نصيحة رجل للحريم العاقلات :)

[الجازي]

ولا هو أي رجل


رجل حكيم


خبير


متمرس في العلاقات الاجتماعية وخصوصاً منها العلاقات الأسرية وخصوصاً منها العلاقات الزوجية :7ayyoh:

تدرون من هو !؟


الدكتور الكويتي جاسم المطوع :)

ريوم لازم تحطين أهل الكويت على راستس عقب حتسي هالدكتور :)


شوفوا وش يقول لبى مخيخه هالمفتح :7ayyoh:

يقول قبل شوي في التويتر :

“@drjasem: إذا قررت تعدد اسأل نفسك أولا
هل زوجتك الأولي من النوع المتفهم أم المتهور
وبناء علي ذلك يمكنك اتخاذ القرار الذي يفيدك”



شفتوا الحتسي السنع اللي يوسع الصدر


يعني يالحريم العاقلات انهبلن لاتصيرن متفهمات :7ayyoh:

خلوكم دايم الدوم متهورات :3ajebni:

لأن تهوركم راح ينبني عليه قرار التعدد

كل مازادت حدة التهور كل ما انعدمت احتمالات التعدد


وكل مازاد عقلتس وتفهمتس فأبشري بالجارة والجارتين والثلاث :7ayyoh:

وأنا اقول وش عنده عبدالرحمن هاج من الكويت وجاي للخفجي

اثر مثل هالحتسي واصله وخايف على الشريحة اللي مسيطر عليها إنها تتأثر بكلام دكاترة الكويت :)





هاه ريوم لا أوصيتس

لاتمر دورة من دورات الدكتور الا وأنتي حاضرتها مع أبو طلال :thumb:


خوش حتسي حتسيه :)

[الحيمري]

يعني يالحريم العاقلات انهبلن لاتصيرن متفهمات


الجازي
نصيحتك هذي للحريم اذا مشن عليها الصبح وكل وحده عند اهله طلاق بدون عوده ورجال هــ الايام يدورون اي عذر بمناسبه توفر البنات خريجات الجامعات ومديرات المدارس

واحد
خطب قالوا له عندك زوجه وعيال قال زوجتي مريضه
ولي الحق اتزوج قالوا وش مرضه قال نبت بصبع رجله ثالول
والدكتور قال نقطع الثالول شفتو قلت مريضه يعني تبي تسوي عمليه ثالوليه

والثاني
خطب مثله عذره زوجته ينامت تغمض ولا تفتح عيونه اللا الصبح وهذا سراحه عذره شرعي

والثالث
خطب مثلهم وعذره قبل 20 سنه صبح العرس ماسوت له غداء وتوه تفطن


شفت اختي الجازي لكن غير النصيحه قولي امزح عليكن خلوكم واقفين وكل ماقالوا ازواجكن ردن عليهم صح لسان ابوالينت نسله واخاف بعضهم مايفهم يحسبنه تشتمه


شكرا اختي الجازي

[شموخ شمالية]

.



,


هالدكتور لازم يجي لحايل
الحوايله مدري وشبهم هالسنه كل يوم معرسن واحد
واللي يقهر إن كل اللي أعرسوا على الثانية حريمهم زين وحلا طبايع :)




,,,

منّورة ياأحلى البنات
وياهلا rooose2

[الاصمعي]

بس كلام هالدكتور يتراوى لي مهو لصالحكن <<<اقرنه بعيون الرجال وتعرفن خطورته!!

يصلح لكن أكثر مقال الدكتور العودة عن التعدد:)

يحنن الرجال عليكن مهو مثل المطوع الي يخوف الرجال منكن وهذا أكثر ما يستفز الرجل حتى لو هو خواف خلقه:)

[الجازي]

بمناسبة توفر البنات خريجات الجامعات ومديرات المدارس :3ajeeb:


صارن وظايف ماهن بنات :7ayyoh:

والله يابو منيف من امثلتك اثبت لي بما لايدع مجالا للشك ان المره كل ما صارت متهورة صار آمن لها

