماجد

[ريال الفسحه]

واللي جمع الثنين وش يسوي ؟


<<< ياكل تبن :)

[أبو فهد]

والله حرام



طيب عطونا فرصة حنا بتوع الحجاز



نلبس وزرة مع فانيلة علاقي



:)


<<< والله لو إنك تبسط بليلة (حمص مسلوق) و ترمس

-----------------
أبو فهد الهمزاني

[صعوة فسفورية]

احلى شي بالحياه البربتووووز يالبييييييييييييييييييييييييه :)

[عبدالله الجعيثن]

سؤال للقدعان :

ترتاح بالثوب ولا بالبنطلون ؟


وتقلدوا تحيتي




هلا بالغلا

بحكم وضيفتي


البدله مريحه ولاتذل عليها من الوصخ والتعفّط


بعكس الثوب اللي تذل عليه من اي شي ولازم يكون مكوي



يعني اشوف البدله انسب بالعمل والكشتات والاستراحه ...اما الرسميات لها زيّها الرسمي

[صعوة فسفورية]

شبث اصبر اصبر احسب هالموضوع بالفله


لي نكسسسة بأذن الله:)

[ليلى بنت عبدالعزيز]

سروال وفانيله:)

[متعجب]

ماكو مثل اللبس المريح

جينز وتي شيرتات وتريينج سوت وكاب وكل فصل له لبسوه

بلا ثوب بلا غتره بلا شماغ وعقال بلا هم


شكرا يبو ماجد على أريحيّتك

[ريال الفسحه]

ابوماجد عمرك جربت هاف للركبه وفنيله
علاقي ؟ :)

[صعوة فسفورية]

احب البدله

واحب التي شيرت والقمصان والجنيز وغير الجنز


الثوب لوه موناسبتوه زواج عيد صلاه جمعه الصصلوات

اجتماعات

بسسس :)

[الشبث]

جرب هالمره البس بنطلون بدون قميص واذا مازبط الوضع

فقط بالاندروير ونوع من الملابس أخر شي جرب ثوب سوداني


حلو زووولي بالبنطلون بدون قميص هههههههههههههههههه



ابو منيف


ابجربهن كلهن واعلمكم ههههههههههههههههه



لاهنت يا جدي انت



وتقلد تحيتي

[الشبث]

واللي جمع الثنين وش يسوي ؟


ريالي


هذا يصنفونوه من الخبووول خخخخخخخخخخخخ



وتقلد تحيتي

[الشبث]

والله حرام



طيب عطونا فرصة حنا بتوع الحجاز



نلبس وزرة مع فانيلة علاقي



حلووو يابو فهد


طلعت نمونه جديده هههههههههههههه


عادي اللي يبي يضيف شي يضيفه


وتقلد تحيتي

[الشبث]

احلى شي بالحياه البربتووووز يالبييييييييييييييييييييييييه



الله من التنسيم بهالراااس



يالله حيييييييييييه هههههههههههههه



وتقلدي تحيتي

[الشبث]

هلا بالغلا

بحكم وضيفتي


البدله مريحه ولاتذل عليها من الوصخ والتعفّط


بعكس الثوب اللي تذل عليه من اي شي ولازم يكون مكوي



يعني اشوف البدله انسب بالعمل والكشتات والاستراحه ...اما الرسميات لها زيّها الرسمي






ابو غاااازي


يا سلام عليك


يعني انت من اللي ما يدانون الثوب كثير






وتقلد تحيتي

[الشبث]

شبث اصبر اصبر احسب هالموضوع بالفله


لي نكسسسة بأذن الله



ما قلت لتس انتس منسمه هههههههههههه



وتقلدي تحيتي

[الشبث]

سروال وفانيله


يا لزيز يا رااايق ههههههههههههههههه



حيالله ام محمد



وتقلدي تحيتي

[الشبث]

ماكو مثل اللبس المريح

جينز وتي شيرتات وتريينج سوت وكاب وكل فصل له لبسوه

بلا ثوب بلا غتره بلا شماغ وعقال بلا هم


شكرا يبو ماجد على أريحيّتك



متعجب


ودي اصدقك ياااخي


تصدق اني قريت الرد وقمت اركز


هو هو ولا مهو هو خخخخخخخخخخخخخخخخخخخ



وتقلد تحيتي

[الشبث]

