الدم وين يروح !؟

[الجازي]

^
^
سؤال مايخرش الميّه :7ayyoh:

في بالي موضوع بكتبه بهالمضيف بس مابعد تكاملت أركانه :)

وأنا قاعدة أجمع معلومات عن موضوعي وفي عز انشغالي فجأة قام التلفزيون يلعلع عقب ماكان هاجد (( صار محطوط على إيقاف مؤقت وانتهت مدته ورجع يشتغل :a: ))

الزبدة اني انخرعت وبغيت انصفر وحسيت وجهي مابقى فيه قطرة دم :)

عاد يوم هديت واعدمت التلفزيون وشربت بيرة <<< ماحولي غيرها :7ayyoh:


قعدت أفكر في حالتي وجلست أتذكر أشكال المرعوبين ووجيههم المنصفرة

تقل مابوجيههم قطرة دم !!!

وين يروح الدم !؟

وليه وقت الغضب والحياء يتركز كله بالوجه ووقت الخوف مايبقى منه شيء في الوجه !!


يمديكم بس على هالأسئلة البيولوجية :)

هذا وأنا ماجهزت للموضوع طلع مني هالإبداع شلون لو اني مفكرة فيه من مبطي <<<<< برااااا :)


وسعوا صدوركم بهالموضوع وجاوبوا على أسئلتي لاهنتوا لما أخلص من موضوعي الدسم اللي عليه الكلام :thumb:

[شموخ شمالية]

,


,


شوفي بكرى أرد عليتس الحين أنووووود > هرووووب




تصبحين على خيييير ياأمر الزمان

[الجازي]

وانتي من أهله يابعدي


قالبتن نومتس ياجدي ليلتس نهار ونهارتس ليل :)

ولامن طلبنا منتس عشا يالله يوصلنا الفجر :7ayyoh:

في انتظارتس يالغلا

[صلفيق]

ياهلا بـ أختي الجازي
نوّرتي المضيف بتواجدك ... وحيّاك الله

شوفي يالجازي..
انتي كنتي منهمكة بموضوعك ومركزة على شيء معين، بنفس الوقت ـ التلفزيون كان
مطفأ..! وفجأة ،، وبدون تحذير ، وبدون أي تحري ،، اشتغل التلفزيون .
في هذه اللحظة ـ سيطر عليك الفزع ـ ولحكمة الله سبحانه وتعالى ولطفه في خلقه ان
كان هناك تحفيز للغدة النخامية بدفع الغدة الكظرية لإفراز هرمون الأدرينالين الذي يؤدي
افرازه في الدم الى تغيرات فسيولوجية وكيميائية ويهيء الجسم استجابة لإشارةالتهديد
بالخطر ، ارتفاع الأدرينالين يزيد من عمليات الإستقلاب الأساسي ويعمل على صرف كثير من الطاقة
المدخرة ، مما يؤدي إلى شعور المنفعل أو الغَضِبْ بارتفاع حرارته وسخونة جلده .
ونتيجة لهذا تتمدد الأوعية الدموية وتنبسط العضلات المنقبضة فتحتاج هنا الى تدفق الكثير من الدم الذي
يختفي من الشعيرات السطحية الى الأوردة لتغذية باقي أجزاء الجسم .. هنا يتراءى تغير اللون الى الاصفرار،
وعندها يكون الجسم بحاجة الى الهدوء والراحة.

اما في حالة الفرح أو الخجل الشديدين والخوف الشديد فإن تحفيز الغدة النخامية هو لإفراز هرموني النور ادرينالين
و الكورتيزون ،، وبهذا إن ارتفاع هرمون النور أدرينالين في الدم يؤدي إلى تسارع دقات القلب، وهذا ما يشعر به الإنسان
حين الانفعال، والذي يجهد القلب وينذر باختلاطات سيئة. فهو يعمل على رفع الضغط الدموي بتقبيضه للشرايين والأوردة
الصغيرة، ويؤدي الى تدفق الدم وامتلاء هذه الأوعية الدموية [وهذا مايفسر احمرار الجسم عند هذه المواقف]،

هذا على عجل وبصورة اجمال ،، وان كنتي تريدين تفصيل أكثر ،، فبالتأكيد لي عودة بتوسع أكثر.

شكرا اختي الجازي ،، وشكرا لإبداعاتك المتكررة ـ وننتظر المزيد منها.
يعطيك ألف عافية
وأرجو ان أكون أفدت فيما ذكرت

ولك كل تحاياي،،،

[عبدالرحمن]

سبق لي وان قلت بأن لديك قدرات كبيرة في الابداع
واخراج الذهب من بقايا النخالة :a:
فلم تصدقي وقلتي بأني شخص
يحب كيل المديح:3ajeeb:
لذلك اقول انتبهي لهذه القدرات جيدا
قبل ان تجف المياه الجوفية:)
شكرا لك وشكرا للدكتور صلفيق.

