لدعاة التعدد

[أبو فهد]

السلام عليكم و رحمة الله و بركاته




تغابشت أنا و شايبن بالجبيل بالشبة



يقول عندي عرس



قلنا لوه يا علوه مبروك إن شاء الله




قال نبي نزوج فلان و فلان



قالنالوه هو موب حاصلن لك يابو خليل




قال لا وش عرسوه أنا يالله افتكيت




قالنالوه توك شباب يا رجل



بعدين الحبتس يقول التعدد طيّب




قال بالله شلون طيب




قلت لوه هالحين أنت تاكل 3 وجبات باليوم أو أربع ليه ما تصير وجبة وحدة




قال يا حيي لا تقارن هذي بذيتس



الأتسل أنت تاكل و تستفيد منوه أما التعدد يوكل منك




يمار هو فالجن بحتسيوه و لا تسمعون إلا ضحتس كل اللي بالشبة




و أنا أكرم و أستأذن :(




----------------
أبو فهد الهمزاني

[الجازي]

ابو فهد

بالله ماتجيبه هنا نخليه محامي الدفاع لنا :)

هذا الحكيم والله

أجل يوكل منه <<< قلت لكم حنا سفاحات بس ماصدقتوا :7ayyoh:

[الاصمعي]

فلجته سهلة يابو فهد بس انت أكيد مشيته له :)

[عبدالله الجعيثن]

ايوه




ماعيّنتوا المطر :)

[الحيمري]

تعدد

؟

[بالمختصر..]

،




و أجهش الجميع بـ البكاء :ع5:





.
.

[ابو ضاري]

الله يهديك يابو فهد خليت بنات مخيندز متقويات


اكيد عندك الرد بس احترمت شيبته


لله درك يابو فهد

[أبو فهد]

ابو فهد

بالله ماتجيبه هنا نخليه محامي الدفاع لنا :)

هذا الحكيم والله

أجل يوكل منه <<< قلت لكم حنا سفاحات بس ماصدقتوا :7ayyoh:




المشكلة مالوه أمان يعني يقلب عليكم بأي لحضة :)



------------------
أبو فهد الهمزاني

[أبو فهد]

فلجته سهلة يابو فهد بس انت أكيد مشيته له :)



هو ما فلجن بمعنى فلجن بس مع ضحتسة القوم انتهت السالفة و لا حبيت أطوله :) <<<< يا روحي على الأنفة و الكبرياء




------------------
أبو فهد الهمزاني

[أبو فهد]

ايوه




ماعيّنتوا المطر :)



يقولون بوه صلاة استسقاء يوم الاثنين المدزبل




----------------
أبو فهد الهمزاني

[أبو فهد]

تعدد

؟








إيه تعداد السكان ما تخبره اللي العام



:)



----------------
أبو فهد الهمزاني

[أبو فهد]

،




و أجهش الجميع بـ البكاء :ع5:





.
.




باللهي 2 بيض مسلوق بالشطة




----------------
أبو فهد الهمزاني

[أبو فهد]

الله يهديك يابو فهد خليت بنات مخيندز متقويات


اكيد عندك الرد بس احترمت شيبته


لله درك يابو فهد


خل نعطيهم دافع معنوي



تخبر المعونيات دون القاع



و نشوف ثورتهم المزعومة




----------------
أبو فهد الهمزاني

[ريال الفسحه]

ومات ؟ :)

[بالمختصر..]

،




و ضحتس الجميع و عمت الفرحه ارجاء المضايف :)






.
.