على الاقل رجلها بيحسب كل الحريم متهورات مثلها ويبي يفكر مليون مرة قبل يعدد ويبي يقول لنفسه وش لي ببلوتين

وحدة تكفي وتزيد :)

حياك الله أخوي

[الجازي]

يابعد قلبي ياشوشو

اكيد بيعرسون عليهن

دامتس تقولين انهن كلهن حلا وزين طبايع

ابد انصحيهن بنصيحتي قصدي نصيحة الدكتور :) وخليهن ينهبلن ويتهورن وأبشري بالخير

اذا ماصارت السنة الجاية سنة تعدد الازواج بدل الزوجات شيليني من قائمة الصداقة <<< عسى ماتكلفتي :7ayyoh:

نورتي موضوعي يالغلا

زاد حبي لهالموضوع يوم انه جابتس :d:

[الجازي]

مقال العودة الله يجزاه خير زين مامثله

بس مشكلته انه مايناسب ربعنا :)

انت تقول يحنن الرجال علينا

والرجال اللي قلبه حنيّن ماهو معرس على مرته أصلا :)

واللي مايدري وين درب الحنّية معه عز الله بيقرا عنوان المقال على هواه ويخليه (( زوجة واحدة لاتكفي )) :7ayyoh:

خلنا نمشي على النظام الكويتي كوده يجيب نتيجة

حياك الله يابو خالد

[سالم الظفيري]

والله هادكتور ارتفع سعرة عند الحريم


طيب اختي الجازي وش رايك في المثل القديم

طق النساء بالنساء

ولا تطق النساء بالعصى

يعطيك العافية

لك تحياتي

[الجازي]

^
^
وليه الطق أساساً !!؟


أنثى رقيقة ومرهفة وضعيفة تستقوون عليها بالعصا أو النسا ليه :)

عموماً لفّة سريعة في بيوت المعددين تثبت لك ان المعدد لايجرؤ على التعدد إلا ان كانت زوجته حبيبة وضعيفة ومكسورة جناح

أما الزوجات النكديات المتسلطات فأزواجهم غلبانين :7ayyoh:

شرفتني أخوي سالم

[سالم الظفيري]

اختي الجازي مجرد مزح ترى


وكلامك فعلا صحيح

بس انا اقول لك ان الزوجة الذكية مستحيل تخلي زوجها يتزوج عليها


عذرا على العودة


لك تحياتي

[عبدالرحمن]

فعلا الزوجة المتهورة تخيف زوجها فلا يتزوج عليها خوفا من هذا التهور>شفتي اني منصف:)
بقولك هذه القصة : فيه واحد من الجماعة بس يسولف ابي اعرس دورلي مرة :a:
ولاني ما احب الرجل اللي يسولف بشي ولا يفعله قررت ان اوقف هذا -الموذي !
وفي يوم من الايام مسكته وقلت له يابو فلان ترى كثر الكلام بالمجالس بهالموضوع اصبح يؤثر على سمعتك!
قال ليه قلت بكل مجلس ابي اعرس واعرس وانت بس سوالف قال اسمع يابو يوسف
( والله لو ادري ان زوجتي ما تنتحر الا اتزوج من بكرا)!!.
لك كل تقديري القديرة الجازي.

[الجازي]

حياك الله أخوي سالم

وأنا عارفة انك تمزح :)

تشرفت بعودتك

[الجازي]

ماشاء الله عليك يابو يوسف

وش عندك !!؟

أخاف انها بس حركة التفافية زي مايقولون :7ayyoh:

بس قصتك والله شاهد ودليل قوي على صحة كلام الدكتور جاسم الله يكثر من أمثاله :)

حياك الله أخوي عبدالرحمن

[عبدالرحمن]

وأنا اقول وش عنده عبدالرحمن هاج من الكويت وجاي للخفجي
-----------------------
هجيت لان براسي هجمات كثيرات
لكن هالمرة على المرمى السعودي:)

[ريم شمر]

اصلا الكويت كلها ماتباركت الا بوجودي :d:


بس لاتاخذين حتسيهم جد


تراهم مابين غمضة عين وانتباهتها يغيرون ويبدلون :qannaj:

[الجازي]

اجل الله لايسدد رميك يابو يوسف :)

[الجازي]

ريوم يابعدي انا اشهد انهم ماطلعت هالآراء السديدة من فطاحلتهم الا بعد ماشرفتيهم :)

بس عاد سايسيهم يابنية عمي

الحتسي اللين يغدي بالحق البيّن على قولة ماي قراند مذر :7ayyoh:

خلينا نمسك الحبل من الوسط ونكسب لنا كم دكتور من هناك نهاجم بهم دكاترتنا :)

[عبدالرحمن]

افا وش هاللي تقول عساك تصير هداف شمر :)

[متعجب]

( والله لو ادري ان زوجتي ما تنتحر الا اتزوج من بكرا)!!.


المجالس أمانات الله يصلحك

ما ينقالك شي بتاتا

[عبدالرحمن]

^
انا ما ذكرت اسمك فلا تفضح روحك :3ajebni:

[الجازي]

شفتي ياريوم

قلت لتس سايسيهم

استلمي الحين بدت تطلع التحريفات في الأدلة والشهود :)

الصراحة انا وصلتني القصة من مصدرها الحقيقي اللي هو الزوجة

تقول انها مهددة زوجها تشب فيه يوم عرسه وهذا اللي مخليه يهوّن عن العرس ومخلي الدكتور جاسم يحتسي هالحتسي

عشان ماتتكرر العواقب الوخيمة

وما حادثة حريق الجهراء عنا ببعيد الله يرحمهم ويغفر لهم

[ريم شمر]

ومالوووه نسايس الين تعدي هالسنه على خير :qannaj:






ريمو قربي بقولك شي

انتي ماتلاحظين ان الشيبان قاموا يفضحون ببعضهم :315r:

[الجازي]

هذا نتيجة المسايسة يابعدي

كل ماسايستي اكثر كل ما انكشف المستخبي :7ayyoh:

[ام الشيخ سلوم]

موضوع حلو

عاد تصدقين فيه حريم عكس كلام الدكتور

جدتي خطبت لجدي وزوجتوه

وأمي خطبت لأبوي ورقصت وزفت العروس عليه

سبحان الله سألوهن الحريم وش تحسون فيه:a:

قالت امي ابد والله ابيه يستانس ويجيه لوه وغيد يلعب عليه تالي عمروه

وأنا مليت ابي اتحرر وأسافر وأسير لعيالي اذا ضاق صدري وهذي كل الحكايه

وأنا والله يامحاتسيتس اني اتحكحك n)ودي ازوج ابو الشيخ سلوم

بدت الوراثه تشتغل:315r:

[بالمختصر..]

،





اتوقع حتى الرجال اللي يبي يتهور تتركوه زوجتوه يتزوج عليه عشان تفتك منوه :(

يعني النصيحه عامه ، للأسف ..





.
.

[الجازي]

هلا والله بأم الشيخ سلوم

أبد مافيه أحد عكس كلام الدكتور

واذا قصدتس على امتس وجدتس فأنا أشوفهم مع كلام الدكتور والدليل شوفي امتس وش تقول :

(( وانا مليت ابي اتحرر واسافر واسير لعيالي اذا ضاق صدري ))

يعني امتس اللي تبي الفكة :7ayyoh:

وأهقى ان جدتس مثلها :)

وانتي بعد ان لحقتيهم فانتي مثلهم تبين راحة البال والحرية مهو عشان خاطر عيون ابو الشيخ سلوم :)

[الجازي]

بالمختصر

لا لا

لاتخربين مخططاتي :)

شوفي يابعدي

الرجال اربع وعشرين ساعة متهور :7ayyoh:

والمره مخلوقة عشان تحتويه وتمتص تهوره الإجرامي قبل لايستفحل ويصير وباء على المجتمع :)

يعني نصيحة للمرأة : احتوي تهور زوجك وامتصي غضبه ولا تسمحي له بالتنفيس عن تهوره بأي شكل من الاشكال الا عن طريقك انت وبما يتناسب مع ميولك ورغباتك :)

