¥... أبيات مرتجله ...¥

[ريوف]

:
:


بسم الله الرحمن الرحيم


السلام عليكم ورحمة الله وبركاته ...¥



ابيات مرتجله هالموضوع فكرته تقول إن كل شاعر يدخل يرتجل
بيت اوحسب مايجي معه حتى لو وده يكتب قصيده
كامله ويمتعنا فيها بس بشرررطين اساسين

والشرطين كالتالي :

1/‏ الأبيات من شعره .
2/‏ ان اللي يكتب يبدأ بآخر حرفين من البيت اللي كتبه الشاعر اللي قبله .


وبتكون البدايه بهالبيت ..


طريت ولاحد" منهم طرالي .. // .. كئآبه ذكرهم الله وكيلك


واللي بعدوه بيبدأ ابياته ب كاف ...¥


:
:

[الاصمعي]

كذا باكون أول من يشارك**قبل لا ياتي جعيثن وغيره
فكرة رايعة لربه نبارك**وسباق الشعر يبغي من يديره
ومن هاب المنايا والمدارك**يروّح للخلا يشعب بعيره

[عبدالله الجعيثن]

هلا هلا بك جبتي الخير كله // وانا مع الشعار ودي اشارك

الاصمعي قبلي وسيفه يسله // وانا اثّبت بالمضيف وآبارك

[ريوف]

:
:


تعديل بسيط عالشروووط :

وهو اننا نبدأ بآخر حرفين مو بحرف واحد ..

وأقوول :



ركني ولو انه سهر ليل وأوجاع ## إلا إن زواره كثير أحرجوني
يبغوني ارويهم ضمايا وجيييآع ## أكتب حرووفي من بقايا طعوني

:

[فهيد الطرقي]

نياشين الهوى فيني تمحور
غدت من امس من فيني لفيني

بضرير الشوف مغبوط الاعور
كريم الحس اطلق لك يديني

[ريوف]

:
:


نيمت شوقي ثم صحى قال : ضميان // كم قلت له لانمت جتك الغزاله

أثره كبر وادرك كلامي بعد كان // يسمع ويقنع مازعجني بدلاله


:
:

[الاصمعي]

لها منزله ماياصلنها المخانيق**ولها بسمةٍ أقرا به الفال والربح
ياحلو كشرتها مع فكة الريق**تِسكن هجوسي كنها وردي الصبح

المخانيق=المخينيقيات – جنس حواء تعمدت هالكلمة ولا البدائل كثر كالمخاليق وغيره :)

[راعي الوقيد]

بحر الهوى ياهل المحبة عميقي
عزي لمن طبه وهو ما يعرف العوم

موضوع رائع

[متفاائل]

وما زلت امل في رجاء ناعم العود
وله التمس اعذار واقول عادي

يسلموا ريوف موضوع حلو

[عبدالله الجعيثن]

دنياك مازانت ولو زان وقتك // يومين والثالث تكركس على الراس

[متفاائل]

سألت عنهاا في جميع الوسايل

ولا لقيت اخبار . ولا اجابات

المشكل انه عندي بوسط حايل

يامن يصدق كن دونه محيطاات

[عبدالله الجعيثن]

اتحمل الموقف مثل باقي الناس // واكتم حروف السالفه واختصرها

[الاصمعي]

هاجتني الذكرى على شبة النار**وجمعة نشاما عالمراجل تحاما
ما بين كار يدار وشواة وكتار**ومزوح عن بعض الصغاير تساما
ما حد شوفي لا سياجٍ ولا جدار**يسبح فضا بين النجم والعداما

[سالم الظفيري]

مادام بالموضوع زحمة وشعار

قلت ابسجل ياجماعة حضوري



شكرا لك اختي ريوف على الفكرة

لك تحياتي

[ريال الفسحه]

الذين يشاهدون الموضوع الآن: 2 (2 من الأعضاء و 0 زائر)

ريال الفسحه (http://www.shmmr.net/vb/threads/82988-¥...-أبيات-مرتجله-...¥/members/12397-ريال-الفسحه)*
هايس الشمري (http://www.shmmr.net/vb/threads/82988-¥...-أبيات-مرتجله-...¥/members/1842-هايس-الشمري)


انت ليه ماتحتسي ؟

تكفى اقصد بي خخخخخخخ



::


فكرتن زينه :)

[هايس الشمري]

ريحت بالي من غثاة الهمومي
.............. لا زادت الضيقه و زاد البلا زاد..!

