قِم قَهونِي قَبل آصلك وأتقهوآكـ ~حيّاك الله يالجازي

[شموخ شمالية]

.


,






قِم قَهونِي قَبل آصلك وأتقهوآكـ

وأوزنك هيل ويرتبك زعفرآنك




عــشآق القهـــوة http://vb.grorbnat.com/images/smilies/98.gif



عندما تشرق الشمس بنورها
ونعانق نسمات الهواء الباردة
نشتهي أن يكون هوائنا ممزوجا برائحة القهوة
وعبيرها الذي يسلب العقول
حتما لن أقاوم ذلك السحر

::
::


سأستلقي على أقرب كرسي
ويتمدد الفكر والعقل
بحجم الهواء الذي أستنشق منه رائحة القهوة

::
::


(عصر القهوة)

نحن نعيشه الآن بكل تفاصيله
فلكل شخص منا له مع القهوة حكايات ومغامرات
وربما طقوس معينه لاتحلو إلا بالقهوة
يصآحـبها قطعة حلوى وشعور رائع..

ارتبطت قهوتنا العربيه بجمعة الأصحاب والأحباب
والمجادلات الخفيفه وتبادل الأحاديث الممتعة
وفي وقتنا الحالي انتشرت أنواع كثيره
من القهوة فمن العربيه للتركية للفرنسيه
ومسميات أخرى لكل منها نكهة خاصه
ولطالما تغنى الشعراء بالقهوة



القهوة مـــزاج

تأقلم عليه الكثير من البشر
من مغارب الأرض ومشارقها
وهو القاسم المشترك بين غالب الشعوب
وربما تعايشوا معه ولايستطعون الإستغناء عنه



{ وقفة لعشاق القهوه }


1ـ كيف هي قهوتكـ؟؟

2ـ هل انت/ـي ممن يفضل تذوق جميع أنواع القهوه؟ وأي نوع هو الافضل لديك؟؟

3ـ وماهي طقوسكـ والوقت المفضل في شربها والإستمتاع بها ؟؟

4ـ هل القهوه مشروب أساسي لابد من تناوله يوميا؟

5ـ ماذا يعني لكم فنجان القهوة ؟؟

6ـ عبر/ي عن عشقك للقهوه ببيت شعر أو صوره..

7ـ هل أنتـ/ـي من منهم مبدعون في تجهيزالقهوه ضعـ/ـي لنا وصفتك الخاصه؟؟

8ـ متى تصبح القهوة رفيقاً لساعاتكم ؟؟

http://www.3zotie.com/vb/images/smilies/3%20z%20o%20t%20e%20%28155%29.gif


طبعا كل مره نستضيف شخصية ..

أول الضيوف


حبيبة قلبي { الجازي }


:throb:

[الجازي]

أبشري يابعدي

بصقع لتس الردود والأجوبة حار بحار :) <<<< بتحرمين تستضيفينها :)

١/ كيف هي قهوتك !!؟

في الأفراح سكر زيادة وفي الأحزان سادة :)

يابعدي ياشوشو

قهوتي هي قهوتي القهوة النجدية الأصيلة مهيلة ومزعفرة بدون أي إضافة ثانية


٢/ هل أنت ممن يفضل تذوق جميع أنواع القهوة وأي نوع هو الأفضل لك !؟

والله تقدرين تقولين هيك شي بس مو دايم

يعني على حسب مكونات القهوة اذا فيها شيء غريب وما أحبه ماراح أذوقها

واذا تبين الصراحة مافيه مثل قهوتنا المرة ما أذكر اني استمتعت بغيرها

الاسبريسو قالوا لي انها تطير النوم من عيونك وتصحصحك اذا كنتي نعسانة

ويوم ذقتها قلت عمر ابوي ماصحصحت :)

مرة ومركزة بشكل فظيع ماقدرت أكملها


٣/ وما هي طقوسك والوقت المفضل في شربها والاستمتاع بها !؟

طقوس بسيطة جداً

مع تمر وطحينة :d:

ولحالي بعيداً عن أي مصدر للإزعاج أو المشاركة :) <<<< حضرمية قهوة :7ayyoh:

يعني لاتحسبيني بنبسط اذا جيتي تشربين قهوة معي :)

وبالنسبة للوقت فغالباً بعد الظهر وبعد المغرب ولو حصلت في أي وقت ثاني الساعة المباركة :)


٤/ هل القهوة مشروب أساسي لابد من تناوله !؟

بالنسبة لي مايبيلها كلام لو ما أشربها في يوم يبدا الكافيين يلعب في راسي :)


٥/ ماذا يعني لكم فنجان القهوة !؟

الفنجان مايعني شيء بس القهوة اللي فيه هي اللي تعني :7ayyoh:

ما أبالغ اذا قلت لك انها بمثابة الصديق أعتبرها متنفس لي وقت الضيق ووقت الفرح


٦/ عبري عن عشقك للقهوة ببيت شعر أو صورة !؟

توني متقهوية وبغيت أصور لتس فنجالي بس تزيولت :)