ونصيحة للرجل : احذر من تهور زوجتك واحذر من استفزازها بأي شكل من الأشكال لأنها قنبلة موقوتة حين تنفجر فهي تفجر ماحولها وتبقى سليمة :)<<< يمديتس على مواصفات هالقنبلة بس :7ayyoh:

[متعجب]

^
^

وين طالبان عنك<< خوش قنبله .. لا انتحاري بعد اليوم


*
*
الدكتور لما تكلم عن المرأة المتهورة اظنه ولا اجزم
أراد بذلك من تخدمها قوانين المحاكم وتستطيع خلخلة
الوضع المادي والنفسي لزوجها بقضية مستعجلة ترفعها ويأتيها
الحكم بأشهر قليله وغالباً ما تنجح في مسعاها

لذلك أرى انه يوجه كلامه لابن بلده محذراً أياه من تهور
بنت بلده

من يحتمل ان يحكم عليه خلال ٣ اشهر بالاتي:

نصف البيت او بيت مستقل
نفقه شخصية
نفقة اولاد
خادمة
سائق
مصاريف موسمية
تزداد النفقه بازدياد دخل الزوج

والباب مفتوح لاي مطالبات يراها القاضي


الاستقرار حلو

[الجازي]

^
^
كان غيرك أشطر <<< غيرك يعني عبدالرحمن :)

الدكتور زي ماقلت لكم مختص في العلاقات الأسرية والزوجية منها على وجه الخصوص ودوراته طافت العالم العربي حتى جيزان وصلها :7ayyoh:

يعني الدكتور نطاقه أوسع من المحلي

وكونه ينشر نصايحه في التويتر مع العلم إن الكم الأكبر من متابعيه هم من السعودية فهذا بالتأكيد يخليه أحرص منا على انتقاء نصايحه وتحويرها لتكون مناسبة للشريحة المتابعة له :)

يعني باختصار الدكتور يعمم النصيحة لكل زوج كويتي سعودي مصري هندي أمريكي ....


بعدين بالله هالأحكام اللي راح تطبق عليه وش فيها من التهور !!!

بيت مستقل ومن حقها لا له فضل ولا منة :)

نفقة شخصية وهذا مفروض منه قبل العرس وبعده

خادمة وسائق حق كفله لها الشرع :)

مصاريف موسمية برضو مفروضة عليه من قبل مايتزوج عليها


والا ان شاء الله ناوي يسقط عنها كل شيء ويحوله للعروس الجديدة !!!


الزبدة اللي تهمني في ردك :)


(( الاستقرار حلو ))


برايفت ريوم :

تسان تقدرين تاخذين جنسية كويتية ترى ماهيب شينة تنفعتس في اليوم الاسود مع ابو طلال :d:

[متعجب]

انا اكلمك عن الدول النظامية وقوانين مفعّله حكماً وتنفيذاً
تختص بالاحوال الشخصية والمرأة لا نوت على شر


نعم انا وياك ان جميع الامور والمصاريف موجودة من اول
ولكنها بالتراضي وتقدير الظروف المالية للزوج والرضئ بما قسم

ولكن عند دخول المحكمة طرف ثالث وتم الفراق
لا تنظر المحكمة لما سبق ولكن تأخذ الأمر نسبة وتناسب
واحياناً فوق التناسب اذا كان القاضي والمحامي ملاعين خيّر
هذا ما عناه الدكتور بالتهور اسقاطاً على وضع البلد كونه قاضي سابق احوال شخصية


اما انه يعني المرأةوفي كل البلاد وعلى سبيل المثال السعودية

وش عندها لا تهوّرت؟

خلي حضرة القاضي يفكها من براثن الزوج<< اظنه كما يقال بالمشمش


الا إن الزوج السعودي في بحبوبه من الخيارات ودربٍ خضر

[الجازي]

ما اعتقد ان الدكتور وهو يخاطب شريحة كبيرة من مجتمع غالبيته لايلجأ للمحكمة لقضية التعدد ان يكون هذا قصده