[ريال الفسحه]

8

الرد هذا اكيد يبي يقولتس فلافل ههههههه

[ابو فارس]

و أنا أكرم و أستأذن :(





اثريك خواف يا ابو فهد

افا يالنقيب افا

[ابو عارف]

تعدددددددددددددددددددددددددددددددددد د؟
حنا في آخر الزمان الذي يصير كل 40 أمراءة يتبعن رجل واحد نتيجة الحروب والكوارث الله المستعان

الشاطرة من البنات التي تختار الرجل الذي عنده ثلاث حريم من أجل يكمل العدد وتستقر الحال

المنتدى يحتاج إلى خطابة ولجنة زواج تنسيقية للترويج للتعدد

شوكرن

[سالم الظفيري]

ابو فهد ليش هرب خايف من شي


ياكثر اللي يشجعون التعدد بس ماكو فعل

[ابو فارس]

ابو فهد ليش هرب خايف من شي


ياكثر اللي يشجعون التعدد بس ماكو فعل

يا اخي هل كل مشجع للكورة يطلع لاعب؟؟


فكر فيها شوي

[الحيمري]

عندنا راعيه بسطه وتبي رجل تقول مافيه مشكله اذا عنده حرمه او ثنين

بس عنده شرط تقول كل يوم ياخذ اغراضي ويحطهن داخل السوق

باليل يجي ياخذها ويسوي لها عشاء ولا تبي مهر وعندها بيت


اللي عنده خبره في الطبخ يتقدم وخصوصا الفلافل

[جمران]

يقولون بوه صلاة استسقاء يوم الاثنين المدزبل


بالمصلّى والا بالجوامع

تخبر البرد تسفت علينا فُوجأه

[عبدالله الجعيثن]

^


^


تسيف بمصلى العيد...بالجوامع ياجدي انت

[جمران]

الله يبشرك بالخير

ويجيب الله مطر



الا على طار مطر


تعرف غيث ولد حسناء

[عبدالله الجعيثن]

تعرف غيث ولد حسناء



لا والله



بس ريال شايفه قبل يومين بسوق الخضره :)

[ريال الفسحه]

حسناء هي حرمة مذهان :)

[جمران]

^

هذيتس حمده ياخبيل

[عبدالله الجعيثن]

حمده مهي عشيّقة غليص ؟



:)

[جمران]

الا عشقة غليص

بس خذاه مذهان نهيبه

وعاشو بسلام باسكان الحرس بالحسا

وخلفو صبيان حديهم كان واطين على صابر واحدن ببالي


بس خساره تقاعد ونقلو للديره

وتنفس الرجيلي الصعداء وبنا لوه بيت وخلاص بس

[عبدالرحمن]

تقرر الاتي
بعد الاطلاع على ماقام به عضو رابطة التعدد المدعو ابو فهد
من انبطاح امام حزب التوحد المتهالك:a:
قررنا
1- يفصل العضو المذكور اسمه في عاليه
من عضوية اللجنة المركزية وتنزل مرتبته الى عضو -ج-
2- التأكيد على جميع الاعضاء بالالتزام بقوانين وأهداف الرابطة السامية.
عاش التعدد ومناصريه وتسقط اصنام القوى الامبريالية:)

[ريال الفسحه]

هههههههههههههههههههههههههه

لايمر حمد يلعن جدفي

[جمران]

1- يفصل العضو المذكور

أشوى يوم جت على كذا














قريته على عجاله وانخرعت :(

[عبدالله الجعيثن]

ههههههههه عقب هالفلافل وهي خربانه :)

[عبدالرحمن]

^
يا اخي اقرا عدل واذا ماتشوف خذ نظارة الرجيلي:)
الا هالفلافل به بلا ارثعت بشوف بعض الناس:thumb:
السهم للجمر :)

[عبدالله الجعيثن]

الحقوا على ابو فهد




تعامش بالاسري خخخخخخخخخخخخخخ

[جمران]

والرجيلي من وين لوه كشمات :)

[عبدالرحمن]

^
عندوه بس حاطهن على شكل قلم يعني الوليدة كاشخ ههههههه

[ريوف]

:
:


6‏ ‏/ 0 لريال مدريد << قواكم الله ياعيال مرعيد :)



أيه تقولون تعدد ياشين ذا الطاري بس :(



:
:

