قِم قَهونِي قَبل آصلك وأتقهوآكـ ~ حياك الله أبوماجد

[شموخ شمالية]

.

.





عــشآق القهـــوة http://vb.grorbnat.com/images/smilies/98.gif



عندما تشرق الشمس بنورها
ونعانق نسمات الهواء الباردة
نشتهي أن يكون هوائنا ممزوجا برائحة القهوة
وعبيرها الذي يسلب العقول
حتما لن أقاوم ذلك السحر

::
::


سأستلقي على أقرب كرسي
ويتمدد الفكر والعقل
بحجم الهواء الذي أستنشق منه رائحة القهوة

::
::


(عصر القهوة)

نحن نعيشه الآن بكل تفاصيله
فلكل شخص منا له مع القهوة حكايات ومغامرات
وربما طقوس معينه لاتحلو إلا بالقهوة
يصآحـبها قطعة حلوى وشعور رائع..

ارتبطت قهوتنا العربيه بجمعة الأصحاب والأحباب
والمجادلات الخفيفه وتبادل الأحاديث الممتعة
وفي وقتنا الحالي انتشرت أنواع كثيره
من القهوة فمن العربيه للتركية للفرنسيه
ومسميات أخرى لكل منها نكهة خاصه
ولطالما تغنى الشعراء بالقهوة



القهوة مـــزاج

تأقلم عليه الكثير من البشر
من مغارب الأرض ومشارقها
وهو القاسم المشترك بين غالب الشعوب
وربما تعايشوا معه ولايستطعون الإستغناء عنه



{ وقفة لعشاق القهوه }


1ـ كيف هي قهوتكـ؟؟

2ـ هل انت/ـي ممن يفضل تذوق جميع أنواع القهوه؟ وأي نوع هو الافضل لديك؟؟

3ـ وماهي طقوسكـ والوقت المفضل في شربها والإستمتاع بها ؟؟

4ـ هل القهوه مشروب أساسي لابد من تناوله يوميا؟

5ـ ماذا يعني لكم فنجان القهوة ؟؟

6ـ عبر/ي عن عشقك للقهوه ببيت شعر أو صوره..

7ـ هل أنتـ/ـي من منهم مبدعون في تجهيزالقهوه ضعـ/ـي لنا وصفتك الخاصه؟؟

8ـ متى تصبح القهوة رفيقاً لساعاتكم ؟؟

http://www.3zotie.com/vb/images/smilies/3%20z%20o%20t%20e%20%28155%29.gif


طبعا كل مره نستضيف شخصية ..

ضيفنا الثالث الاخ العزيز أبوماجد { الشبث } :7ayyoh:
.

.

[الشبث]

ـ كيف هي قهوتكـ؟؟


القهوة العربيه العاديه



ـ هل انت/ـي ممن يفضل تذوق جميع أنواع القهوه؟ وأي نوع هو الافضل لديك؟؟


جليني خبيل وتسبد حمار

ما اشرب الا القهوة العربيه بسسس


3ـوماهي طقوسكـ والوقت المفضل في شربها والإستمتاع بها ؟؟



ايون

هنا مربط الحيواااان


القهوه له طقوس

وبنظري القهوه ما تصلح بكل وقت

ولا تصلح بكثره



انا احب القهوه الصبح بعد الفجر

والمغرب او العصر

يعني اذا حصل العصر ما اشرب المغرب

واذا حصل المغرب ما اشرب العصر

ولا احس اكثر من القهوه

فنجالين او ثلاثه بالكثير

ولا اشربه الا عقب ما اقدع واخلص

مع اني ما احب القدوع حيل

ولا احب اشوف اللي يتقهوى ويقدع بنفس اللحظه

احس تزوم علي تسبدي

ولا اشرب الفنجال اذا مليان



يعني لازم نحاسب بصبة القهوه يجب ان تكون قليله بالفنجال

علشان تكون مزااااج http://www.shmmr.net/vb/threads/images/smilies/smile.gif



4ـهل القهوه مشروب أساسي لابد من تناوله يوميا؟


لا

اذا حصلت زين على زين

واذا ما حصلت عادي


5ـماذا يعني لكم فنجان القهوة ؟؟



الفنجال الكبير القديم احسن شي

واذا مافيه فناجيل بيضاء احسن





6ـ عبر/ي عن عشقك للقهوه ببيت شعر أو صوره..