خلني اقول لك رايي فيما يظنه الدكتور قد يحصل بسبب تهور الزوجة !!؟

بعض الزوجات انتقاميات لدرجة قد تؤذي الزوج او اهله او حتى زوجته ونسمع بعض الحوادث التي وقعت هنا وهناك تؤكد هالكلام

البعض الآخر من الزوجات قد يسبب لها زواج زوجها عليها انهيار نفسي ومعنوي يترتب عليه اهمال لزوجها واطفالها وبالتأكيد اهمال لنفسها

بعض الزوجات على قناعة تامة ان الطلاق وزواج زوجها عليها متساويان عندها في الأذى فترجح كفة الطلاق لتتخلص من هم التفكير فيه ومتابعته بعد زواجه

والطلاق ضرره كبير اكبر من منفعة التعدد :)

تهور الحريم مايعرف له الا الحريم وبحكم ان الدكتور تصله قضايا بهالخصوص فأعتقد ان قصده يميل لما أراه :7ayyoh:

[أبو فهد]

قال متهورات قال


ما يدري إن هالسمة دايم معهن إلا من رحم الله



لكن يالجازي إليك كلام الدكتور سلمان العودة الذي هو أقرب للأفئدة



أعتقد مر عليتس و قريتيه و حافظته عن ظهر قلب :)




لا و يبن يسوقن بعد




----------------
أبو فهد الهمزاني

[الجازي]

الا والله مر علي وش زينه :d:

بس البلا انه موجه لكم

وكل اللي ردوا عليه من جنسكم كانوا ضده

تسنه قايلن كفر بواح ياكافي :)

بس وش دخل السواقة !؟

انا عن نفسي مابي اسوق لو فيني الموت

الا تسان في البر او المزرعة من باب سعة الصدر والترفيه :)

[ريم شمر]

انا مندهشه من عدد الحروف اللي تعدى النصاب في الردين 28 و30 :a:




ريوم

والله ان الفكره جايزتن لي واخطط لها
الحياة بالكويت مريحه وعاجبتني :d:

[الجازي]

^
^
خلاص

شوفي شروط التجنيس وعلميني ألحقتس :)

[شموخ شمالية]

^
^


لاتنسن خيتكن أبي معكن :7ayyoh:

[الجازي]

شموخ اصبري نبي نجرب الوضع تسانه زين دقينا عليتس <<< حشا طالعين حداق الاخوات <<< تسني عاد اعرف وشو الحداق :7ayyoh:


وتسانه ماش خليتس على وضعتس ابرك وانا برجع لتس عقب :d:

[شموخ شمالية]

^
^


أنا من الحين غيّرت أسم عمر لـ جاسم :d:

أبروح معك أجرّب وش وراي واذا صلح لنا الوضع ناخذ شرهه بعد

[مطلق الثنيان]

.



,



هالدكتور لازم يجي لحايل


والله إن جا لإصدمه بسيارتي وأغوله وأكتم نفسه ياما يعرف أن الله حق:)!!





الحوايله مدري وشبهم هالسنه كل يوم معرسن واحدحددّي يا ام عمر الحوايله ولاّقبيلة شمّر:)..؟!.. ماكل الحوايله شمامرة ياشموخ ....



واللي يقهر إن كل اللي أعرسوا على الثانية حريمهم زين وحلا طبايع :)

أمّا هذي أن أشهد أنك على حق لكن لاتبالغين وتقولين كلّهم .... قولي بعضهم ؟!
واحد من أعز وأقرب أقربائي أعرس وتزوج الثانية مع أن زوجته معروفه عند الجميع وبشهادته هو شخصياً تحطّّها على الجرح ويبرا ولو كنت مكانه والله ماتزوج عليها إلاّ أن يمحو الليل النهار أوتبيد سراة بكر فلايبقى لها أبداً آثار..!!
ولكن سبحان الله تزوج عليها لكنه يبقى إستثناء وشاذ عن القاعدة عندنا حنّا ياشمّر حائل أما الحوايله اللي تتكلم عنهم شموخ فما أدري عنهم:)؟!

وبالنسبة لهم أعني الحوايله فلا أقول إلا كما ماقال حفيد الجنازة الله يرحمه ويسكنه جنات الفردوس الشاعر الأمير طلال عبدالعزيز الرشيد ...


