--(برق النفود)-
28-09-2002, 02:06
بعد خروجي من المستشفى جراء ارتفاع الضغط والصدمه العصبيه المفاجئه
اللتي (نزعة واهسي ) عقب ماشفت موضوعي مفقود
اعيد نشر الجزء الثاني من مغامرات برق النفود
وصلنا عند يوم يموت الكبتن محيميدويوم يعلنون عن سيطرتهم التامه على الطياره
اثري الله يجيركم المختطفين خاطفينن الطياره لان فيه ناس مهمين
يبون يركبون معنا على هالرحله وعلى شانهم خطفوا الطياره
لكن الناس المهمين هذولا ماركبوا معنا على الرحله
يعني بالعربي نكبونا ولا ركبوا
المهم بعد ما فتشوا مالقوا احد من اللي يبونهم
وبعد كذا جو يم خويي اللي جنبي لانهم شافوا سكبته من برا قالواوش هالوليده
يسئلونه وكل ماسئلوه ورد عليهم اقول من الخرعه
وانا بعد طبعا تحت مبدئ العمر ياشامان ومن ذل سلم
قالي واحد من الخاطفين ارفع يديك فوق قلت ابشر طال عمرك
قالي وش اسمك الثلاثي وانا اعطيه شجرة العايله كل ابوه من جذوره مابيه
ابي السلامه بس وبعد شوي انحشرنا بريحه غريبه اول مره اشمه
وبفضل ذهانتي اكتشفت انه ريحه جماعيه انتجوها المسافرين وكانت سلاح
ممتاز لكن للاسف ماكان فعال لذيك الدرجه
اما الحاجه اللي تضحك مره فهي يوم جاء الخاطفين وصوبو مسدساتهم يم
رفيقي قمز من الخرعه وصاح وقال تكفى لا ترمي انا حامل
ضيع الرجال نسي ان الذكور ما تحمل بس معذور الخرعه دهوشته
لاكن ماهي هذي المصيبه المصيبه اني يوم قمت اضحك على خويي يوم يقول
انا حامل صوبو مسدساتهم يمي وتركوه قلت وانا بعد!!!!!!!
المهم يوم تركونا وراحوا راعيت لخويي يمار تقل جالس له
على قالب ثلج بس يتنافض والعرق يصب شلالات وحالته حاله المسكين
المهم اني مافوته وقمت اتمهزا عليه واقول انت باي شهر
ومتى شهرك … ووين تبي تولد امهم يوم خذيت شوي وانا اقوم
اشجعه ماعليك لا تخاف كلنا معك منت لحالك وانا بقلبي اقول
الله ياخذ هالوجه يالدجاجه الصقعاء جيد علي تعطيني من هالصواريخ
المهم الخاطفين الظاهر انه مااعجبهم اني قاعدن اتهزا واكهكه جا
واحد يمي وقال انت وش عندك قلت كهكهكه ماعندي شي
قال وش اللي يكهكهبك قلت انا مره شفت فلم كهكهكه فيه واحد
دايم يضحك وواحد منخرش قلبه جو الخاطفين ذبحوا المنخرش وتركوا
اللي بس يضحك قال الخاطف وش رايك ان هالحين يبي يصير العكس
وعلى طول وانا اهجد وهو يكمش وجهي وابلع العافيه
قال هاه وش عندك سكتت قلت لا بس تذكرت المثل اللي يقول
عيال العجز يعجزون وهولك يقفي من عندي وانا اطبق براطمي على بعض
وتقل جالس عل مله بس اتحرك
المهم بعد مده من اختطاف الطايره اكتشفنا ان السواق اللي يسوقبنا
هو واحد من المختطفين وان مساعد الطياره من ضمن العصابه
وهو اللي سهل لهم عملية اختطاف الطايره وان المضيفه محجوزة عندهم
لان المقروده جت تبي ترسل نداء استغاثه بس ما امداه
المختطفين مكنوه قبل لا تزعجه يم اقرب مطار
ويوم خذينا شوي الا يوم قامت قيامت الطياره قامت تناقز بالجو
وسمعنا المختطفين يقولون ان قير الطياره خرب
وان الكفرات حقات الطياره عين لا ينزلن قلت انا ابي اسمع خويي
لو انا داري تسان معطيهم قير ددسني ياباني جديد على الشرط
