المساعد الشخصي الرقمي

مشاهدة النسخة كاملة : المرأه مصنع البيبسي وليست مصنع الرجال !!!


شامان
18-10-2011, 09:35
السلام عليكم ورحمة الله وبركاته


بسم الله الرحمن الرحيم ،،، شلونكم يا الربع عساكم بخير
الموضوع عبارة عن حكاية حصلت في زماننا هذا ( حلوه زماننا )
تخبرون بعض الزواجات تصير ريال وشيمة رجال .. ويسجلون في عقد الزواج المهر ( ريال ) أي ما قيمته بالكويت مية فلس
وانتم عارفين البيبسي ريال او مية فلس ( الحين صار بنص ريال او 150 فلس + علج ) ...
المهم واحد من الشباب تزوج بهالريال ... ويقولكم ( ضاغط زوجته ) يناديها يقولها تعالي يا البيبسي وروحي يا البيبسي
يعني مدلعها الأخ يقولها ابوج مسك علي مهر ريال يعني انتي قيمتك وقيمة البيبسي واحد ...
المهم البنت زعلت وحبة تأدب ( الدلخ زوجها ) وراحت لأهلها وزعلت على ابوها تقوله ليه زوجتني بريال صارت معياره لي
يناديني ( يا البيبسي ) ... الأب زعل وحب يردها للولد ... المهم البنت زعلت ودروا اهل الولد وراحوا مع الولد زوره لأبو البنت يبون يردونها ....
الأب يوم جوه عزمهم على العشاء .. وحط سفرة .. وقلط لهم بس ثلاث قواطي بيبسي للأب والزوج والعم ..
قالوا شنو هذا قال هذا اللي مزعل البنت ولدك الدلخ هذا زوجناه بريال وصار يناديها يا البيبسي يا البيبسي ( يا التاكسي )
زعل ابو الولد على الولد لانه ما يعرف ان هذا سبب زعل البنت ... الولد حاب البنت ويبيها قال ابو البنت كانكم تبون مرتكم
ترى رفعنا السعر ،،، مهرها 300 ألف ريال ... والله ويقوم الولد يوم حس بغلطته وحبه للبنت دفعهن ريال ينطح ريال ..

ومن عقبها بالبيت ما ينادينها إلا :

تعالي يا مصنع البيبسي روحي يا مصنع البيبسي ....

لذلك انتبهوا يا شباب لا تتحول حريمكم لمصانع بيبسي او شركات نفط
سالم الظفيري
18-10-2011, 10:45
يعني ماكوا فكة ياببسي ولا مصنع ببسي


يعطيك العافية خيو شامان
عبدالله الجعيثن
18-10-2011, 10:58
ههههههههههههههه



اكيد انه عبده
جمران
18-10-2011, 11:03
شامان هو انت صحيت من سباتك الشتوي :)





والله بعذر تسبدوه زين ماسماه الجميح والا القصيبي :)
الشبث
18-10-2011, 11:45
حنا محصلين بقيمة كرتون طماط علشان نعير



يارجال ارداهن بقيمى اكسنت خخخخخخخخخخ






يالله حيوووه



وتقلد تحيتي
شامان
18-10-2011, 13:08
يعني ماكوا فكة ياببسي ولا مصنع ببسي


يعطيك العافية خيو شامان

هلابك يا سالم ... والله اذا فيه مجال بقولك ...

يمشي معاك .. بقيمة حلاق رجالي ؟؟؟
شامان
18-10-2011, 13:11
ههههههههههههههه



اكيد انه عبده

مرحبا يا سعادة المدير .. أهم شي اعجبت سعادتكم طال عمرك ..

تبيها عبده عبده اللي تامر فيه يا طويل العمر اهم شي القيادة راضية علينا بعد الله

طول الله عمرك اذا عبده مصنع بيبسي أجل البيضا وش تطلع .. مفاعل نووي !!
بالمختصر..
18-10-2011, 13:57
،




يعنني شهم و راعي مواقف :) بـ ريال عاد !!!!

عادي يخفف عليه شوي من المهر بس مو لهالدرجه !

اما بيبسي ههههههههههه

لا طبنا و لا غدا الشر .. من قوطي بيبسي لـ مصنع بيبسي :)






.
.
شامان
19-10-2011, 00:00
شامان هو انت صحيت من سباتك الشتوي :)





والله بعذر تسبدوه زين ماسماه الجميح والا القصيبي :)



هلا بجمران .. يا الله حيوووه

انت الظاهر تقصد سباتي الصيفي ..

ههههه بعذر تسبدوووه ... يومنها علبة بيبسي فقط كان حشم حالوه

ما عليه خله يستثمر بالمصنع أزين
شامان
19-10-2011, 00:03
حنا محصلين بقيمة كرتون طماط علشان نعير



يارجال ارداهن بقيمى اكسنت خخخخخخخخخخ






يالله حيوووه



وتقلد تحيتي




تحياتي لك يا صديقي الشبث

تقول ارداهن بقيمة اكسنت .... الله يستر انا عيني على جيب لكزس lx570

تتوقع اقدر اخذه بـ 50 الف .... الظاهر انهم مع سعر برميل البترول ...

يقولك اليوم منخفض .. لحقوا عليهن بس
شامان
19-10-2011, 00:09
،




يعنني شهم و راعي مواقف :) بـ ريال عاد !!!!

عادي يخفف عليه شوي من المهر بس مو لهالدرجه !

اما بيبسي ههههههههههه

لا طبنا و لا غدا الشر .. من قوطي بيبسي لـ مصنع بيبسي :)






.
.



خلاص الرجال أعلن توبته ما عاد يعودها

الا اذا كانت تبي تزعل انه يناديها مصنع البيبسي ...

ههههههههههههه الا اذا ناوية تخليه يتيب بالمره ويناديها يا ( أرامكو )

كيد النساااء