ريالووه جب خبراتك وتعال:)

[الجازي]

يجيلتس يوم وتحتاجين خبراتي :)



^
^
يالله تسانك صادز خل عنك الهياط وافزع

والا لاعاد تحتسي :7ayyoh:

عندي مقاطع فيديو في الآيفون أبي أنزلها كروابط مباشرة

إذا خبراتك تسعفك وتلقى لنا برنامج يحل هالمشكلة عطني إياه !!؟

واذا كالعادة السالفة هياط في هياط بعطيك فرصة ثانية ترقع هياطك فيها :)

أنا نقلت المقاطع للاب توب على أساس أحملها من مركز تحميل بس يوم فتحتها أتأكد منها لقيت الدنيا مقلوبة :)

يعني كأن التصوير صاير بالمقلوب !؟

فهل عندك طريقة نعدل المقلوب عشان أحط لكم هالمقاطع :7ayyoh:


اسرع لاتبطي والا ترى بحولك على أبو خالد هو يتولاك <<<< بحكم اني واعدته بتغطية حصرية لمطر الرياض :)

[ريال الفسحه]

هلا بخالتي :315r:


ولو انتس انتقصتي قدراتي وتهكمتي :) على خبراتي
الا ان باب العفو عندي مبرهج :goooood: اي مفتوح :)


المهم


مافهمت من حتسيك شي الا ان الفديو مايطلع
كماهو عندما تحولينه للاب ..


انا صورت فديو وخليت واحد يزعج الصوت
ولو وجهوه يساعد تسان صورتوه

http://www.zshare.net/download/968465510205aaf9/

ونزلته ع الاب وماكان فيه صوت وحولت الصيغه حقت
الفديو بواسطه محول الصيغ وحملتوه على موقع التحميل
وكل شي زي مانتي شايفه :)



المهم اذا الفديو يشتغل ع جوالك ميه ميه حاولي
تغيرين الاب وشوفي هل فيه فرق او لا ..
وحاولي تغيرين صيغه الفديو لان مشغل الفديو
يختلف من جهاز لجهاز ..




وعسا جوالتس يحترق ويلحق جوالي :)


ريال الفسحه
وكيل الدعم الفني لشركه ابل في الشرق الاوسط:315r:

[ريال الفسحه]

ليت هالجهود عاد تثمر بتس :)

[سالم الظفيري]

والله سراحة ماقصرت اخوي ريال

هاذي الخبرة ولا بلاش

لاهنت ياذيب

[عبدالرحمن]

هذي المساعدة ولا بلاش :thumb:
ايه عفيه ذيب روضة خريم ساعد كبار السن:)

[الجازي]

ريالووووه


حرام عليك


أنت متأكد انك مالك أصول بنقالية :) <<<< او تهقى تأثرت بالبنقالية اللي بخطبها لك :7ayyoh:


انت تفهم عربي !؟

أقول لك المقطع يشتغل بس صورته مقلوبة كأني مصورة بالمقلوب <<<< مع اني أهقى انك بتشوفه زين دام راسك مقلوب :)


والله اني دارية انك ماوراك الا الدجة الله يصبرني عليك ويصبر فسحولتك في المستقبل <<<< أنصحك تاخذ وحدة نفس قدراتك حرام تعذبها الضعيفة بهالذكاء الخارق :7ayyoh:

[الجازي]

بعدين تعال

مقطعك لا صوت ولا صورة ولله الحمد

يعني مدري وش أنت مكلف نفسك الله يسلمك عليه :)

ياليت الربع يفتحون رابطك ويعلموني وش يطلع لهم عشان ما أتبلاك :7ayyoh:


بسرعة بعطيك فرصة ثانية تفهم كلامي وتلقى لي حل !!