أبراي لله وأحتسب ...!!!




الجازي ردك على شموخ يدل على أنك مجرمة حرب ؟!
تقولك حريمهم زين وحلا طبايع :)



يابعد قلبي ياشوشو

اكيد بيعرسون عليهن

دامتس تقولين انهن كلهن حلا وزين طبايع

ابد انصحيهن بنصيحتي قصدي نصيحة الدكتور :)الجازي تقولين هالسنة سنة تعدد الأزواج ...!؟
مجرمة حرب قليلة في حقك ..!!:a:
وين أبوسلطان عنك:)؟!
هذه العبارة تكفي لإيقاف عضويتك عن مضايف شمّر كونها تخالف كل القوانين المعروفة والغير معروفة بل هي مخالفة لكل القوانين الإلهية وحتى الوضعية ..!!
أنتي تتجاوزين كل الخطوط الحمراء منها والصفراء يالجازي وتخالفين قوانين الدين والدولة والشريعة ومضايف شمّر ..!!؟
أركدي يالجازي ولاتحديني أنخى أبوسلطان يعطيك أنذار أويوقف عضويتك :)؟!

[الجازي]

:)

مجرمة حرب :7ayyoh:

بصراحة هذي شهادة أفتخر فيها من إعلامي شمري متميز

تدري ليه !!؟

لأن هذا المطلوب

إني أكون متهورة

وأعتقد درجة مجرمة الحرب هي أعلى درجات التهور

بكذا أكون طبقت كلام الدكتور :)

بالنسبة لمسألة تعدد الأزواج فأنا قصدي بالطريقة المشروعة والحلال

يعني تدفن زوج وتروح للي بعده وهكذا دواليك :7ayyoh:

طبعا دفنه ماراح يتم إلا لما يصيرون الحريم مثلي مجرمات حرب :d:

وصلى الله وبارك :)

[متعجب]

انتي وليد المعلّم يقربلك؟

[مطلق الثنيان]

:)

مجرمة حرب :7ayyoh:

بصراحة هذي شهادة أفتخر فيها من إعلامي شمري متميز

تدري ليه !!؟

لأن هذا المطلوب

إني أكون متهورة

وأعتقد درجة مجرمة الحرب هي أعلى درجات التهور

بكذا أكون طبقت كلام الدكتور :)

بالنسبة لمسألة تعدد الأزواج فأنا قصدي بالطريقة المشروعة والحلال

يعني تدفن زوج وتروح للي بعده وهكذا دواليك :7ayyoh:

طبعا دفنه ماراح يتم إلا لما يصيرون الحريم مثلي مجرمات حرب :d:

وصلى الله وبارك :)

الله يستر منك يالجازي ..!!

بصراحة شديدة أنتي إمرأة خطيرة جداً ... !!

أعلن عجزي وإستسلامي أمامك وأرفع الراية البيضاء ... !!

وش الحل معك..؟!
ماني قادر أصيدك يالجازي ..:)!!

[ريم شمر]

وانا غيرت اسمي لام حوسييين :d:<<< كويتيه شيعيه :qannaj:

تعالوا تعالوا

ابد الوضع فله

بنسوق ونفحط على كيفنا

ورايحين ورادين ورادين ورايحين وسوالف ووناسه :315r:

[الجازي]

انتي وليد المعلّم يقربلك؟

لا

يقرب لي جاسم المعلم

قصدي المطوع <<< المطوع باللهجة الخليجية معناها المعلم :7ayyoh:

[متعجب]

بس بجد

قاعدة تمارسين التضليل الاجتماعي لبنات جنسك
مستغلة كاريزماك << تيشكن

[عبدالرحمن]

امر تهور الزوجة لا ينفع مع كل زوج! نعم هناك من الازواج اذا ما رأى ان زوجته متهورة طلقها على الفور!
وهناك من هو ادنى من ذلك بقليل وهو الذي يهجرها سنوات او شهور وهناك ادنى من ذلك وهو الذي يجلب لها الهدايا والزورات!
وهناك من هو لا -يفص - ويقترب من صف الذين جعلوا العصمة بيدها!
يعني الامر كله يتوقف على شخصية الزوج ولا علاقة للزوجة بشيء من ذلك حتى وان تهورت!
اقول الزبدة الى كل زوج ينوي التعدد بان يضع زوجته امام خياران لا ثالث لهما
وهو ان يخيرها بين زواجه من ثانية وبين طلاقها!
وسيرى المفعول السحري!> يدري تم تعليق عضويته في جامعة الجنس الناعم:)
حمرو العيون بس وشوفو النتائج الايجابية.