في سجدتين" للكريم الرحومي
............ ينزاح به همي و لو كان أطواد..!

[هايس الشمري]

انت ليه ماتحتسي ؟

تكفى اقصد بي خخخخخخخ



::


فكرتن زينه :)

أدري بأن النور جلاي الظلام..
يشبه لطبع ريال جلاي النكد..!

[الجازي]

هههههههاي

ريوف لايصير هايس احسن منتس

اقصدي بي يابعدي ريال ماهو أحسن مني :d:




صحت ألسنتكم جميع

متصفح منعش وراقي

[ريال الفسحه]

هايس قرب ابحبك :)


صح لسانك توك صرت شاعر ميه بالميه :)


انتا نفر واجد كويس :)

[ابو ضاري]

ريال اخيرا قصدوا عليك

يملا الغنيمه حط هالبيت توقيع لك

[ريال الفسحه]

لا ليارحت ابخطب ابقول هالبيت :)


اغديهم يوافقون علي:(

[ريوف]

:
:


كدرتني من يوم قلت انتفارق // ناظر من الضيقه دموعي كما سيل

[الحاصود]

يا الهم تكفى حل عني دخيلك
جاوبني ابشر بس وين السؤالي

هههههههههههههههههههههههههآي

[عبدالله الجعيثن]

ليل الشعر لو غاب صوتك تجلّا // يبين صبح وتحرق الليل شمسك

يحق لك ياساحري لو تغلاّ // تروق لي واطرب على صوت همسك

[متفاائل]

سكرت باب ويفتح الله مية باب

وكتمتهاا يابن جعيثن بصدري

ماني من اللي لا اقلبت ياخذ حساب

لكن اذا جاء الصد قفيت بدري:)

[الاصمعي]

رياحٍ هوج يا ربي تكافي**عسى بامرك تصيّرها نسايم
تثير أمطارها عقب السوافي**ووقتي ضاحكٍ والحظ قايم

[متفاائل]

يما تصبح فياضه والسهالي

تطاعم بينهاا مثل الطخاتي

يصير الجو في وقته مثالي

كانك جالس (ن) جنب الفراتي

يطلع ابو خالد والعيالي

وبلا سجادةٍ يدي الصلاتي:)

[الاصمعي]

تيهت فكري وانسجمت وتخيلت**وسجيت مع وصفك لهاك السهالي
الله كريم تصير ياخي كما قلت**ونعيشها واقع مهو بالخيالي

[متفاائل]

ليا راد ربك بين كافٍ ونوني

وحنا نتمنى ونسأل الله ونرجيه

[سالم الظفيري]

يهرج على ونا لك الله ماوحيت

.................مايدري انه عزتي راس مالي

ينقلي هروج المقفي وصديت

................هاذي سواليف الزمن ياحلالي

[عبدالله الجعيثن]

ليا صار مالك مع هل الطيب مجلاس // محدن بفاقد غيبتك يوم قفيت

[راعي الوقيد]

ليا صار مالك مع هل الطيب مجلاس
محدن بفاقد غيبتك يوم قفيت

الله الله
بيت عن قصيدة:thumb:

[سالم الظفيري]

يترك لي ارماح القدر داخل الجوف

.................يمشي ولا كنة عمل اي حاجة

[عبدالله الجعيثن]

جهاتي الاربع على البوصله جات // من وين مايممت وجهه اشوفك

[سالم الظفيري]

فكرت اعيشك خيال وتعب تفكيري

.................بالله قلي اعيشك كيف علمني

[ريوف]

:
:


نيسان احبك من بدايته للحين .. .. وألحين حبك زاد ياروح روحي .