ابوماجد عمرك جربت هاف للركبه وفنيله
علاقي ؟


ليه لاعب سله على غفله



خخخخخخخخخخخخخخخخخخخخخ


ريالي


عمرك جربت مقوصر وفروه بس خخخخخخخخخخخخ



وتقلد تحيتي

[الشبث]

احب البدله

واحب التي شيرت والقمصان والجنيز وغير الجنز


الثوب لوه موناسبتوه زواج عيد صلاه جمعه الصصلوات

اجتماعات

بسسس



يا سلااام


شكلتس تكثرين من متابعتس للمسلسلات التركيه خخخخخخخخخخخخخخخخخ




وتقلدي تحيتي

[راعي الوقيد]

http://store2.up-00.com/Jun11/XmO56708.jpg
وهل يخفى القمر:thumb:

[الشبث]

يااااالبيه يالابيض خخخخخخخخخخخخخ





لاهنت يابو فيصل



وتقلد تحيتي

[أبو فهد]

مشكلة السروال و الفنيلة ما تدري هالرجل مدزبل و لا مدزفي




------------------
أبو فهد الهمزاني

[الشبث]

على الاقل احسن من الوزره يابو فهد


لو يجيك وغدن ملقوف ويسحبه وخذت ههههههههههههههههههههههههه




وتقلد تحيتي

[بالمختصر..]

،





الثوب و الشماغ أو الغتره :thumb:

أما غير كذا يعتمد على حسب الدوام أو ممكن يكون وقت السفر خارج المملكه .. بس !

و يعتمد بعد ع الزول :) يعني تخيلوا دب و قصير و راعي كرش لابس جنز :a: << دماااار




.
.

[الشبث]

^
^

حددي بالله دمار ولا دميره ؟ :)



لان يختلف المعنى خخخخخخخخخخخخخخخخخخخخ





لاهنتي



وتقلدي تحيتي

[بالمختصر..]

^
^





المعنى يعني شي مو زين عاد ما أدري أيهن أنسب دمار و ألا دميره ؟ :)

يعني بالله لا شفت لك واحد بهالمواصفات و حاط الحزام حق البنطلون تحت الكرش وش بوه من الزين ؟ :(




.
.

[الشبث]

بوه من الزين ان الحزام يصير مخفي خخخخخخخخخخ




وتقلدي تحيتي

[الاصمعي]

ألبس مثل الناس (ناسك)

الدوام لبس الدوام بدون حركات ، وبالمسجد والسوق والاجتماعات اللبس الرسمي ، وبالبيت ثوب النوم والطلعات أي شي !!

الي ما أطيقه لبس البيت بالمسجد خصوصاً للرجال مهو الشباب الصغار

[الشبث]

^


والله يابو خالد انك لطمت الجرح :3ajebni:




ياكثرهم اللي يلبسون ثياب النوم ويروحون للمسجد



كره وجيه



وتقلد تحيتي

[سالم الظفيري]

كلها كوم وجارنا بكوم

ياخي كل يوم اشوفة لابس وزرة من غير شي

وليته عاد لونه زين اسود تقل داب سعيرة

مدري وشو هالمثل

لاهنت يابو ماجد

لك تحياتي

[الشبث]

مستحلين زولوه بعد زوول خخخخخخخخخ




لاهنت سلوووم



وتقلد تحيتي

[الآخــــــــــر]

الحقيقة يا أبو ماجد تعجبني الروح الجميلة التي أجدها بين حروفك دائماً..


فعن نفسي أن سافرت إلى بلد غير بلدي لبست حسب لبسهم..

حتى لا يكون فرق بيني وبينهم في المظهر.. وليعتقدوا أنني

أحد أفرادهم..

ولكن في بلدي لا أستطيع أن ألبس غير المعتاد عليه كبقية البشر

وأن بدلته أو سرت بشارع أو سوق أجد أن بعضهم من يعرفني يستغرب

فلم يعتاد على رؤيتي بغير لبسي..

وأعتقد أن الراحة في الملبس لا تتعلق بنوعية الملبس ثوب أو بدلة.. وأنما

تتعلق فيما أعتدت عليه في لبسه..

وهذه رؤية خاصه بي.. لأنني جربتها.. فحينما أسافر وألبس لبس البلد

التي سافرت إليها.. وثم أعود إلى ملبسي أجد وكأني شعرت براحة

لأني عدت إلى ما أعتدت عليه..