واربع كفرات به جدد بزرعهن قبل لاابيعه
ويوم جانن الخاطف قال حظرتك على طول تنكت
وانا اسكه وانا اسكت ولا تكلمت ابد
المهم يوم شافو الدعوى خربانه قالوا نبي نذبح الرهاين ونبي نبدى برجال الاعمال
منهو منكم رجل اعمال . محد رد وكرره كم مره ولا احد رد
قال طيب تعال انت يعني خويي اللي جنبي وش تشتغل
قال انا شريطي سيارات قال يعني رجل اعمال قال لا والله قسم بايات الله ماني
رجل اعمال وبعدين حتى لوني رجل اعمال تسان علمتك ياخي وشوله اكذب
قال اجل وش لون شريطي سيارات قال بالعربي محرج انا احرج على السيارات
قال زين اجلس
وهو يجي يمي يمار ما باقي بي عرق به دم دمي ناشف بليا وهويسالن وانت وش تشتغل
قلت انا اربي اغنام قال يعني رجل اعمال قلت لا والله الا شاوي اعمال قصدي راعي اغنام
قالو بالعربي نبي نستفتح بواحد منكم ونذبحه بس نبي نسوي قرعه واللي تطلع عليه
اول نذبحه
بهاللحظه هذي تحمدت ربي لا مابحياتي طلعت علي القرعه
وهم يسوون القرعه وتطلع علي
ويحطون المسدس عند راسي وانا اصر عيوني واكشر بوجهي
وعلى ماسمعت صوت الزناد وانا انقز من فراشي يامار تقل متروش بهدومي من العرق
ويم خذيت لي شوي وانا اقرى قل هو الله احد واسمي على روحي
وهي تجيني الشجاعه واغمض ابي ارجع للطياره يمار ماش واقول لنفسي ماهي مشكله
لو رجع متعلق بالكفر ماعليه ادبر روحي وادخل الطياره يمار ماش
وكنت اتمنا لوني محرر الطياره ومنقذ الركاب بس ماش
مار انا متأكد ان رفيقي ابو باغات ماهو مقصر يبي يقوم يبكي عليهم ياما يرحمونه
والى اللقاء في حلم ثاني قصدي مغامره ثانيه
والسلام عليكم ورحمة الله وبركاته
وهذا هو الجزء الثاني من مغامرات
______________برق النفود____________________
اللتي (نزعة واهسي ) عقب ماشفت موضوعي مفقود
اعيد نشر الجزء الثاني من مغامرات برق النفود
وصلنا عند يوم يموت الكبتن محيميدويوم يعلنون عن سيطرتهم التامه على الطياره
اثري الله يجيركم المختطفين خاطفينن الطياره لان فيه ناس مهمين
يبون يركبون معنا على هالرحله وعلى شانهم خطفوا الطياره
لكن الناس المهمين هذولا ماركبوا معنا على الرحله
يعني بالعربي نكبونا ولا ركبوا
المهم بعد ما فتشوا مالقوا احد من اللي يبونهم
وبعد كذا جو يم خويي اللي جنبي لانهم شافوا سكبته من برا قالواوش هالوليده
يسئلونه وكل ماسئلوه ورد عليهم اقول من الخرعه
وانا بعد طبعا تحت مبدئ العمر ياشامان ومن ذل سلم
قالي واحد من الخاطفين ارفع يديك فوق قلت ابشر طال عمرك
قالي وش اسمك الثلاثي وانا اعطيه شجرة العايله كل ابوه من جذوره مابيه
ابي السلامه بس وبعد شوي انحشرنا بريحه غريبه اول مره اشمه
وبفضل ذهانتي اكتشفت انه ريحه جماعيه انتجوها المسافرين وكانت سلاح
ممتاز لكن للاسف ماكان فعال لذيك الدرجه
اما الحاجه اللي تضحك مره فهي يوم جاء الخاطفين وصوبو مسدساتهم يم
رفيقي قمز من الخرعه وصاح وقال تكفى لا ترمي انا حامل
ضيع الرجال نسي ان الذكور ما تحمل بس معذور الخرعه دهوشته
لاكن ماهي هذي المصيبه المصيبه اني يوم قمت اضحك على خويي يوم يقول
انا حامل صوبو مسدساتهم يمي وتركوه قلت وانا بعد!!!!!!!