[مطلق الثنيان]

وانا غيرت اسمي لام حوسييين :d:<<< كويتيه شيعيه :qannaj:

تعالوا تعالوا


ابد الوضع فله

بنسوق ونفحط على كيفنا

ورايحين ورادين ورادين ورايحين وسوالف ووناسه :315r:

:rolleyes:

أم طلال ...
أنتبهي لايسمعك عبالواحد يجيكم يركض :361r: الرجال ماندري هو سني ولاشيعي

لإن الظاهر أنه هو نفسه بلشان بعمره ومايدري هو سني ولاشيعي(شني) :)

[مطلق الثنيان]

بس بجد

قاعدة تمارسين التضليل الاجتماعي لبنات جنسك
مستغلة كاريزماك << تيشكن

صدقت أخوي متعجب بدليل أن ام عمر صارت أم جاسم
وأم طلال صارت أم حوسيييين كويتية شيعية ..!!
يعني تشيعت بنتنا بنت شمّر ريم شمر والسبّه كارريزما الجازي:)

الجازي .... أنا خابرن أن عندك نيّه تجين لحايل هالشهرين ؟!
إن شاء الله أنك غيّرتي النية ..!!
كان ماغيرتي نيتك مابقي الا الكلاشنكوف:)!!
ياروح مابعدك روح :)

[الجازي]

أفا بس أفا

الحين بالله أنا وش ذنبي

وليه تحطون فيني شيء ماهو فيني

الكاريزما كاريزما الدكتور

أنا مجرد ناقلة لما قاله

رب مبلغ أوعى من سامع :)

اذا السالفة فيها تضليل فالدكتور جاسم سيد المضللين :)





بس عاد الحق ينقال

الدكتور ماقال شيء غلط

وأنا ما أقدر أتخلى عن مناصرته ومؤازرته حتى لو انحرمت من الجنسية الكويتية والسعودية بعد :7ayyoh:

أما حايل فأنا بمرها مرور سريع باخذ شموخ وأزرع ألغامي وعالكويت دايركت عند ريومة حبيبة قلبي :d:

[مطلق الثنيان]

أما حايل فأنا بمرها مرور سريع باخذ شموخ وأزرع ألغامي وعالكويت دايركت عند ريومة حبيبة قلبي
:d:

بكيفك أنتي وحبيبة قلبك ريومة الشيعية :)لكن بنت حايل شموخ شمالية معصي تاخذينها معك:)؟!

تمرين حايل مرور سريع ولاّبطيء مايهم .... المهم أن شموخ مارايح تاخذينها معك ولو ياصل الدم للركب ولو على جثتي يالجازي:)؟!

[الجازي]

اجل ونعم الراي

حنا أصلاً يبيلنا مندوبة في حايل تنشر أفكارنا التوعوية :)

نصير نتواصل معها من الكويت وندعمها بدورات مجانية من الدكتور وهي عاد تعرف وشلون تتواصل مع حريم حايل :7ayyoh:

بعد قلبي شموخ معليش لازم تضحين عشان بنات ديرتس :)

[الحيمري]

امر تهور الزوجة لا ينفع مع كل زوج! نعم هناك من الازواج اذا ما رأى ان زوجته متهورة طلقها على الفور!
وهناك من هو ادنى من ذلك بقليل وهو الذي يهجرها سنوات او شهور وهناك ادنى من ذلك وهو الذي يجلب لها الهدايا والزورات!
وهناك من هو لا -يفص - ويقترب من صف الذين جعلوا العصمة بيدها!
يعني الامر كله يتوقف على شخصية الزوج ولا علاقة للزوجة بشيء من ذلك حتى وان تهورت!
اقول الزبدة الى كل زوج ينوي التعدد بان يضع زوجته امام خياران لا ثالث لهما
وهو ان يخيرها بين زواجه من ثانية وبين طلاقها!
وسيرى المفعول السحري!> يدري تم تعليق عضويته في جامعة الجنس الناعم:)
حمرو العيون بس وشوفو النتائج الايجابية.