والا تراني أبري ذمتي ويستلمك أبو خالد <<<< صرت عهدة آخر عمرك :)

[ريال الفسحه]

الله يسامحك يالعجوز :)

شكلتس قالبتن الابتوب خخخخخخ


::

طيب عرض خاص لك


ارفعي مقاطعتس وهي مقلوبه وارسلي الروابط ع الخاص
ومالك الا روابط لمقاطعك وهي عدله وش تبين بعد ؟



يثمر بتس ياخاله :)

[الاصمعي]

سلمان وش هالرابط؟

فيه خيار تحميل وواحد تشغيل اخترت التشغيل وطلع لي:

كم اسبوع بالسنة؟

ههههههههههه

والله مدري عنكم بس الوكاد هالأمطار الي طاحت على ديار الكنق لزوم تدبرون لكم حل عشان نشوفها ، أقلها ندعي له<<تسنه مكرمة منه :)

أنا معتقد اعتقاد الشيعة بسادتهم بلي عضو هنا لوهو مختفي من تالي وهو "ملامح شمري" انه يعرف كل شي حتى اني مرات يطري علي اسئله عن أعطال سيارتي :)

عاد لو تسوون له نداء أهم شي نشوف الصور

[ريال الفسحه]

ابوخالد ااذا جيت تختار كلمة داون لود اختر هذي

وتلقاه باخر الصفحه



وبعدين انتظر شوي ويجيك عداد ثواني بعده تحمل


وعطني خبر

[الجازي]

ريالوه

أقول

أحط مقاطعي بالمقلوب أصرف لي من أكزها لك عالخاص وتتعبث بها

أخاف ترجع لي مقاطع المطر عج وغبار :7ayyoh:

ماوراك الا الدجة

الله يخلف على أميمتك مدري وراها كسرت خاطري ياقلبي :)

[الجازي]

أبو خالد لاتحمّل ولا تعفس جهازك

أنا حملته قبلك

واشتغل

ظلام دامس

وسكون أدمس :)

مافيه شيء

على باله مسوي لي فيها فنان واحترافي :)

[ريال الفسحه]

امي لو تدري اني اسولف معتس تسان
عزمتك على شبه الضحى يالعجوز :)


الغلطان شايبك اللي شاري لك اي فون
والا انتي ابوكشاف من فوقتس ياخاله :)

[الجازي]

ليتها والله تعزمني هالضحوية أواسيها وأعزيها وأقول لها إنك ابتلاء لها في الدنيا

وإن ربي بيعوضها عنك في الآخرة إن شاء الله إذا صبرت واحتسبت :)

[ريال الفسحه]

عشان تفجم راستس بالرادو :)


ماترضى علي وكل ماتشوفن تقولي يابعد حيي هالمبسم :)


مار تعالي ابعطيه يد هالنجر ابيه تواسي واجهيتك :)

[الجازي]

يالله إنك تثبتها ياكريم :)

ماتسلّت بالرادو عبث ياقلبي قلبها :7ayyoh:

[ريال الفسحه]

الظاهر حتى انا ابشري لي رادو
بدال مواضيعتس :)

[الجازي]

إي والله

تسوي خير وتفكني من خبراتك الخطيرة :)

[ريال الفسحه]

ههههههههههههههههههه

حرام بالله بديت اشك انتس حرمه


شكلتس عسكري وتوه طالع من خفاره ولاوراوه دوام باتسر :)

[الجازي]

:police:

[ريال الفسحه]

تصبحين على خير :)

[بالمختصر..]

،




و ليه ما تحملين الفيديو من الآيفون مباشره ؟

الطريقه سهله بس اول ابعرف : انتي مسويه جل بريك والا نظاميه ؟ :)

و انا اشرح لتس طريقة تحميل الصور و وضعه بـ المنتديات و تحميل الفيديو و وضعه بـ رابط مباشر ..




.
.

[الجازي]

وه بس مايخليني منتس يابعدي :d:

الا والله نظاميتين بعد

بالنسبة للصور ماعندي مشكلة فيها لأني عندي برنامج يسوي لها روابط تحميل مباشر من الآيفون للمنتدى

بس مقاطع الفيديو ماعندي

وهذا اللي خلاني أستفزع بأبو الهياط قلت يمكن عنده سالفة لو مرة بحياته :)

لكن كالعادة ماطلع عنده سالفة

وأصلاً مافهم وش قصدي :)

يالله ياحيي أنتظر فزعتس على أحر من الجمر

[بالمختصر..]

،




ما عليه الجازي عندي كم سؤال ..

الحين إذا فتحتي موقع تحميل ملفات مثل هذا http://www.wata.cc/up/

تقدرين تضغطين على choose file ؟؟

لأن انا قبل ما كنت اقدر احمل من اي موقع تحميل ع النت .