المهم يوم تركونا وراحوا راعيت لخويي يمار تقل جالس له
على قالب ثلج بس يتنافض والعرق يصب شلالات وحالته حاله المسكين
المهم اني مافوته وقمت اتمهزا عليه واقول انت باي شهر
ومتى شهرك … ووين تبي تولد امهم يوم خذيت شوي وانا اقوم
اشجعه ماعليك لا تخاف كلنا معك منت لحالك وانا بقلبي اقول
الله ياخذ هالوجه يالدجاجه الصقعاء جيد علي تعطيني من هالصواريخ
المهم الخاطفين الظاهر انه مااعجبهم اني قاعدن اتهزا واكهكه جا
واحد يمي وقال انت وش عندك قلت كهكهكه ماعندي شي
قال وش اللي يكهكهبك قلت انا مره شفت فلم كهكهكه فيه واحد
دايم يضحك وواحد منخرش قلبه جو الخاطفين ذبحوا المنخرش وتركوا
اللي بس يضحك قال الخاطف وش رايك ان هالحين يبي يصير العكس
وعلى طول وانا اهجد وهو يكمش وجهي وابلع العافيه
قال هاه وش عندك سكتت قلت لا بس تذكرت المثل اللي يقول
عيال العجز يعجزون وهولك يقفي من عندي وانا اطبق براطمي على بعض
وتقل جالس عل مله بس اتحرك
المهم بعد مده من اختطاف الطايره اكتشفنا ان السواق اللي يسوقبنا
هو واحد من المختطفين وان مساعد الطياره من ضمن العصابه
وهو اللي سهل لهم عملية اختطاف الطايره وان المضيفه محجوزة عندهم
لان المقروده جت تبي ترسل نداء استغاثه بس ما امداه
المختطفين مكنوه قبل لا تزعجه يم اقرب مطار
ويوم خذينا شوي الا يوم قامت قيامت الطياره قامت تناقز بالجو
وسمعنا المختطفين يقولون ان قير الطياره خرب
وان الكفرات حقات الطياره عين لا ينزلن قلت انا ابي اسمع خويي
لو انا داري تسان معطيهم قير ددسني ياباني جديد على الشرط
واربع كفرات به جدد بزرعهن قبل لاابيعه
ويوم جانن الخاطف قال حظرتك على طول تنكت
وانا اسكه وانا اسكت ولا تكلمت ابد
المهم يوم شافو الدعوى خربانه قالوا نبي نذبح الرهاين ونبي نبدى برجال الاعمال
منهو منكم رجل اعمال . محد رد وكرره كم مره ولا احد رد
قال طيب تعال انت يعني خويي اللي جنبي وش تشتغل
قال انا شريطي سيارات قال يعني رجل اعمال قال لا والله قسم بايات الله ماني
رجل اعمال وبعدين حتى لوني رجل اعمال تسان علمتك ياخي وشوله اكذب
قال اجل وش لون شريطي سيارات قال بالعربي محرج انا احرج على السيارات
قال زين اجلس
وهو يجي يمي يمار ما باقي بي عرق به دم دمي ناشف بليا وهويسالن وانت وش تشتغل
قلت انا اربي اغنام قال يعني رجل اعمال قلت لا والله الا شاوي اعمال قصدي راعي اغنام
قالو بالعربي نبي نستفتح بواحد منكم ونذبحه بس نبي نسوي قرعه واللي تطلع عليه
اول نذبحه
بهاللحظه هذي تحمدت ربي لا مابحياتي طلعت علي القرعه
وهم يسوون القرعه وتطلع علي
ويحطون المسدس عند راسي وانا اصر عيوني واكشر بوجهي
وعلى ماسمعت صوت الزناد وانا انقز من فراشي يامار تقل متروش بهدومي من العرق
ويم خذيت لي شوي وانا اقرى قل هو الله احد واسمي على روحي
وهي تجيني الشجاعه واغمض ابي ارجع للطياره يمار ماش واقول لنفسي ماهي مشكله
لو رجع متعلق بالكفر ماعليه ادبر روحي وادخل الطياره يمار ماش
وكنت اتمنا لوني محرر الطياره ومنقذ الركاب بس ماش
مار انا متأكد ان رفيقي ابو باغات ماهو مقصر يبي يقوم يبكي عليهم ياما يرحمونه
والى اللقاء في حلم ثاني قصدي مغامره ثانيه
والسلام عليكم ورحمة الله وبركاته
وهذا هو الجزء الثاني من مغامرات
______________برق النفود____________________