أحمد
10-09-2011, 15:36
السلام عليكم
الله يفللكم بالرضى والعافيه
يقولون الاولين كانو يشترون النصيحه مشترى !!
<<<< يراعي لبصري : خذا الله عوينات العدو
يالربع لعبه من العاب الاون لاين وهي ( المدرب الافضل )
اذا سجلت به تختار الفريق اللي تدربه وتبدا الموسم
انا حطيت عيني على ليفربول وقبل توقيع العقد وهي تثور سليمى !!
بصري يصيح طول صوتوه ينخى يقول ترك غادي ولاعندك خبره كافيه ,,
شوري عليك ,, طلبتك ,, اذا لي عندك خاطر ,, تكفى ,, استهد بالله ,,
انا طول هالوقت فاغر ابي اعرف وش نجلتوه !!
ويوم ركد قلت :وش عندك يالعشير ؟
قال لاتوقع العقد ليفربول فاشل ولا فيه لعيبه زينين انا اعرفهم ,, بس ازهله عندي لك الفريق المضبوط اللي كله نجوم وتتورط من تلعب ومن تجلس احتياط ,,
قلت بيني وبين نفسي ,, اسمع الشور ياولد هالرجال قبلك باللعبه ..
وش فريقك ؟
قال : الارسنال !!
قلت ياخي الارسنال داج هالسنه ومغطه مانشستر 8 وباع كل لاعبيه ,,
قال : ابد كلهم موجودين وعلى رسم الخدمه وماعليك من اللي بالواقع,,
هذي ياصديقي لعبه تعتمد على المحاكاة والمحاكاة شغله تقديريه بالكمبيوتر ماله دخل بالاسماء
عاد يوم صار بصري يسولف هالسوالف المرتبه انا انصدمت وانا افغر مره ثانيه !!
اخس يابصري تعرف الواقع والمحاكاة وانا اللي كنت احسبك احوط واحد باخوياي .
طلعت منت هين يالعشير,,
الوكاد اني وقعت مع الارسنال وانا متهول وشلون بصري قدر يقول هالجمله اللي اثرت علي وخلتن اغير رايي بس يلله من شاور ماغدا ,,
وقعت وياعله ماعادت من توقيعه !!
من يوم دخلت التشكيله وشفت اعمار اللاعبين وانا حاس اني رايح لرحله مدرسيه ماني جاي افوز بالدوري بالانجليزي ,,
اللي معي بالفريق وغدان مراهقين اعمارهم مابين 17 الى 21
بديت اشك صدز مهو مزح بالمدرب فنجر:)
واللاعبين اللي يقول بصري برسم الخدمه طلعوا من صيد امس شفتوه ولا شفتهم ,,
واقوى شي عندوهـ قال : افاا نكبتك,,
وانا اروح ابكي على الاطلال واراعي لقائمة ليفربول الفريق اللي غريت منهم الا والله هذولا الناس اللي ينشد بهم الضهر هذولا الناس اللي يقودون الوجه ياخي حسيت انهم شمامره من كثر المطانيخ بهالفريق.
مهو الوغدان اللي معي اليوم الاول من التدريبات غايب ثلاث لاعبين واحد عندوه تطعيم وثنين امهم ماخلتهم يجون تقول لهم ذاكروا دروسكم بدت المدرسه !!
عاد من باب المجامله واني ماودي اكسر بخاطر صديقي قلت:
ماعليك يابو رهف وعسى ان تكرهوا شيئاً وهو خير لكم
وانا اتوكل على الله وابداء تدريبات الفريق بس يالربع حاس بشي مادري وشوا ماني مرتاح لهالفريق ,,
الوكاد اني بالصدفه اشيك على اللاعبين اللي ابي ابيعهم عشان اضبط امور الفريق قبل يبداء الموسم بعد ثلاث ايام
مر بالشاشه اسم ( اسرائيل) واختفى بسرعه!!
وانا ادقق !!
طلع المؤشر اذا مر على اعلام الدول للاعبين يطلع اسم دولة اللاعب مكتوبه !!
افاااا وش هالسالفه
معي بالفريق لاعب اسرائيلي !!
انا هالحين اخطط على اللاعبين اللي باعلامهم صليب ابي اصرفهم من الفريق يطلعلي اسرائيلي ,,
بيني وبينكم اول اجراء سويتوه قدمت استقالتي ابي احقن الدماء ..
قالت لي ادارة اللعبه: كان غيرك اشطر لازم يبداء الدوري وتلعب وبعدها قدم استقاله ( يعني لازم انتظر ثلاث ايام على الاقل )
وهي تجي الخطه البديله عندي ,, وهي اني ابيعه ببلاش ,,
وهو يرفض الجهاز يقول سعر قليل << الله آبوك جهاز اللي يسمعك يقول وكيل اللاعب وش دخل ابوك .
واحط دولار واحد ونفس الحكايه رفض
واحط 10 و100 مامشى الحال
قمت عرضته بنفس قيمتوه ستة ملايين وعليهن كسوور لابارك الله بوه ماخلاني اتغدا اكاليوم,,
وبيني وبينكم نويت اني اصلح بفلوس هالخسته مجاري النادي اعزكم الله ,,
ويوم عرضت الفكره على مدير النادي عشان اقفل ملف هالملعون وفلوسوه
رد لي المدير برقيه سريه
يقول : عسى ماشر يالطيب متعاقدين مع مدرب او سباك !! سنع الفريق واترك الشيء اللي ماله لزوم ,,
عاد انا استحيت وخليت فلوسه بشنطة السياره
شوفوا لي دبره
تري مكاسي
:)
الله يفللكم بالرضى والعافيه
يقولون الاولين كانو يشترون النصيحه مشترى !!
