شيخة المنقول { مشاركة شموخ شمالية }

[شموخ شمالية]

.

,




.
يمه أبسكب في عروقك حنيني
.........واْروي غلاك اللي ظماني ولا جف ّ

كم لي أنوّر من عيونك جبـيـني
...............وأقبّل يدينك من الكف ّ للكف ّ

كم لي و أنا اغسل من دموعك يديني
............. وأطهّر أركاني بها قبل تنشف ّ

يمه ولا من قد نستني سنيني
.......... تغمرني الرحمه من يديك والعطف

وليا سكني برد عمري تجيني
.......... إتلبّس أعماقي من دفاك معطف

وشلون أشكّل لك غلا خبريني !
...........وشلون أببني في سما طيبتك سقف ؟

وشلون أصيغ أفضالك بكلمتيني
......... لا صارت كبار الجمل بـ( ابسطك ) حرف !

وشلون أبزهد فيك وانت جنيني
............... في داخلي يمه لك أغصان تلتف ّ

يا اغلى بشر بالارض شافته عيني
............. تعال اخذني من شقا عمرك وشف ّ

لو تزرعيني لك ( أمل ) تحصديني
............ولو تقتليني متّ ما قلت لك : ( أفّ ) !

لو تضحكي شقّ الأمل نبض عيني
..........وإن شفت دمعاتك لك العين تذرف

إلي كتبت الحين ما هو حنيني
...........ولا يمثّل ربع حبك ولا نصف

ما هو القصيد اللي بيوصفك فيني
.......... حبك عجز لا ياصله شعر أو وصف

مصحوب يمه حبك بنهج ديني
........... ما هو على كيف العوايد ولا العرف

غصبا عليّ أغليك ما هو بيديني
.............. يا جنة الدنيا و يا منبع اللطف

يمه عسآآآاه الموت دايم يبيني
.............إن قلت لك : لبيه ! وبقلبي الــ( الأف ّ )


.

roooose

بنظري هالقصيدة هي شيخة المنقول وهي الاقرب لي
لانها كتبت لاغلى البشرية أمي الحبيبة

أمي التي مهما كتبت عنها لن أوفيها حقها
أمي هي من سهرت على راحتنا بعد وفاة والدي رحمه الله
وكانت لنا الام والاب في نفس الوقت
..
,

نقلتها الاخت عطر شمر قبل مدة ليست بالقريبة أيام أشرافي للمنقول العزيز
أعجبت بها كثيرآ وكانت الاقرب لي بعد القصيدة
{ يبه شلونك}
لكن بما أني أول الضيوف ماحبيت أختار لكم قصيدة كل بيت فيها يبكينا
وخاصة من فقد أباه
رحم الله موتانا وأبقى لنا الاحياء
.

,


دمتم بسعادة ورضا من الرحمن أخواني وأخواتي وعزوتي
أعضاء مضايفنا الحبيبة



roooose






أحلى التحايا للغالية بنت الجبل أخت القصيد
{ عطر شمر }



rooooseroooose
.

[شموخ شمالية]

.


,



رابط القصيدة

http://www.shmmr.net/vb/threads/69066-%D9%8A%D9%85%D9%87-%D8%B9%D8%B3%D8%A7%D9%87-%D8%A7%D9%84%D9%85%D9%88%D8%AA-%D8%AF%D8%A7%D9%8A%D9%85-%D9%8A%D8%A8%D9%8A%D9%86%D9%8A........%D8%A5%D9%86-%D9%82%D9%84%D8%AA-%D9%84%D9%83-%D9%84%D8%A8%D9%8A%D9%87-!-%D9%88%D8%A8%D9%82%D9%84%D8%A8%D9%8A-%D8%A7%D9%84%D9%80%D9%80%28-%D8%A7%D9%84%D8%A3%D9%81-%D9%91-%29

[الشبث]

شموخوووه


تستهبلين انتي ولا وش السالفه


تقل تكتبين تعبير عن الام :)


