الخصوصية زينة:)

[الاصمعي]

السلام عليكم

الساللفة طالت عماركم ان ودي أقفل لي ملاحظة عن عيون الملاحظين:)

عندي بالآي فون مجموعة من الملاحظات وأبي أقفل وحده منهن شلون؟

تقفل بموقعه كملحوظة مستقلة!

أو فيه طريقة تكون بعيدة عن بقية الملاحظات!

المهم أبي كل الخيارات الممكنة لمنع وصول أحد اليها الا عن طريقي!!

وسلامتكم

[أبو فهد]

بوه برنامج يذكرونه



يقول يقفل كل شين حتى لو بعت الجوال اللي شراه ما يقدر يفتحه



و الله أعلم




------------------
أبو فهد الهمزاني

[ريال الفسحه]

فيه برنامج يابوخالد للاي فون يقفل
كل شي ..


الليله اجيب لك اسموه باذن الله :)

[الاصمعي]

بوه برنامج يذكرونه

يقول يقفل كل شين حتى لو بعت الجوال اللي شراه ما يقدر يفتحه

و الله أعلم

------------------
أبو فهد الهمزاني

هلا والله بأبو فهد

يقفل كل شي على حده يا زينه أما قفل عام فقفل الجوال نفسه يكفي عاد جب لنا التفاصيل لاهنت

تحياتي

[الاصمعي]

فيه برنامج يابوخالد للاي فون يقفل
كل شي ..


الليله اجيب لك اسموه باذن الله :)
تسلم والله يالذيب

قالوها مبطي مالها الا ريالها :)

انتظر التفاصيل أخي سلمان لا هنت

تحياتي

[جمران]

<< ينتظر ريالوه مع اني غاسلن يدي :)


المعذره يابو خالد ماعندي معلومه بتاتا البتّه





مريت ابشوف موضوعك مو انت اللي قلت اني فطّنتك عليه :(

[الاصمعي]

ههههههه ايه انت سنع الشريك :)

ما هنا مشكلة ابو نوره وهالمعلومة شكلها غايبه عن الأغلبية كان هي موجوده بالواقع وعند سلمان الخبر اليقين !

أما انه لاقين لنا قفل ولا ما ننزل الجوال من جيوبنا :)

[ريال الفسحه]

صباح الخير ..


لقيت لك برنامجين للتشفير يابوخالد الاول اسمه
vs وايقونته صفرا .. والثاني ps وايقونته زرقا تقدر
تحملها من الابل ستور ..

اما هل يشفر الملاحظات ماقدر افيدك لان الايفون
حقي راح عسا ايفونك مايجيه ماجاه :)
وقريبا لاشريت اي فون فور اس اعلمك :)


عطني خبر هل يشفر الملاحظات او لا ؟

[الاصمعي]

هلا بالذيب يالله حيه

دخلت على الطاير لأبل ستور وبحثت بالـ vs الا منا كثرهن بحاول أبحث على رواقة لعل وعسى

لا هنت على طرف الخيط وان شاء الله ناصل للقفل المطلوب

بعملمك وش يطلع معي بعدين وانت ان لقيت شي جاهز هاته :)

تحياتي

[الجازي]

ريالوه بذمتك هذا حتسي !؟

في اس وبي اس

رح ادخل عالاب ستور واكتبهن وشف وش يطلع لك :7ayyoh:

أبو خالد فيه كذا برنامج لقيتهم بس ماهي مجانية بمبلغ رمزي مرة :)


تبيني اسدحهم والا تصبر لما ألقى لك شيء مجاني !!؟

[الاصمعي]

لو بغيت المجاني ما جاني الي جاني الا هاتيهم والغالي غالي :)

لاهنتي أختي الجازي

[الجازي]

أبشر يابو خالد

هذا برنامج عالسريع وطريقته وشرحه في نفس الصورة


وسع صدرك عليه لما أجيب لك الثانيات :)


http://i.imgur.com/Z2ykd.jpg

[الجازي]

خلاص

مشكلتك انحلت

لقيت لك برنامج خاص بقفل الملاحظات ومجاني بعد


هذي صورته :

http://i.imgur.com/fzezB.jpg


ان شاء الله يكون مناسب :)

[الاصمعي]

ألف شكر وتسلمين يالجازي ولو ما شفته للآن!

الصور ما تطلع لي بالدوام ولكن ان شاء الله أفتح من البيت وأقراه هو والثانيات :)

[ريال الفسحه]

ايضا بوه برنامج اسموه Iprotect مو ع الابل ستور
لا روح للسيديا واعمل بحث واكتب اسموه ويجيك ..

وتراه يقفل كل الملاحظات يعني ماتقدر تختار
ملاحظه ..



ماعليك من الجازي اكيد هذولي مهن برامج
شكلهن فيروسات :)

[الجازي]

^
^
أنا ودي اشوفك فالح في شغلة وحدة على الأقل

المشكلة هياط على فاشوش :7ayyoh:

بعدين السيديا للي مسوين جيلبريك بس

أما الناس النظاميين فما يتعاملون معه :)

[ريال الفسحه]

8

تبين تقنعيني انك مانتي سروقه :)

[الجازي]

لا

ماني سروقة


بس حنشولة على خفيف :)

[الاصمعي]

يا ملا والله العافية يا مبدعين :)

الله لا يهينكم وتسلمون
ألف شكر لجهودكم الممتازة ونردها لكم بالأفراح :7ayyoh:
بادزي شغيلة ثانية بس مستحي أسأل عنه هالحين مابي أكثر عليكم مار نخليكم كم يوم ونسدحها لكم:)

تحياتي

[ريال الفسحه]

يارجال هاتهن مرتن وحده :)


مدام الجازي جالستن تنحشل يمكن
تتوب باتسر خخخخخخ

[الجازي]

بالله يابو خالد

عرفت للابليكيشن <<<< مايمديني يالانقليزي :)

تسانك عرفت له علمني طريقته

والا خلينا ابو الهياط يشرح لنا :7ayyoh:


بعدين لاتستحي اسدح اسئلتك خلنا نستعرض مواهبنا عندك :)

[الجازي]

يارجال هاتهن مرتن وحده :)


مدام الجازي جالستن تنحشل يمكن
تتوب باتسر خخخخخخ

:7ayyoh:

[ريال الفسحه]

^

اهب عليتس رادار :(

[الاصمعي]

هو بيني وبينكم ما جربت للحين !

بس المواري زينة :)

المهم جهودكم ما تروح بلاش ان شاء الله

[الجازي]

احس السالفة فيها تسليك :)

طيب هات السؤال الثاني :7ayyoh:

[ريال الفسحه]

الجازي شكلوه يجاملنا مانفع معه كل
برامجنا هههههههههههههه

[الجازي]

والله تسنه :)

شفه ماطاع يسدح السؤال الثاني احسوه بلش بنا :7ayyoh:

بالصميم بالصميم :)

[الجازي]

بعدين تعال

من زينك انت وبرامجك

انا مار برنامجي كان بالصميم وعن تقفيل الملاحظات :7ayyoh:

[ريال الفسحه]

يجيلتس يوم وتحتاجين خبراتي :)

[الجازي]

ابد خلها لابو خالد يبلش بك :7ayyoh:

[ليلى بنت عبدالعزيز]

الله يرحم حالي مابعد توصلت لها التطور

<< جاري حفظ الموضوع بالمفضله لاجل غير مسمى:)