[لوليتا]

*
*


يا جماعة اعلن اني من انصار التعدد
واقول ليت كل الرجال تعدد
ههههههههههه

احسن عقاب لهم :)


*
*

[راعي الوقيد]

تعدددددددددد
توحدددددددد
وش قصتكم مع هالسوالف
الله العالم ماعندكم الا مدزودزيات الصفري
اللي به خير يقول
ياجماعة تروا عرسي السبوع الجاي بالقصر الفلاني
لايقعد منكم احد:)

[ابو عارف]

لا ياراعي الوقيد عاد ما وصلت للتحدي حنا نمزح الله يهداك لكن مدام تسذا خلنا قد التحدي الإسبوع الجاي أنا معزوم في قصر أفراح الخليج على عرس ولا يقطع الرأس إلا الذي ركبه.


ياراعي الوقيد حديتنا على المغامرة

[راعي الوقيد]

خل نشوف اللي يصمل من اللي يهج:)
لعل وعسى عقب هالحدة نطلع بعزيمة دسمة:7ayyoh:

[الشبث]

ابو فهد


هذا واطيتن على غاااربوه





هذولي يا تاطا غاربهن يا ياطن غاربك مافيه حل وسط







وتقلد تحيتي

[أبو فهد]

تقرر الاتي
بعد الاطلاع على ماقام به عضو رابطة التعدد المدعو ابو فهد
من انبطاح امام حزب التوحد المتهالك:a:
قررنا
1- يفصل العضو المذكور اسمه في عاليه
من عضوية اللجنة المركزية وتنزل مرتبته الى عضو -ج-
2- التأكيد على جميع الاعضاء بالالتزام بقوانين وأهداف الرابطة السامية.
عاش التعدد ومناصريه وتسقط اصنام القوى الامبريالية:)


هذي آخرتها



يعني يوم وقف مصطفى عبدالجليل بصفكم و فتح مجال التعدد في ليبيا استغنيتوا عن منقذ ثورتكم <<<<محمد نجيب على غفلة :)




لاهنت أبو يوسف




-----------------
أبو فهد الهمزاني

[المتوقد]

مممممم ووالله كرهت السوالف عنه

اصبح منطقه لتصفية الحسابات وتعويض شيئا ما في النفس :)

على حسب تجربتي ان كل شخص على وجه هذه الارض لديه هاجس الزواج من الثانيه والثالثه الخ ... لكن بحسب مجموعة من الظروف قد يتاخر تنفيذ هذا الهاجس او ينلغي مره وحده ,لكن كهاجس يبقى بداخل كل شخص :)

من هنا اقول يجب ان يكون هذا الموضوع تحت الكتمان حتى ياتي محرك قوي وظروف كافيه وادوات تحرك تعطيك التنفيذ الكامل ووقتها نفذ اذا كانت الفكره كامله


اما هذه الشطحات فهي تستنزف الفكر وتستهلك الافكار بدون اي فائده :)

[الجازي]

^
^
يسلم راسك ياشيخ :)

الا سين سؤال

العزوبي هل هالهاجس (( التعدد )) موجود عنده حتى وهو مابعد جرب العرس كله :)

والا هالهاجس يجي مع الزوجة الاولى وهي المحفز الاكبر له :7ayyoh:

[شموخ شمالية]

^
^

هالسؤال وجّهييه لـ ريال :)




ياجدي
يقولون لاصارت المره عوبا الرجل يعيف الحريم
والعكس


وش رايتس ياطربتي نبي نسوّي حملة للتشجيع على العوابة :7ayyoh:
ووش رايتس وش نسمّي هالحملة

[جمران]

^

يقول المثل اضرب النساء بالنساء



يمكن الى من صارت سنعه ومانا حليله انه ماتخليه يفكر بغيره

[عبدالله الجعيثن]

انا حالفن منساه طول الليالي دوم // ياكووود العذارى طاري العرس ينسنّه





<<<متقاضب الشوش هو والجازي:)


فكّن وحنا نفك خخخخخخخخخخخخخخ

[الجازي]

يعني حقدت عشاني خربت نكتتك :)

[ريال الفسحه]

عزوبي يفكر بالتعدد ؟!