كلامك شرعي
نعم حمرو العيون يللي العصمه لكم

ويامنك ومرت على المره اول عض لسانك

وضرب الجدار والدولاب بعدين قل سوي كذا

[الجازي]

كلام ابو يوسف خلاص فقد مصداقيته بعد ماترك الكويت

مايبينا نقيم عليه الحجة :)

بعدين من قال لكم اننا ندعو للعصيان الزوجي !!

حنا نقول في حالة انتس حسيتي زوجتس يبي يعرس



هذيك الساعة تهوري


واذا خفتي انه يعرس من وراتس وبدون علمتس


ممكن تسبحنين عليه تالي الليل بسباحين المتهورات اللي اعرسوا عليهم رجالهم

وطبعاً خليتس مؤيدة لتهوراتهم عشان يحط سباحينتس حلئة بودنوه :)

اما باقي حياتس معه فله السمع والطاعة بنفس مطواعة

[شموخ شمالية]

اجل ونعم الراي

حنا أصلاً يبيلنا مندوبة في حايل تنشر أفكارنا التوعوية :)

نصير نتواصل معها من الكويت وندعمها بدورات مجانية من الدكتور وهي عاد تعرف وشلون تتواصل مع حريم حايل :7ayyoh:

بعد قلبي شموخ معليش لازم تضحين عشان بنات ديرتس :)



أبشري طال عمرتس roooose

[عبدالرحمن]

اللي تبي الجنسية الكفيتية تعلمن اعلمه على طريقة اسهل من بلعه بعض البشر للمفاطيح:3ajeeb:

[بالمختصر..]

،





يا حبكم للهواش :315r:

الحين انا بس قريت كم رد و بغيت اصدع !!

اجل باتسر لو بعض الناس يبي يعدد اقول عدد بس لا تدوخ راسي :a:

لا معصي :wallah_hoo:

الجازي دربيني ابي تصير عندي قابليه لمثل هالنقاشات ، بليز :wallah_hoo:





.
.

[الجازي]

ابو يوسف انا مابي جنسية كفيتية ابي الكويتية :7ayyoh:

[الجازي]

بالمختصر يابعدي


لايضيق صدرتس من هالنقاشات

لاتخافين منتي مطالبة بها عقب اذا اعرستي

كل اللي عليتس عقب العرس اني اعطيتس سبحونة من السباحين المعتمدة تقصينها على ابو الشباب وعقبها حطي ببطنك بطيخة صيفي :)

ماتخافيش دي الحياة حلوة بس نفهمها :d:

[متعجب]

يا بو يوسف

تهقا عقب زيادة رواتب المعلمات اليوم
راح تختل تركيبتنا السكانية

[تــــركــــي]

متعجب


شكلك فرحان اوي عقب الخبرية

[سديراوي رياضي]

اللي تدور لنفسها الشر تسمع كلام هالدكتور الكويتي ، ،،،،، الرجاجيل متهورين اكثر منهن الله يكفينا شرهم وشرهن

التعدد مشكلة وهم بعد التوحد مشكلة قصدت عدم التعدد يعني


يا زين العزوبية احلى حياة اشوى اني عزوبي الله لا يغير علي

[الجازي]

حياك الله أخوي سديراوي

وين ريالوه يسمعك عشان يقتنع بعزوبيته :7ayyoh:

[عبدالله الجعيثن]

ريال


ماحالتس حاله اليوم :)


طلعت عليه الطرشه اكثر من بيع السوق

[عبدالرحمن]

اي طرشة يابوغازي>يخبر سويلفة :)