كل الشكر لك يا أبو ماجد..

[صعوة فسفورية]

هههههههههههههههههههههههههههههههههههههههه ههههههه

بالمختصصصصصصصصصصر هههههههههههههههههههههههههههههههههههههههه هههههههه


والاحلى منها تعليقك يالشبث

ههههههههههههههههههههههههههههههههه

[شموخ شمالية]

.


,


ياهلا بـ أبوماجد
نوّرت الاسري :7ayyoh:



الصراحة أفضّل اللبس المتنوّع

يعني بالسفر وطلعات البر بيكون الـ سبورت والجينز هو الافضل والاريح
أما الاكشخ هو الغترة والثوب بلا مناآآآزع
لان باللبس الخليجي يكون الرجل أكثر أناقة وجاذبية:)


والحريم أذواق

[جمران]

ابوماجد عمرك جربت هاف للركبه وفنيله
علاقي ؟ :)


ايه يوم يرغفنوه محمد عبدالله :solh:

[ابو ضاري]

سؤال للقدعان :

ترتاح بالثوب ولا بالبنطلون ؟


اقصد اي نوع من الملابس ترتاح بوه


ابو ماجد وشلونك


في مجال العمل نلبس هالبدله واحيانا نتضايق منها ودي البس ثوب


ولاشك ان الثوب هو الانسب عندنا



ارخ


ارخ

[جمران]

^

وين لبس الباكستاني :allah_ye3een:

[الشبث]

الحقيقة يا أبو ماجد تعجبني الروح الجميلة التي أجدها بين حروفك دائماً..


فعن نفسي أن سافرت إلى بلد غير بلدي لبست حسب لبسهم..

حتى لا يكون فرق بيني وبينهم في المظهر.. وليعتقدوا أنني

أحد أفرادهم..

ولكن في بلدي لا أستطيع أن ألبس غير المعتاد عليه كبقية البشر

وأن بدلته أو سرت بشارع أو سوق أجد أن بعضهم من يعرفني يستغرب

فلم يعتاد على رؤيتي بغير لبسي..

وأعتقد أن الراحة في الملبس لا تتعلق بنوعية الملبس ثوب أو بدلة.. وأنما

تتعلق فيما أعتدت عليه في لبسه..

وهذه رؤية خاصه بي.. لأنني جربتها.. فحينما أسافر وألبس لبس البلد

التي سافرت إليها.. وثم أعود إلى ملبسي أجد وكأني شعرت براحة

لأني عدت إلى ما أعتدت عليه..

كل الشكر لك يا أبو ماجد..




ياااهلا وغلا اخوي الاخر


يعجبني ان ردودك من نووع ااااخر


تفصيل مميز للاجابه



لاهنت اخوي الاخر على هالاجابه المميزه



وتقلد تحيتي

[الشبث]

هههههههههههههههههههههههههههههههههههههههه ههههههه

بالمختصصصصصصصصصصر هههههههههههههههههههههههههههههههههههههههه هههههههه


والاحلى منها تعليقك يالشبث

ههههههههههههههههههههههههههههههههه



اعصاااااابك طيب يا صعوه لا تنتفين علينا خخخخخخخخ





وتقلدي تحيتي

[الشبث]

حيالله ام عمر



اكيد الحريم اذوووواق


وحنا بلانا هالاذواق خخخخخخخخخخخ



لاااهنتي يا جدي انت


اجابه قريبه للواقع كثير





وتقلدي تحيتي

[الشبث]

ايه يوم يرغفنوه محمد عبدالله



ما يرغفنك انت بعد خخخخخخخخخخخ




وتقلد تحيتي

[الشبث]

ابو ماجد وشلونك


في مجال العمل نلبس هالبدله واحيانا نتضايق منها ودي البس ثوب


ولاشك ان الثوب هو الانسب عندنا



ارخ


ارخ


ابو ضاري



يا حليلك لو الله يفكك من ارخ حقتك هذي خخخخخخخخخخخخخخخخ





لاهنت





وتقلد تحيتي

[ابو ضاري]

^
^
^
هذه حقت جمران

[ابو ضاري]

وين لبس الباكستاني


لبس الباكستاني للمهمات الصعبه والمناورات الليليه <<<<اسال ابو غازي

[جمران]

^
^
^
هذه حقت جمران
.

:(