كانت رسايلنا حكايات بالعين .. .. لكن حسافه انت ماكنت توحي

[عبدالله الجعيثن]

حيي وميتي..انت حيي وميتي // ومن دونكم لاني بحيّ ولا ميت

انت الدفا والنور .. وركون بيتي // عجزت من دونك اسويّ ولا بيت

[ريوف]

:
:



تياسر بصدري وابيه يتيامن // ودي اعيش العمر وياي قلبين


:
:

[سالم الظفيري]

يناكر المعروف يجاحد الطيب // وش فيك طبعك صاير(ن) طبع شاوي

[عبدالله الجعيثن]

وينك ووين اللي سكن في سياتل // اللي نساك العام ياقلبي انساه

صحيح تتعب وادري الود قاتل // بس المقفّي لارحل لاترجاااه

[ريوف]

:
:


أهمسلك حروف المحبه والأشواق // وابيك تدرك كل حرف ومعانيه


:
:

[سالم الظفيري]

يهيم بي شعر الغزل لاطرت هي

.................وتحلا القصايد يافهد في حضورة

[ريوف]

:
:



رهم لي كل ملبوس" لبسته // حرير وجوخ والدفه رهم لي ...!


:

[سالم الظفيري]

لي عين لو ناظرت غيرة ابعميها


............... ولي قلب حب غيرة العن اسلافة

[عبدالله الجعيثن]

فهمت وش سالفة غيي وأبعادك؟ // عشان مانلتقي ونصفّي النيّه


سكتّ لو أن قلبي يبغي اسنادك // سمحت خاطر وصرت ابعد عن الجيّه

[جبل سنجار]

ياليت تدري وين حطيتلك بيت
حباله شراييني وضلعي عمدها

[عبدالله الجعيثن]

هاودّتهم بالطيب .. وآحيان تطنيش // قلت العتب مرفوع .. مافات قد مات

[سالم الظفيري]

اتركوها توها طفلة صغيرة

.............ماهو ذنبة ذنب اهلها دلعوها

[الشبث]

هانت همومً كنت اشوفه جبال // بعد ذكر الله كل همي بزايل

والمسأله كله لو تظاهرت بخبال // عايل بوقتي لو تنطحت عايل :)







وتقلدوا تحيتي

[عبدالله الجعيثن]

^


^

منور يالغلا rooose2



يللي تسمّع في هروج المطافيق // تعال قللي علم..وآردّ لك علم

[سالم الظفيري]

هلا بشاعر الكبير الشبث نورت الحته


لمدور الاعذار ياشين الاعذار

................. وياشين عذراً مايجي في محلة

[عبدالله الجعيثن]

له بالحنايا عش وضلوعي غصون // لاغاب حسه ساعتينن فقدته

[ريوف]

:
:



تهورآ مني و الأشوق فيني .. .. يوم احرجتني يا حبيبي وجيتك


:

[جمران]

*
**
تكحّلها وتعميها حلالك والنظر يفداك

انا ماعاد ابي عيوني مدام عيونك الملفى

**
*

[ريوف]

:
:


فاقت مشاعرنا حدوده وتهنا .. .. وتاهت حروفي ثم تهنا وتهنا


:

[جمران]

/

ناويك ناويك عسى الله مايعوق بـ شر

ياللي تحاول تمس بصاحبي شعره

\

[عبدالله الجعيثن]

رهيب الليل ونجومه وشعر الفاتنه كالليل // وثغرن لاضحك بانت ثنايا المرمر بفمّه

[سالم الظفيري]

مهرة وتلعب بالرسن وشغلت قوم // طالبك ياجمران عطني رسنها

[جمران]

هاك الرسن وانا عند الله بري
خلنا نشوف شلون فعلك وركضك


<< أأأكوووي

ضك يالله

[عبدالله الجعيثن]

ضكيت يدها في يديني وصاحت // غصبن عليّ من زينها فار دمّي

[سالم الظفيري]

ميلة عقال الشمري مابها عيب // مـاميلـة يكـود عـز ومهـابة

العيب للي يتركون المواجيب // اللي عن الضيفان يسك بابه

ونعماً بابو غازي ولاهنت ياذيب// سلطان ياساس الكرم والذرابة

[ريوف]

:
:


بهرت لك ياصاحبي اليوم دله // ودي تذوق اليوم آخر دلالي ....!