قوقلت لتس على بيت شعر ولقيت هالبيت الحلو لخلف بن هذال :

سووا لي الكيف وارهو لي من الدله ## البن الأشقر يداوي الراس فنجالـه

كيفٍ لنا نحرقـه بالنـار وانزلـه ## واليا انقطع لو ورى صنعاء عنينا له


٧/ هل أنت ممن هم مبدعون في تجهيز القهوة ضعي لنا وصفتك الخاصة !؟

والله أنا قهوتي تتأثر بحالتي النفسية والمزاجية :)

إذا أنا رايقة أبشري بالقهوة اللي تعدل الراس :d:

وإذا المزاج الله بالخير فأنا قهوتي بتصير مثل مزاجي الله بالخير :)

مافيه وصفة معينة هي نفسها الوصفة التقليدية بس يعتمد على نوع البن ودرجة لونه وطريقة حمسه


٨/ متى تصبح القهوة رفيقاً لساعاتكم !؟

والله ماعندي مشكلة تصير رفيقتي كل وقت لأنها معشوقتي اللي مستحيل أمل مجلسها :d:


وخلصت ياشوشو تامرين على شيء ثاني يابعدي

ترى لولا غلا القهوة وغلاتس والا ماجاوبت <<<< بدت المنة :7ayyoh:

تسلمين يابعدي على هالموضوع الكايف

تقبلي ودي :d:

[راعي الوقيد]

مشكورة ع الموضوع الرائع اختي ام عمر
وعز الله اخترتي بالإفتتاحية ضيفة رائعة
سيدة من سيدات المضايف:)

---

خوش فنجال والله يالجازي
بس طال عمرتس اختي ا
كفيتي ووفيتي ؛ يا عله ماتهجر:)

[الجازي]

^
^
شيدة :7ayyoh:

هذي وش تصنيفها

بين الآنسة وبين السيدة والا وش تصير بالضبط :)

[عبدالله الجعيثن]

قهوه



موضوع رايق ومزااااج



شكرا ام عمر وشكرا لاختنا الجازي وحضورها المميز

[راعي الوقيد]

زلت كيبورد لاتصيرين بدووق:)

[شرهه]

الموضوع عنوانه يخرع ..احس ان بوه عداونيه




تهديد هي يعني



الجازي وشلون ترضين تردين وهي تهددتس



اوووويطي طلعتي ماش ... تذلين





ان زل عن المزح :)





موضوع رائع .. و استضافة ارووووع



لاهنتن كلكن ولاتهددين مرة ثانية هههههههه

[الجازي]

^
^
بلاتس ماتدرين وش انا مسويتن بها في الخاص :)

ماودي احتسي مراعاة لمشاعر شوشو تخبرينها مرهفة الاحساس

لو انه انتي تسان فضحت بتس :)

[الجازي]

راعي الوقيد

ابو غازي

الشكر لكم انتم على المتابعة والتشريف


لو عندي دلة قهوة صبيتها لي :) <<<<< براااا :)

[شرهه]

^

هكذا هم الجبناء دائما قه قه قه

[الجازي]

اخس عليتس ماهقيتس تكرهين شوشو لهالدرجة

تبيني افضح بها وهي اللي لها معروف عليتس :)

[شرهه]

هذا لا يمنع انتس جبانة ..



وما اجبن منتس الا راعي الوقيد وعبدالله الجعيثن



>>حاقدتن عليهم

[الجازي]

انا حاسة انتس انتي اللي مرتاعة :7ayyoh:

[شرهه]

^

حلوة مرتاعه ..تصدقين يصلح لقب بشات بداية هههههههههه

[الجازي]

ههههههههههههههاي

الله يرجتس

وش تقرب لتس امي :)

[عبدالرحمن]

قهوة اليوم لم تعد قهوة الامس!
التغيير والتحديث والاضافات سمة الاشياء
لكن ان تتغير القهوة من بن وهيل وزعفران ومسمار
الى اضافات لا يعرف عددها بالضبط كم هو فهذا تخريب للقهوة وعبث بالصحة!
نعم ارى البعض من الناس يضيف الى القهوة اشياء لا تعرف ماهي!
فهذه قهوة لونها برتقالي وهذه قهوة لونها كرزي و...........الخ
فهذه الاضافات تضر بالصحة وقد استطيع ان اقول ان البعض من الناس
من يضيف مادة تلوين الرز الى القهوة لانها مادة رخيصة!
وحتى طريقة اعداد القهوة خطأ ! فهذا يشتري قهوة محموسة والاخر مطحونة!
ولان في القهوة مادة زيتية طيارة ستذهب منها في حالة الحمس والطحن
ان لم تقدم مباشرة
وهذا مايغيب عن اغلب اصحاب كيف اليوم!.
موضوع جدا رائع اختي القديرة ام عمر فلك شكري وتقديري
والشكر موصول الى اختنا القديرة الجازي.