[الجازي]

الله :3ajeeb:

كل هالدنيا تصير اذا انصفرنا :)


معلومات قيّمة جداً

ألف شكر أخوي صلفيق على هالجهد والمعلومات المفيدة

[الجازي]

ذهب ونخالة ومياه جوفية :7ayyoh:


الله يسلمك والله

محدن يعاف المدح

تساني كل ماانصفرت وعلمتكم بتمدحني كذا

من اليوم بسوي لي جدول انصفار :)



تشرفت بمرورك يابو يوسف

[ريال الفسحه]

ماتشوفين وجهي من الحياء حمر :)


الا بيرتك هي هولستن والا بربيكانا والا موسي
<<< تخصص هولستن :)

[بالمختصر..]

،





تفسيره العلمي درسناه بـ ثالث ثانوي بـ الأحياء بس شكلتس تخصص أدبي :)

شوفي يا طويلة العمر أشرح لتس و بلا قوقل بلا بطيخ ..

وقت الخوف المفاجئ يفرز هرمون الأدرينالين و النورادرينالين ( تسمى هرمونات الطوارئ )

و مهمة هرمون الادرينالين هي قبض الأوعيه الدمويه ( الشرايين والأورده الصغيره ) من الجسم و خاصة الأطراف ..

يعني يصير الشخص ما يقدر يوقف على رجوله !

تقولين وين يروح الدم ؟

الدم يروح لـ القلب ، و تلاحظين تزداد دقات القلب ..

عشان ما يتوقف القلب !

و هرمون النورادرينالين مهمته يعيد الجسم إلى طبيعته ، يهدي يعني :)

واضح وألا أعيد الشرح ؟ :wallah_hoo:

و بعد الادرينالين يستخدم بـ حالة توقف القلب ( حقن بـ الوريد ) ..


<< دكتوره مع وقف التنفيذ :)





.
.

[الشبث]

وليه وقت الغضب والحياء يتركز كله بالوجه ووقت الخوف مايبقى منه شيء في الوجه !!



شوفي اختي الجازي


يقال خير الكلام ما قل ودل


وش لتس بهربدت صلفيق وبالمختصر



انا اعطيتس الفايده


الحين اذا انحرج الواحد يصير وجهوه حمر


لان الدم راح لخشتوه


حلووو


شي معروووف




طيب


اذا غضب الواحد يصير وجهوه حمر


نفس الشي



طيب ليييييييييييش ؟


لان الخجلان والزعلان فيه شخص اخر مقابله ولازم يشوف وجهه ويعرف وش السالفه بدون ما يتكلم

الاخ المنحرج ولا الاخ الزعلان











طيب


لو خااف الواااحد

يصير دمه كله برجلينه


طيب ليش ؟؟


اهااا

اقولتس ليش


لانه محتاج كراعينه علشان يفرك

ومحتاج لاي نقطة دم في جسمه علشان يصير اسرع :)





وتقلدي تحيتي

[شموخ شمالية]

^
^


لله درّك

أيه هذا التشخيص مهو تشخيص ابويوسف وبالمختصر

أنت تستحق شهادة الدكتوراة مع مرتبة الشرف

[ريال الفسحه]

،





تفسيره العلمي درسناه بـ ثالث ثانوي بـ الأحياء بس شكلتس تخصص أدبي :)

شوفي يا طويلة العمر أشرح لتس و بلا قوقل بلا بطيخ ..

وقت الخوف المفاجئ يفرز هرمون الأدرينالين و النورادرينالين ( تسمى هرمونات الطوارئ )

و مهمة هرمون الادرينالين هي قبض الأوعيه الدمويه ( الشرايين والأورده الصغيره ) من الجسم و خاصة الأطراف ..

يعني يصير الشخص ما يقدر يوقف على رجوله !

تقولين وين يروح الدم ؟

الدم يروح لـ القلب ، و تلاحظين تزداد دقات القلب ..

عشان ما يتوقف القلب !

و هرمون النورادرينالين مهمته يعيد الجسم إلى طبيعته ، يهدي يعني :)

واضح وألا أعيد الشرح ؟ :wallah_hoo:

و بعد الادرينالين يستخدم بـ حالة توقف القلب ( حقن بـ الوريد ) ..


<< دكتوره مع وقف التنفيذ :)





.
.


وانتي للحين تذكرين دروس الثانوي:) << يتنحته :)

[الجازي]

ريالوه متأكد ان وجهك حمر من الحياء !! :)

ايه هولستن بالرمان بعد

وتسانك ذقت اللي بالعنب الاسود هاللي يمدحونه علمني عنه !!

[الجازي]

بالمختصر يابعدي

لا والله علمي بس الذاكرة لتس عليها

تسلمين عالتوضيح ياعسل :)

[الجازي]

شبيثان

تدري عاد

انت آية من آيات الله العظمى المنسيّة :)

محد درى عن عقليتك الجبارة

لكن لابد مايجي يوم ويسوون لك نصب تذكاري في حي البطحاء :7ayyoh:

[الجازي]

هلا بتس ياشوشو

منورة المحل عقب ما أصبحتي :)

[الشبث]

شبيثان

تدري عاد

انت آية من آيات الله العظمى المنسيّة http://www.shmmr.net/vb/threads/images/smilies/smile.gif

محد درى عن عقليتك الجبارة

لكن لابد مايجي يوم ويسوون لك نصب تذكاري في حي البطحاء


ترى فيه نصب تذكاري لي بحي المعيقليه عند سوق الخضره :)








وتقلدي تحيتي