:

[عبدالله الجعيثن]

لي شف ياسالم على راعي الطيب // اللي عن الزلات مكرم جنابه

من لابتن للطيب دار ومعازيب // اهل البويت اللي فلج بالطلابه

[إبراهيم الشميلي]

بـهـم على درب الـمـراجل شـخانيـب = لا ثـار عـج خـيـولـهـا و الـضـبـابـه


و الـشـارة البـيضاء دلالـه و تـوجيـب = شـفـهـا على ابـن سـويـط تـزهـى ثيابه


نـعمين بالشعـطان ربـع ومـصـاحيـب = قـد قـالـهـا مـبـارك عـلـيـكـم غزابه

[سالم الظفيري]

صح لسانك اخوي براهيم الشميلي

وبيض الله وجهك

ونعم فيك وفي خوالي السناعيس

اهل الثلاث المعجزات .


رد متواضع

به طيب غير الشمري ياهل الطيب // لاوالله الا الطيب عند الطنايا


شمر هـل الـردات واهـل المـواجيب // وليا طنو وردوا حياض المنايا

[عبدالله الجعيثن]

ياما عطيت بدون جدوى وخليت // وياما مسحت دموع من ضاق صدره

[ريوف]

:
:


رهبنت قلبي في هواه وتخلّى .. .. كنّه صفع وجه الغرام بـ كلآمه ......!!


:
:

[عبدالله الجعيثن]

مهما يدور الوقت ..وتضيق الايام :: تبقى القلوب معلّقه بالاماني

اوهام عشنا والسبب كثر الاحلام :: هذا يعاني وذاك مثله يعاني

[سالم الظفيري]

نياشين الغلا داخل ضلوعي // فديتك جهز ارماحك فديتك

[عبدالله الجعيثن]

تكتب جمّل..واصفّها وسط الابيات // ينقاد بوحي من ترانيم فمها

[سالم الظفيري]

هات القلم لاهنت ياعزوتي هات // هاته ونا بعطيك جزل المعاني

الحب قـالو ا حـي وقـول انا مـات // مـباقياً بالحب غيـر الامـانـي

[إبراهيم الشميلي]

نياما .. سكارى والفكر دوم منضام = والحال يرثي حال الاسلام ملهود

[عبدالله الجعيثن]

ودّي ربيعه هالسنه بكل الاوطان // شمالها مع شرقها والمفالي

ريح الخزامى والزهر ينوّر الوان // وجمعت نشامى حول صفر الدلالي

سوالف الشفقان لاشاف شفقان // سالي لقى له من هل الطيب سالي

[ريوف]

:
:



ليل وسهر وعتاب خل وخليله .. .. القلب يدمي والمدامع هماليل

:
:

[سالم الظفيري]

يلوح برقاً وبالسماء اسمع ارعود // يالله عسى تمطر على روضت خريم

على مكان مخيم العز والجـود // عسى مطـرهـا ديـم ويتـابعـة ديـم

[عبدالله الجعيثن]

يم السما ياصاحبي فوق ناظر :: خل الوطا لمقرّد الخلق وارحل

[ريوف]

:
:


حليت وإحتليت قلب وعروقه .. .. حتى العروق اليوم تنبض آحبك


:
:

[عبدالله الجعيثن]

بكره تحسّف ياهوى البال بكره // لاجيت يم المكان وشفت به غيرك

[سالم الظفيري]

ركبت يادكتور سماعتك وين // يقول انا محتار من قو دقة

[الحاصود]

بكره تحسّف ياهوى البال بكره // لاجيت يم المكان وشفت به غيرك



أبو جعيثـن ملخبـط بين الاوزان :)


قهوني من صوتك احلى فناجيل الكلام ..
وآتحلـوى شفتـك .. وآتدفـى ضمتـك ..

[ريوف]

:
:



تكريت والعوجا خلت منه ضرغام .. .. زيزوم ذل اهل العمايم بني فرس


:
:

[إبراهيم الشميلي]

رسى على بحر الغرام بمحيطك = مرسى حنين الشوق تدفعه الامال

[سالم الظفيري]

الطيب عن الطيبين تجارة // وعند الردي الطيب اصبح عار

[عبدالله الجعيثن]

ارتب جروح القصايد بالابيات // حتى تكامل من جروحه قصيده


معذور ياقلبن تحدّه مسافات // جمرة لهيب الشوق تحرق وريده

[سالم الظفيري]