[-------]

^

حلوة مرتاعه ..تصدقين يصلح لقب بشات بداية هههههههههه
:7ayyoh:
شات بداية تراني متابعته وعندي لقب هناك وصديقات منكم

ذكرتيني ببييت عرسان وزد رصيدك تابعتيهم :thumb: ياقدمي

وشو لقبك هناك ابي اهبب فيك بالخلطات :)


شموخ موضوع رايق شكرا roooose

[الجازي]

عبد الرحمن

إيثار

شكراً لتشريفكم

[شموخ شمالية]

.



,


الجازي وشرهه
حبيباتي تعالن بكلام نواعم
>> ناوية الشر بهن

[الجازي]

انتي من جدتس !!؟

نمت وقمت وعشاتس مانزلتيه !!

مابيصير هالحكي بنوب الله يرضى لي عليكي

[شموخ شمالية]

^
^


الضاهر أن عشاه أكله البس :315r:

راح أنزل لك صورة كب كيك سويته الليله بس مدري انزلهن الليله او بكره
لاني الصراحة انووود مانمت الا ساعتين :315r:

[الجازي]

دواتس عند شرهوه هي اللي تعرف لتس :)

[صلفيق]

عزالله ابدعتي يـ ام عمر..
بالموضوع وبـ اختيارك للضيف
وكعادتك دائما متميزة

لاهنتي



احترامي،،،

[الجازي]

ماشاء الله عليكم !!!



وش هالقلطة في استضافتي :)


الحين أقول لكم أحب أشرب قهوتي لحالي وآخرتها الموضوع كله مشاركيني فيه :7ayyoh:




لاجينا للصدق عاد الله يحييكم والله وتو مانور الموضوع بتشريفكم <<<< بعد إيش ياخالة :)



بس حرام والله تندفن ردودكم في موضوعي


من رايي تفصلها شموخ كل واحد منكم بموضوع عشان نعرف نمزمز عليكم صح :)

[شموخ شمالية]

.

,



آآسفه آخواني أنا مانبهتكم أن كل ضيف يكون بموضوع لحاله
أنا راسلتكم علشان أستضيفكم كل يوم او يومين عضوء



المعذرة ياعزوتي راح أتعبكم معي شوي وأطلب منكم نسخ ردودكم
لاني راح أفتح موضوع لكل عضوء لحاله

[شموخ شمالية]

.

.



موضوعتس تحت أمرتس ياعسل
آسفين ع الاغلاق تخبرين نبي ننظّف ونبخرّ المشب لضيوفتس :7ayyoh:

[راعي الوقيد]

ناسٍ تبقل وناسٍ تمنى الشنينه
:7ayyoh:

[الجازي]

وش تنظفون

هو أمدانا نقلط به عشان يتوصخ :)

خربتوا قهوتي ومزاجي وكل حاقة

منكو لله يامفتريين :7ayyoh:

[ابو ضاري]

تراها نصبت الحضرميه :)

[الجازي]

الحضرميات واجد أي وحدة فيهن :)

[ابو ضاري]

شكرا اختنا ام عمر على هالضيفه الكبيره


شكرا خالتي الجازي على هالفنجال

[الجازي]

صلفيق

راعي الوقيد

أبو ضاري

شرفتوا مقهاي :)

تسانكم مشتهين قهوة ترى ابو فهد وشبيثان فاتحين فروع جنبنا :7ayyoh:

[جمران]

يعطيتس العافيه الجازي


فنجال طيب








ام عمر موضوع رائع واستفتاحيه مميزه

[الجازي]

حياك الله يابو نورة

تشرفت بوجودك

[شموخ شمالية]

.


.


الجازي
وين القهوة
بساع ياعزوتي أبي لي مهيّلة تعدّل هالمزاج

[الجازي]

لاوصلني عشاتس وحلاتس

ذيك الساعة يمدينا نتفاهم :)

[شموخ شمالية]

^
^


عشاي الليلة مرقوق اذا جهز أرسل لتس
الحين ارسلي القهوة ياجدي

[الجازي]

م

ع

ص

ي

:7ayyoh:

لايلدغ المؤمن من جحر مرتين :)

لامن شفت مرقوقتس الليلة أبشري بالقهوة :thumb:

[شموخ شمالية]

^
^


المرقوق على النار ومايخلص الحين
وأنا راسي مصدّع أبي قهوووووووة
العشاء ممدين عليه

[مطلق الثنيان]

^
^


المرقوق على النار ومايخلص الحين
وأنا راسي مصدّع أبي قهوووووووة
العشاء ممدين عليه
هاتي القهوة المهيّلة لام عمر ..

أخلصي يالجازي:)؟!

[الجازي]

ايه زي هذيك المرة


كان العشاء على النار

وعقب النار ماشفنا له آثار :)

راستس يصبر لما يخلص مرقوقتس :)