الصبح ماحلى شبوب النار = يا صرت مرتاح ومصلي
حمست بنٍ من النيبار = تجلى الهواجيس وتسلي
شقره ومذعورةٍ ببهار = شف النشامى وشفٍ لي
لا طبت اشفي راعي الكار = يضحك احجاجه وينفلي
ولاصار في جنبها بيطار = يفرح لياجيت ويهلي
والا الدهر بالعرب مرار =ياخذ من الناس ويخلي
فقير والا من التـجـار = العمــر ملحوق ومـولي




7ـهل أنتـ/ـي من منهم مبدعون في تجهيزالقهوه ضعـ/ـي لنا وصفتك الخاصه؟؟



والله على حسب المزاج

تساني مشتهي اسوي قهوه تطلع ملعونة جدف

وتساني ماني مشتهي الا تطلع بيره http://www.shmmr.net/vb/threads/images/smilies/smile.gif

وطريقة سواه مثلي مثل اي واحد ثاني


احمس القهوه

واخليه شوين تبرد

واطحنه واحطه بالمطباخه واحط الماء الحار الى نص المطباخه او اكثر شوين

واخليه تطبخ شوي


بعدين ابعده عن النار واخليه تركد شوين

وبعدين احط الهيل المطحون ( بس ما يكون مطحون حيييل )

احطوه بالمبهاره

واصب عليه من المطباخه اللي به القهوه

واخلي الهيل شوي يطبخ

واخذ بأصابعي زعفران واحطوه مع الهيل

واخليه تطبخ شوي على نار هاديه


واذا كان الوقت برد احط معه شوي قرنفل او عويدي او مسمار



وبعدين ابعده عن النار واخليه تركد شوي

وبعدين اصب على وجه اقرب واحد http://www.shmmr.net/vb/threads/images/smilies/smile.gif






8ـ متى تصبح القهوة رفيقاً لساعاتكم ؟؟


مافيه امل تصبح رفيقتي http://www.shmmr.net/vb/threads/images/smilies/smile.gif









بالنسبه للقهوه

عندي شي مبطي يقرقع بصدري وودي اقوله


بهالوقت كثير من الناس يشرب القهوه بخبال

يشرب عشر فناجيل او سبع او ثلاثين

اللي هن


المهم انوه يشرب كثير

وعلى بالوه راعي قهوه وراعي كيف

غير صحيح


القهوه مزاااج

القهوه مهي خبال وشرب مثل العصير




عاد قهوة الرجال وقهوة الحريم تختلف

وشرب القهوه يختلف عند الرجال وعند الحريم


فلا يجيني واحد ويقول اشرب دله كامل وعلى بالوه راعي كيف

هذا يا ان قهوتوه مثل وجهوه

او انه سوا حريم

او انوه خبيل مثل حنيف http://www.shmmr.net/vb/threads/images/smilies/smile.gif





وتقلدوا تحيتي

[شموخ شمالية]

.


.


ياهلا بأبوماجد

الموضوع موضوعك يعني الله يسلمك جهّز القهوة لـ ضيوفك
والمعاميل أغسلهن وطف الدفايات اللي بالمشب
مهو مثل الجازي تطلع وكل شين على وضعه
أمس لقيت الفراش مايع طايحتن عليه الدفاية :d:

[الشبث]

ضيوووف ؟


وش ضيفوووه




لا اشوف ولا بس



ناقصهم انا




اللي يجي ابي اخدم الدله على راسوه




وتقلدي تحيتي

[شرهه]

شبيثان ..

