بسكوت مالح بالجبن الابيض ... وين أبوفهد

[شموخ شمالية]

.

,


السلام عليكم ورحمة الله وبركاته


لي كم يوم أدوّر لاخونا ابوفهد شئ يؤكل مع الشاهي :)

والضاهر الناس تركوا البسكوت والاشياء المالحة وصار أكلهم كله حلويات
وأشياء دسمه عشان كذا ماتشوفون أننا بالخليج أخذنا المركز الاول بالسمنة :)




الوكاد مالقيت شي سنع مير وانا أروح للمطبخ وأجيب كتاب نخبة الاطباق وأنا ألقى هالبسكوت اللي منا حليلوه وصوّرته لاني مالقيت له صورة بالنت


الطريقة :


المقادير { أ }
4 كأس دقيق
ملعقة باكنج بودر
ملعقة كمون
ملعقة الشاي ملح

مقادير { ب }
كأس لبن
1 ونص جبن أبيض
نص كأس زيت

الطريقة :
تعجن مقادير { أ} مع مقادير { ب }وتشكل حسب الرغبة ويذر عليها سمسم
{ بعد دهنها بالبيض } أو زعتر او سمّـاق وتخبز بالفرن



الصورة

http://www.up.qatarw.com/up/2011-08-17/qatarw.com_2100688408.jpg (http://www.up.qatarw.com/)





وبالعافية

roooose

[المتوقد]

واالله مغريه هالاعواد ووصايم بعد :)
اذكر فيه بسكويت في البقالات على شكل اعواد يازينه


افضل شي التصوير


مادام ان الوحده بالمطبخ فالافضل ان اليد اليمنى به الملعقه واليد اليسرى به الجوال وعلى كل مرحله صوره ..وفي وقت الفراغ تكتبين الطريقه مع الصوره :)


المواضيع الساده اللي بدون صور مادري ليه احس انه كما لو كان تاكل اكله بدون ملح :)


يعطيتس العافيه

[لوليتا]

*
*


حلو كتير شموخ
وخفيف مع الشاي
تسلم يدينك وبالعافية على قلوبكم

*
*

[أبو فهد]

يس




أول مرة في مضيف المطبخ




نعمل صحن موالح :)




ثانكيو فيري ماتش





-----------------
أبو فهد الهمزاني

[متفاائل]

بالضبط اول مره ناكل ناشف هناء

يسلموا شموخ

[شموخ شمالية]

واالله مغريه هالاعواد ووصايم بعد :)
اذكر فيه بسكويت في البقالات على شكل اعواد يازينه


افضل شي التصوير


مادام ان الوحده بالمطبخ فالافضل ان اليد اليمنى به الملعقه واليد اليسرى به الجوال وعلى كل مرحله صوره ..وفي وقت الفراغ تكتبين الطريقه مع الصوره :)


المواضيع الساده اللي بدون صور مادري ليه احس انه كما لو كان تاكل اكله بدون ملح :)


يعطيتس العافيه


صحيح الوصفات اذا ماصار معها صورة ماتضبط

وهالصورة هذي صورتها من كتاب طبخ :)




شكرآ لـك ع الحضور أخوي المتوقد

[شموخ شمالية]

*
*


حلو كتير شموخ
وخفيف مع الشاي
تسلم يدينك وبالعافية على قلوبكم

*
*


هلا وغلا لولي

الحلو مرورك ياعسل

نوّرتِ المتصفح

[جمران]

يسلمووو خيتي

ويستاهل ابو فهد هالموالح


خلوه ينشف حلقوه باتسر :)

[أبو فهد]

^
^
^


يا بدوي توكل مع الشاهي




:)




-----------------
أبو فهد الهمزاني

[ام الشيخ سلوم]

تسلمين ام عمر طبق لذييذ

الله يعافيك

شموخ عندي طلب غرت من ابو فهد

بالله نبي طريقة الكليجاء الحايليه اذا تعرفينها مظبوط

[راعي الوقيد]

تبي تذبحكم بالعطش ؛ بالجبن والملح بعد:3ayyen_khair:
:wallah_hoo:يكفي حديهن يوديك للتهلكة
فما بالكم والاثنين مجتمعين:)

[شموخ شمالية]

يس




أول مرة في مضيف المطبخ




نعمل صحن موالح :)




ثانكيو فيري ماتش





-----------------
أبو فهد الهمزاني


أتعبتنا لين لقيت لك هاه :)





تستاهل يابوفهد وان شاءالله الجاي أكثر



شرفني مرورك

[شموخ شمالية]

بالضبط اول مره ناكل ناشف هناء

يسلموا شموخ


مادرينا انكم تبون هالبسكوت
أخبر الشيبان يدورن الشي الليّن عشان الضروس مامن حيل :315r:
بس ماشاءالله اثريكم شباب



شرفت يابوعمر

[شموخ شمالية]

يسلمووو خيتي

ويستاهل ابو فهد هالموالح


خلوه ينشف حلقوه باتسر :)

هالنوع من البسكوت ياعم
مع الشاهي يعني مامن نشاف حلق ان شاءالله :315r:



شرفت يابونورة

[شموخ شمالية]

^
^
^


يا بدوي توكل مع الشاهي




:)




-----------------
أبو فهد الهمزاني


تشوف يابوفهد هاللي مايعرفون :)

[شموخ شمالية]

تسلمين ام عمر طبق لذييذ

الله يعافيك

شموخ عندي طلب غرت من ابو فهد

بالله نبي طريقة الكليجاء الحايليه اذا تعرفينها مظبوط


هلابك عزوتي

الصراحة الكليجاء لاحايليه ولاقصيميّه مااحبها ولاعمري سويتها
بس أبي أسال لكِ أختي ولايكون خاطرك الا طيّب



نوّرتِ roooose

[شموخ شمالية]

تبي تذبحكم بالعطش ؛ بالجبن والملح بعد:3ayyen_khair:
:wallah_hoo:يكفي حديهن يوديك للتهلكة
فما بالكم والاثنين مجتمعين:)


ربنا يسامحك :148r:



انا أبي لهم الشئ النافع
الجبن فيه الكالسيوم والملح يرفع ضغط اللي بهم هبوط :)





منور يابوفيصل

[سالم الظفيري]

يعطيك العافية يم عمر

ماقصرتي


تسلم الايادي


لك تحياتي

[شموخ شمالية]

يعطيك العافية يم عمر

ماقصرتي


تسلم الايادي


لك تحياتي


يعافيك ربي أخوي سالم

وشاكره لك حضورك