شمر هلا الطولات وبليس ملعون

[سالم الظفيري]

(شمر هل الطولات وابليس ملعون
والشاهد الله والعبي يا حمامة)


بيت ٍ وغنيته مع اللي يغنّون
وحطيته براس القصيدة علامة

شمّر هل الطولات يعني يطولون
اعلا بروج المرجلة والزعامة

شمّر وبهجة خاطري يوم يطرون
وبشاشة بيوت القصيد ووسامه

شمّر طنا .. نخوة .. شجاعة .. كرم .. عون
شمّر رحابة صدر .. شمّر شهامة

شمّر كبار صحون .. وسّاعة طعون
اهل العطايا .. محتمين الجهامة

يوم الكرم فيه القبايل يمارون
شمّر هم ملوكه وذروة سنامة

كن الكرم بأسم السناعيس مقرون
لا قال من شمّر ذكرت الكرامة

سمعت يوم الجوع مبطي .. يقولون
طعام جار الشمري من طعامه

ويوم الغزو والوضع ماهوب هاللون
اكبر غنايم من غزوه السلامة

قوم ٍ لهم بالمجد اساسات وركون
من خلقت الدنيا ليوم القيامة

والله وسبع انعام لو مايكفّون
خطوا الزّحول معاديين الرخامة

احبهم في ذمتي حب مجنون
والله يلعن من كذب في كلامه

ياطير خذ هذي لحايل وممنون
مع خافق الشاعر وغالي سلامه

قل قالها من قلب وابليس ملعون
مدح ٍ بشمّر .. والعبي ياحمامة

[صلفيق]

تسلم الايادي اخوي سالم الظفيري
وصح لسانك


شكرا لنقلك هذه القصيدة الرائعة
ولا غرابة في منقولك الذوق ـ فدائما متميز بذائقتك
لاهنت




كل احترامي،،،

[الحيمري]

كن الكرم بأسم السناعيس مقرون
لا قال من شمّر ذكرت الكرامة



تسلم ابوزياد على النقل

لاهنت وشكرا لك

[سالم الظفيري]

تسلم اخوي الغالي ابو مشعل

اسعدني مرورك الكريم

لاهنت

لك تحياتي

[سالم الظفيري]

يسلم عمرك اخوي ابو منيف

والسناعيس يستاهلون اكثر من ذلك


لاهنت على المرور الكريم


لك تحياتي

[الشبث]

صح لساااانووووه



ياخي بغيت اطلع خمستن بمخباي واعطيك ياه من زود الطناخه :)





لاهنت يابو زياد


ونعم بكل القبايل




وتقلد تحيتي

[عبدالله الجعيثن]

تسلم يمينك ابو زياد



ولا عليك ولا على الاجواد زود



وصح لسان الشاعر

[سالم الظفيري]

صح بدنك ابو ماجد

هي الخمسة اللي اكلت نصها الضحوك



لاهنت يالغالي

ونعم بحالك

شرفني مرورك الكريم

لك تحياتي

[سالم الظفيري]

تسلم وتدوم

يالغالي ابو غازي


شرفني مرورك الكريم

لاهنت

لك تحياتي

[جمران]

يعطيك العافيه سالم