المساعد الشخصي الرقمي

مشاهدة النسخة كاملة : لغز عليه الكلام


ابو مشاري الشمري
28-09-2002, 11:40
السلام عليكم ورحمة الله وبركاته
لغز مليان يالربع ومايعتاز
أتمنى يعجبكم ويحوز على رضاكم


ويش البنات اللي عددهن فقط خمس=متساويات كلهن بالأسامي
الأوله تاضح كما مطلع الشمس=والثانيه كالنور تجلى الضلامي
والثالثة تغني عن الشوف واللمس=والرابعة تعشق بليا غرامي
والخامسة تطمس ضحى الأربعة طمس=وش حلهن يأهل العقول الفهامي
عبدالله الجعيثن
29-09-2002, 09:04
ابومشاري

عندي ثلاث رمعات وتمكن انه حديهن

الحواس الخمس/الرتب العسكريه/تغييرات القير
ابو مشاري الشمري
29-09-2002, 09:52
هلابك يالغازي
واشكرك على جهودك ومحاولاتك
اعذرني يالغالي مالك لوا
خمس بنات أسمهم واحد وصفاتهم تختلف
الف شكر لك
الضمير
29-09-2002, 22:15
اخوي الغازي
الحل اصابع اليد الخمس
او انها فروض الصلاة
ابو مشاري الشمري
30-09-2002, 00:36
الضمير
الف شكر على محاولتك أخوي
مالك لوى يالغالي
ابعد عن أي شي معروف وثابت ان اعدادهم خمس
حله فعلا بنات أعدادهن خمس أسمهم واحد وصفاتهم تختلف

تحياتي لك
فواز الشبيكان
30-09-2002, 12:54
أخوي أبو مشاري
يله حيوه//
عندي هلرمعتين الله يستر لا يصرن سماويات
1- فصايل ألد م 2- ألمهاب ألخمس وألخامسه ألشماليه تطمسهن كلهن
وشهادة حق لغز مليان
فواز الشبيكان
30-09-2002, 13:12
أبو مشاري
فيه رمعة طرت

ماهي ألأصابع ألخمس ولحن ألربابه // واللي تضيعهن ألخنصر اذا لمست ألسبيب الباقيات ما يطلعن اللحن يعني يضعن

وعسى الله يستررررر
ابو مشاري الشمري
30-09-2002, 21:12
القديمي
أخوي أحيـــيك على تحمسك وتعقيبك المتواصل
تسلم أخوي ومالك لوا
أقولك سر ولا تعلم أحد (ركز على الدين)
ياهلا ومرحبا
أخوك ابو مشاري
نديم طويق
01-10-2002, 04:27
وش رايك بشهادة المحكمة وشهادة التوحيد وشهادة الدراسة وشهادة الزور وباقي وحده
عبدالله الجعيثن
01-10-2002, 08:57
ابومشاري

توك عاد ذبحتنا.

عندي رمعه وش رايك بأيات تحريم الخمر.
فواز الشبيكان
01-10-2002, 09:33
أبو مشاري /// وش رأيك / بأركان ألأسلام
ابو مشاري الشمري
01-10-2002, 11:25
القديمي تسلم وحياك الله
مالك لوا
ابو مشاري الشمري
01-10-2002, 11:34
نديم طويق
هلا ومرحبابك يانديم طويق
تسلم وصح السانك أخوي مادام باقي وحده أساعدك عليها
الاوله. تاضح كما مطلع الشمس (شهادة التوحيد)
والثانيه. كالنور تجلى الضلامي (شهادة الدراسه) العلم نور
والثالثه. تغني عن الشوف واللمس (شهادة الشهود بالمحكمه)
والرابعة. تعشق بليا غرامي (شهادة الميلاد)
والخامسة.تطمس ضحى الاربعه طمس (شهادة الوفاة)

والف شكر لكل واحد شارك وحاول معرفت هاللغز
واتمنى انه أعجبكم
وتحياتي لك يانديم طويق
تسلم أخوي
فواز الشبيكان
01-10-2002, 11:37
أبو مشاري
عز الله // صح السانك على اللغز المليان

وصح لسان /// ألأخ / نديم طويق
ابو مشاري الشمري
02-10-2002, 12:11
القديمي
تسلم اخوي وصح بدنك
ماقصر نديم طويق فقع عين اللغز
تحياتي للجميع