دهور الزمن يصاحبي تتعب الرجال // ونا مالي جدا غير الصبر منة وتحملته

[عبدالله الجعيثن]

تهمنّي جلسة هل الطيب شرواك // واسعالها.. واحتاجها ...واتمنّاه

[سالم الظفيري]

اهواه وريدة ولا ريد غيرة // والمشكلة يضحك لغيري ونا اشوف

[عبدالله الجعيثن]

وفّ العطايا .. دام ربعك طنايا // اللي اذا اعطوا عطا مايمنّون

[رحيل الوهبي]

ون الخفوق و ضاقت احداب مغليك

ابطيت لكن جيت من باب الاخلاق !!!

انا يا لو اني ما احبك و لا اغليك

و الله لا ابيعك مثل ما بعت بفراق ؟؟؟؟؟؟؟

[فلة حجاج]

قاف .. لام .. وباء ../.. باء
بالفشل .. وازريت اتوب

واختزلت اسوء ../.. حياء
لجل ما ../.. تظهر عيوب

ولجل ما ينضح ../.. إناء
ولجل ما اكسر .. قلوب

مدري هي حرفة ../.. اداء
او احاسيس ../.. وتجوب

قلت لك .. خل ../.. الوفاء
الزمن هذا ../.. كذوب

لايغرك ../.. امتلاء
فارغين من الذنوب

[الاصمعي]

بالله قلي ويش ذنبي على شان**أعرف خطاي وانتبه للخطاوي
افتح لك البيبان وتسد بيبان**ضيعت رمعاتي بصعب الغطاوي
صاير علي أجرأ من الذيب سرحان**بليل الشتا جايع وشاف الشواوي

[الاصمعي]

يا صاحبي لا تبيع ميك بحاره**من حين يبلغ طفلهم صار سقّا
ولي عطاك السر بأوضح عبارة**لا تستغل السر وتشق شقّا
خلك مع الي وافقك باختياره**وعن ظلم أخيك يا صحيبي توقّا

[عبدالله الجعيثن]

قامت قيامة طالبين التعدد // وشنت عليهم حرب وسط المضايف

سدد فواتير العتب يامسدد // واترك سواليف العشا والطرايف




:thumb:

[متفاائل]

يفوز به من لا يهاب الصعايب == ولا يقطع الفرجه من الناس خايف

[إبراهيم الشميلي]

نتواصل مع المبدعين

.

.

يفور دم القصيد و تذرف اعيانه = للي فراقه على تسبد الغلا صالي

في كل يوم البعاد يجدد احزانه =والشوق يطوي صحيفة حبك الجالي

.

.

[ريوف]

:
:


ليلة شتا والشوق ادفا ضلوعي .. .. وسط الحشا ناره تزايد لهبها

اشتقت لك والحين بأعلن خضوعي .. .. يامروي " روحي يماها وبردها


:

[سالم الظفيري]

هات الخناجر وطعن الصدر لاهنت // اطعن فديت ايديك قبل الخناجر

[إبراهيم الشميلي]

جرف المشاعر دحدر القلب مطفوق ------- و امسى يهيم بعشق لحظة مروره

[عبدالله الجعيثن]

رهين عينك .. فيك .. مايسمع الناس // يسّد اذنه .. عن سوالف عذوله

[سالم الظفيري]

له بالخفوق اكبر من اللي يقولون // في ذمتي فرقاه اكبر مصيبة

[عبدالله الجعيثن]

بهذل قريحة شاعر الوصف ..وصفه // حتى عجز عن نادر الجسم بوحه

يضيع وصفه لا تعديت .. نصفه // كلن يبي ديوان شعرن بروحه

[ريوف]

:
:

حه << والله لون المتنبي ماجبته .. :)

حدتني حروفن كتبها خلي .. .. اكتب بأثرها واقتفي مكتوبه

"مادمت احبك ي غلاي افطن لي .. .. ولاتستمع حكي العواذل نوبه"

:
:

[الاصمعي]

^
^
ولو ما هنا شيء صعب ، يجيبها متبيوا شمر :thumb:


حه يابابا قصدها يبوي حار**بعد لمست بسرة القلب الجبين
قلت يمه صح جسم ابوك نار**مار ناره في كفوفك تستكين
لو عرفتي يارغد وش فيه صار**كنت قمتي ع المسبب تقنتين