وش به قهوة الحريم ..وش حلاته


و ما بوه فرق بينه وبين قهوة الرجال


الا ان هذيتس بدلة وهذيتس بترمس



لاجيب الترمس الحين وارنعك بالجبهه





شموخ لاتستضيفينه مرة ثانية




:148r:




شبيثانووووه تسان بك خير اطلعلي

[الجازي]

شموخ وجعن يوجع عدوتس


الحين المخطين تثبتين مواضيعهم وترزينهم

وأنا اللي معتدى على موضوعي في أسفل سافلين لا ومقفل بعد



ماوصلتس رسايلي ونصايحي الذهبية !!؟ :)



شهشه يابعد الشهبان كلهم هدي اللعب شوي أخاف ينقطع واحد من أصابعتس الجديدة :)

[شموخ شمالية]

^
^


ياعلّه ماعادت هالاستضافة أنا وش أسوي بعمري
أنتحر
أحرق بروحي
شكلي بقدّم أستقالتي
حتى الجالكسي أكلوه عيالي لهيت عنهم بسبب هالاستضافة ولقيتهم راثعينن بوه


>> راحت تقفل المواضيع كلّه :brows:

[الجازي]

هههههههههاي


عليهم بالعافية


عشان مرة ثانية ماتجوعيني وتخليني أتحرى عشاتس وحلاتس وآخرتها أنام على لحم بطني :)

[هايس الشمري]

المفروض فيه سؤال كيف تمسك الفنجال..؟


لان بعضهم له أصبع زايد يمسك به الفنجال :)




شكرا شموووخ.. شكرا أبو ماجد..

[أبو فهد]

^
^

تسان تعشيتي من عشاء شرهة



:)



------------------------------------

نصايح ذهبية يابو ماجد يا على راسك ما يدفن




-------------------
أبو فهد الهمزاني

[الاصمعي]

ما شاء الله عليك أبو ماجد

طقوس كييف يالظلماوي:goooood:

بس لا تصادر أمزجة العالم خيووووووو

أما مربط الحيوان شي :3ajebni:

شكراً شموخ على هالإستضافات الخفيفة والحلوة

تحياتي

[بالمختصر..]

،





الله على طاري القهوه :)

شكــــراً شموخ ، الشبث ..



وبعدين اصب على وجه اقرب واحد

هههههههههههههههههه المخيم قرب انتبهوا منوه لحد يخليه يصلح القهوه و ان صلحه وخروا عنوه :)



إستضافه ممتعه .. بس ما أدري حنا نسأل و ألا لا ؟





.
.

[الجازي]

نصايح ذهبية يابو ماجد يا على راسك ما يدفن



ماتسن هالدعوة تخررررع :a:

[راعي الوقيد]

يسلمو شموخ
وتسسسسلم يابو ماجد
عزالله خوش مهيلة يالغلا
:goooood:

[سالم الظفيري]

يعطيك العافية يم عمر


على الموضوع المميز و الرائع

وشكرا على الاستضافة للاخ القدير ابو ماجد



لاهنتي

لك تحياتي

[أبو فهد]

ماتسن هالدعوة تخررررع :a:







دعوة بطول العمر إلى قال الرجل للثاني يا عل راسك ما يدفن




----------------
أبو فهد الهمزاني

[الجازي]

والله تسني فهمتها انه مايدفن بعد الموت :) <<<< قذافية على غفلة :)

[عبدالرحمن]

قرنفل او عويدي او مسمار
^
^
طيب وشو الفرق بين هالثلاثة:)
استضافة رائعة فابو ماجد جحا المضايف>يعني يمدح:)
شكرا لك اخي الغالي ابو ماجد وشكرا لآختنا ام عمر.

[ريال الفسحه]

مسوي فيها دغيم ابا الخايبات :)

[شموخ شمالية]

^
^

لاتباعد الدور جاي عليك

[ابو ضاري]

هين اذا يعرف الشبث يسوي قهوه


الله واكبر يابو كيف انت


اقول مثل ماقال ريال الفسحه

[جمران]

لله درك يابو ماجد


لقاء شيّق وممتع


واستضافه VIP



تصدق يابو ماجد قريت ردودك على الاسئله هنا وبموضوع الجازي مرتين

وكل مره اقراه اضحك واستمتع وكاني اقراه للمره الاولى









الله يسعدك يالغالي






أم عمر


ضيف محترم تسلمين على الاختيار