لعن ابودياركن العزوبي لو يحصله محروله
مافكر بالتعدد :)


اقول ماتخبرن لي موقع خطابه :)

[الجازي]

هههههههههههه

الله يجزاك خير

ابد خل المحرولات للمعددين

وأنت أبشر بسعدك

بس اخلص من العمار وعروستك عندي :)

أطلق عروس لو تبي أوصفها وصفتها لك بس ماودي يدرون عن مواصفات زوجة المستقبل :d:

[ريال الفسحه]

اسكتي الا المحارم <<< صدق :)

[الجازي]

تيب

بس أول انضم للثورة :)

[جمران]

^

مافيه استدراك يالجازي

الكلام تم قبل شرطتس الاخير وحنا شهود




ريالوه متى تخلص عمارتك:)

[الجازي]

هذا مهو استدراك :)

الشرط عشان اسكت عن وصف محارمه :7ayyoh:

[المتوقد]

^
^
يسلم راسك ياشيخ :)

الا سين سؤال

العزوبي هل هالهاجس (( التعدد )) موجود عنده حتى وهو مابعد جرب العرس كله :)

والا هالهاجس يجي مع الزوجة الاولى وهي المحفز الاكبر له :7ayyoh:


اممم الهاجس موجود قبل الزواج وبعده ,لكن قبل الزواج يكون هذا الهاجس نوعا ما لايكون في نفس القالب

لكن بعد الزواج الاول يبدا الهاجس يقترب من السطح ,, وعوامل كثيره لها دور في تاخير تنفيذ هذا الهاجس ويمكن يموت وما نفذ هذا الهاجس :)

طبعا ربما تقول وحده انا زوجي اقوله ودك تزوج ويقول لا والله ماودي ووين كلامك يالمتوقد ؟ :)

انا اقول ان سؤالك كان ناقص وايضا تنقص امور كثيره يجب ان تفعليها قبل هذا السؤال حتى تجدين جواب حقيقي للسؤال السابق :)

يعني اولا لابد ان يصل الزوج الى مرحلة امان كامله هههههه :)

بمعني ان يفهم الزوج ان السؤال عن رغبته بالزواج فقط من اجل المعرفه وليس من اجل عقاب لاحق (لكي تصلي لهذه المرحله يطول الكلام في هذا المجال )

وكل النقاش الدائر حول هذه القضيه لابد ان يدار على انها فرضيه من اجل المعرفه فقط :)

ثم تنتقل هذه الفرضيات بعد اطمئنان كامل شيئا فشيئا حتى نصل الى السؤال الافتراضي الكبير هل لو تملك المال الكافي هل ستفكر في الزواج ؟

طبعا هنا انا نقلت افكار سريعه لكن اذا ارادت الزوجه ان تصل الى الحقيقه لابد اولا ان توصل زوجها الى منطقه امنه جدا وستواجه الجواب الحقيقي

بس بالله لاو حده تقول : اثري زوجي خاين طول هاااذ المده :)

هذه هي الحياة لكن مثل هذه الهواجس غالبا مايكون الرجل حريص على عدم اثارتها احتراما او خوفا من الزوجه , او عدم رغبه في فتح جبهات معاديه ومتعدده هو في غنى عنها

ووسلامتكم :)

[المتوقد]

^
^

هالسؤال وجّهييه لـ ريال :)




ياجدي
يقولون لاصارت المره عوبا الرجل يعيف الحريم
والعكس


وش رايتس ياطربتي نبي نسوّي حملة للتشجيع على العوابة :7ayyoh:
ووش رايتس وش نسمّي هالحملة

غلطانه جداا