و حملت أداة بـ السيديا تخليك ترفعين الملفات من اي موقع ع النت ، طبعاً عن طريق متصفح ( سفاري )

الأداة اسمه safari download enabler

يعني اذا جيتي تبين تحملين يطلع لتس زي كذا ..

http://www.wata.cc/up/2011/11/images/w-7f827a2abf.png

و جربته بـ تحميل الفيديو يحمل اوكي بس المقاطع اللي صورته بـ الايباد صيغته mov و هذا الموقع ما يدعمه !

يعني لازم تحولين صيغته :(

اما بـ النسبه لـ الفيديو المقلوب صح صارت لي ، صورت فيديو وارسلته لاختي طلع مقلوب عنده لما شغلتوه بالجوال :)




مشكلتتس عويصه :315r:




.
.

[الجازي]

لا يابعدي ما أقدر أضغط على اختيار ملف !!

وهالأداة اللي تقولين عنها ماهي موجودة إلا بالسيديا للأسف :)

يعني مابوه حل !!؟ :7ayyoh:

[بالمختصر..]

،





لا ضبطت معي :)

رفعت الفيديو على موقع عرب شير لانه يدعم صيغة mov :)

هذا الرابط المباشر شوفيه ..

http://dc05.arabsh.com/files/1/7mzv0g9lvbc9px/IMG_0806.MOV

تجربه طبعاً :)





.
.

[بالمختصر..]

لا يابعدي ما أقدر أضغط على اختيار ملف !!

وهالأداة اللي تقولين عنها ماهي موجودة إلا بالسيديا للأسف :)

يعني مابوه حل !!؟ :7ayyoh:

انا ضبطت وضعي :)

خلي النظام ينفعتس :315r:

بس ما يمنع اني ابحث لتس ..

جاري البحث .. انتظري ..




.
.

[الجازي]

تسلمين والله

والنظام والله في دمي ما أقدر أخالف :) <<< بدت تنافس ريالوه في الهياط :)

أنا الحين قاعدة أبحث لعل وعسى

[أبو فهد]

طيب بوه بالصندوق السحري خيار لقلب المقاطع و الصور



بس أبو سلطان ما فعله :(




مالتس إلا تقلبين اللابتوب بس لا تقلبين راستس معوه لأن ما راح يتحسن وضعتس




-----------------
أبو فهد الهمزاني

[الجازي]

أنا أشوف مقاطعي في آيفوني زينة

بس أبيكم تشوفونها مثلي

ويوم نقلتها للاب توب عشان أحمّلها لكم صارت مقلوبة :)

الظاهر مالي إلا إنكم تقلبون أجهزتكم أو روسكم <<<< الأهون عليكم اقلبوه :7ayyoh:

إلا تسان وصلني برنامج يضبط الوضع

[بالمختصر..]

،





انتي مشكلتتس مشكلتين :)

رفع المقاطع برابط مباشر ، المقاطع تطلع مقلوبه اذا نقلتيه للابتوب !

بـ النسبه لرفع المقاطع برابط مباشر ما اقدر افيدتس الا اذا كنتي مسويه جل بريك :(

و صدقيني لو انتس مسويته ترفعين المقاطع مباشره و تطلع مثل المقطع اللي حطيتوه لتس ..

انا شفته من الايباد مضبوط مهو مقلوب و ما ادري وشلون يطلع من اللابتوب !

اما المقاطع المقلوبه sorry ما اعرف وش قصته !




.
.

[الجازي]

يابعد قلبي والله

ماتقصرين

المقلوب بكيفه خليه مقلوب

بس الحين مارضت تنرفع الروابط للمضايف

مع اني حولت صيغتها وصارت مناسبة

بس مدري وش مشكلتها !!

بالنسبة للمقاطع المقلوبة الظاهر سببها اننا نصور بالعرض بس نخلي زر التحكم على اليسار والمفروض نخليه يمين عشان ماتنقلب الصور بعد ماننقلها للاب :)

عموما ألف شكر يالغلا على تعبك معي :d:

[ريال الفسحه]

ربك مايضرب بعصا :)