مـحـاصيل

[عيادة الجهيلي]

تشابهـت كـل الوجـيـه بحيـاتـي

حت(ن) وجهي ..صار يشبه لهم حيل.!

من كثرهـم يااليـل ..طالـع شتاتـي

مدري أنا .. أوأنت .. أوكلنا ليـل .؟

ماعاد أبيهـم .. لـو لقيـت امنياتـي

بعيونهـم ماتـت جميـع المحاصيـل .!

أعطيتهـم يااليـل .. حتـى صفاتـي

مابي عليهـم يفرحـون المهابيـل .!!

ضليتهـم وضلالهـم مـن عبـاتـي

واسقيتهم ..عقب العطش والبهاذيل.!

واليوم عـزو خبثهـم.. فـي وفاتـي

حتى بكت من خبثهم.. نجمـة سهيـل

حتى علـى موتـي .. تحسـر عداتـي

شمعة طفا .. من عقبها كـل قنديـل.!

أموت .. لو عزي ..علـى ذكرياتـي

ولااحْيا .. على ذل السنيـن المقابيـل

[عبدالرحمن]

مدري أنا .. أوأنت .. أوكلنا ليـل .؟.
رائع يانهار!
صح لسانك شاعرنا القدير عيادة.

[عبدالله الجعيثن]

أموت .. لو عزي ..علـى ذكرياتـي
ولااحْيا .. على ذل السنيـن المقابيـل




كفو


وصح لسانك



ابيات جزله ومعبره

[سالم الظفيري]

صح لسانك اخوي عيادة

ولاهنت على القصيدة الجزلة من جزل


لك تحياتي

[الشبث]

صح لسااانك اخوي عياده


رااائعه





أموت .. لو عزي ..علـى ذكرياتـي

ولااحْيا .. على ذل السنيـن المقابيـل


كفو





وتقلد تحيتي

[ابو عارف]

صح الله لسانك أبو عقلا على هالجزلة بارك الله فيك.

تقبل فائق وصادق تحياتي لاهنت

[ابو فارس]

الله عليك ياعيادة
قصيدتك كأنها نحت فنان
لاتأتي الا هكذا ولن تكون الا هكذا

صح لسانك وعلا شانك
صدقت ومامثلك الا مثل الشاعر الاول
ويحسدوني على موتي وايا اسفا
.....................على الموت لا اخلو من الحسد


دمت بخير