مهو شرط ان اي قصيده مكتوبه بالام تكون هي الاميز

حنا نتكلم عن القصيده وليس عن من كتبت فيه


بكرى يجينا واحد او وحده عاشقين ويجيبون لنا قصيده بالغزل وهي قصيده خمطقعيه




بصراحه

انا اشوف ان القصيده زينه


بس مهي ممتازه



الا اذا كان وقت قراءتك للقصيده وقت يذكرك بشي

او كان فيه موقف


هنا نقول ان هالقصيده تميزت بتوقيتها




ياليت تفصلين لنا اكثر وتنخشين التفاصيل كله :)



<< لووووه



وتقلدوا تحيتي

[جمران]

اولا تشكرين خيتي ام عمر على المشاركه

الحقيقه الام هي من تزدان بها القصائد وتتجمل بها حروف الشعر

وتضفي على القوافي رونقا وتميزا





الام مهما تكلمنا او قصدنا باشعارنا فلن نصل الى المعنى اللي نريد

ولكن انا اتفق مع راي اخوي ابو ماجد


اختيارك للقصيده واعجابك فيها كان نتيجة موقف او عاطفه لحظيه في ظرف معين


في القصيده جماليات ومفردات رائعه لكني اراهن لو ماكانت القصيده عن الام لكانت تعتبر نوعا ما عاديه


على سبيل المثال لا الحصر

وليا سكني برد عمري تجيني
.......... إتلبّس أعماقي من دفاك معطف



يعني لو كان واحد يتغزل بمعشوقته كان قلنا البيت حلو وزين

لكن كونه عن الام كان نقول يالله والله البيت رووووعه جدا وشف كيف تصوريه لـ حنان الام على انه معطف يتلحفه ليشعر بالدفئ والامان




عذرا خيتي ع الاطاله



واخلي المجال لغيري




شكرا مره اخرى

[سالم الظفيري]

انا معك اختي ام عمر قصيدة رائعة


وكل انسان وله ذوق



يمكن هالقصيدة لامست وجدانك اكثر من غيرها


انا اشوف ان اجمل قصيدة التي تكتب في مناسبة

في الام وغيرها


مع احترامي لخوي ابو ماجد وخوي ابو نوره


شكرا لك يعطيك العافية


لك تحياتي

[عبدالله المهيني]

والله انا اشوفها اكثر من رائعه

خصوصاً اني قرأت فيها بيت صور فيها الشاعر حجم مشاعره تجاه امه
بصورة انا عن نفسي لاول مره اقرأه لذلك اعتقد انه غير مسبوق

وهو البيت اللي اقتبسه اخوي جمران
لم يجد الشاعر اعظم من حب الام الحامل لطفلها الذي لم يولد بعد
وهو الحب العظيم لذلك ركبه في بيت ليصور حبه لوالدته


شكراً شموخ شمالية
شكراً عطر شمر

لكن الود اخواتي

[شموخ شمالية]

بصراحه

انا اشوف ان القصيده زينه

بس مهي ممتازه

الا اذا كان وقت قراءتك للقصيده وقت يذكرك بشي

او كان فيه موقف


هنا نقول ان هالقصيده تميزت بتوقيتها

ياليت تفصلين لنا اكثر وتنخشين التفاصيل كله :)

وتقلدوا تحيتي


ياهلا والله بـ أبوماجد


هالقصيدة أعجبتني من زماااان وللحين أعجابي له ماتغيّر
وأي قصيدة عن الوالدين تعجبني


ثاني شي كانت هالقصيدة في أيام مرض الوالدة الله يشفيها ويخليها لنا
ويمكن هالشي اللي خلاها تكون الاميز بنظري





مرورك شرف

[راعي الوقيد]

:goooood:

[ابو ضاري]

اولا شكرا على هذه المشاركه

والام مهما كتبنا عنها او قصدنا عنها لن نوفيها حقها

[شموخ شمالية]

اختيارك للقصيده واعجابك فيها كان نتيجة موقف او عاطفه لحظيه في ظرف معين


شكرا مره اخرى


شكرآ لك أنت مشرفنا


كما وضّحت للعزيز ابوماجد أنها كانت في وقت مرض الوالدة الله يحميها ..