<<<< يراعي لبصري : خذا الله عوينات العدو
يالربع لعبه من العاب الاون لاين وهي ( المدرب الافضل )
اذا سجلت به تختار الفريق اللي تدربه وتبدا الموسم
انا حطيت عيني على ليفربول وقبل توقيع العقد وهي تثور سليمى !!
بصري يصيح طول صوتوه ينخى يقول ترك غادي ولاعندك خبره كافيه ,,
شوري عليك ,, طلبتك ,, اذا لي عندك خاطر ,, تكفى ,, استهد بالله ,,
انا طول هالوقت فاغر ابي اعرف وش نجلتوه !!
ويوم ركد قلت :وش عندك يالعشير ؟
قال لاتوقع العقد ليفربول فاشل ولا فيه لعيبه زينين انا اعرفهم ,, بس ازهله عندي لك الفريق المضبوط اللي كله نجوم وتتورط من تلعب ومن تجلس احتياط ,,
قلت بيني وبين نفسي ,, اسمع الشور ياولد هالرجال قبلك باللعبه ..
وش فريقك ؟
قال : الارسنال !!
قلت ياخي الارسنال داج هالسنه ومغطه مانشستر 8 وباع كل لاعبيه ,,
قال : ابد كلهم موجودين وعلى رسم الخدمه وماعليك من اللي بالواقع,,
هذي ياصديقي لعبه تعتمد على المحاكاة والمحاكاة شغله تقديريه بالكمبيوتر ماله دخل بالاسماء
عاد يوم صار بصري يسولف هالسوالف المرتبه انا انصدمت وانا افغر مره ثانيه !!
اخس يابصري تعرف الواقع والمحاكاة وانا اللي كنت احسبك احوط واحد باخوياي .
طلعت منت هين يالعشير,,
الوكاد اني وقعت مع الارسنال وانا متهول وشلون بصري قدر يقول هالجمله اللي اثرت علي وخلتن اغير رايي بس يلله من شاور ماغدا ,,
وقعت وياعله ماعادت من توقيعه !!
من يوم دخلت التشكيله وشفت اعمار اللاعبين وانا حاس اني رايح لرحله مدرسيه ماني جاي افوز بالدوري بالانجليزي ,,
اللي معي بالفريق وغدان مراهقين اعمارهم مابين 17 الى 21
بديت اشك صدز مهو مزح بالمدرب فنجر:)
واللاعبين اللي يقول بصري برسم الخدمه طلعوا من صيد امس شفتوه ولا شفتهم ,,
واقوى شي عندوهـ قال : افاا نكبتك,,
وانا اروح ابكي على الاطلال واراعي لقائمة ليفربول الفريق اللي غريت منهم الا والله هذولا الناس اللي ينشد بهم الضهر هذولا الناس اللي يقودون الوجه ياخي حسيت انهم شمامره من كثر المطانيخ بهالفريق.
مهو الوغدان اللي معي اليوم الاول من التدريبات غايب ثلاث لاعبين واحد عندوه تطعيم وثنين امهم ماخلتهم يجون تقول لهم ذاكروا دروسكم بدت المدرسه !!
عاد من باب المجامله واني ماودي اكسر بخاطر صديقي قلت:
ماعليك يابو رهف وعسى ان تكرهوا شيئاً وهو خير لكم
وانا اتوكل على الله وابداء تدريبات الفريق بس يالربع حاس بشي مادري وشوا ماني مرتاح لهالفريق ,,
الوكاد اني بالصدفه اشيك على اللاعبين اللي ابي ابيعهم عشان اضبط امور الفريق قبل يبداء الموسم بعد ثلاث ايام
مر بالشاشه اسم ( اسرائيل) واختفى بسرعه!!
وانا ادقق !!
طلع المؤشر اذا مر على اعلام الدول للاعبين يطلع اسم دولة اللاعب مكتوبه !!
افاااا وش هالسالفه
معي بالفريق لاعب اسرائيلي !!
انا هالحين اخطط على اللاعبين اللي باعلامهم صليب ابي اصرفهم من الفريق يطلعلي اسرائيلي ,,
بيني وبينكم اول اجراء سويتوه قدمت استقالتي ابي احقن الدماء ..
قالت لي ادارة اللعبه: كان غيرك اشطر لازم يبداء الدوري وتلعب وبعدها قدم استقاله ( يعني لازم انتظر ثلاث ايام على الاقل )
وهي تجي الخطه البديله عندي ,, وهي اني ابيعه ببلاش ,,
وهو يرفض الجهاز يقول سعر قليل << الله آبوك جهاز اللي يسمعك يقول وكيل اللاعب وش دخل ابوك .
واحط دولار واحد ونفس الحكايه رفض
واحط 10 و100 مامشى الحال
قمت عرضته بنفس قيمتوه ستة ملايين وعليهن كسوور لابارك الله بوه ماخلاني اتغدا اكاليوم,,
وبيني وبينكم نويت اني اصلح بفلوس هالخسته مجاري النادي اعزكم الله ,,
ويوم عرضت الفكره على مدير النادي عشان اقفل ملف هالملعون وفلوسوه
رد لي المدير برقيه سريه
يقول : عسى ماشر يالطيب متعاقدين مع مدرب او سباك !! سنع الفريق واترك الشيء اللي ماله لزوم ,,
عاد انا استحيت وخليت فلوسه بشنطة السياره
شوفوا لي دبره
تري مكاسي
:)