[ريوف]

:
:


‏يندر مثل خلي وجوده مع الناس .. .. من فضل ربي خلقه وكرم أخلاقه


:
:

[عبدالله الجعيثن]

قهوّ الشعر فنجال .. واتركه يثمل // دام السكووون لبادع البيت نعمه

[ريوف]

:
:



مهمل وجودي بالتعمد حبيبي .. .. أكبر دليل انك ترا حيييل مهتم

:
:

[سالم الظفيري]

تمتم فديت التمتمة وانطق الحرف /// يزين اسمـي لانطقته فـديتك

[عبدالله الجعيثن]

تكتبني ابياتي شعر وانت موجود // ماغير اصفصف في بيوتي واردد

لو ان دربك يالغلا دووم مسدود // بيني وبينك ناس ..شغله تهدد

[الشبث]

ددسن وجيب ابيض واكسنت // فرق السما بينهن ما تشابه

والبنت ما تفرق عن البنت // فكري عليه اليوم بعض الكأبه





وتقلدوا تحيتي

[سالم الظفيري]

بهني الشعر النبط دايم جيت انت // نظمت شعرا فيه كل الذرابة

وش جمع الددسن على الجيب وكسنت// ياكود شاعر جاب شعر بغرابة

[إبراهيم الشميلي]

بهرجت همي امام الناس حليته = والخافي اعظم دخيلك يالله الخيرة

[ريوف]

:
:


رهبنت قلبي بالمحبه وترهبنت .. .. وقربت قرباني تخييل ولا فاد


:
:

[سالم الظفيري]

ادري طموحاتك تحطم كياني // بس اعتبر هالشي صعبة تطولة

[عبدالله الجعيثن]

له دلتن باقصى ضلوعي على النار // هو الوحيد اللي اذا جاه شفّه

[ابو ريفان]

فهقت انا ناس و هم حيل غالين *** و قلطت ناس للمهات تقوى .

[عبدالله الجعيثن]

وافي ..واببقى للمطانيخ ..وافي // اللي على طول الليالي يهلوّن

[سالم الظفيري]

ونـه ونيتـه قبـل خمسة اعـوام // ولليوم باقي في خفوقي اثرها

[عبدالله الجعيثن]

هانت عليهم عشرتي واتركوني // راحوا عساهم مايروحون في شرّ

[الشبث]

شرّ البليه يا فهد يضحك الناس // لا خان بك صاحب وخوّن خويه





وتقلدوا تحيتي

[سالم الظفيري]

يهرجلي بصمت ونا فاهماً هرجة ............ كني اشوف الكلام بمحجر اعيونه

[مرزوق الشمري]

سر ياقلم واكتب كلام ابالي@@@@ كلام للي عذب القلب بعده

[الشبث]

دهور خفوقي مثل ما دهور الحظ // تمويه .. يمكن لكن اني تدهورت




وتقلدوا تحيتي

[عبدالله الجعيثن]

رتب جروح القلب .. بشويش بشويش // من كثرها ما عدّت احصي عددها

[سالم الظفيري]

هات السهر والهم والحزن والنوح ........خذ راحتي خذ الفرح والسعادة

[فهيد الطرقي]

دها الرجال اللي يعرفونه الناس ... حاست مريره بالمكايد صغيرة

[سالم الظفيري]

رهنت قلبي له ما هو لغيرة ........... أبيه يسكن في خفوقي وانا أذوب

[سيف الدولة]

وبل تهامى فوق خدي من العين..........ذكرني بناس تزايد غلااااهم

.................

سار القلم واكتب من الشعر بيتين............لاجل المضايف سجليني معاهم

الحين جاهز يالجعيثن وبعدين..............قصيد ولاّ ابياات لازم نساهم


صراحه انا كتبت بعد الجعيثن في الصفحه الا ولى ولم انتبه لللاخيره

ثم عدلت لما قبلي


تقبلوا تحياتي

[فهد المويهي]

أتــيه واْخطي ...\ وااا ترجاه واااتيه = واسْتغفره واااتوب له عن خطايا

الواحد اللي كل نفسٍ تْناجيه = اللي خلقنا تراب \ طين وعرايا