أتمنى أني وفّقت بالاختيار وأتمنى أنها تعجب الاكثرية كما أعجبتني ولانها هي القريبة لشموخ
وفي نظري هي شيخة المنقول



هلابك أبونورة

[ابو ضاري]

^
^
^
مامن جوائز نقديه :)

[شموخ شمالية]

انا معك اختي ام عمر قصيدة رائعة

وكل انسان وله ذوق

يمكن هالقصيدة لامست وجدانك اكثر من غيرها


انا اشوف ان اجمل قصيدة التي تكتب في مناسبة

في الام وغيرها


شكرا لك يعطيك العافية


لك تحياتي


أمي هي حياتي كلها
وفي نظري كل مايكتب عنها هو الاميز والاجمل والاقرب لي



لو كانتْ كل النِساءَ مثلْ أمي!لأصَبحتْ ظهوُر الرجَال مُحدبـّه منَ كثَرة الأنحِناءَ لهُا إحتِراماً ..




شكرآ لـ حضورك يالطيب

[شموخ شمالية]

والله انا اشوفها اكثر من رائعه

خصوصاً اني قرأت فيها بيت صور فيها الشاعر حجم مشاعره تجاه امه
بصورة انا عن نفسي لاول مره اقرأه لذلك اعتقد انه غير مسبوق

وهو البيت اللي اقتبسه اخوي جمران
لم يجد الشاعر اعظم من حب الام الحامل لطفلها الذي لم يولد بعد
وهو الحب العظيم لذلك ركبه في بيت ليصور حبه لوالدته


شكراً شموخ شمالية
شكراً عطر شمر

لكن الود اخواتي


شكرآ لك أنت أستاذي على الحضور المشرّف
ومبروكة هالقصيدة اللي شفناك فيها بعد هالغياب





وياهلا والله فيك أخوي أبوخالد

[عبدالله الجعيثن]

اختيار جميل ام عمر




لاهنتي ... ويكفي انها بالام حتى لو لم ترتقي الي الابداع

[ريم شمر]

اختيار جميل ياشموخ تسلمين

[الحيمري]

تسلمين ياشموخنا على شيخه المنقول


مابعد الأم ام

[شموخ شمالية]

.


,



أستاذي أبوغازي

الغالية أم طلال

أخوي أبومنيف



شكرآ لـ مروركم الله يحفظكم

[بسمة العز]

يعطيك العافيه حبيبتي شمووخ

اختيار روعه وذووق


فديتك roooose


ويسسلمو جمرآن ع الفكره الحلوووه



احتراامي لكم

[ابو ضاري]

اسحبت علينا ام عمر

[حيل حليل]

برافووووو عليك

اختيار موفق أم عمر

رائعه كعادتك يالشيخه


جمران
عز الله عرفت تنقي :)

[عبدالله الجعيثن]

اسحبت علينا ام عمر



ههههههههه حط بشنطته عشره وترد عليك :)

[شموخ شمالية]

,



,

حياك الله أخوي ابوضاري
آسفه ماشفت ردّك لان زي ماقال ابوغازي هات العشر تريل وارد
ولاني بالموضوع اللي فوق قلت اللي يبي يسأل يجدع لوه عشره نبي نسرمك المنقول :)

[شموخ شمالية]

يعطيك العافيه حبيبتي شمووخ


اختيار روعه وذووق


فديتك roooose




هلابك حبيبتي

نوّرتِ المتصفح ياجدي

[شموخ شمالية]

برافووووو عليك

اختيار موفق أم عمر

رائعه كعادتك يالشيخه





الرائع مرورك أخوي أحمد

شرفت المتصفح


وياهلا

[شموخ شمالية]

.


,


شكرآ لـ حضورك أخوي أبوفيصل

ويـاهلا

[ليلى بنت عبدالعزيز]

اختيار موفق شوشو


وتسلم ذائقه عطروش القطوع >> فيس يكش عليها :)

[شموخ شمالية]

اختيار موفق شوشو


وتسلم ذائقه عطروش القطوع >> فيس يكش عليها :)





يسلم لي حضورك عزوتي

ان شاءالله هالقصيدة هي اللي راح ترجع عطروش
أشتقنا لها العوبا :d:

[جمران]

كل الشكر لكم جميعا على تفاعلكم

الحقيقه اخجلتموني كرما بروعة تواجدكم وحضوركم



لاخلى ولا عدم






ترقبو ضيف قادم سـ أستضيفه ؟



؟